湯加 (已結業)

今次係我第二次黎食喇，記得第一次係食鴨腿湯飯，好好味，對於少飲湯水既人黎講，真係一個滋潤地方。而咁岩天氣時冷時熱，個人覺得要補返下，所以今次揀左薑絲牛滑湯配藜麥飯，首先黎講藜麥飯愈來愈出名，因為藜麥屬於禾科，相對含糖量應該比白米少，所以點可以唔食，仲要唔使加錢!薑絲牛滑湯方面，本人就有少少失望，原因係佢係偏咸左d,如果以湯飯黎講，一定配湯食，所以食左唔少鹽落肚，牛滑方面，個人覺得如果係牛肉片既話應該會好味d,整體黎講，呢款湯只有薑絲 牛滑同湯，一條菜都無，當然佢張menu都係咁既樣，但如果有機會下次再去食，我應該會揀有菜有肉既湯，無咁單一!

老老實實，係旺角太子真係冇乜野食可以選擇，來來去去都係放題，韓燒，打邊爐等等，仲要價錢唔平，難得今次唔專登上open rice擇，係rainbow salon隔離開左間叫「湯加」既野，睇左個menu, 又唔係貴，好抵食咁，所以都冇乜大期望，點左竹笙花膠豬肉片，跟飯，仲可以添飯tim, 有白飯，紅米3色飯，餅，面等等，非當抵食，啲飯就比較乾左少少，個餸可以擇湯底，我就要左鮮魚湯啦，料都幾足，啲花膠幾入味，料都好足，而且晚飯呢個價6-70蚊都抵啦，最重要係晚飯時間都唔會好迫同排隊！下次都仲會試下

第一次寫食評，因為真係值得讚。朋友二人第一次，我叫左一個黃酒雞配淮山麵，朋友叫咗肉骨茶跟五色飯。上菜時黃酒雞非常香，有薑絲，有啲類似雲耳木耳嘅物體, 飲一啖好甜，濃濃嘅酒香。好耐未食過咁好味嘅黃酒雞。食完個面仲想叫個飯到入去，不過太飽啦！友人嘅肉骨茶，味道比較清淡，將啲飯到入去味道剛剛好，仲可以免費添加飯！食左2砵！可惜只可以加飯唔可以加面⋯後記：忘記自己係生理周期，黃酒雞好有效⋯⋯搞到自己暈暈地😝 你懂的！

旺角 太子一帶太多連鎖餐廳或者放題星期六日更加人山人海 好難搵食加上自己身體唔舒服 想食得清淡d 搵食更加難上加難😭😭偶爾經過 湯加見到晚飯時間 人不算多 唔洗等位 就入去一試比想像中有驚喜湯飯除左配菜有得選擇外 就連配咩飯 或者麵都有得揀今次配左食魚湯飯 魚還算滑 是剛剛熟湯就算有味精 也不會太重手尚可接受到飯揀了藜麥飯 但飯偏硬 好適合加湯 變湯飯飯份量偏細 因為餐廳係可以免費添飯添麵 女士應該足夠😀😀男士就可能要加添了😅😅整體環境頗新 我估計係剛開幕無耐值得推薦俾朋友

今日約咗男朋友喺朗豪坊睇戲六點幾出到旺角 又唔係好想食啲好heavy野本身想食蕃茄湯通粉但又諗起之前行街路過見到呢間湯飯諗住健康啲就揀咗呢間喇睇咗一陣揀咗2款都係准山麵 諗住特別啲男朋友嗌咗芥菜咸蛋瘦肉$45都算係咁同埋上菜方式都幾好！又唔怕啲麵浸得太耐會淋曬我就嗌咗海鮮 有得揀蕃茄湯仲包一杯熱 野飲 $51都算係咁😬都幾多料 2隻青口 2隻蝦 2舊魷魚仲有3隻 帶子仔 同埋真係有鮮蕃茄肉最後唔洗100蚊就可以出到門口 太好了

放工去旺角買野，順道食晚餐。連日來食得太豐富，今天獨自食，想食清淡些......恰巧經過這間食店，被門外的宣傳單張吸引...... 這裡有淮山麵食！我很好奇，而且覺得很特別，再仔細看看它的功效，便決定入內一試。有幾款食物可配淮山麵，而且亦可自選湯底，有清湯、蕃茄湯、鮮魚湯及兩款加 $3 的湯底。另外，再免費送一杯熱飲，價錢合理！仔細看看餐牌，原來不只有淮山麵，還有其他選擇，有米線，米粉，三色飯等。但我仍堅持食淮山麵，下次再來，就食其他款式啦。我點了「蝦滑勝瓜淮山麵」，配魚湯，熱柚子蜜。蝦滑勝瓜淮山麵，第一口食麵先，真的有淮山味，很重的淮山味，麵很幼細。蝦滑爽口彈牙，魚湯清甜，這碗麵清清地，很合我口味，感覺很健康似的 ^_<唯略嫌麵太少，未能盡興。

今日叫左個tea蕃茄湯牛肉米線,味道幾好,米線有口感,鮮牛夠淋,個蕃茄湯唔重味精,仲可以配其他小食,值得ㄧ試,可惜今日得ㄧ個人食得唔多,下次再試其他!職員態度都好,不過不要再在客人面前教訓同事會好D

堂食個樣都可以，但外賣嘅份量絕對唔夠一個正常人食。外賣紙張同真實嘅樣，有好大差別，完全冇買相，本身好肚餓，見到都唔係好想食，但係食落又有驚喜，味道又唔差，所以下次都係試下坐低食

又到晚飯時間。又係一條“冷”搵野食，就搵間唔駛等位就入去食。一座低。睇下個menu，都好多選擇。就揀左我最中意食既湯飯。客家黃酒薑絲煮牛肉配三色飯其實呢樣餸睇落好簡單，但煮既時間要掌握得好好，如果住得耐啲酒就會有苦澀味，煮得唔夠時間d酒又唔夠香味。呢間用黃酒煮嘅湯， 配上新鮮嘅牛肉加木耳，再加上少少薑C, 湯飲落唔覺苦，好有黃酒既香味， 牛肉煮得好淋，唔覺得好靭。 配埋個健康三色飯，都係一個健康之選。 而且價錢又唔係貴，可以值得一試。

午市時間，見這店新開便一試。入座後不久便滿座。大熱天時，店外排了近十人，望見都熱。魚肉豆腐淮山麵可以選湯底，要了個蕃茄湯。蕃茄湯顏色的湯，內有幾件蕃茄肉，湯卻淡而無味，淡如水，只帶少少酸。完全被賣相騙了，顏色從何來？魚肉腍到「梅」，吃了一口勉強吞下，其他都放棄了。豆腐正常。淮山麵可以，雖然沒有味，但不會太腍。唯一值得一讚，是夠熱。紫菜四寶藜麥飯用砵仔上的飯，頗有特色。飯偏乾卻同時偏腍，藜麥不多，不過飯香十足，都幾意外。紫菜不及永年士多好吃，沒那麼滑，但都算可以。貢丸爽口，魚蛋和魚片都不俗，夠彈。飲品偏甜。熱銀菊蜜有菊花味，但甜得太誇張。建議凍飲也要少甜。座位逼又窄，幸好服務不差。外面的隊越來越長，我亦不敢怠慢，低頭密密吃，一邊感慨打工仔的辛酸。每天坐在辦公室8小時，忙個不停，難得一小時的午飯時間，等位等上菜沒了四分一，等待卻沒有換來高質素的食物。被串道：「食個lunch，你想點，比個九大簋你好唔好」我只求吃得好，不是求豐富。幾十元一碟叉燒飯，也可以平、靚、正，而且超快。

自從有一次媽咪買淮山麵回家煮面後，覺得口感不錯，又無油炸又無添加防腐劑，感覺健康又有益，所以現在我每次煮麵都用淮山麵來代替即食麵。估唔到今日在花園街附近見到餐廳門口的餐牌有淮山麵就決定呢度lunch 平時在家中煮麵較簡單，都是用丸類，餃子，腸仔等急凍食品配麵。但來到餐廳款式果然多好多，每一款配搭都好豐富，非常吸引，而且重可以自選湯底和送飲品。最後，我選擇蝦滑勝瓜淮山麵，湯底要鮮魚湯，熱飲要金桔蜜～食物用木盤托擺放，多了一份質感，拍照看起來也沒那麼單調～ 不過食物的賣相和份量卻跟餐牌圖片相差錦遠既 幸好蝦滑做得彈牙，晶瑩透明，而淮山麵跟我平時吃到的口感和味道一樣，其實口感像吃米粉一樣，不過咬落會爽口D 同有准山味，而奶白色的鮮魚湯底飲落鮮甜清爽，真是清淡又健康的一餐

見依間野食湯飯又懷山麵應該都幾健康, 就試下啦total叫左兩個飯, 一個酸菜酸辣魚柳清魚湯配蕎麥飯, 另一個就散叫豬軟骨魚肚絲瓜蕃茄湯配蕎麥飯魚柳個個D魚夠曬多， 不過蕎麥飯D蕎麥就少左D啦, 食落去都幾好食豬軟骨個飯都係不過不失啦, 正正常常無surprise但係唔係難食兩個飯都有一個問題係看似好健康, 但係湯底太鹹啦, 假如賣點係健康ge話, 調味方面可能要著手一下啦, 至於份量呢都算大份, 假如偶爾想食住家D, 推薦大家試, 真健康人士就難DD啦

以前在旺角上班知道附近都沒有什麼好吃的餐廳，但是今天路過發現開了很多餐廳。今天想健康一點就選了湯飯來嘗嘗友人A選擇了: 紅酒牛尾湯飯 $60飯可選白飯、三色飯或藜麥飯，更免費添加飯。紅酒牛尾炖得不夠軟爛，牛尾大概4塊左右，肉質比較柴，像老火湯的肉一樣。湯很油，味道偏咸。整體普普通通。友人B選擇了: 肉骨茶湯飯 $58飯可選白飯、三色飯或藜麥飯，更免費添加飯。骨肉茶上桌時已經不太熱，豬骨大概4塊左右，肉質跟老火湯的豬肉一樣柴。湯很濃藥材味，喝下去沒有藥材味，味道比較清淡。湯飯DIY (自選2餸1菜) $41+6餸: 雲耳、豬肉片、新腐竹。加餸一款$6菜: 生菜湯底: 蕃茄湯可選飯/米線/米粉/公仔麵，我選了米粉。沒想到米粉是另外上的。這碗的份量也太大了吧！整體是不錯的，很清淡很健康，不過價格就偏貴一點。