滋味棧 (已結業)

下午茶時段，又有少少肚餓，簡簡單單，去滋味棧買$10腸粉醫肚，腸粉份量足，我叫阿姐腸粉添加醬料，甜醬、麻醬豉油同芝麻，都加多一點點，腸粉夠熱，細滑，有微微的米香味，豉油不太鹹，可能醬料足，食過多次，今次係最好食😋

今日又去咗呢度買早餐，叫咗個腸粉，噉我食腸粉鍾意唔落豉油，淨係落甜醬同埋芝麻醬嘅。呢度啲甜醬同埋麻醬嘅味道，調教得啱啱好啊，所以食落啲腸粉會又香又滑啊。我覺得呢度啲腸粉系必食推介，四條都係8元正。

依間陪伴我成長的小店由中學時期已經光顧反新過一次 但已經充滿陳舊老化但味道依舊 不過不失特惠早餐中午12點前供應 $25有粥 + 炒面/炒米/腸粉/燒賣艇仔粥 走豬皮配料份量不少 粥底軟棉 味道不錯銀牙炒米粉 份量多 味道唔會太鹽依個價錢算不錯

小西灣區的居民應該對此店絕不陌生。前排他們裝修過，其實主力做外賣的小店，裝修後廚房的面積大了，方便店主一家人用心煮食！平時多數買走食的我，今天選擇與阿嫲堂食，店主見有老人家更加親切的招待。多年來都很欣賞這裡的柴魚花生豬骨粥，花生夠「淋」，老人家牙齒不好都食到，相信像老火湯一樣，是用時間和心機而煲出來的。炸両也是必食的，因為講明即叫即包，所以油炸鬼是脆的！因為是星期日的關係，在堂食期間，看見川流不息的顧客買外賣：油炸鬼、餈飯、腸粉、粥，證明街坊小店也有很多捧場客呢！

細細個食過，以前淨係會有腸粉、燒賣、白粥、炒麵、炒米、粉果、山竹牛肉⋯⋯⋯全部都係中式早餐，但依家竟然轉左型，夜晚有炒粉麵！今晚第一次試食，叫左個椒鹽骨飯炒底又真係幾好食喎，仲要送埋熱飲添！都係賣$40咋！超抵食！

牙痛關係想吃得簡單一點，買了$6腸粉作早餐。腸粉份量很足，而且熱力亦夠。質感卻不算細滑，但已算及格了。雖然米香味欠奉，幸好有甜醬麻醬相伴。可惜沒有芝麻，否則應更好吃。

久不久便想吃粥，今朝一於償償心願。不想走得太遠，就幫襯附近的滋味棧。單點碗粥又怎能滿足我的胃口？於是再追加炸兩一碟。牛肉粥很令人失望，粥底不是綿滑的一類，但又不致於水汪汪。最差是配料少之有少，如是者，跟白粥有何分別？炸兩則讓人驚喜，由於油炸鬼是自家製，因此十分脆口。外面的粉皮不算太滑，普普通通罷。街坊生意，勝在係平。

食早點,買早點,抵過大家樂所謂既中式點心餐大大碗粥大大包粉麵18蚊又熱又夠香,雖然有時佢d料唔係咁夠味,但淡淡地唔使咁重咸味都好既食完呢個早餐飽到下午茶先想食野....小西灣另一推介..^^佢仲有大量糖水.....!

好耐冇咁早起身.. 7 點小西灣要搵食真係唔易.呢間店好多年.. 已往都有光顧. 只是食物味道一般.不過勝在抵食.$15 有一個粥加炒麵. 味道一般. 不過用料都係新鮮.價錢經濟.岩晒學生.粥底比較淡.食了唔會口渴.皮蛋瘦肉都不會太少.炒麵就比較干身. 芽菜都係得幾條..$15 係呢個時代..都係叫抵食..唔可以太多要求了~~~

最喜歡是腸粉，加甜醬!!住響小西灣已經10年，許多時都會幫襯佢地!!

十二點幾想食碗粥，先去陳記，點知執左，後去隔離幾個舖位一間新開的店，佢竟然話俾我知仲煲緊。再在左右搜索，就搵到呢度，唯有幫襯。兩個人，叫了皮蛋廋肉粥及艇仔粥，加碟6蚊腸粉。聽到油炸的聲音，原來這裡的油炸鬼也是自家製的，拿拿林再叫碟炸兩。皮蛋廋肉粥同艇仔粥都過得去，粥底不是綿滑的一類，好處是味精不算多。腸粉如一段段無味的膠加三色醬，滑是滑，但不合個人要求，勝在係平；炸兩有新鮮油炸鬼支援係出色一點，加分不少。埋單三十蚊有找，街坊價錢，街坊水準。

晨早搵野食，o係小西灣是一件苦事，一來貴、二來唔好食。本來諗住去陳記，但係未開鋪(成七點半都未開舖><)。唯有去隔離呢間滋味棧，無它，俾佢14蚊有粥有早點所吸引，呢個價錢o係區內好難搵，因為一碗粥講緊係18蚊一碗。好啦，我叫了艇仔粥加炒麵，諗住冇死啦！雖粥是好快來到，但望了很耐都覺得是白粥多過似艇仔粥，結果潛了好耐才潛到一條魷魚絲，而o的材料仲要係生生地，算！粥又點呢？我會話o的粥煮到有區內大家樂o既水準，正吧！？炒麵又如何，色唔夠深都算啦，冇筷子要改用竹纖都算啦！但味道就真係淡得可憐，食落啖啖蛋麵味。兼且凍凍地。....不過十四蚊，唔可以要求咁多，當清腸胃，都係果句，係小西灣，係冇好野食的。順帶一提，食野時無意中知道呢間野原來堂食係貴過外賣，當食6蚊4條腸粉，外賣就6蚊6條。真是....

賣的食物雖然平,但條街好多鋪頭都好平加上,這間鋪的野食也不是好好食

夜晚行過見佢6條腸粉賣6蚊，就買了6蚊來試一試，再加碗柴魚花生粥。6條腸粉剪開原來真係幾多，賣得咁平當然不能苛求太多，加豉油甜醬麻醬辣醬都叫做唔差，柴魚花生粥幾好。兩樣加埋16蚊，平平地又一餐。

午市有很多選擇，盅飯、西餐飯類都有，仲有各類小吃，做街坊生意價錢唔會太貴，十零廿蚊就食得飽。