滑嘟嘟

營業中

休息中

收工前同同事講開呢間糯米糍，佢又有興趣，坐同事順風車去到街市附近，行到上去，當時熟食市場無乜人，燈光較暗，店面唔起眼都搵咗一陣，店面係櫃臺同廚房，比較平實，可以用熟食市場座位！當時兩個女店員，櫃檯上放咗幾盒已包裝好嘅糯米糍，味道只有一款，雪櫃好多樽裝飲品！揀好店員入袋再收錢糯米糍（$18/3個）花生加黑芝麻，低糖，包裝簡單，透明膠盒，糯米糍幾大隻，皮好輕好軟，爆餡嘅磨碎黑芝麻，加打碎嘅花生，兩樣都無「益」味，餡料鬆身，芝麻好香，唔太甜食出原味，好味！黑豆漿（$13/樽）普通無招紙膠樽，有無糖/有糖選擇，我揀咗有糖，豆漿幾滑，豆味濃，唔太甜仲飲到豆味！好味食物好味，店員有笑容，當時無其他客人，佢哋由得我慢慢睇餐牌（講真餐牌吊到招牌咁高，射燈又照到光暗位鴛鴦色，頭昂昂真係好辛苦，店員有提醒食唔晒唔好入雪櫃，室溫可以放多一陣！可以一試糯米糍

呢度既糯米磁係大埔區都算出名，全人手、即叫即包、又多餡，有一段時間更加結左業，而最近係大埔墟街市又重開，吸引一眾粉絲。由於我屋企人中意食糯米磁，加上今日路經此地，當然要買番屋企，孝順下父母啦!! 😎呢度既糯米磁只得一隻味，就係黑芝麻花生餡，仲要係少甜添，緊貼番現時香港追求健康，乜都少甜走甜既潮流😏由於呢度既糯米磁非常有人氣、加上又係即包既原故，為左減少混亂同人龍，顧客都要先拎個籌，等叫NUMBER先行埋去落到柯打! 我等左大概三個字😯，終於買到六個糯米磁~~ 番到屋企梗係滿心歡喜同期待即刻試番個啦! 食左一個之後得出六個字既感想:"勁失望，好難食!!" 😫😣無論係外層糯米皮定係內餡都好難食!!😑首先，皮太厚，食落好重麵粉味，估計佢既麵皮只係水加糯米粉蒸成，無再加其他調味，唔甜又唔鹹；除左軟熟之外，就無其他優點。第二，內餡係黑芝麻、花生，再加少少砂糖，黑芝麻佔既比較好高，照計應該好好食先岩；但問題係呢度既黑芝麻好燶，燶味好重，攪到個餡好難食，難食到好少浪費食物既我都要掉左佢....🙄我唔知係呢度既特色定係自己唔好彩，我只知道自己唔會再放第二粒入口....就連屋企人個個都話唔香唔好食😥。小

有次本來在下面街市逛逛，但結果友人又強行走到熟食市場，結果就看到這間據說是新開的芝麻糊店舖🤔。看到一邊載有熱芝麻糊，另一邊就有個阿姨在弄滋粑，那名好像就是在短片內受訪的阿姨。反正來到熟食市場，就叫一碗芝麻糊，現場吃，順道等阿姨弄滋粑。芝麻糊溫度不算極之熱燙，但是濃度的確比起即食的濃得多，而且火喉足，不像即食的芝麻糊那般表面。滋粑都等挺久，廿個籌都十來分鐘，之後拿了立即食，尚有少許溫度，糯米味道普通，外皮不厚也不太薄，但內裏餡料豐富，芝麻花生參半，不會厚此薄彼，兼顧兩味

小編同小妹最鐘意就係食糯米糍架啦～ 見傳媒之前做過一個全港糯米糍大比拼， 剛好我要帶小貓🐈去大埔做美容， 識做一定要順路買個糯米糍返去孝敬小妹啦！😂 客家糍粑 $18三個為細盒，$35六個為大盒， 花生黑芝麻餡， 一次過有晒兩種口味， 而且唔會過甜， 糯米糍皮超薄， 分分鐘係小編食過最薄derrrr～ 芝麻花生好香好惹味，超好食，要比6星！☺️ 最重要係每人每次最多限買六個， 唔想排多幾次隊， 就要帶多個朋友一齊黎排隊啦！😂

冇乜幾何會去沙田上水大圍大埔呢邊覓食，皆因太遠，去開呢頭又未夠鐘食飯，專程試下呢間書籤左好耐嘅糯米糍。之前仲見佢幾乎因加租結業添，好在搵到新嘅鋪位，否則我真係到佢執，都未試到。位於大埔墟熟食中心裡面，唔洗喺街邊日灑雨淋，又有枱櫈堂食。見老板娘親自即場製作糯米糍，除左糯米糍，仲供應生磨芝麻糊、紅/綠豆沙、豆漿等，見餐牌寫住之後會有合桃糊花生黑芝麻糯米糍 $18/3個 ($35/6個)糯米糍只有花生黑芝麻一種口味，少甜配方，3個起會有盒裝，食得較方便。糯米糍人手製，大小相約。糯米皮唔厚，口感軟糯帶黏性，有少許粉感。餡料如大家所言，十分足料，都要兩大啖先食得哂，一咬已經咇出黎。內餡以黑芝麻加上花生粒製作，花生有點粗粒，口感豐富，有陣炒過嘅香氣。唔會加左好多砂糖，甜度適中，亦有原粒黑芝麻，幾香啊