湯加 (泓景匯)

作為湯加食店開業以來的常客，這篇食評寫得格外沉重。我經歷兩次令人咋舌的用餐體驗。上週六點的外賣「豬肚雞湯飯」竟成文字遊戲——湯底只見數片薄如蟬翼的豬肚，雞肉蹤影全無。本以為是個別事件，本週五再試$79的「鮑魚姬松茸燉雞」，更見荒謬：燉盅內僅漂浮著兩塊柴口雞胸、一隻雞腳，所謂鮑魚不過是罐頭級別的一口尺寸。對比之前時多隻雞肉沉在湯中的盛況，如今份量恐怕只剩三成。從開業時每周必定光顧，到如今含淚撰寫這篇「絕交宣言」，見證的不只是食材縮水，更是經營者對食客的輕慢。當$79換不來一頓完整午餐的飽足感，當詢問缺料時只得到「今日廚房係咁安排」的敷衍回應。結語：筆者錢包與味蕾的雙重教訓，以後唔會再幫襯了。…查看更多

生病了 明明很熱的天 也想喝一口熱湯 竟然看到有湯飯DIY好開心，點了一個蕃茄湯 其實一整天也沒有吃過東西了 喝到一口蕃茄湯覺得很開胃 點了的是豬肉片和雞肉片肉的份量也很實在 下午茶的情況底下好像也有7-8片 為我這個病人補充不少營養 好吃…查看更多

平時有食開其他分店嘅湯加但呢間湯加真係特別難食我叫酸菜酸辣魚湯都勁大陣魚腥味成間鋪都有種又縮又臭嘅味 特別係個紫菜 平時喺其他湯加食開嘅紫菜都唔係呢個狀態（睇圖好似一啲食物殘渣咁款然後一食落口成口沙 都唔知有無洗過以後都無可能會再食啲菜又黃又黑豬軟骨超級硬 似翻叮再翻叮真係唔怪之得晚市都無人食同店員反映返佢淨係係度笑唔知佢笑乜鬼？莫名其妙對上一次食仲食到曱甴到底呢間嘢可唔可以快啲執最後完全食唔落剩低8成我寧願去食個M記都無咁嬲…查看更多

本身係網上外賣平台落單，結果去到話收唔到單(後尾收到noti話係湯加冇接到單)變左當場買，講左要豬潤牛肉湯飯轉淮山麵(因為想加生菜唔飲野)，問多次我係咩餸，我話豬 潤 牛 肉 淮 山 麵，又再問我係邊兩餸，我逐樣講，佢先問我係咪210，心諗我又唔係你我點會知，之後問我杯免費飲品要乜我都估到肯定唔係本身個2餸1菜，我都費事改佢as long as碗主食岩就算結果5分鐘後同我講ready，點知番到去先留意到杯檸茶唔見左，咁你未ready可唔可以唔好同我講ready成碗野除左個豬潤正常少少之外，個鮮牛肉完全冇牛肉味，個魚湯咸到死，真心唔知自己俾52蚊食緊乜…查看更多

好少可咁主動劣評一間餐廳🤨🤨🤨今日忍唔住要出手，因為琴日發生嘅事真係太嘔心！！！事緣琴日去食午飯，叫咗杯熱飲，杯沿居然有BB 昆蟲（唔知係咪小強Bb呢？睇埋其他人啲評價發現佢有前科🙃）我用紙巾撥開佢諗住就算後來叫咗杯熱水，個水杯居然有曱甴腳黐住，真係人都癲。我忍唔住大叫左，個阿姐就手快快拎走咗我杯水搞到我影唔切相。佢仲係咁請我飲凍檸茶同埋芝麻球，同我講唔好意思，我心諗我仲邊有心情食呢啲嘢，癡線🙂🙂🙂…查看更多

Cockroach in my rice noodles, super dirty kitchen and there are insects running around the restaurant. For the sake of mankind, just stop going here please…查看更多

證據確鑿，有相為證，本身都唔想搞到咁大，呢間舖頭唔係第一次，請各位是四小龍的朋友，小心小心，服務態度亦都不見好，我入到去叫經理出嚟處理。當日服務員，見到此狀況，同意退款。…查看更多

今日返屋企唔知食咩，見到依間係唯一唔洗排隊，所以就入黎買外賣。我無做research 先入黎係唔得！！凍凍地所以就想飲啲湯類嘅嘢，叫左個湯飯，諗住求其食，點知真係中晒招！ 係屋企食咗一半發現入面有隻死咗嘅曱甴🪳，超核突， 想毆返晒啲嘢出嚟🙄 ！！ 依間野太過分啦 我唔寫評語都唔得，仲要寫夠200字！！！ 太嬲啦！！！真係以後唔會再嚟幫襯，希望大家見到D相後，要林清楚先好入去食！！ 唔好好似我咁到晒招都唔知咩事！ …查看更多

Weekday Lunch😋blue monday想要滋潤下lunch決定去食湯飯😆湯加嘅湯飯 真材實料👍🏻鋪內座位不多，要早少少去湯飯選擇很多，樣樣都好吸引👍⭐必食推介:🐔花膠魚肚雞湯飯🍲一大煲燉雞湯 真材實料CP值超好 $78熱辣辣上枱♨️可惜好快就凍，如用保熱物料嘅煲就會好啲，keep熱可以耐啲🤔湯內有多塊好滑嘅花膠同魚肚👍🏻仲有隻大雞脾 仲有啲蟲草花湯味濃👍🏻 另附上一碗藜麥飯🍚健康高纖 又滋潤👍🏻好豐富嘅lunch😋食飽飽又再努力工作了👜…查看更多

晚上跑完步, 同老公想食D 湯類食物, 清清地, 不想太飽, 這裡最合我們心意,  我的蝦滑勝瓜淮山面,  清清淡淡, 魚湯底有少許薑味,  不太肚餓都覺很易入口, 而老公的酸菜酸辣魚湯, 他的評價是無咩味,  無料到,  完全無酸酸辣的味, 他比較愛辣,  所以感到不入味,  可能只有喜歡清淡口味的會合胃口一點,  標榜健康的食物都是清清地口味啦。…查看更多

平時LUNCH都係去開附近既荼記食碟頭飯,今日試下D特別D,未試過既.行左黎荔枝角呢間湯加,既然係自己食LUNCH,見有位就入左去了嗌左呢個雞肉片魚腐淮山面,佢仲有得自選湯底,我呢個就係酸辣,話明湯加,佢呢到既湯唔似出面餐廳個D普通湯底,伙十分夠味,其實仲有其他健康D既湯底,下次可以先再試下.因為我係比較中意食辣的!另外,個雞肉片好滑,浸係湯都好有雞味,好食的,魚腐就不過不失,重點來了!就係淮山面!一般餐廳都好少有得食淮山面,淮山面既營養價值高,所含熱量又相對較低,所以有好好既減肥健美既功效,唔想成日食飯食面都肥既人可以多D食下淮山面啦!淮山面又爽口，有嚼勁,有D似餛蝕面既味道.所以健康既野唔一定唔好食架.飲品: 水蜜桃汁普普通通,不過因為主角係淮山面,所以冇乜緊要.…查看更多

除咗譚仔之外而家市面上最出名嘅一定係心粥館系列包括魚米同埋湯加只要兩間都試吓就知道個分別在於唔係米線而係講求個湯底平心而論譚仔雖然比較龍尾但係有啲覆蓋左米線本身嘅完美不過湯加呢度係主打湯嘅精粹同埋配合米線嘅清淡所以佢衍生左五種湯麻辣湯酸辣湯魚湯清湯自己比較鍾意魚湯米線始終都係童年回憶咁呢一度嘅魚湯同魚米其實係有分別魚米就會做得鹹少少呢一度就好明顯係好清淡兩隻都係唔會有魚腥味淡淡都充滿鮮味係可以成碗飲晒…查看更多

見到「湯加」同「魚米」係同公司，就試下佢有咩唔同。鋪面唔大細細間，一入就有位座！兩個人叫咗兩個餐：自選套餐 - 兩餸+一菜+一麵牛腩豬扒+白菜仔+淮山麵（酸辣湯）牛腩豬扒無咩特別，正常嘢淮山麵，麵質幾爽口！唔會好快索到腍哂！酸辣湯底，唔會太辣，幾好味！豬軟骨蕃茄湯淮山麵豬軟骨夠腍，唔韌！蕃茄湯都幾入味，味夠濃！瑞士雞翼重口味雞翼！唔食得鹹唔建議你嗌。總括而言，嘢食味道合理都唔差，環境乾淨企理，價錢公道，都可以翻食👍🏽…查看更多

前幾日一直要係屋企溫書，忙到連嘢食都唔得閒煮，又懶得嘥時間落街買嘢食，所以就決定叫外賣湯飯食啦，但今次嘅經驗真係令到我好失望，應該再唔會叫呢間餐廳嘅外賣啦，因為價錢都比較貴而且份量都好少，而且味道真係唔好食☹️☹️☹️當日我就叫咗一個酸辣湯三色飯，配菜揀咗蝦滑、竹笙，同埋娃娃菜，竹笙既份量除咗好少之餘，亦都好碎，感覺係啲頭頭尾尾嚟嘅，蝦滑同娃娃菜嘅份量都係偏少☹️☹️☹️而我屋企人另外叫嘅湯飯，仲要送到黎嘅時候配料錯晒，又要打返去叫餐廳再換過一份嚟，雖然餐廳都願意即時咁送返一份啱嘅嚟，但前前後後都等咗多過一個鐘嘅時間☹️☹️☹️☹️…查看更多

今日lunch一個人食飯，揀啲搭枱快食餐方為上策，但又唔想食麥記美心嗰啲，呢間食肆不失為好選擇！之前主要食揀餸嘅湯飯，有肉有菜，又可以轉紅米飯，感覺係清淡健康！今次想來啲唔同，見佢有啲新嘅常餐，堅要支持下，重點係常餐跟飲品，其他就加$7喔！常餐組合勁奇怪，沙茶牛肉公仔麵配泰式雞鎚伴薯條、薑絲豬膶牛肉烏冬配瑞士雞翼伴班戟、豬扒公仔麵配越式春卷伴薄飯，好唔同茶記常餐，大開眼界呀！揀左薑絲豬膶牛肉米粉，配瑞士雞翼伴班戟，加$3轉凍檸茶！瑞士雞翼夠入味，味道唔錯，但牛肉係用粉la過無牛肉味，湯底無味，而班戟得甜味無蛋香！感覺係做緊啲唔擅長嘅嘢！…查看更多