湘舍壹號

營業中

休息中

今日同朋友試咗呢間酒店入面嘅湘菜餐廳，裝修以黑白色為主，環境沉實大方，同生意夥伴食飯都幾啱，服務主動又貼心，會照顧到每位客人需要，而且套餐價錢好抵食，份量仲好足！ .🌟冬瓜老鴨湯 老鴨鮮香濃郁，肉質腍爛，湯底厚身又唔油膩，冬瓜清甜解暑，個湯仲有蠟燭一路熱住，暖胃又貼心。 .🌟燒椒皮蛋 微辣鮮香，虎皮椒焦脆帶少少苦，皮蛋流心綿密，醬汁濃稠帶微微辣，口感層次豐富，做頭盤好開胃！ .🌟陽雀湖辣椒炒肉 土豬肉嫩滑又香口，陽雀湖辣椒皮薄脆爽，鑊氣十足，油脂滲透辣椒，辣中帶甜又唔膩，送飯一流！ .🌟砂鍋虎皮豆腐 豆腐外脆內嫩，吸晒啲鮮濃醬汁，砂鍋燉煮鎖住熱氣，湯汁味道濃郁又唔會過鹹。 .🌟配茶薯片 餐廳會送配茶嘅薯片，爽脆帶微甜，雖然係小食，但係成餐飯其中一個記憶點！

難得喺香港可以食到適合港人口味嘅湘菜，入面嘅格調同埋食物都好有翻深圳食嘢嘅感覺，唔使去咁遠都可以食到真係太好😀餐廳選用最新鮮、以空運方式送到嘅本地食材，由經驗豐富、技巧純熟嘅廚師親自主理，令人一試難忘👌🏻 偶爾換下口味，真係令人感到好開心🙌🏻湘舍商務午市套餐（二人用）@$388燒椒皮蛋皮蛋配上小青椒，再加啲紅薯片一齊食，呢款冷盤帶嚟滿滿新鮮感，口感層次即刻升級👍🏻筒子骨燉湖藕蓮藕胡椒排骨湯以小窩奉上，熱辣辣一口飲落，暖胃又滋補。蓮藕係本土空運過嚟，難怪湯頭咁鮮甜，地道風味十足😋十八秒牛肉辣椒仔炒黃牛，加飯食就最好😛砂鍋虎皮豆腐服務員提到套餐入面可以揀虎皮豆腐，啱哂之前啲餸比較重口味，加返個清清哋嘅小菜嚟中和一下，感覺真係幾正！時令炒蔬菜健康嘅菜式都不能夠缺少炒菜，菜都食得出非常鮮味同爽脆🙃酒釀丸子最後送上嘅甜品係呢餐完美嘅終結🫶🏻呢間坐落好舒服，兩人食仲有小包廂，非常推介，值得一試👏🏻

今個假期，我同朋友去咗位於灣仔嘅商務食府食飯，依間餐廳叫做湘舍壹號，位於美粵海酒店嘅一樓。佢哋推出咗一個商務套餐，都幾抵食。燒椒皮蛋皮蛋切到非常之細粒，令到成道菜都有香濃嘅皮蛋味。今日嘅午餐仲送有湯，呢個餐湯真係真材實料，見到用上唔少嘅食材。十八秒炒牛肉牛肉入口有香濃嘅肉香，肉質亦都幾細滑，唔會覺得太韌。加上餐廳用咗唔少嘅調味料去炮製呢一度菜式，令到味道好惹味。煮食方面，分別有白飯又或者係青稞餅。我自己就覺得呢一個餅青稞幾特別，唔係咁多地方都可以食得到。最後仲有一道甜品添，個甜品製作都好精美。整體嚟講，今餐嘅價錢唔貴，餐廳環境優美，食物亦都好精緻。

今次中午同朋友行過灣仔，想食返啲夠惹味又飽肚嘅菜式，最後揀咗一間以湘菜為主打嘅餐廳嚟試吓佢哋嘅商務午餐，從前菜、主菜、湯品到甜品一應俱全，性價比高，而且辣得過癮！燒椒皮蛋餐前小吃已經令人驚喜。皮蛋質感煙韌，蛋香突出，微酸微辣，非常醒胃。椒香濃郁卻不嗆喉。冬瓜老鴨湯老火湯風格，湯底冇過重油脂感，淡中帶甜，仲帶住一陣陣藥材香氣，飲落暖胃又解辣。清炒時蔬清炒蔬菜就簡簡單單，但炒得唔錯。保留娃娃菜既爽口感。食完幾道辣菜之後食返啖清炒時蔬，係一個唔錯嘅過渡位。砂窩虎皮豆腐豆腐表面煎至虎皮微皺、略帶焦香，但內裡仍保留嫩滑質感。砂窩保溫效果佳，醬汁鹹香微辣，帶少少豆瓣醬底味，連汁帶豆腐撈飯一流，令人一啖接一啖。小炒王牛肉炒得火喉十足，牛肉唔鞋口，反而夠嫩又有嚼勁。配料有指天椒、酸菜，香味加酸味層次豐富。辣得刺激，但唔會辣到麻痺，啱晒平時鍾意重口味嘅朋友，送飯亦一流。是日糖水甜品相當有誠意，用料養生，甜度恰到好處。雪燕滑溜清潤，紅棗甘甜，蓮子煲得夠腍，整體飲落好舒服，唔會過甜。係辣辣地之後一個好溫柔收尾。

一級商務食府，簡直係商業精英嘅飯堂首選！呢間餐廳環境優雅，食物質感同味道都好有高級感，但超抵嘅雙人套餐只係$350，兩個人就能食到頂級質素嘅中式美食！前菜、主菜、湯品、蔬菜到甜品，樣樣都用心又好味！燒椒皮蛋（前菜）
燒椒皮蛋真係開胃神器！皮蛋滑嫩Q彈，燒椒帶點微辣同煙燻香，入口先係皮蛋嘅濃郁蛋香，再來一陣辣椒嘅刺激，味道好有層次！簡單但好有驚喜，超級好食。筒子骨燉湖藕（湯品）
呢碗湯好滋補！湯底濃郁鮮甜，滿滿骨髓嘅香氣。湖藕炆得粉糯，入口帶點清甜，搭上湯嘅鮮味，飲落暖胃又舒服。滿下的蠟燭持續燃燒着，確保湯品持續暖和。湯頭清而不膩，係商務飯局嘅完美開場！風吹臘鴨胗（主菜）
風吹臘鴨胗真係驚艷！鴨胗切片薄薄，咬落爽脆有嚼勁，帶點臘味嘅鹹香同煙燻風味，食落好惹味！調味啱啱好，唔會太鹹，搭飯或者青稞餅都超正，係主菜嘅亮點！青椒土雞蛋（小菜）
青椒土雞蛋簡單但好味！土雞蛋炒得軟嫩，蛋香濃郁，青椒爽脆帶點微辣，兩者混搭好開胃。食落清爽又唔失風味，係配菜嘅經典之選！青稞餅（主食）
青稞餅真係意外驚喜！內裡軟糯，帶點青稞嘅獨特香氣，咬落有淡淡嘅穀物甜味。炒椰菜（蔬菜）
炒椰菜清新又健康！椰菜炒得爽脆，

菜品很一般，跟價格不符。灣仔銅鑼灣有更多價格親民，更有鍋氣的湖南菜選擇. 總體來講服務不錯，但味道挺失望的, 不知為何之前評分能高。Food quality is so-so and extremely overpriced. For the same kind of quality, there are plenty alternative Hunan restaurants in the Wanchai /CWB area. Service is ok.

同屋企人去咗灣仔嘅湘舍一號食飯，店舖位於香港華美粵海酒店，環境優雅帶中西混搭風，適合商務聚會或者同朋友輕鬆享用。🥚 燒椒皮蛋皮蛋切得細滑，燒椒香氣同微辣開胃，口感豐富，作為前菜唔錯。🍲 筒子骨燉湖藕湯底濃郁，筒子骨肉香滲入軟糯湖藕，溫暖又滋補，飲落舒服。🥩 十八秒牛肉牛肉炒18秒，嫩滑多汁，調味入味，辣度適中，帶鑊氣好惹味。🍲 砂鍋虎皮豆腐豆腐外焦內嫩，砂鍋熱度令口感滑溜，配肉碎同湯汁，配搭唔錯。🥬 時令蔬菜蔬菜炒得鮮嫩，味道清甜，簡單保留原味，平衡餐點油膩感。🍞 青稞餅青稞餅軟糯帶穀物香，甜度低，配其他菜式啱啱好。🍮 紅棗燉雪耳雪耳滑潤，紅棗香甜，甜度適中，滋潤做收尾。湘舍一號嘅商務午市套餐性價比高，環境舒適，菜式有心思，係灣仔搵湘菜嘅一個好選擇。

今日去會展前有野要同同事傾， 佢帶左我去食高級午餐商務套餐， 環境優雅、菜式精緻，服務貼心，佢係華美粵海酒店入面1樓緣！ 環境特別高大！ 無論同事飯聚定客戶會面都夠體面又舒服。🍽️ 佢哋用左黑白格調為主同埋以高貴既用餐枱布， 成件事都好舒服，見到有卡位私隱度高， 仲多到可以book 包房tim。 黎到會問要飲咩茶， 我哋揀左金丝皇菊熱茶清香微甘，飲落好舒緩。燒椒皮蛋前菜微辣帶煙燻味，開胃又醒神。砂鍋虎皮豆腐外脆內嫩，豆香濃郁。冬瓜老鴨湯清甜鮮美，暖胃又滋補。十八秒生肉嫩滑多汁，肉味突出。清炒時蔬爽口清新。小米青稞餅微甜帶穀香。是日糖水甜而不膩。

《精緻湘菜盛宴🌟》———————————————-#湘舍壹號 🏮-呢間位於灣仔嘅中菜裝修典雅，座位寬敞舒適，仲有包廂好適合商務會議或者聚餐，早排同公司同事上嚟食，估唔到咁高質，服務貼心之餘賣相精緻，啱哂打卡📸-一坐低店員就先上咗一盒前菜，用個好精緻嘅盒裝住，薯片口感薄脆，食得出淡淡紅糖味，非常開胃🤗-🖤 燒椒皮蛋而套餐裏面嘅前菜我哋就揀咗呢款皮蛋嘅冷盤，清新微辣，蒜香同剁碎咗嘅皮蛋香味極夾～-🍲 筒子骨燉湖藕賣相吸引，有個火爐喺下面一路烘住，暖笠笠，湯底味道香濃，十分清甜，蓮藕口感清脆帶絲🥳-🐯 砂鍋虎皮豆腐先煎至金黃虎皮紋，再燜煮，食落外脆內嫩，醬汁味道鮮甜之餘帶點辣度，非常惹味🌶️-🐽 老長沙口味豬手豬手撈得好入味，醬汁香濃，好啱撈飯，絕對係白飯殺手🍚 口感充滿骨膠原，鮮嫩爽陣😝-套餐仲有包清炒時蔬同精選糖水，非常豐富，相當滿足，呢個價錢可以食到呢個質素嘅商務套餐實在好抵，絕不失禮，性價比十足💰-💰 參考價錢：（另收加一）湘舍商務午市套餐：$398🍌 抵deal指數：7/10

朋友帶咗我嚟灣仔香港華美粵酒店食lunch, 有間隱世中菜叫湘舍壹號，餐廳環境坐得好舒服，員工服務亦好周到。商務午市套餐，超抵2人套餐燒椒皮蛋非常惹味，辣味相對適中，反而更加食到椒嘅香味，配合皮蛋特別嘅口感，十分開胃。石鍋腐皮豆腐熱辣辣嘅小菜，豆腐仍然係口感細幼，豆味濃郁。配搭腐皮原來都幾特別，增加多一種不同嘅口感，腐皮可以更加突顯調味。筒子骨燉湖藕好清甜嘅燉湯，因為係燉湯嘅關係，湯裏面嘅雜質相對較少，所以飲落去感興趣更加舒服，同埋簡單嘅配料，可以令人專注品賞湖藕嘅清甜。18秒牛肉少少辣又惹味嘅牛肉小炒，刺激到又適中撈飯食真係一流。而且所有材料切嘅大細都相同，所以口感非常之好。清炒時菜經過幾個濃味嘅菜式，食返一個清炒小菜可以清一清味蕾，真係唔錯。小米青棵餅第一次食呢種類似燒餅嘅東西，味道雖然冇乜特別，但係配合濃味嘅菜式包埋一齊食都係一個唔錯嘅選擇。是日糖水最後整多個感覺極之滋潤嘅燉雪耳糖水，清除之前菜式嘅所有辣度。完美嘅句號。

今日經過灣仔想去食湘菜於是揀咗一間好出名嘅湘菜餐廳想試吓佢係咪真係咁好味（燒椒皮蛋） 哇！呢個皮蛋真係有驚喜！個燒椒夠晒香口，辣辣哋又唔會搶咗皮蛋味，皮蛋流心嘅程度啱啱好，食落去有啲煙燻香，正到痺！（骨燉蓮藕湯） 個湯夠晒火候！飲一啖成個身暖晒，蓮藕煲到淋得嚟又唔會散，仲有啖啖排骨香，正！（18秒牛肉） 嘩！個名冇改錯，真係嫩到冇朋友！18秒快炒果然犀利，牛肉片薄薄哋又入味，仲有啲孜然香，辣度啱啱好送飯。不過份量有啲少囉，食多兩啖就冇晒，吊癮呀！ （青椒土雞蛋） 呢個就家常菜feel啦～雞蛋炒得夠晒滑，青椒爽脆冇草青味，簡單但鑊氣十足！（時令蔬菜） 正常發揮啦～菜夠嫩冇渣，蒜蓉炒幾香口。不過略嫌油多咗少少，碟菜心都幾「精緻」！呢間真係有料到嘅，嗜辣嘅朋友會鍾意。超抵2個人$350就食到一級商務食府質素！湘舍壹號 (灣仔)灣仔駱克道57-73號香港華美粵海酒店1樓

在灣仔酒店的湘舍，真係一個唔錯嘅選擇！一入到去，就感受到店員嘅熱情款待，仲主動介紹菜式😆涼拌黑木耳，簡直係一個完美嘅開胃菜，令我一開始已經食得唔停口😋再嚟個砂鍋虎皮豆腐，外脆內嫩，豆腐吸收咗砂鍋裡面嘅湯汁，每一口都好有味道✨筒子骨燉湖藕，呢個湯更係令人驚喜，骨肉分離，湯底濃厚，湖藕吸收咗肉味，飲落去好舒服🤪清炒時蔬亦都唔可以忽略，保持住鮮嫩嘅口感，真係一個好嘅搭配🥦寧鄉花豬肉係職員推介，辣辣地好好食，送飯一流🍚至於紅棗燉雪耳嘅是日糖水，清甜不膩😎整體而言，湘舍嘅環境優雅舒適，無論係約朋友聚餐定係商務宴請，都係一個非常合適嘅地方🌟下次再來，一定要再試多啲佢哋嘅其他菜式！

超抵食$350就食到超高級商務午市套餐筒子骨燉湖藕用湖北湖藕加上排骨燉湯，湯底清甜既粉藕，碗用蠟燭加熱上桌，keep住夠濃郁清甜。手拍黃瓜黃瓜新鮮爽脆，蒜香微微麻辣，夠開胃。拆骨肉荷包蛋炒蛋吸收肉汁，味道濃郁，同拆骨肉排一齊食有層次和家鄉風味。砂鍋虎皮豆腐豆腐內軟滑外皮微脆紮實，濃郁湯底帶點碎肉和香芹菜，味道豐富。清炒椰菜簡單清炒鑊氣剛好不會過熟，更保留椰菜鮮甜味了及爽口。青稞餅烘烤得色澤微金黃，口感煙靭，入邊用咗小米做餡料，食落甜甜地。酒釀湯圓：芝麻湯圓芝麻香濃QQ彈牙，酒釀酸甜舒服和胃又暖心，滿意收尾。裝修以黑色大理石牆為主色，配上復古歐式皮座椅同棋盤格地板，加上暖黃燈光，營造出高雅又帶點復古嘅氣氛。食物味道正宗，2位份量足，小食同主菜選擇多有辣有不辣選，環境同服務加分。

最近要同客戶食商務午餐，發現係灣仔酒店入面既餐廳，環境好優雅，座位舒服氣氛輕鬆，仲要食得好飽好滿足！大家真係不妨嚟試吓😍🥢開胃小食未食之前，佢先serve咗豬肉紙同菊花茶☕️豬肉紙勁脆勁好味，食吓食吓好快就上菜😍🍲湯 - 筒子骨燉湖藕湯底清甜，骨頭熬得好入味，湖藕脆嫩，最欣賞係佢有點個火坐熱住佢，唔怕啲湯會凍🫶🏻🥢前菜(3選1) - 燒椒皮蛋鹹香可口，皮蛋勁滑，加上燒椒嘅香氣，超開胃☺️👍🏻🥢主菜 (3選1) - 十八秒牛肉煎得剛好，外脆內嫩，配上特製醬汁，口感超正這道菜充分體現了湘菜的辣味和濃烈風味，好味😋🥢小菜 (3選1) - 砂鍋虎皮豆腐豆腐外脆內滑，微辣但好惹味😙 送飯一流~🥢蔬菜 惹味炒蔬菜，略嫌油咗dd，但我哋都食曬成碟😆🥢主食 - 青稞餅 + 米飯青稞餅啖啖都有嚼勁，完美中和其他菜品嘅味道~🥢甜品 - 銀耳羹微甜~ 銀耳清清爽爽，完美結束呢頓豐盛嘅午餐🥰湘舍一號嘅商務午餐真係好味又足料，性價比極高👍🏻佢喺大眾點評入面仲係商圈人氣好店，真係值得一試！

位於灣仔的高質湘菜館 —「湘舍壹號」。餐廳裝修豪華，環境舒適，服務亦相當到位。特別推薦他們的二人商務套餐，價錢相宜，每位只需約$200($398包兩人)，性價比極高，適合商業午餐或家庭聚會。首先是燒椒皮蛋，燒椒與皮蛋的配搭出乎意料地和諧，是一道不錯的開胃菜。砂鍋虎皮豆腐亦值得一試。豆腐煎得外脆內嫩，配上濃郁醬汁，非常下飯。筒子骨燉蓮藕湯底清甜，蓮藕軟糯，筒子骨份量十足。光是這湯便值回票價清炒時蔬則平衡了其他菜式的濃郁味道，清新爽口。最後是青椒雪花黑豬肉，黑豬肉肉質鮮嫩，肥瘦均勻，與青椒的搭配恰到好處。「湘舍壹號」環境舒適，服務優質，食物質素高，是商務午餐或家庭聚會的理想選擇!