溏苑 (已結業)

一行五人夜晚十一點到去食甜品, 望見入面仲有少量位剩.. 坐低之後發覺冷氣幾凍,, order 了:雪糕芒芒船 - 底有果 jelly, 面頭放滿芒果粒, 椰果, 芒果味雪糕, 牛油脆餠, 芒果粒好甜, 都幾大兜 ga, 幾抵食=]任你撈 - 三款生果 - 芒果, 哈蜜瓜, 西瓜, 配西米 & 脆珍珠, 楊枝金露底本身都有 d 期待呢款甜品幾好味, 點知楊枝金露好難食, 完全唔係楊枝金露, 無西柚絲, 一 d 都唔正宗 !!! 無咩芒果味, 好重椰汁味.. 脆珍珠同西米既分別就係"脆".. 樣同大細都一樣既~~ 結果食晒 d 生果, 食左一半所謂既楊枝金露就無食嚕...oreo 布丁 - 夠硬身, 朋友話唔錯喔窩夫 - 朋友話窩夫整得好脆, 聞到好香肉桂味...

因為儲了印仔，可以換免費雪糕，所以再次幫襯。上次晚飯時間到這裡，叫什麼沒什麼，非常失望！這次比較正常，叫了兩個甜品和一個免費雪糕。和風窩夫下午茶餐 $20 - 這個幾抵食，窩夫算是外層內軟，配自選雪糕和朱古力醬，味道ok，不過一個雪糕球會不夠和窩夫搭著食。餐飲熱檸茶 - 附雲尼拿糖，加進檸茶有淡淡雲尼拿香。免費的雪糕球選了朱古力味，剛好可以和窩夫一起食~Tiramisu - 除了size比較小，味道和賣相都不錯其實這裡的食物沒什麼問題，從一些小處也能見用心，但是和上次一樣，服務員的態度都是麻麻，黑口黑面，令人不想再幫襯

之前原本打算在風月堂吃晚餐時順道食甜品, 但被弄差了心情後沒有食就走了, 改為去了另一間之前沒有試過的溏苑.去到時我們都嚇了一跳, 因為這時應該是食甜品最旺的時間, 但是當時店內竟然只有一枱客人而已, 店主與員工之間正在互相吹水. 我們立刻有些少卻步, 為甚麼會沒有客人的, 會不會是因為很難食的關係, 但最後都進了去, 反正都來了, 好與不好都試一次吧! 餐牌上的甜品看起來不錯, 最後點了心太軟和冰火oreo木槺布丁.冰火oreo布丁先來, 賣相都叫唔錯. 頂部的蛋白霜唔夠軟滑, 亦太甜了, 下面的oreo布丁很有oreo味道, 但一樣是偏甜, 吃到了一半時已經有些頂不順. 而且我完全吃唔到有冰火兩種截然不同的感覺. 心太軟和oreo布丁一樣有不錯的外觀, 比起一般甜品店的心太軟看得出在表面的美感上是下了一定的心機, 但味道上則仍有不足, 外層的朱古力殼唔夠軟滑, 內面的朱古力漿唔太流, 而且份量唔多, 朱古力偏向稍為苦了一點. 整體而言兩款甜品給我的感覺是店主很有心機把甜品包裝得很美觀來吸引客人, 這點當然正確, 但是味道方面則只可說一般水準而已, 仍有頗大改善的空間. 但這裏的服務

當做野做到個人個腦實晒, 或者情緒低落的時候,都應該要落樓食一食糖水, 抖一抖。我一入到去,睇都唔使點睇,即刻叫左個"必食推介",就係呢個"蜂蜜玉桂香蕉窩夫配雪糕"。(5分為滿分)賣相:5分 (睇佢擺得幾靚! 梗係滿分啦!)窩夫脆度:3分 (窩夫脆度還可改善, 麵粉多了點!不過都可以一試)食材合拍度:5分 (大家都知道香蕉簡直係百搭, 加上蜜糖, 玉桂, 仲有雲呢拿雪糕! 連埋窩夫一口食!無得彈!)甜度:剛好 (佢另外有蜜糖比你加, 唔加甜品已經夠晒味!)重點: 食甜品好多時大家都會將唔同的分別地擺入口,可能食左雪糕先之後食窩夫咁;不過食呢個的時候,試試將佢地一口食! 切少少雪糕出黎, 加上塊可以一口食的窩夫度!嘗到甜品的精髓就在此刻!大家不妨試試!我之前都有食過佢的窩夫系列,諗住試晒之後同大家再分享!食到滿足之後,心情立即好轉,上樓繼續努力做野!

記得六七月時每星期在旺角下課後也會到塘苑食個甜品, 以一個甜美作結, 當學期結束後也隨著新鮮感也消失了 最近番閱銀包, 方知儲分換雪糕也快將到期於是乎急call 大舊順道完成他對此店心太軟的心願 其實比個藉口自己食好野 再遇見健談的老闆,也不忘傾幾句.... 方知餐牌轉了 , 價錢也暗加了 心太軟 $41 但先來是儲分得來的雪糕球（選了豆腐味）, 點解單上???　其實係自己一相情願會同心太軟同上　, 所以下次唔好大安旨意地唸 等了超過 15 分鐘..... 期待的心太軟外形也和舊相識的差不多, 碟上的topping 果仁碎好像仙女散花般一碟都係, 而朱古力晝花也會令我心花怒放 但點咁好睇都好, 甜運高低也要看巨頭的魔力 雖然外層又似乎厚左小小, 但無影響朱古力醬如期地澎湃湧出 今次程度比上兩次有過之而無不及, 但明顯朱古力變得稀身了但興幸濃郁感無變而且香濃又不會過甜, 碟旁的雪糕並非我關注的地方, 我只在專注的的心太軟, 順帶一提付上的朱古力蛋卷有很香脆好味呢 ~ 總結 : 改良配方心太軟 , 食到人地心都軟

一班舊同學gathering，完左之後意猶未盡要食個甜品作結尾。旺角永遠都係首選，選擇多，最緊要係幾夜都有車返屋企。溏苑既口碑唔錯，同行既人都未食過，於是一齊去試下。門正係糖百府既對面，不過星期六晚十二點等位既人都差唔多。我鍾意溏苑既裝修多D，白白淨感覺乾淨D。依家既甜品舖，賣相靚靚既西式甜品係必備既，溏苑都有，即製既窩夫、火焰雪山…不過最係我地都係點左D簡單單野﹕住你撈$26﹕棷汁底，可以擇三款生果(五款生果就貴少少，好似$30咁上下)、兩款配料(i.e. 西米、脆珍珠、寒天Q…) 。自己配搭，辛苦左落單果個大大碗，生果大大舊、幾新鮮。味就普通，同一般食開既生果西米撈差唔多。我就叫左個銀杏腐竹薏米糖水$16，餐牌上面既必食推介，仲寫明係濃既。果然係推介，糖水好濃、腐竹似乎係溶哂係入面，奶白色既低好香，冬天食碗熱既應該好正。

今日放左工唸住去睇一睇要唔要等位,如果唔洗等位,就去試下啦(因為友人之前推介過)~幸好,不用等位,好開心,好期待走進去~~叫左個Orea既木糠布甸,同埋心太軟~~orea既木糠布甸埋相好靚,好有層次,但味道不出,我嫌太稀,唔夠實,唔夠凍~~心太軟好靚,好吸引~但一吃進口時~~~好甜,食到我喉嚨好辛苦~~如果個皮可以硬小小好些,仲有....真係好甜呀!!!個雪糕唔知咩味!!!值得一讚的是~~可見老闆係好俾心機,好有hard去經營這間店~擺設好得意~~飲水既杯仔,細細的~~~還有,服務都好好呀!!!!

甜品全部都好精緻, 好豐富, 好靚味道都好好, 估唔到!環境好好, 唔逼, 可以舒服地傾計, 慢慢歎, 冇任何逼你走的舉動老闆(or似係老闆....)都好好人, 好nice~ 個窩夫我想將朱古力雪糕改做綠茶雪糕都可以, 開心值得再去

黎過呢度好多次...今次黎係因為儲夠印仔可以FREE一客芒果腸粉於是同男友2人就叫左個火焰雪堡啦~因為之前食過OK就唔再介紹喇...反而今次個姐姐仔手勢麻麻...淋酒既時候D火又未得又淋左落去...搞到個底索哂D酒味...所以食唔到....D酒味勁得滯...至於個芒果腸粉呢~皮就唔算好薄..但係冰凍雪滑既~D芒果汁同芒果都OK...最大問題應該係食既時候切有D困難...切完就滑到散開哂...其實有時想黎呢度食,不過真係幾遠...唔就我搭車

食完日本野,想食新式糖水我就揀了MK的溏苑 --- 旺角廣華街3號百利達廣場地下1號舖店面光鮮,員工又極有禮貌仲可以係咁寫留言,有得食有得玩~未食先興奮點左客焦糖燉蛋以為係熱既,點知又唔係但D焦糖勁脆又唔太甜,仲有蛋味又有橙皮,配來一起食又好好味WO這個蛋轉眼間就消失左...第二味:雪糕芒芒船底部係好軟身既檸檬味JELLY面層有芒果同牛奶雪糕配上椰果同埋芒果粒最鐘意佢塊餅,脆得來又唔硬又點左傳統的薏米白果腐竹糖水(特濃)估唔到真係好香豆味,濃得黎又唔太甜每個食材都恰到好處最鐘意個匙好高身既匙,成個高跟鞋咁碗野好大碗,料又多,食完真係會飽終於到左重頭戲 --- 火焰雪山即場淋酒點火,不過好細火,點完即滅雪山係蛋白霜,又滑又唔會太甜山頂係牛奶味ge雪糕山腰有餅隔住下層就係生果粒,有哈密瓜,火龍果etc配幾個小泡夫同一杯仔既焦糖燉蛋份量都幾多,2~3個人食都OK店員會在上甜品時送上開水,都幾細心5個人食佐152蚊,下次多D人時再來食先.^__^

晚飯後，找地方落腳吃甜品，同行的友人提議試《溏苑》，聞說它的心太軟很出名。不過由於剛剛吃飽晚飯，不想吃些太Heavy的甜品，所以在Menu上找些較輕量的。在Menu上見到店長推介的「Baileys併脆珍珠配北海道3.6奶凍」，兩樣至愛 : Baileys +北海道3.6牛奶集於一身，不知味道如何呢？一試後，奶凍做得很香滑，又不失奶味，應該沒有取巧，是以北海道3.6牛奶所做的；杯內有些珍珠，脆脆的，口感相當豐富。本來我與友人都擔心加入Baileys後會令奶凍的味道變得怪怪的，但一試後卻發現味道出奇地夾，令整個奶凍的味道層次更豐富，友人嚐了一口後也說下次來要點一整個來品嚐呢。至於友人所點的「冰火Oreo木糠布丁」也值得一試，它的賣相相當吸引，上層的蛋白以火槍燒過，像在吃火焰雪山，下層的木糠布丁以Oreo餅代替馬利餅，味道較濃，如果不是吃飽飽的話，相信用來果腹也不成問題。據店員所講，老闆每隔一段時間就會創出新甜品，所以下次來可能又有驚喜。下次會在下午茶時間來，high個tea，食個特色甜品可能會覺得很寫意呢。

同男友人睇完演唱會之後，佢話想食甜品，咁就番左旺角啦～糖百府同糖苑都要排隊,不過我真係極愛心太軟,所以揀左去排糖苑。排到23:30,終於到我地,入去諗都唔駛諗,揀左招牌榛子心太軟。佢話要即刻焗所以要等。咁OK啦..點知一等...起碼等左20分鍾!!!!!榛子心太軟($48):一黎個賣相的確好靚！！急不及待切開佢啦！咦？！無野流出黎既？唔通我切得唔夠入？！！我差唔多將佢一分為二，先＂了＂到少少朱古醬出黎男友人唔知咩係心太軟，仲問我人地本身係唔係咁？哼！！！！俾成５０蚊，等左我２０分鐘食１個朱古力海綿蛋糕！！太過份！！！唔流既心太軟，食落勁溜囉！！！！早知去對面食糖百府無咁嬲！！！！！

一向都好鍾意食木槺布丁， 所以見呢度有木槺布丁脆脆批所以就入黎呢度食啦。 一黎到睇到個樣已經覺得好似好好味咁，食落口果然好脆， 而且啲布丁好creamy好滑， 因為有幾層脆脆，所以比起平時既木槺布丁， 呢個更有口感，不過我覺得布丁嗰幾層可以再厚啲，應該會更perfect。 男友就叫左焦糖脆蕉加芝麻脆脆伴雪糕， 男友不嬲鍾意蕉糖味既野， 不過我麻麻，所以無試， 淨係試左雪糕同芝麻脆脆， 不過聽佢講焦糖加香蕉食落好得意， 個味比佢想像中夾好多。 而我就幾鍾意個芝麻脆脆，好香口！ 我地叫左香草硯仔意大利粉， 平時最怕就係啲海鮮有沙， 不過呢度啲硯仔好清甜，又無沙， 而且平時最怕食無味既意粉， 不過呢度啲意粉好香香草味，而且炒得好好， 每一條都好均勻咁係有味既， 雖然我唔鍾意食辣野， 不過呢個意粉只係少少辣，我都食到。所以呢度絕對有下次。 下次要試埋冰火oreo木槺布丁， 因為見到隔離叫好似好好味咁！

一個人食DINNER之前又尼過呢間幾多野食,有salad, main course, dessert, tea都係$3x-4x樣樣都有齊,所以幾仲意去呢度食飯點知今次去到我最仲意既日式咖哩全部都無哂轉哂做西式食物-意粉/pizza...etc仲要salad,dessert全部無哂,熱飲都要加$2個意粉本身都已經要$4x我叫左白汁雜菌意味道都過得去,都幾多菇但係我覺得以前d日式食品吸引好多如果係咁既價錢我會記擇其他西式舖頭食飯好過最慘係碟粉好細碟女仔還好,男仔實唔夠飽希望佢地可以加番以前d set啦

同男朋友見到呢間既雜誌專訪~好吸引 , 之後就走左去食 ;D 我食左我最想食既 ..* Tiramisu - 味道可以~~ CREAM不是太重手~ 不過佢D手指餅太稔 , 應該係濕咖啡酒個時濕得太耐過左火 .. 我唔中意太過濕既感覺 * 心太軟 - 即叫即整 , 所以要等 ~~ 如果你地落單個陣最好第一個落左呢個先 另外心太軟旁邊有一球CREAM同埋一球雪糕 ~~我就覺得心太軟加埋CREAM就會COVER左心太軟既味道~~但係如果心太軟加雪糕係一冷一熱既口感 , 好好味 ~ 大家可以咁樣試下