滄浪亭 (已結業)

今天（2012年1月28日）再次到海濱的滄浪亭吃午餐。此店的優點是服務良好，每逢客人進來必奉上熱茶一壺；其次雖然地方淺窄但裝修精緻，使人感到環境幽雅；食物可口。不過麵食不能選擇粗麵或幼麵；年糕只有兩款湯年糕，而且沒有少年糕。傳統的上海麵食什錦麵和蝦腰麵也欠奉，但整體上是午餐的好地方。

今日唔係幾想出去食野，所以同呀媽家姐落左樓下食野就算....記得E間野都好奈冇食&冇乜點食過，所以決定去一次....我地去到個陣，岩岩2點鬆D，都好多人下，要同人搭枱(好彩個個人差唔多食完姐)其實E間鋪係好細架炸，入到去只係得一條巷，我諗只有4、5張枱(四人用)我地真係好彩，岩岩2點...可以食下午茶，少D呀瑪`因為我要留番個肚食buffet(panda hotel裡面既"金田"，好好味架，$188就有得食日式放題，不妨試下啦)我就食下午茶餐既燜青菜麵....$16(價錢便宜)過左3分鐘就黎啦......效率高，讚!!!首先講下佢送上黎既茶先，個顏色都係淡，同佢既味道一樣，一個字講晒"淡"，真係好似水咁,,,,,,如果以16蚊黎計既話，E個麵都OK架，其實佢個名係美化左佢，應該叫佢做陽春麵配青菜^^陽春麵 - 好味，唔會太淋又唔會太硬&唔會黏瑪一齊，讚!!!，我覺得個湯底有少少油，但係都算清清地，仲唔會淡TIM，good!!!青菜 - 份量少得3、4塊，算啦，話明係下午茶算係咁上下啦，食落去有驚喜我以為佢係熱既，原來唔係，估唔到佢係凍囉-口-同瑪，佢d菜岩晒我，夠淋，又夠juicy&少

有時LUNCH會黎呢度食成個海濱入面佢都算係最水準果堆肉絲煨麵($3X) 湯底好香奶味 食完麵連湯都飲埋雞絲粉皮($22) 個人不喜歡咁多麻醬不過都幾好食但份量少左D

同女友每個月都會去海濱嘅老人院探親友每次都會來食野,今次來到剛好有下午茶就叫左一個白肉麵下午茶及一個正常紅燒獅子頭麵個麵一到嘩! D白肉小到呀! 真係得4塊紙一樣嘅白肉都唔知有冇二兩肉,陰公!到個獅子頭麵到,我同女友一睇都覺得細左,都算啦而家D食才貴但一食落去個獅子頭唔救熱!總結:$20白肉麵下午茶+3蚊先有豆漿!唔抵 $32紅燒獅子頭麵但獅子頭縮左水

但美孚滄浪亭雖然食物水準不錯, 但你七點去食晚飯, order時佢已同你講雲吞............無嘞, 水攪.........無嘞, 毛豆拍葉..............無嘞,荀尖...............無嘞, 望餐牌, 七除八扣咩都無, 唯有無野好比你選, 咪叫醺魚麵, 佢會講仲有一客淨囉, 百無, 但七點半未夠, 我都未見過一間舖咁做生意, 唔係一次兩次, 又唔係排長龍好多人等, 咁快賣哂, 係佢唔休做, 長期都係七點半前咩都無, (下午三點去舖燈都熄埋), 所以我火都滾, 會未坐低問定有咩淨先好入去, 百無就幫襯第二間好過咩都無得你食, 仲有要講, 係裏面啲人做生意態度一樣唔好, 唔志在, 係無禮貌可言, 三杯水飲哂, 叫佢針水, 佢可以只係針最近嗰杯, 其他唔理, 同埋大力擺杯同碗比你, 你坐個位度有湯倒瀉, 佢係唔會抺, 唉, 除非你好掛住佢啲麵, 唔係都唔好去

身邊不少上海朋友，喺佢地嘅薰陶底下，對上海傳統食物嘅要求也甚高，今天來到這家滄浪亭，水準算是上上之流﹗此外，無論男女，每人平均三十幾蚊，就可以食到飽晒。糖醋排骨麵嚐了這碗糖醋排骨麵，味道相當不俗，值得向大家推介一下。先說糖醋汁，當中的甜酸度調校得恰到好處，十分惹味，絕對令人食指大動，胃口大開﹗調校出一個出色的糖醋醬汁絕非易事，喺香港能夠做到呢一點嘅食肆亦不多，滄浪亭的這個醬汁卻令人食過翻尋味，廚房師傅認真抵讚﹗再說排骨，咬來非常香脆可口，又不覺有肥膩嘅感覺，而且肉質新鮮滑溜，唔會「鞋烚烚」。排骨蘸上秘制糖醋汁，真係冇得頂，yummy yummy﹗至於個麵，亦好香噴噴，食落爽口彈牙，冇話痴埋一嚿。下次試下糖醋排骨配菜飯，應該都係個唔錯嘅選擇。紅燒軟排麵另外，就要推介下呢間鋪頭的紅燒軟排麵。紅燒軟排唔係好多地方可以試到，就算有地方可以食，都可能好肥或者好硬。相反，滄浪亭的紅燒軟排麵除左用正宗上海煮法，用的軟排都係半肥瘦，唔會太過油膩，又唔會太硬。而且，廚師用左秘製的醬汁焗過，所以味道好入味，唔會好咸，味道適中。據廚師解釋，它們的紅燒軟排麵湯底是秘製，所以其他地方係唔會試到，而且保證唔係味精

lunch同同學去食滄浪亭上次試過 香菇嫩雞煨麵今次試 蜜汁烤夫麵好好好好中意煨麵d湯底,,,好好味>w<不過香菇嫩雞煨麵..唔多覺佢有「香菇」同埋我中意佢d菜切碎...唔洗大大棵咁咬..哈哈至於蜜汁烤夫麵個湯底好似味精味重左少少不過d 蜜汁烤夫好味!!見之前有食評話 蜜汁烤夫散碎..但我今次食就唔會..係完完整整一舊舊咁樣同學上次同今次都係食香酥雞麵我諗應該係味道都ok..所以先兩次都係嗌同一樣野食~~~

前兩日去荃灣既海濱花園探朋友, 到晚飯時 , 朋友就帶咗我去一間係屋邨平台既上海麵舖吃嘢。間舖叫滄浪亭, 我地叫咗碗水餃麵，一碟淨獅子球，一碟炸排骨，同埋一碟紅燒豬軟骨。每一樣菜式我都like, 用料都好新鮮，分量和价錢都適中。食完之后，我仲外賣咗獅子球，炸排骨，同紅燒豬軟骨俾屋企人食，經過一小時的車程返到屋企，叮返大家都覺得啲肉汁都仲係好好吃，不錯。1） 獅子球—肉汁鮮味，滑口又不油膩， 吃完后沒渣又唔“滯”。2） 炸排骨—表面鬆脆， 咬落去又有口感，唔不會太靭又不會太琳。3） 紅燒豬軟骨--香濃的醬汁燜出靭度剛好的豬軟骨．我的最愛！4） 水餃麵――上海水餃同廣東式的不一樣，麵很大碗，水餃皮和肉的比例剛好，配上爽口的上海麵，正！

有日同老公,兩個朋友行落街找嘢食，行行下見到有間新開的食店，而我又極之喜歡試下新嘢食，咪走入去試試攞，點知諗都無諗過係呢d地方都找到一間拍得住王X沙的食店，最緊要係好味得黎價錢不算貴，而且店鋪裝修都算企理。四個人....食左:雞絲粉皮 - 個麻醬...好香.....好味糖醋排骨 - 個排骨炸得好翠.....好乾身....個汁味道剛剛紅燒獅子頭 - 肉質鮮甜不太咸，用筷子一夾就開而不散。拍青瓜 - 夠酸燻魚、紅燒軟排、四碗陽春麵最值得一贊個度D茶(唔駛錢)，好香....埋單：$173超低食

國慶日同屋企人到新開的滄浪亭食晚飯之前都已經聽過這食店的惡聞，但是既然能開到分店，應該不太差吧...當晚人多，被安排和其他人撘一張6人抬，三個對三個，你眼望我眼，好尷尬,唔多自在咁叫了蜜汁烤夫，燻魚湯麵和香酥雞湯麵蜜汁烤夫係碟野上之前聽到有伙計叫「烤夫沽清」,心諗無哂啦,點知原來我地係最後一碟)烤夫味道一般，但唔知係未因為最後一碟,烤夫較碎…...和平時吃開的一粒粒方型不同,口感奇差(講得唔好聽,即係「賣剩庶」,好心得返咁碎唔好拎出黎賣啦)燻魚湯麵:燻魚炸得太耐，個樣好似舊炭，完全吃不到魚的口感香酥雞湯麵: 香酥雞淡而無味，粉皮厚得恐怖，像吃粉皮多過吃雞係進食期間,睇到對面個3個一家人都唔好得我地幾多記得佢地叫左碗燜肉湯麵個湯麵上到黎,見到D燜肉係60%肥膏,40%腩肉得3舊到,真係唔知搵咩麵啦...於是個位先生同個話得事既人講,可唔可以換碗年咁肥/換過第2款麵但個個老細就大約咁話: 「唔好意思唔換得,我地係美孚店做左好多年都係咁整,上海燜肉係咁整法」老實講,可能上海燜肉真係咁整法,但而家大部份香港人都著重飲食,你比咁大舊肥膏人地真係好難食左佢...而且客人要求更換, 間餐廳唔應該因