滑嘟嘟

營業中

休息中

在大埔墟街市吃晚飯，經過看到這間甜品店有生磨芝麻糊及生磨合桃糊，就留肚在晚飯後來試試。點了兩個合桃糊及兩個芝麻糊，阿姐說合桃糊只做到這個星期，另外買了一盒糯米糍(三個)。芝麻糊及合桃糊真的名符其實滑嘟嘟，甜度適中。糯米糍煙煙韌韌

有一天，好奇的問大埔友：「大埔邊度買糯米滋好好食❓」她不知道……😅🤔上網隨手打了幾隻字尋找……頓時覺得自己知道的太遲了，住在大埔，為何沒有食過的呢❓❓🍡 HANDMADE的小食，誰人也不會拒絕的了吧……🤔🤔好想嚐試，好奇這小甜品是否好好味❓❓🍡花生＋芝麻糯米滋 ：包裝及糯米滋很吸引，好想食。🍡花生＋芝麻糯米滋 ：花生芝麻餡有咬口及味道香濃，但是發現個糯米皮不均勻，這點有少少扣分。🍡花生＋芝麻糯米滋 ：與朋友每人食了各兩隻，都有糯米皮一邊太厚皮，一邊太薄皮出現； 當一口咬糯米滋的時候，有輕微傾側一邊，個餡就流了出來。🍡很喜歡食地道小食，食完正餐，甜甜的食個小甜品都會令人好開心。 這個小甜品，花生芝麻餡都有驚喜，唯獨是糯米皮不是預期的好。

今次路過大埔街市，順手買「滑嘟嘟」嘅糍粑嚟食。客家糍粑（3個，$18）3舊都一樣餡：花生溝黑芝麻餡，少甜。每一舊糍粑都好大舊好飽滿，可以話係塞到實一實，緊一緊。拎上手直頭係太多餡有種下垂嘅重力。所以食3舊已經好飽肚。咬一小啖，入面嘅餡就好似決堤咁，流出嚟。入面嘅餡並唔係流質或水狀，只係好細粒好碎，所以係漏出嚟！d餡咁細粒撈得非常均勻，每日啖都好多種唔同味出嚟。值得一提嘅係，佢入面同時有黑芝麻同白芝麻，黑白芝麻溝埋個味非常香口。

最近見好多媒體都大肆宣傳哩一間糯米糍店，其實係舊店既時候已經有幫襯開。但搬到黎新街市入面之後一直都未有時間黎。今日難得有朋友專程入大埔一齊搵食🤩，我就帶咗去黎呢一間人氣小店到試下。自從轉左黎大舖之後，好多野都唔同左，例如購買嘅時候需要先籌號，然後等到叫籌號🔢嘅時候再問客人需要幾多個糯米糍後再等叫籌拎貨。朋友一共買咗六個糯米糍打包返去比同事食。而我就揀左堂食一碗佢哋搬黎後新出嘅芝麻芋圓🥣。芝麻糊仲好似以前咁濃厚同幼滑，不過芋圓就好失望，雖然份量唔少，但口感好軟同爛，好似棉花糖咁，完全冇煙韌嘅感覺，而且無論係番薯🍠定係芋頭味都食唔出。下次都係食返芝麻糊算。不過順帶一提，搬左之後份量真係少過以前，連價錢都略有提升，見到外賣碗細過堂食好多。如果唔係經過都唔會特登再嚟☹️。

我真係好中宜食客家糍粑，因為我唔中宜有椰絲既糯米糍，又唔中宜入面既料係濕既，客家糍粑又唔係周街都有賣，所以我只要見到有得賣我就會行去買。咁岩入開大埔，又知道佢開咗係熟食中心！即刻行一行上去，山長水遠係大埔外賣返屋企～粒粒都勁飽滿又滑嘟嘟！【客家糍粑 6粒】$35呢個糍粑又真係名不虛傳喎！！好好味，佢糯米皮係有糯米既香味，唔得好普通一口粉皮，而佢既餡料得一款，就係花生溝黑芝麻，個餡好香，花生同黑芝麻都炒得好香（唔知點整啦總之好香啦我識就自己整啦係咪先）同埋佢餡既粗幼度好有texture好正。總結，好正，每次去大埔都要去買。

Nice place for Chinese dessert. Choices includes black sesame cream, walnut cream, red bean soup and green bean soup, all serves with chewy Taiwanese dumplings. The must try is the glutinous dumplings with sesame and peanut filling. Very value of price with reasonable quality.

佢未搬前都試過買佢啲糯米糍，但都係即買即食，今次買咗趕住出街，擺咗 10 個鐘有多先食都仲係咁軟，另一粒隔咗夜就差咗小小。另外都買咗芋圓芝麻糊，芋圓食到芋頭味，但芝麻糊唔知係咪外賣關係，攞到返屋企約 20 分鐘，感覺唔係特別香口，下次比多次機會試吓堂食先。

網上好多人都推的糯米糍，可以說是大埔名物了，雖然已經飽到吃不下東西，但仍要外帶一盒回家品嘗。舖頭位於大埔墟街市樓上的熟食中心，網上好多文章說是現包的，但可能因為當時已經是7、8點的晚餐時間，看到已經有一盒盒成品擺著，數量也已經不多了，估計賣完最後這點也就收舖了。一盒三粒圓滾滾的糯米糍，完全是皮薄餡靚的最佳代名詞。尤其欣賞是那層皮，煙韌彈牙，。內餡是花生配芝麻，小甜，適合現代人的口味和追求健康的心思。吃之前建議先彈彈外表的麵粉，有點多了。

前陣子有住新界的親戚送我幾個滑嘟嘟出品的客家糍粑，說是大埔熟食中心的名物，一試簡直驚為天人，真的超好吃😭❗️於是決定親身去大埔朝聖，糍粑是現場新鮮製造，還有芝麻糊、豆漿、紅豆沙等。和一般熟食中心一樣，小店沒有自己的座位，只公共空間的桌椅，所以大部分人也是外賣回家慢慢歎。圖中👇🏻👇🏻👇🏻客家糍粑（$35/6件）消失的2件已乖乖落入我肚中哈哈～糍粑很大粒又聚手，而且重量全來自餡喔！從圖可見皮很薄，軟糯而不粘口，可惜糯米香偏淡，而且面頭太多粉。花生粒混黑芝麻餡，完全是我的菜🤩芝麻粒炒得很香，濃味又不會好膩，花生粒香脆，和芝麻餡一樣粒粒分明。而且芝麻餡不會像其他人糯米糍或芝麻餡很多白砂糖，用了少甜配方，的確沒一般芝麻餡那麼甜漏。重點是份量是爆餡級別，吃了幾次也是邊吃邊漏🤣論份量論味道真的沒什麼好挑剔，不過最好即日食用，放隔夜已經開始縮，所以真的不要貪心買太多，造成浪費就不好🙊

在大埔墟街市大樓買完餸，在熟食市場嗰層吃完lunch ，就在見到有間中式甜品專門店。 在檔位前有員工不停地整客家糍粑。 看著她不停地包裹，令人不其然停下腳步走近看看。甜品款式不多，但看到她包的足料餡料，也令人想買回家吃。用手輕摸也感受到它的軟程度，更可從表層表面也透出餡料色澤，就知道皮層有幾薄。咬了一小啖，就好像漏氣球一樣，自動撕開。 餡料真是真材實料，內裏花生溝黑芝麻餡塞得滿滿。 建議吃時用手掌兜起或用指先壓兩旁，令到它不會一咬D餡就倒下。 餡料唔甜料又足，吃一個也大滿足。

一向好鐘意食煙煙韌韌嘅野食，特別係芋圓同麻糬星期六專程去到大埔行山，出完一身汗，有個好好嘅理由要補充下能量，食埋好西先走！第一樣就係要搵滑嘟嘟，之前食完一試難忘，當然唔會錯過！好耐無食，佢地而加重賣糖水芋圓添。行到去忍唔住誘惑試埋佢地嘅合桃露、芝麻糊，各一碗加薑汁煮嘅芋圓。入冬有碗暖笠笠嘅中式糖水，正啊。整體糖水少甜，配合芋圓甜道啱啱好，可惜味道未如理想。•【合桃露】：極少甜，估計煮耐左有啲燶味，所以整體同平時熟悉嘅味道唔同。• 【芝麻糊】：少甜，芝麻濃足料，有啲粉未混哂•【芋圓】：太軟無口感嘅麵團，但紫薯蕃薯🍠味道好出•【客家糍粑】：品質保證，皮薄又滑

以前學校附近街市有檔糍粑好好食大個左之後街市裝修就再食唔返知道大埔墟呢間好多大埔友都讚行開行埋都會黎搵返回憶但好可惜次次黎親唔係無開就係賣晒...難得今次早左黎, 終於都俾我買到啦糍粑全部由姐姐即日人手製作有大 ($35/6粒) 有細($18/3粒) 仲有單1粒($7) 賣為食的我梗係買盒大同朋友一齊分享啦糍粑唔同糯米糍唔會有椰絲响面, 亦都唔使雪軟淋淋又唔痴牙嘅糯米皮包住滿滿嘅花生芝麻一口咬落去d花生芝麻多到瀉真係好好味雖然滑嘟嘟糍粑同以前細個食嘅唔同但係都有回憶嘅味道同場仲有芝麻糊 合桃糊 芋圓等甜品可以選擇全部睇落都好啱心水 好想食埋可惜仲要食其他檔...一次食唔到咁多...唯有下一次再試

呢間糯米糍~已經係我第2次食架喇!!第一次食既時候唔洗排隊今次係紅日去 竟然要拎籌!!!買糯米糍拎籌我真係第一次講番糯米糍既口感先~餡係芝麻同花生只有一種味 冇得揀同埋佢係少甜既我覺得佢既甜度係岩岩好不過D餡好細碎如果係咬開一半咁食就會跌到D碎周圍都係同埋嘴唇都會好易痴滿左出面白色既粉~所以想食既話最好都帶番張紙巾先~~同埋相對上佢既皮係偏厚的但個皮煙煙UNUN好好咬口啊~~~

舊時去大埔的話，我都會去廣福道附近橫街的一間小店「滑嘟嘟」買客家糍粑來吃，它結業後過了一段時間，原來最近在大埔熟食中心重開了，當然要食糍粑同其另一名物芝麻糊啦！雖然此小店都係同以往一樣只賣幾樣東西，但同舊店比，少了一樣我挺喜歡吃的黑豆豆腐花，幸好另一黑色名物芝麻糊仍在。這裏的芝麻估計是用石磨（因為舊店都係用石磨）去磨，故芝麻糊中仍吃到幼得來尚具口感的芝麻，感覺好實在，且芝麻香氣較一般糖水鋪的同類出品突出。不過這天吃的芝麻好似炒得over了一點，帶微微的燶味，所以要扣少許分。至於客家糍粑仍是即叫即做，簡單來說糍粑即是外皮較為煙靭的糯米糍。雖然糍粑外皮無乜味道，但由於有大量花生芝麻內餡支持，整體吃起來味道仍是足的。值得一讚的是餡中的芝麻炒得好香，且相對來說算少甜，感覺好似健康了一點點。兩樣東西（其中糍粑要了三個）都係$35，算相當抵食了。

工作太忙，難得星期六放半晝，便去大埔街市買下餸食下晏。今次唔係介紹食魚蛋粉呀、炸豬排呀，而係之前響街舖搬上黎的滑嘟嘟。以前響街舖都有幫趁，大熱天時響街排晒大隊買糍粑真係少d為食都唔得，而家搬左上街市就舒服得多，至少有冷氣同幾張枱食，唔洗再拎住個碗企街食咁有特色。不過今次都係食飽晏，買外賣返屋企慢慢嘆。今次買左膽拖糍粑，依舊皮薄餡靚，黑芝麻味十分香濃；並有香脆嘅花生粒粒；皮十分軟糯唔痴牙，放到夜晚食都未有變硬🤤🤤🤤另外，今日還試了新出品合桃糊，出品如其名滑嘟嘟，質感絲滑，合桃香就略遜，甜味很適合追求健康嘅人，以20蚊（外賣再加一蚊）有自家磨嘅糊又覺得不錯。