滋味堡 (已結業)

長沙灣的美寧中心,是小時候常到的地方,因為由細睇到我大的醫生,就是在此中心之內,到了今天仍在.不過我已沒有來診症超過十五年了.大抵已忘記了我吧.現今在中心外圍,有一間專賣澳門風味小吃的"滋味堡",香港與澳門一水隔天涯,在梳打埠隨時也吃到港式味道,掉轉過來,就不是很多澳門風味,不計那些澳門茶餐廳,好像只得在中環的"筷子記",是賣澳門味道,同在澳門可用港幣,在香港就不能用葡幣差不多道理.店子不大,只有大約十個位多一點,緬甸菜在香港全無立足之地,你可在此吃到澳門"小緬甸"三盞燈風味的緬甸魚湯粉,我要金邊粉,魚湯的質感偏杰一點,杰得來又有點點"沙",味道帶有魚的濃甜,沒有一點腥味.至於配料較為特別的是香蕉芯,爽口得來帶點稔身,金邊粉入口細滑,價錢只是$15一碗,實在便宜,同隔離的李鄭屋公屋,二手價都去到百七萬的身價大相逕庭.上年在三盞燈"東京小館",吃豬腦麵之外,更吃馬拉盞撈麵,在滋味堡一樣可以吃到,不過味道就不及前者,馬拉盞的食味道有點"隔靴騷癢".很輕微的辣度,你我也受得到.但是香港不算太多地方可吃到,而且只是$11一碟,來到的話也可一試.兩味加在一起只是$26,想想現今澳門不再是一味活在

今日開車黎到長沙灣. 就係黎食呢間係香港少有既緬甸魚湯粉. 入到去鋪仔細細. 但都乾淨. 朋友三人都叫左碗魚湯粉, 仲加個豬扒飽. 首先講個魚湯粉既湯, 魚湯稍為淡左D, 唔夠濃, 亦唔夠香. 材料亦唔多. 同澳門既魚湯粉相比. 真係差好遠.... 粉佢就得有揀金邊粉或者米線. 澳門既魚湯粉就只有金邊粉...至於豬扒包, 就真係一般過一般, 包係軟皮豬仔包, 而豬扒就係有骨豬扒. 但入口就好乾,無肉汁.呢間鋪仔雖然唔係特別出色. 但勝在唔使過大海都有得食. 朋友們異口同聲講句...."好過無啦~" 臨走時老闆仲問我地意見. 佢地應該係新開無耐. 希望下次去佢可以有改進啦.

參與了食友的飯局，時間尚早之下，到了順寧道一帶逛逛，見到這一間小店，看門面介紹，供應的是一眾澳門的地道風味，其中包括緬甸式的魚湯粉，說來慚愧，去了澳門數次，還未一嚐三盞燈那間知名麵店，想起來不無遺憾之感，既然有點肚餓，也就決定坐下吃點東西。除魚湯粉之外，也點多一客辣魚包，兩樣合共廿五元的價錢，絕對不會吃窮你的錢包。先上的魚湯粉，顏色略帶偏黃，內裡有些粒狀物，最窩心是湯羹上備有一小件檸檬，滴了數滴檸汁再嚐一口魚湯，不禁暗讚，是一股很重的鹹鮮之味，雖然香料不少，其檸汁和芫茜，同時添上一點清新的感覺。正想吃下去時，老闆娘奉上一件辣魚包，並再三吩咐要吃完那包才吃魚湯粉，既有這溫馨的提示，那就何樂而不為 ! 其餐包是屬於「軟豬」的一類，經過烘焗之下，弄出外脆內軟的效果，倒沒有吃「硬豬」時刮傷口腔之慮。烘包是不俗的，可惜其辣魚餡只是略厚的醬狀物，辣味魚香也欠奉，有點兩頭不到岸。理想中的辣魚包，理應用上地道的老人牌沙甸魚，原條或半切的夾在中間才成。還是專注於那碗魚湯粉，嚐完其湯後，再吃其白色幼粉，甚為細滑，可能是浸了一段時間的關係，其湯粉已盡吸魚湯的精華.......到最後自然吃個碗底清光。在不作出

看見飲食雜誌長沙灣開了一間快餐店,專賣澳門街頭小食.當中有豬扒包.辣魚包.但最吸引我去的是緬甸魚湯粉,因為這裹 魚湯粉只有很少地方可以品尚到的同時只有我媽媽回澳門探親先可食得到的...今次給我發現這小店真是天大喜信呀!我同老婆大人去到之後.二話不說.望住亞姐指住牆上魚湯粉相片說我要呢個.跟手叫埋豬扒包.老婆就叫左豬扒撈麵.豬扒撈麵可以唔講因為水準只係一般.豬扒包好食麵包扑扑翠岩岩好.豬扒非常入味.最的最愛緬甸魚湯粉.能夠食番在澳門食過的味道.正呀鱼湯好濃好香.直得推介.直得回味..............

佔雜誌半版紙,如「廣告」形式的介紹,竟然吸引到我去!?皆因賣既野幾有趣!澳門、緬甸美食!所有食品都是即叫即製,呢碗香濃魚湯粉,就是熱得燙口。微杰的湯,味道好特別!原來係用魚、黃薑、香蕉芯、香茅等熬製成。老闆娘話,在緬甸食既湯係杰如羹!調稀了是為迎合香港人口味。我覺得好好食!配食的幼細金邊粉,更能吸收湯味,perfect match!熱咸檸水,非常非常之咸!!加左兩包糖都頂唔順,睇黎係醃左「千年」的咸檸。葡式辣魚包,包烘過,又脆又軟!像吞拿魚的魚微辣。好食就好食喇,硬係爭D,我諗麵包上查朕牛油,餡再加厚d,就更好喇!馬拉盞撈麵,買走的。因為又係即炒,急不及待,先即吃兩著。打開已聞到好香,嘩!好似蝦籽撈麵!食食吓又唔係喎,真係乾蒜粒、蝦米等馬拉味道,加左秘製豉油及蒜炒,更添鮮味!麵又唔油,即時食,好好食啊!!!p.s.逢星期二休息。地方超乾淨,但店小位於馬路邊,門口只用透明擋風膠,沒有一個真正門口,心理感覺在路邊食車塵。

好耐之前睇過"飲食男女"見過有佢地既廣告,但係對於我呢d住係對面海,專誠黎食個粉好似有少少遠.....點知琴日要陪娘親去李鄭屋o個頭探d姊妹....呢d悶局唔知要hea幾耐架嘛,岩岩就諗起去附近試下個粉.4點幾去到間舖,都幾細但老闆娘(我估係煮麵o個位)幾好禮貌,佢幾落力叫我試呢樣上試o個樣.之後叫左個魚湯粉,冇料既??但係個湯又幾好味喎,有d檸係入面咁.食食下先見到加6蚊有檸樂,我呢個可樂精梗係叫番杯啦~~但黎呢到食野要俾少少耐性,因為佢地係你叫佢先煮...不過當然係熱辣辣啦p.s 見隔離食緊個辣魚包,好似幾好食但係我食唔落

當初見佢其貌不揚, 誤以為定必時日無多, 及後在其他雜誌上看見此店的介紹, 身為街坊好歹都要試他一試, 今天點了一個緬甸魚湯粉及香魚飛碟, 魚湯粉的湯濃而不加味精, 再配上數片油炸鬼, 更非常味美, 而飛碟就香脆可口, 有別於其他飛碟三文治, 價錢更是super便宜, 另外, 店員服務態度親切，詳細與我解釋魚湯粉的重點是要湯粉同吃, 以湯為主食,而粉次之, 下次要試一吓其另一主打馬拉棧撈麵

星期日下午同男友諗住搵D野食tea一tea，經過呢間小食店，雖然其貌不揚，但就比佢地門口寫住“澳門地道美食”吸引住，決定一試。當日我地叫左魚湯粉同辣魚飽share食。魚湯粉，湯味濃郁，屬足料之作，而辣魚飽亦係即叫即做，麵包外脆內軟，好味﹗而且店員服務態度親切，亦都好細心介紹食品，值得一贊﹗下次要去試埋店員推介o既豬扒飽同埋馬拉棧撈麵至得﹗值得再幫襯﹗