滄浪亭

營業中

休息中

紅磡呢間滄浪亭一直都好受歡迎，今次臨閂門去都仲係坐滿晒，開咗咁耐，價錢仲係好親民又唔hea貨，如果住九龍真係成日都會想去食！—— 嫩雞煨麵 $60 必試招牌！乳白雞湯香一入口就飲到好濃～嫩雞夠滑唔乾柴，幼麵條掛汁，私心好鍾意放咗好多菜！—— 雞絲粉皮 $40 呢個真係驚喜咗我😍😍😍 唔知係咪因為臨收舖，粉皮即製超級無敵咁爽彈！！！真係食過嘅最好食！雞絲份量足，就咁加麻醬已經超級好食！食完一碟仲想Encore🥹—— 糖醋排骨 $54 呢款差唔多每枱必叫！即炸排骨外層香脆，一咬脆卜卜好辣口，炸完入面都唔鞋。糖醋醬夠酸，開胃又惹味，就咁食定配湯麵都正！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 滄浪亭 (紅磡)紅磡蕪湖街111號蕪湖居地下C1號舖

黎到紅磡呢邊食飯，就揀左呢間小店食，位置比較小，店面比較細會坐得迫不過係乾淨既。點食物方面，點左嫩雞煨麵，大排，雞絲粉皮。嫩雞煨麵，份量都算多同埋都多料既，雞既口感都算林同多，麵就入口唔會太林既感覺，湯算濃，整體黎講係唔錯，同出邊食開既普遍質素黎講算係比較好既。雞絲粉皮，正常既味道都有份量，不過啲醬撈埋一齊食之後有可能比較溜啲啲。大排，正常味道，不過不失啦，係夠熱既。。。。總結。。。一間唔錯既小店，嫩雞煨麵對比出邊食係算比較好。

我係平日挨晚比較早(大概晚上六點)去食，就唔需要等位，不過當時舖頭已經接近坐滿。一入門口即刻感受到唔少其他食評所講嘅服務水平：店員冷酷地同我講叫我傾喺嗰條好窄嘅通道一邊等執枱，之後後面有其他食客入嚟，店員見到亦無招待。到我入座後我想叫菜亦要耐心等候，唔可以叫佢哋嚟。店員上茶同食物都的確比較粗魯，食完後亦趕快執走啲嘢令我有少少壓迫感好似要快啲走咁，但我只係坐低咗唔夠30分鐘。不過公道講，碗上海麵真係好好食，剛剛上到嚟嘅時候麵質煙煙韌韌，煮得啱啱好，感覺係有汆水淥麵。湯都好鹹淡適中，剛剛好襯托到上海麵嘅麵香。分開上嘅香酥雞份量唔少，炸皮幾薄而且好脆；雞件相當厚身，以致炸好後啲肉仍然好juicy，非常好餸麵。香酥雞麵 ($60) ★★★★★整體嚟講，我食呢碗香酥雞麵味道一流，價錢都相當抵；美中不足係服務的確有待改善。

【紅磡人氣上海小店 ｜ 超濃奶香嫩雞煨麵】呢間小店成日都大排長龍 好受歡迎店鋪座位唔多 但都算坐得舒服😎但網上亦好多人話呢間小店0️⃣服務質素去到食要受氣😱 等我地今次去試吓係咩體驗先～☆`·.·˙˙`·..·˙˙`·..·˙☆`·.·˙˙`·..· ☆`·.·˙˙`招牌必點 ⭐️嫩雞煨麵 $58⭐️食完真係覺得係最好食嘅嫩雞煨麵之一❗️奶白色湯底好濃厚creamy得嚟唔會覺得滯同口乾 麵仲要超級大碗 雞肉粒菜粒分量超多要兩個人share 先食得哂🤣糖醋排骨 $52落單後即叫即炸 好香脆😋 外脆內軟糖醋醬汁好濃稠 每一嚿都掛滿哂糖醋汁酸酸甜甜 好開胃😊雞絲粉皮 $40成碗麻醬同花生醬🥜 食起來有d鹹香 粉皮彈牙滑LuLu食物質素係真係幾出色 尤其係麵同排骨😋至於服務質素比我想像中好老闆講嘢大聲d 同少粗魯但感覺到唔係有惡意同唔尊重人嗰種 亦見到佢同其他客人都有傾有講不過可能真係咁啱我地去嗰日特別心情好🤣

This has got to be the best Shanghainese braised noodles with chicken I’ve ever had😋I have been craving for Shanghainese noodles for a while, so I have decided to pay this famous place☺️ me and my friend ordered the braised noodles with diced chicken and mushroom and the wonton noodles.The braised noodles with chicken mushroom was amaaaaaaaaaazing😋 I didn’t expect to taste milk in such Chinese dish but it was so good. The broth is not only rich but also very smooth. It blends really well with the

本來同朋友約喺何文田站等 。但未諗到食咩行行吓見到一間好多人喺入邊食麵我就好好奇點解咁多人食呢？於是就同朋友行咗入去食我哋問店主有咩好推介？佢就幫我哋落咗最多人食嘅嫩雞煨麵同埋糖醋排骨麵 跟住仲問我哋飲唔飲豆漿又凍同埋暖我哋揀咗暖嘅豆漿，佢仲俾咗碗仔同埋兩隻杯 好貼心首先講吓個糖醋排骨啦，排骨炸到好脆，再加上調校嘅醬汁真係唔覺意就食多咗 個面就清清地同個排骨幾夾個煨麵真係Creamy 會忍唔住想飲埋啲湯啲菜好腍 鍾意食上海菜嘅不妨可以試吓呢間 不過記得帶定現金，因為佢哋只收現金 我哋兩個人嗌咗兩個麵再加一支豆漿已經食到好飽都只係$136價錢真係性價比啦第一次去食真係有驚喜其實想試吓其他㗎，但係真係太飽食唔落啦

滄浪亭係以前喺紅磡返工嗰陣其中一個食堂，舊地重遊估唔到佢已經變咗一間人龍店‼️而且十個有九個都係嗌嫩雞煨麵‼️.仲記得頭幾次去食滄浪亭都係嗌餐牌較上位置嘅大排麵、糖醋排骨麵等等，直到有一次嗌到嫩雞煨麵簡直係驚為天人🫨佢哋嘅上海麵同一般食到嘅唔同，麵身比較幼細同滑身，食落好順口，熬到奶白色嘅湯底非常濃厚，湯面薄薄嘅雞油簡直係錦上添花，雖然咁講好似好誇張，但係我嗌過青菜煨麵，個湯底真係完全2種Level‼️而且雞唔鞋，菜依然翠綠，隔咗幾年嚟食仲係咁好味😋

見到一直有好多好評 所以今次講過紅磡就順便黎試😋去到唔駛排隊麵一到左即刻想試下個湯有咩咁特別 大家都讚不絕口🧐🧐因為見到話嫩雞麵個湯加左牛奶 所以都好期待😆飲落係濃郁偏creamy個隻（唔係杰身嘅）但係個人就未去到覺得好impressive🤔雞感覺有dd雪藏味唔係好嫩wor🤣麵我覺得可以爽口d就更好 上海麵偏淋反而我覺得糖醋排骨麵above expectation😍糖醋調味我幾鍾意 淋係排骨上面唔會好多唔會搞到排骨唔脆 仲係熱辣辣👍🏻配個湯底係清淡啲嘅 反而無咁濟！😙

必試嘅嫩雞煨麵真係正到癲!個湯底加咗牛奶,香濃到飲完連最尾一啖都唔捨得剩!啲菜絲爽口清甜,配埋濃郁嘅湯底,食完連湯都想飲晒!麵底份量大大份,夠晒彈牙,完全冇令我失望!🥢糖醋排骨都係一絕!外脆內嫩,醬汁酸甜適中,炸得香脆又唔油膩,真係冇得彈!可惜諗住試獅子頭,點知早賣晒喎~😅 飲品嗌咗杯豆漿,香濃溫潤又唔會太甜,完全係手工製作嘅質素!要講價錢嘅話,人均$60左右,以呢個品質同份量嚟講真係超值!💯溫馨提示:想食獅子頭記得早啲去!隔離位都話好好食㗎!😆

去開黃埔，搵搵附近有啲咩好西食，見到呢間上海野評價唔錯，所以就由黃埔站行過去大約8分鐘左右，去到叫完野食先知只收現金，員工叔叔話幫我比住先叫我下次先比返佢，因為唔好意思又唔就腳下次黎找數所以就多謝佢冇食走左。兩個星期後又有機會再去，特登去幫襯返，因為上次太感動，所以再去支持呢間小店 💗店內職員都係叔叔阿姨，佢地都好友善，一坐低都即刻比茶你，見佢地同事之間都有傾有講，氣氛融洽 。最後我傾計話多謝佢上次咁有人情味，佢話原來已經有幾個人都係食完冇現金比，話比佢下次找數，但之後都冇左人影！ （睇到既記得返去找數啦👀）之前睇食評講到員工態度咁惡劣，但原來係好有人情味🥹🫶🏻講返食物，因為我自己一個食唔到咁多，只叫左個糖醋排骨麵 ⬇️排骨好大碟，都好多肉，一啲都唔偷工減料 👏🏻外皮炸得薄而酥脆，糖醋醬黏身惹味🤤麵係幼身，湯底較清，可以中和返糖醋味 ⬇️ 配埋杯暖豆漿，唔會太甜又大杯食完仲要聽到隔離枱突登走去讚話炒年糕好好味，有機會要試試🤩💡最後店員叔叔話為左大家佢整左個Ailpay (冇記錯的話）等大家方便比錢啊🤩🥰💭 總結：小店營運好唔易，有人情味食物好味更值得支持💪🏻

滄浪亭價錢: $68/ $58/ $22好味程度😋: 4.3/5服務🍴: 4.3/5環境🗾: 3.3/5性價比🥢: 5/5回頭率😚: 4.3/5-成日都好多人講的滄浪亭，相隔好多年，我終於再去了！味道依然好好食又抵食，老闆態度又好。仲發現除左個個都食的嫩雞煨麵，糖醋排骨仲有驚喜😂-✅✅糖醋排骨麵。呢個排骨好好食🤩炸得酥脆！真係排骨來，每粒都有骨，但唔難損，唔會有碎骨🤓最好食係個糖醋汁，比得好多，甜酸味好足好濃，偏酸maymay好開胃。會忍唔住不斷食！個麵雖然見到個湯底好似好清，但加d辣醬都好有味😉不過排骨仙子重點‼️-✅✅嫩雞煨麵。呢個係個個來都食😂 最好食係好似好清淡但又唔係好淡，完全唔會無味。個湯底用雞湯同落淡奶做，入口好順滑，帶啖啖奶香，有啲濃醇的感覺。入面超級多小棠菜同雞肉粒，好豐富。上海麵唔會煮到軟patpat，仲保持到一條條。冬天會好想來encore😚-✅✅豆沙春捲。唔係好油膩，有2條4舊☺️ 炸得香脆，個皮又唔厚。入面的豆沙餡好滿，唔甜！紅豆都香🫘-2個人飽都d麵都淨左啲，超大碗！呢個價錢🥹小食的糖醋排骨都好多…係一定要再去再去的小店！！

[利申：全自費］食之前已經bookmark咗好耐，食完之後明白點解咁多人推介。個嫩雞煨麵係難得食完會wow一聲嘅美食! 奶白湯底飲完一啖又一啖，加上切好嘅雞粒同菜，成碗嘢非常窩心﹐間唔中心掛掛又想再特登過去食。煨麵份量係超大，建議share再加個小菜。糖醋排骨都好好味，炸得剛剛好。雞絲粉皮就正正常常。環境就好逼要搭枱，食嘅時候一路聽到職員好燥，有人排隊問句大嘅要等幾耐都比人串，如果友善少少就更好。美孚間分店都食過，兩邊出品味道一致。

紅磡呢間滄浪亭之前喺網上面見有人介紹過，而且特別推介佢嘅嫩雞煨麵。今日過開嚟呢邊就試咗。呢間食店舖頭細細，我兩、三點嘅時間過到嚟，唔算多人，唔使等位。今日點咗嫩雞煨麵同豆漿，豆漿味道正常無乜特別。至於個嫩雞煨麵都幾大碗，雞肉同埋啲麵好多，而且仲加咗啲小棠菜喺上面，未食都覺得佢好健康。可惜試完之後覺得不似預期，嫩雞嘅肉一啲都唔嫩，而且有啲‘鞋’。至於個湯底有奶味，個人唔太喜歡呢種味道。呢餐唯一覺得ok嘅係個麵，煮得啱啱好唔會太腍。總括黎講，呢個麵唔係好啱我個人口味，應該唔會再試。😐

入面得好少位，等候時間耐，見個個都要搭枱。用餐嗰陣好易撞到隔離位，如果想坐得舒服啲就唔建議黎。同埋啲員工有少少趕客feel, 有種迫你食快啲嘅感覺。另外，網上啲人吹捧得好勁，所以我係好期待黎食的。可惜，食物質素比預期低左少少，冇啲人講得特別好食。嫰雞煨麵就係得大碗呢樣野可以值得一讚，啲湯、麵同雞係同其他餐廳差唔多質素，平平無奇，冇咩特別。上海餐廳黎計可以有其他更好嘅選擇，不過整體黎講還可以，但係唔會特登再黎。

滄浪亭的奶白色煨麵家喻戶曉，無奈我每次見到長長人龍都會立即敗走。今次的起心肝，排隊排了45分鐘，終於一嘗這份傳統滋味。———————————————————————點了最受歡迎的嫩雞煨麵。一見到這奶白色的湯底已令我食慾大增，果然湯頭未有令我失望，有雞味有奶香，濃郁得來又未會太重味，就算喝下整碗也不會口渴。麵質方面未有煮得太爛，仍然保留少許麵條原來的韌度，十分掛湯，每一啖麵都吸收了湯的精華。另外雞肉粒和菜粒亦非常充足，充分吸收了湯的味道，唯一可以挑剔的是雞肉未夠嫩滑，略嫌過老。另外還點了糖醋排骨。排骨炸得非常酥脆，但不會有油膩感覺。糖醋汁酸味較重，十分開胃，而且醬汁份量適中，足夠讓每一件排骨沾上之餘，也不會過量令排骨的脆度減低。———————————————————————今次試了這店的兩道名菜都沒有讓我失望，難怪即使店內地方狹窄，用餐空間比較擠逼，亦無阻它多年來的高人氣地位。