源記餐廳

營業中

休息中

31 Aug 2008 晚上o係尖沙咀食飯，平平o地去茶餐廳估唔到呢間o野有燒臘飯！咁耐冇食過又試下。叫左燻蹄鵝飯同埋叉雞飯，一上檯見 D 醬汁係分上呢點已經係做得好好。燻蹄同其他冇分別但都可以，鵝唔錯尤其係個酸梅醬；個醬極好味，分分鐘好過好多專做燒鵝o既舖！叉燒亦夠軟，唔肥唔瘦有口感，雞就普通但尚算有味。特別一提，例湯唔錯因冇或少味精；油菜今次叫腐乳通菜 D 通菜灰色就真係唔多掂，要改進，下次通菜唔靚就唔好夾硬上啦！

今日食左個四寶麵, 收$31, 我以為佢寫錯價錢或者係特別多料, 結果係失望!!一d特別都無, 收$31真係一d都唔值!

源記燒味粉麵茶餐廳 (雖然長些但一定要看)那日是假期, 我們一行四人因尖咀好多地方都有位, 我哋見佢吔出來拉客, 諗住有位咪入咗去食嘢咁其中有個朋友叫左火腿通, 明明餐單寫住20幾蚊, 個職員竟然寫30幾,等到碟嘢來了, 我哋咪我哋便問點解, 個職員一聲不響, 便收起張單改番, 連埋碟嘢收走見佢唔知同個廚房講咩( open kitchen )咪話取消不要了, 佢大大聲咁話, 巳整好啦 (態度超差)意思話冇得取消, 咁我咪話你又唔解釋係咪寫錯價錢, 出錯食物, 突然收連食物及單也收走, 我說不吃一定要取消, 之後坐在一角的職員(應該是在休息), 出來話以家咪整好咗囉, 我諗咩態度, 2個夾埋迫我們就範, 但一直都冇交待到點解寫30元的事, 我話睇曬成個餐牌都冇話要30的火腿通我哋又冇話要加大, 收佢解釋, 佢哋一直叫我哋坐低食 , 但態度一直很差, 直至有其他客人入來佢哋至收起我哋D食物, 我哋話一定投訴他, 他還說好呀,衰成咁

出開尖沙咀經過加連威老道，食晏時間到，想快一係快餐店，一係就茶餐廳，經過源記見都幾多人幫襯，一於入去試吓！哩個時段，都係D乜餐物餐，揀咗個中午茶餐（$28），豬扒、牛扒、沙爹牛肉、五香肉丁……任揀一款，配公仔麵、米線、通粉……，再跟個火腿奄列同咖啡或茶。份量OK架，一大碗通粉，個牛扒同個火腿奄列用碟另上，份量亦都唔少，而且件扒仲切細一小件一小件咁，方便食，牛扒睇個款係炸熟，幾香口但又唔算好油，哩茶餐廳餐茶梗係要奶茶啦，香港茶餐廳嘅奶茶確係又香又滑！咁又搞掂一餐晏仔。

周圍都没有位, 最後千辛萬苦才到這裡找到枱午餐金菇肥牛米線同涷檬茶$35, 超級快餐, 落單不到3分鐘即到, 金菇多, 肥牛勁肥膏勁少肉, 米線都不多, 最難頂係湯係水! 真係水! 一點兒味道都没有, 這樣收我三十多元, 自己要調味, 加豉油, 辣油, 真真無癮, 傳統港式茶餐廳招呼, 地方污漕又嘈, 地下痴立立, 不知所謂,真是吃不得

24號晚1點幾同成班人去食野服務態度極差衛生也不合格有個朋友佢杯野飲有隻小昆蟲，叫佢換過杯佢拎起杯野特登響我地面前飲左一啖我估佢想証明杯野冇事掛…=.=''之後仲有個朋友被d waiter整到個頭個朋友已經冇出過聲跟住佢行到去前面問佢"你死得未呀？"嘩！！咩事呀？？點解我地黎食野要睇你地面色呀！！

11-10-07 Thur Lunch經過此地, 有d 肚餓尖東茶餐廳選擇不多是日快餐$30白汁火腿雞絲飯+$2 飲凍檸茶供應時間11:am - 17:00快餐名乎其實的快味道也不過不失當然要知道唔會係好驚喜飯夠多, 料夠多就足夠了凍檸茶也夠大杯

星期六既Lunch Hour，一個人真係好難搵位，得一個鐘頭食飯，茶餐廳可以話係唯一既選擇，尖沙咀咁多間源記之中，呢間既味道算係唔錯。今日叫左個咖哩魚柳飯，魚柳夠脆，咖哩夠味，唔錯，唔鐘意食魚柳可以揀豬扒、雞扒、雞翼...... 唔鐘意咖哩又可以配黑椒汁、茄汁等等....不過唔知係唔係咁岩得咁橋，呢排去親源記既午餐都係呢個... 好似冇以前咁多選擇... 同埋呢度真係好逼人... 不斷有人走又不斷有人入黎，食完想坐多陣都唔得~

光顧,只因被香味所吸引。叫了:牛筋河-幼身,通透,軟而彈牙,有咬感牛腩河-絕無肥膏,純腩肉,不乾不硬炸魚皮-什麼都好,就是份量略少西生菜-新鮮,晶瑩、爽口支裝可樂-192ml,既可解今次的癮,又促使你下次再飲一般的茶餐廳很快可以上菜、上河,但這家不同,或與其精心製作有關。

又被魔鬼誘惑了, 點了豬扒飽和西多士share. 大鑊, 兩樣都係超肥. 救命!豬扒飽用了熱狗飽, 兩面烘得脆脆的, 豬匹都幾鬆軟, 加了少量蕃茄和生菜, ok啦.西多士, 超肥, 好耐冇吃, 友人會發瘋的把整片牛油塗勻, 抵受不了誘惑, 吃了. 好耐冇食, 當然好味啦! 嗚…嗚….

坐低叫左碗牛什河,凍檸茶同腩汁通菜..牛什河牛肚算ok,腸都唔係太大問題,不過d肺煮得唔夠林,要改善!湯底淡,不過問心,都唔算太難食,但係唔可以話好食!腩汁通菜:主力要彈既食物,因為完全無味,唔知係唔係d腩汁真係咁無味..而且成碟菜都係油,淡味加油味,即係唔好味..凍檸茶ok..但overall,唔合格!

完全唔掂囉!上星期同小牛去食晚飯,時間已經係接近十點,人都唔算多啦,我地點野食期間,隔離檯有個女人舉手叫人,個伙計竟然竟然即刻唔理我地,去左人地度先,話轉頭再番黎!我地係講緊個喎,真係點緊野食,佢落單落到一半,點解可以咁?我望過去,係個後生女,咁係咪因為咁而有優惠?最過份係,個伙計同人地落完order後,竟然唔記得番轉頭同我地落,我地覺得唔對路,問下佢,佢先至再過番黎,小牛梗係話佢啦,佢仲話唔緊要,好快啫!請問,咁係什麼服務態度?

尋日有野做,好晏先同小牛黎呢度開餐,唔理三七廿一亦唔想諗,要個豐富又出名既四寶飯...有雞有叉燒有咸蛋叫做樣樣齊,但係我發現比起平日或者下晝好似無咁好味!其一,碟飯好似細碟左,飯既份量少左dd;其二,好乾,無/唔夠汁,叫左佢加都係如一;其三,隻咸蛋竟然無王!此不能也!好在叫佢換,佢都肯...最後,只能認為佢算ok,可接受程度而已...希望只係一時失手,唔係成間野差晒啦!

星期六收工,同朋友去源記快快趣趣食一餐,一個餐有火腿奄列同埋湯粉麵,再加個凍飲,28蚊都算係咁...個火腿奄列細左少少又油左少少,一般啦!點左個雪菜肉絲通粉,都幾大碗,所以食得好飽,但係可以再多少少肉,加埋個火腿奄列,足夠有餘!至於朋友個燒味飯,好唔夠汁,宜改善!

尋日下午三點幾, 兩個人行到黎呢度, 見佢地方乾淨, 坐得舒服, 於是度食左個下午茶,由於唔係好肚餓關係, 所以淨係飲左杯熱檸茶, 而女友由於未食野, 所以叫左個雲吞麵!雲吞麵d雲吞都幾好, 我食左一粒, 發覺d皮薄但係個餡就好咸, 味精重d, 女友就話個麵好好味; 熱檸茶就非常好味, 茶香味濃, 正呀!埋單$29, 可以啦! 其實印象中呢度d燒味幾好架, 不過今次冇食! 有機會再黎試下!