滾得棧

營業中

休息中

最近天氣又突然轉涼，即興好想打邊爐‼️同事就推介佢嘅飯堂比我😃原來朝早時段仲有點心食添～～想食得清淡少少，就揀左蕃茄芫茜豆腐湯底，蕃茄味濃郁，鍋內有好多蕃茄，越煲越濃❤️而且芫茜味亦唔係得個樣，有埋香濃嘅芫茜味，係天衣無縫嘅配搭😋一滾起即刻忍唔住飲返碗湯，比住家更住家👍🏻墨魚膠釀油條 - 油條好大條，即刻炸起脆卜卜😍新鮮墨魚膠好爽滑彈牙，一定要熱辣辣食😋手切牛頸脊 - 呢個牛頸脊不得了，非常之好食，牛味濃郁，口感好軟滑，非常回味！自製四寶丸 - 有牛丸、蝦丸、鯪魚球丸、墨魚丸全部都係自家製，爽彈口感一流😋最鍾意食牛丸，同平時嘅牛丸好唔同，口感一啲都唔死實！黑牛柏葉 - 淥2分鐘就岩岩好，就係鍾意食其爽脆感墨魚咀 - 質感軟中帶爽脆，不過淥嚟食就有啲單調，都係椒鹽口味會更好食～～

相約朋友去天后一間本地火鍋店～估唔到湯底食材所有嘢都好高質～值得再去食，我哋揀咗木瓜豬骨湯底，豬骨腍滑，食完一嚿停唔到，湯底清肉鮮甜～湯底材料十足～牛骨髓，我邊爐最愛，份量多又嫩滑～豬面青肉質爽口，有啲似豬頸肉～自製四寶丸鯪魚肉丸、墨魚丸、牛丸和豬肉丸都新鮮彈牙滿肉汁，各有特色～牛柏葉，打邊爐必點～一煮即食牛心頂，原來即係黃喉～好爽口！雙拼雲吞韮菜餃，餃子皮薄餡靚，雲吞鮮蝦肉質爽口～每隻都飽滿厚肉～豬腰，滑嫩，食落好順滑美味～脆肉鯇，肉質都非常鮮嫩墨魚滑新鮮手打，入口彈牙～

好多人食打邊爐都鍾意食放題，但我反而鍾意散叫‼️放題啲質素真係好參差，加上我又唔係喪食果type今日亂咁搵去左呢間「滾得棧」，非常之高質喎價錢仲一啲都唔貴最欣賞係啲火鍋料可以半份咁落單，2個人嚟食就可以食多幾樣嘢雖然order左半份，但份量仍然好多🍅「蕃茄芫茜豆腐湯」飲得出用左好多新鮮蕃茄熬製，芫茜味亦好香味道清甜，岩哂鍾意飲蕃茄湯嘅我～～🥩「招牌手切牛頸脊」牛頸脊雪花分佈完美❤️每一塊大小厚薄均一，入口好軟嫩，配呢個蕃茄湯米線真食perfect match「自製四寶丸」四款丸都係手打的，我平時唔鍾意食鯪魚丸，都覺得好好食，要搶住食多一粒！蝦丸同樣推薦，非常爽彈牛肉丸有啲肉食緊牛肉球，有芫茜馬蹄嘅味道，都唔錯🥬「新鮮淮山」淮山切得好大塊，打邊爐嘅淮山好好食，淥1-2分鐘就得，爽爽脆脆又健康❤️

滾得棧除左火鍋，下午都有點心供應。星期六，日，每款點心加2 蚊。$13 位茶錢。價錢合理，食物熱度十足。冬筍活剝鮮蝦餃皇是推介，每籠兩粒，岩晒兩口子去分享。皮薄包著大隻爽口鮮蝦冬筍。百花蝦籽蒸魚肚，蝦滑鮮甜彈牙，蝦籽令口感增加，魚肚吸盡湯汁。蒜香蝦春卷，炸得香脆，不油膩，帶有蝦的爽口感。鮮上肉響鈴腸，薄薄腸粉皮包著香脆的嚮鈴，內邊還有鮮上肉，有不同的口感。爆炒醬牛柏葉，入味爽彈。古早大糯米雞，大隻多料，夠飽肚。

呢排天氣凍咗，喺天后搵左間唔錯嘅邊爐打，滾得棧餐廳環境舒適，讓人感覺輕鬆自在。價格亦都合理，每人四百左右，食到好飽。🔆木瓜豬骨湯底湯底入邊有好多豬軟骨，木瓜的甜味和豬軟骨完美融合，喝上一口，令人感到暖心又滿足。🔆墨魚滑 新鮮手打，入口爽彈。🔆韭菜餃，鮮蝦雲吞也不容錯過，餃子皮薄而Q彈，雲吞的鮮蝦肉質爽口，內餡鮮美。🔆豬面青，肉質爽口，搭配湯底特別美味。🔆鮮豬腰軟綿綿，牛骨髓滑溜，打邊爐一流🔆四寶丸鯪魚肉丸、墨魚丸、牛丸和豬肉丸，每款都好食，新鮮手打。🔆牛柏葉爽口，打邊爐必點。🔆脆鯇片肉質都非常鮮嫩，絕對值得一試。雜菜拼盤裡面有娃娃菜和生菜，搭配湯底，清新又健康。🔆牛心頂牛心頂就係平常吃的「牛黃喉」，吃起來爽脆十足。🔆蔗汁清新又解渴，抵飲

成日比人話我食嘢小，對我來講食物從來貴精不貴多，飲茶都系咁上下，－盅兩件啱啱好 ☺️朋友介紹 #滾得棧 店內是打邊爐格局，絕非靚裝食店，要打咭未必啱大家，勝在點心穩打穩扎，仲有自創點心試吓。🥢響鈴腸粉🥢手打墨魚膠荔枝球🥢芝麻香芋綠豆餅🥢海鮮蟹肉魚翅灌湯餃 個人最欣賞「手打墨魚膠荔枝球」紅檔檔幾鬼靚口真係超彈牙夠鮮味，味道鮮香must try👍🏻仲有「海鮮蟹肉魚翅灌湯餃 」店員奉上時出曬煙，非常熨口，魚翅灌湯餃皮薄餡靚，有蝦、魚肉、真材實料，湯底用雞和金華火熬製，飲完成個人暖笠笠。響鈴腸粉有別於炸両，入口更酥脆，更大件，內藏蝦肉，加豉油調味真係幾鬼正。溫馨提示星期六日各款點心加$2 但價錢仍然是合理水平。芝麻香芋綠豆餅以前系國內吃過香港第一次見到，即點即焗，炒過芝麻令它更香酥可口，同時有香芋的軟糯，作為甜品－個啱啱好。======================​​📍滾得棧📍天后。香港💰$130/ppl

約了舊同事吃一盅兩件，天后這家餐廳很特別，火鍋店內午市時段是有點心吃的。聽說這家店的點心由星級師傅文龍主理，不但有多款精美懷舊點心，新派點心亦不少，加上價錢實惠，所以食客如雲。青芥脆蝦小漢堡漢堡內加入了脆蝦餅，再以蛋黃醬及芥末調味，味道清新醒胃。鮮上肉響鈴腸以豬肉及蝦肉做餡料，再以響鈴及腸粉皮包著，軟中帶脆，爽彈帶肉香。墨膠鮮蝦荔枝球賣相精緻，外層香脆，肉層彈牙，蘸上甜酸醬，非常好吃。冬筍活剝鮮蝦餃皇蝦餃皇超大粒，餃皮透薄，餡料內放了原隻大蝦及蝦粒，口感爽彈鮮味。黑松露蒸燒賣燒賣同樣是大大粒，入口有濃郁黑松露香及豬肉肉香。七味虎皮尖椒尖椒釀上蝦肉餡，口感外脆內彈，味道微辣，非常惹味。百花蝦籽蒸魚肚魚肚吸收了滿滿湯汁，既入味又鮮甜，蝦滑除了爽彈，加入了蝦籽，又多了一點爆破口感。紅棗糕口感煙煙韌韌，紅棗味濃郁，味道香甜

滾得棧唔單只有得打邊爐，原來午市仲有點心食！鮮上肉響鈴腸好出色嘅腸粉，皮薄餡靚，中間嗰層響鈴脆卜卜，入面釀左蝦滑，好好味。百花蝦籽蒸魚肚魚肚好嫩滑，蝦籽和蝦滑口感彈牙，魚肚吸盡湯汁，好鮮甜。冬筍活剝鮮蝦餃皇餃子皮薄透，鮮蝦鮮甜，一籠得兩隻好矜貴。傳統馬孻糕口感柔軟，帶有淡淡的香氣。清酒雲吞雞好鍾意清酒的醇香，成個湯底都好好味！雲吞來的鮮蝦，有口感，雞肉鮮嫩，就咁睇樣都唔覺得咁好味。青芥脆蝦小漢堡冇諗過飲茶可以食漢堡包！脆脆的蝦仁夾在小漢堡之間，搭配青芥的香辣，口感獨特。

應友人邀約嚟天后「滾得棧」飲茶。印象中餐廳主打高質特色火鍋，原來午市有手工點心供應，當中更有不少創意之作，而且價錢非常大眾化，性價比極高。裝潢以淺棕色為主調，內在環境寬敞，座位闊落舒適，啱晒同親朋好友嚟聚餐。珍寶鮮蝦腸 ($38)  腸粉好滑身，每件入面都包著一隻新鮮爽彈嘅大蝦，蘸少少甜豉油食，味道一流。古早大糯米雞 ($38)  糯米雞非常大隻，入面嘅餡料好豐富，有鹹蛋黃、蝦米，叉燒，冬菇同雞肉等，糯米香軟入味，吃時充滿荷葉香氣。蜜味叉燒包 ($26)  包身好軟熟，入面嘅叉燒餡調校得啱啱好，鹹中帶甜，比例亦合心，味道不錯。鮮蝦萵筍餃 ($29)  餃皮厚薄適中，內裡裹滿白裡透紅嘅蝦肉同碧綠脆嫩嘅萵筍，入口彈牙多汁。黑松露蒸燒賣 ($26)  燒賣大大粒，面層鋪滿新鮮豬肉同彈牙蝦肉，加上黑松露作點綴，入口香氣濃郁。脆皮麥心小煎堆 ($28)  用小湯匙盛上，賣相精緻可愛。外層炸到好鬆脆，內裡包裹著香甜嘅麥提莎，味道甜而不膩，值得推介。甜品點了黃糖豆腐花 ($16)  豆腐花真係超級滑，而且好有豆香，配上脆脆嘅黃糖粉，兒時回憶返曬嚟。

新春期間，約咗親友飲茶拜年，我哋冇去一般嘅酒樓揀咗去呢間下午有茶市嘅火鍋店食點心，啲點心都幾有驚喜，除了傳統點心之外，仲有一啲比較新式嘅創新點心。冬筍活剝鮮蝦餃皇$28呢個蝦餃皇個皮夠薄，啲蝦真係好新鮮，爽口彈牙，而且有鮮蝦味，配合埋冬筍粒，真係好好味，正。黑松露蒸燒賣$28黑松露味香氣撲鼻，燒賣好多鮮蝦，多蝦少肉嘅比例我最鍾意，口感好，不會乾乾巴巴。蟲草花湯鮮竹卷$28鮮竹卷嘅腐皮吸晒啲湯汁精華，入邊嘅料好飽滿，不會油膩。百花蝦籽蒸魚肚$32魚肚幾厚身吸入湯汁很好味，蝦膠新鮮彈牙。青芥脆蝦小漢堡$32估唔到飲茶都有漢堡食，而且味道幾有驚喜，迷你漢堡包內嘅炸蝦堡，超好吃，鮮蝦味十足爽口彈牙，配合埋少少辣嘅芥末醬，好醒胃又惹味。墨膠鮮蝦荔枝球$38呢款都係屬於比較新式嘅點心，卜卜脆嘅脆米入邊係墨魚膠同蝦膠，飲上泰式酸辣醬味道超配合。牛肉腸$30呢個牛肉腸粉皮好薄好滑，入邊嘅牛肉餡餡料滑溜，而且好香芫荽味，個豉油汁亦都調校得很好。

「滾得棧」晚上是吃火煱，中午有茶市，還有下午茶，香港人做生意靈活變通，而且齊享傳統與新派點心，真讚！蝦膠釀油條~蝦膠的鮮味爽脆釀在脆卜卜油條上，喚醒沉睡的味蕾，令胃口大開！墨膠鮮蝦荔枝球~第一次吃到連荔枝殻都可以吃埋的荔枝造型點心，賣相很可愛，看見已經垂涎，荔枝果肉是鮮甜彈牙的墨魚膠，還伴有鮮蝦粒粒，好吃又漂亮的美點，一吃難忘！Xo醬乾炒牛河~乾炒牛河以鑊氣取勝，配合Xo醬炒，味道層次更佳！蜜味叉燒包~熱騰騰的包子透出香甜蜜味的叉燒饀料，夠水凖、百吃不厭！馬拉糕~鬆軟香甜。蜜汁脆蛋散~很酥脆可口啊！

天后打邊壚有唔少選擇一直都想試下呢間樓上舖喺呢度試過兩款湯底🥰怕太鹹太重口味嘅都有選擇甘筍玉米湯底😍鍾意佢其實係好足料，粟米紅蘿蔔都好甜海底椰龍豬骨湯底呢個都唔差，雪耳紅棗馬蹄樣樣有多人一定要嗌係手切招牌牛頸脊☺️肥瘦適中🥰 厚薄啱啱好☺️海鮮方面叫咗珊瑚蚌同桂花蚌原來如果少人又想食多啲唔同款嘅嘢食部分配料係可以叫半份😍以半份嚟講其實都唔算好細份兩款海鮮都好新鮮熟咗之後食落都好爽口之後就到次次打邊爐都鍾意嘅丸呢度賣嘅仲要係手打😍必食地好味☺️ 食得出同一般嘅唔同兩樣都咁好味而且真材實料✨完全唔粉鍾意食嘅都係必嗌😆試埋個蝦滑一樣咁正🥰彈牙不特止，肉質都好實最後當然仲有皇帝菜🥰呢間邊爐啲料真係做得好出色服務都唔錯，有機會要再嚟😆

今日跟爸爸到天后維園行花市，行花市之前當然少不了先醫肚～到了這間日頭做飲茶的，晚上做打邊爐的餐廳，餐廳位於上層位置，環境空間感好大，而且座位數目很多。坐低首先嘆返茶，然後慢慢看着點心紙看看想食什麼精緻點心。看到這裏的點心相當有特色，食物相當高質素，而且賣相也相當精美。除此之外，仲有很多不同的懷舊點心，爸爸看到都十分喜歡。除了吃點心外，飲茶時間仲可以食炒粉麵、小食，例如鯪魚球等等，應有盡有款式相當多。蜜汁脆麻花，非常有驚喜，而且味道相當了得，首先咬下的時候鬆脆無比，麻花不會太硬鬆鬆脆脆，一咬便碎開了，麻花上淋滿了美味的蜜汁，蜜汁油香又甜，甜而不膩，令人一食又想食，這個蜜汁脆麻花充滿驚喜必食。醬皇蒸鳳爪，鳳爪入味，鳳爪炆得很腍，醬汁香濃，十分美味。而且鳳爪底仲有南瓜片鋪着，南瓜片相當入味淋身的，入口即溶，十分特別。黑松露蒸燒賣，看到賣相相當吸引，點心一放下時，陣陣黑松露香氣飄出，看到燒賣上鋪滿了黑松露，又香又惹味。燒賣爽口彈牙，入面有蝦件和豬肉粒，因為可以咬到整粒的豬肉粒，比起一般的燒賣更為有口感又有質感，一邊咬着蝦肉跟豬肉的味道，食材相當新鮮，鮮味無比，啖啖肉超滿足！經典雞球大包，已經越

從深井村屋地舖開始光顧到市區連鎖店，從火鍋到午市點心樓高二層，裝修主要是黑色實木配上藝術掛畫走新派路線，比較一般傳統火鍋店舒服和別緻午市有點心供應，每日新鮮製造多種傳統及新派點心人手即拉瑤柱櫻花蝦腸，香滑腸粉帶著咸香味精緻巧手爆炒醬牛柏葉鮮嫩爽口，搭配香醇的醬汁百花蟹籽魚肚新一客三件，清新的蒸點，水準不錯標叔傳統豉汁蒸肉排帶有濃郁的豆豉醬味道，肉質鮮嫩柱侯金錢肚賣相不錯，入味又夠腍，惹味熱辣辣突破傳統青芥脆蝦小漢堡的骰可愛，麵包外脆內軟

天氣凍凍地，又係打邊爐嘅好時間！上個星期同朋友去食左一間位於天后好出色嘅港式火鍋店！我地叫左個清潤嘅火鍋湯底- 清甜蘆薈椰子雞火鍋湯底用料十足，有滑雞片，椰子同蘆薈仲有雪耳，每啖湯都非常清甜，職員建議我哋要飲多幾啖湯先再打邊爐！火鍋配料都有好多選擇，海鮮、肉類、水餃，丸類同埋蔬菜都應有盡有，而且每款火鍋配料都好新鮮!最後埋單嘅時候，店員仲問我哋夠唔夠食，因為佢哋出名有個糯米飯，其實望到都覺得好吸引，真係好想試下！但今次已經食到好滿足啦，下次要再過嚟試吓！