滷府 (已結業)

今日屋企要加餸，諗左好耐買咩好，見到有間新開既滷水店，就一於買番去先有好多款式揀，揀晒我嘅至愛先鵝腸，帶有小小肥膏好甘香，好有滷水味，唔需要再點調味料，同埋唔會吞唔好咬好耐鵝肝，油脂分布得好好，好滑，無咩渣，肝油加上白飯都可以食幾碗墨魚，好爽脆，片片都一樣大小，再加上小小醋提升佢既味道，唔會好韌，一定用左好多時間整豬耳，全部都係中間既位置，外面啲肉冧，軟骨有軟骨既口感，非常脆嫩千層腐皮，嘩，佢真係入晒味，估唔到咁好食，佢唔會一夾就散晒爛晒，仲係好一層一層咁，好大件食幾件都飽晒

下班後決定在公司附近買些滷味回家加餸外賣包裝整潔，即使要提着坐車回家也沒什麼問題所有滷味以慢煮浸滷形式處理，滾起在一個恆常溫度，份外入味慢煮滷水鵝翼烹調溫度控制恰好，十分掛汁，不會過於軟腍，亦不過於堅韌，單骨切割方法吃起來更容易滷水墨魚口感彈牙，滷汁香卻不過鹹滷水豬耳又柔韌又脆，味道鮮香不膩滷水鵝腸越嚼越香，口感層次先鮮爽，後味濃而又咀嚼帶勁除了食物外，各調味料及酸菜放在堅硬又寬闊的小膠盒內，方便蘸汁

今日返屋企食飯加餸，放工飛去附近一間滷水店買返屋企同屋企人一齊食開心share。佢只有外賣冇堂食，附近office lunch同事食過都推介。呢間滷水店叫滷府，即刻令人諗起老虎🐯同屋企人食每款都叫啲試下啦，叫咗個滷水拼盤，裡面有滷水豬耳夠入味有彈性爽口，滷水千層豆腐幾香豆味口感幾得意，橙色滷水墨魚每次必叫嘅item q彈q彈，仲有我最愛嘅鵝腸鵝肝！鵝腸唔太肥又夠爽口，有香香嘅米酒味，令人想再食多條。鵝肝好入味口感有粉又滑，好香鹵水味又冇蓋過鵝肝嘅油香味，送酒送飯一流！加餸真係一個好選擇，一家人都鐘意食，仲食多碗飯！最後仲有佢送嘅師傅整嘅咸酸菜，出奇好正，如果有得買我會買返樽係屋企食😝下次在試埋其他滷水鵝片，慢煮叉燒，同埋豬大腸，豬腩肉都好吸引。

今晚放工經過鰂魚涌海光街，見到一間新開嘅滷味外賣店，個名改得好盞鬼，叫做滷府，就買兩個外賣返屋企同媽咪分享吓。叫咗一個慢煮特調滷水雞飯俾媽咪，雞肉柔嫩，有半隻滷水蛋，仲有幾片素鴨。媽咪讚口不絕。而我就叫咗特選滷味飯，因為佢有幾樣餸。有豬五花籃肉，豬耳，同埋紅腸，而且都有半隻滷水蛋同埋幾片素鴨，感覺特別豐富，味道亦都唔錯。我其實都好鍾意佢哋嘅白飯，煮得特別棉。晚市套餐係附送飲品的，一人叫咗一杯熱飲，飲品保溫杯非常突出餐廳品牌，又有型。

大家一諗起滷水店，腦海中都會自然聯想到門口掛著一隻隻滷水鵝、店舖看起來已有多年歷史的潮式滷水店，客人入去指指點點，師傅就會跟着你嘅order切切切。滷水嘅感覺就似屋企開飯加餸必然想起嘅菜式之一第一次經過「滷府」時，第一覺得名字改得很貼切有趣。滷水店外觀十分與別不同，雖然門面仍有掛住一隻隻滷水鵝，但感覺十分有型，好吸睛，唔係買都會想過去睇兩眼所以今日當屋企要加餸嘅時候，我第一下就會諗起想試試滷府啦！平常的滷水店外賣多數都係用發泡膠盒加膠袋外裝住，感覺當然唔係好美觀啦但呢度嘅外賣紙袋，十分精美有型，讚外賣盒煮仲係紙盒，夠晒環保鵝片片得夠薄，味道清香，肉質非常鮮嫩而且滷水味不會太濃，不會遮蓋鵝肉鮮味。所以引唔住口一次過可以食4-5片都不會感覺太膩味道十分平衡，吃完還很回味店主仲俾咗獨家自製菜譜我試試，菜脯控嘅我，即刻心心眼😍！菜脯好新鮮好趣唔會好鹹，有啲辣，越食越開胃！仲有一個特別之處就係佢墊在滷水鵝下邊的通常是滷水豆腐，但這裏是滷水千層腐皮。初初對佢有些少懷疑，但食完之後覺得好有層次口感，仲好有豆香味，有驚喜滷水鵝腎同墨魚，都係必叫之選。鵝腎口感香脆又夠入味！墨魚非常新鮮，墨魚爽口彈牙。滷

I was in the Quarry Bay area visiting relatives and was heading home. Deciding on take away, I came across a place called 滷府 (English name: Stay Hangry). It was a Chiu Chow style marinade shop.They had all their marinaded products on display.All parts of the goose were sold.Menu is in Chinese with the set menus are in Chinese with partial English. There is no 10% service charge as it's take away only. The shop isn't very big but you can smell the marinade. Set menus include a hot drink with upgr

午餐時間下起大雨，沒有去餐廳等位，趕緊買個外賣吃。這間新開的滷味店似乎很吸引，除了提供滷味，還有比較清新健康的沙律。套餐送熱飲，亦有凍飲(+$2)、汽水($6)和特飲(+$8)可選。特飲是紅豆咖啡或紅豆奶茶，點了紅豆奶茶。黑色杯加上店舖的招牌圖案，成為一個很有質感的設計。這杯紅豆奶茶有驚喜，紅豆煮得非常軟稔，配上極香滑的奶茶，配香配脆的滷味很適合。下次也會再點這杯特飲。慢煮滷水雙併飯($78)，有多款食材可選，選了墨魚和特調滷水雞。飯另附一小個滷汁和辣蒜汁，在飯上澆上滷汁和辣蒜汁，再攪拌一下會令飯底更香和惹味。墨魚份量適中，煙韌中帶着爽口。滷水雞頗入味，不會太油膩，注意小量碎骨。白灼/滷水生菜($18)，可選白灼或滷水，滷水出名，當然是選滷汁。一大碗生菜配上滷汁，新鮮爽口又健康。

去了一間專門食滷水食品的外賣食店，門面特別，以老虎為主題，同間店名好貼題，睇完餐牌樣樣都想叫，於是叫了雙併$78，試到兩款，滷水腩肉同滷水雞肉，加了$5 要新竹米粉，估唔到咁夾，索曬啲滷水汁，好入味，滷水腩肉，夠爽口，滷水雞肉，好滑呀，雞肉味鮮，還有配料，有滷水蛋、醒胃的酸辣炸菜、入味的滷水腐皮卷，超入味，還配了酸醋同額外的滷水汁，果然係滷水專門店，味道好出色呀！加$18 叫了生菜配滷水汁。飲品叫了凍檸茶。

今日經過鰂魚涌見到這間小店, 個名好有心思, 食字, 叫滷府, 用了老虎做品牌, 實質是賣滷水食品, 門面掛了好多隻滷水鵝, 非常飽滿及大隻, 於是叫了慢煮滷水鵝片飯$88外賣回家食, 再加$8叫了杯特飲紅豆奶茶,餐廳用了慢煮滷水方式烹調, 真的無得輸, 鵝肉味亦好香, 中間肉地軟腍, 整體鵝肉肉質有嚼口, 配料方面還有滷水蛋, 罕有的滷水腐皮卷、酸辣炸菜餸飯, 加埋大量滷水汁撈飯, 不知不覺好快已食完碗飯。店內廚窗還有多樣滷水款式, 見到有巨型鵝翼, 好想試下, 而且見另一菜單, 可以預早訂淨餸作Party之用, 尤其節日同家人食做節飯,啱晒。紅豆奶茶也不錯, 紅豆夠綿, 帶出香濃茶香。

作為一個潮州人，滷水鵝真係食唔少。這間滷府，除了滷水鵝之外，還有滷水雞店舖只做外賣，午飯時段勁多人排隊，咁啱今日做完嘢都差不多兩點，見到鋪頭人潮已散，立即叫碗外賣返公司慢慢嘆先~😉滷水出名, 就梗係要滷水鵝, 加10蚊可以叫多樣餸又幾吸引喎, 猶豫之際, 見到有個特調滷水雞, 哈哈, 又叫黎睇下有幾特別先。店員好細心話, 碗飯係有半隻滷水蛋, 3嚿千層腐皮, 仲有少少咸菜, 咁仲要唔要再加D餸, 唉!為食真係無得醫架, 見好耐好耐冇食過嘅紅腸, 加10蚊就可以, 一於要埋, 尋找兒時嘅味道先。攞住個外賣紙袋都好靚, 一D都唔失禮。打開個蓋, 噢~雞脾呀, 雞同鵝份量都好多,我鍾意🥰紅腸真係多得好誇張, 正呀,👍🏻滷水味好香濃, 但又絕對唔似嗰D千年滷水, 滷水鵝好好味, 不過, 滷水雞就更加更加好味😋, 好滑, 勁滑,非常之滑, 一D雪味都無。至於腐皮, 滷蛋, 咸菜, 絕對係豐富了整盒飯好睇好食嘅餐六七十蚊一個，真係物有所值！食完盒飯, 我已經同自己講, 有機會一定要買一隻滷水雞試下佢個胸係咪都係咁滑先(雞胸呀)😂😂

最近行过鲗鱼涌，看见开了间新的卤肉店，便外卖了些卤水鹅翼($48)，卤水千层腐皮($12)，卤水墨鱼($20)和卤汁生菜($28)慢慢食。慢煮卤水鹅翼 : 一打开盒子已闻到好香的卤水的香味。盒内仲盒有甜酸醋汁和卤水。鹅翼入晒香香的卤汁，咸味适中，赞。鹅翼好有嚼口而且份量算是不错。点埋甜酸醋汁，真是更好味。卤水千层腐皮：千层腐皮香香滑滑，一层一层好有口感。点多小小卤汁和醋会更好味。卤水墨鱼：又滑又烟韧，同样加埋卤汁和醋，不错。卤汁生菜 : 原来鲜甜的生菜同卤汁都几夹。但要加多少少卤汁，够浓味更好味。

今日收工加料返屋企 之前聽朋友介紹公司附近開咗間鹵水鵝店 嗰店名好搞笑叫做鹵府 同老虎嘅諧音好似 所以特別深刻 而屋企人不嬲都鍾意食呢D野 所以買咗一份例牌鹵水鵝片$168試試見住師傅原隻鹵水鵝斬出嚟 雖然我叫咗嘅係鹵水鵝片 但其實只係面頭先係起曬骨嘅鵝片 底下依然係有骨嘅鵝肉件 仲有腐皮墊底添 Overall分量正正常常 包裝其實都幾精美鹵水鵝食得出係新鮮 啲肉依然有肉汁 鵝皮彈牙有膠又入味 整體調味其實都幾唔錯 屋企人都鍾意食 以前試過喺其他地方買鹵水鵝唔好彩買左D放咗隔夜既鵝會收曬水乾柴無肉汁 食落真係差好遠㗎除咗鹵水鵝之外 其實呢度都有唔同嘅滷水嘢食 同時亦有跟飯野飲既套餐 如果有時想過下口癮又食唔曬成份例牌 都可以叫個Set搞掂一餐

有朋友喺鰂魚涌返工，每日一到  lunch time 就非常苦惱，成日話唔知食邊間好。其實喺呢區搵食一啲都唔難，而且經常有新餐廳進駐。就好似前排同屋企人去海光街食夏威夷魚生飯，發現隔離新開咗間叫「滷府」嘅滷水專門店。睇咗門口嘅餐牌，原來午市有套餐供應，而且選擇都幾豐富，由鵝肉、鵝片、鵝髀，以至五花腩、滷水豬手飯等，一應俱全。 月頭出咗糧，梗係要食好啲，獎勵下自己，揀咗個慢煮滷水雙拼飯 ($78) 鵝肉拼豬手，+$20 再將鵝肉轉為鵝片，套餐附送熱飲，轉凍飲 +$2。睇下幾足料，飯面除咗鋪滿了慢煮鵝片同豬手外，仲有千層腐皮同半隻滷水蛋。鵝片嘅厚度切得啱啱好，吃起嚟軟硬適中又唔肥膩，而且最抵讚就係肉質嫩滑，細緻有彈性，完全沒有粗糙感。豬手亦味力非凡，原來係用咗德國鹹豬手嘅做法，再加入滷水，以中西 fusion 形式炮製，咬下軟腍入味，外皮爽彈，啖啖骨膠原，食過一定返尋味。千層腐皮味道亦唔錯，豆香十足，滷水蛋入味又有蛋香，用嚟伴飯吃，一流！

搵路去巴士站途中聞到陣滷水香味~影咗張相問媽咪有冇興趣!佢同我一樣都咁為食! 又點會唔想試!!!所以我大包圍買咗四樣嘢😂<<慢煮滷水鵝掌>>($48)勁大隻!斬開晒都有八嚿!有得噒骨之餘都有啖啖肉食😋<<滷水鵝腸>>($20)嘅滷水味最香最濃!滑捋捋嘅佢…話咁快俾我哋清晒🤤<<滷水墨魚>>($20)都唔錯嘅~如果切番厚身啲就嚼感更好😛<<滷水千層腐皮>>($12)咬落有啲似豆腐!超級濃味! 送飯就正👍🏻下次經過再試吓鵝片先🤪

果日放假冇去街，到咗食晏時間就出去買個午餐食！見到呢間滷水店開業冇耐而且門面幾靚就諗住試吓啦⋯⋯我買咗一個外賣雙拼（鵝肉同鵝腸）飯加杯熱奶茶！其實我返屋企只係大概連搭lift都只係3分鐘路程，我都即刻開蓋食㗎啦！但盒飯竟然只係微溫，好似已經放咗有成個鐘都未食嘅感覺！令我覺得感覺好唔好，而味道方面，同佢哋嘅買點係一致嘅，有酒香！而最奇怪係杯奶茶，一揭開只係得半杯！🙄乜奶茶成本好貴咩？好彩我唔係叫外賣速遞,如果唔係我一定以為俾人偷飲咗😩總括嚟講，我相信短期內我都唔會再食，因為價錢唔係特別平，但質素亦唔係特別好，附近好多滷水店都可以食到比佢更好而且更抵食