湘舍壹號

營業中

休息中

今日同去完旅行番嚟嘅閨蜜去食有湘舍壹號….兩個人唔洗$400 就試到有一級商務食府嘅質素….性價比好高…由食物到服務都好好….一坐底就已經有好食嘅番薯片等緊你….🐾 燒椒皮蛋依道前菜好特別….將滑嫩嘅皮蛋切碎….加入青椒同特製醬汁攪拌…. 辣辣哋好開胃….燒椒嘅微辣感提升皮蛋嘅風味….🐾筒子骨藕湯粉藕同筒子骨慢燉…..暖笠笠嘅湯散發淡淡嘅藕香….非常清甜…..喝到見底😂🐾拆骨肉荷包蛋豬後腿拆骨肉爆香….辣辣哋嘅調味….同煎至邊緣焦脆嘅荷包蛋好夾….🐾砂鍋虎皮豆腐豆腐先煎後燜….好有豆香….配埋豬肉碎…. 令人好想食飯😂🐾清炒芥蘭🥬芥蘭脆嫩….好健康…🐾 青稞餅小米做餡料….煙煙韌韌…甜甜哋好食😋🐾 雪耳糖水雪耳燉到啲膠質出曬嚟…. 清甜可口…..潤喉解膩….為依個餐飯畫試完美嘅句號☺️

灣仔華美粵海酒店有間高級湘菜,餐廳位於酒店1樓,環境優雅,以靛藍與墨玉色餐桌打造低調奢華感✨主打正宗湘菜,超抵優惠“商務雙人午餐”$400都唔使,就品嚐到咁嘅質素同環境真係性價比高,菜式豐富之餘亦充滿驚喜！餐前小食~蕃薯片用紅色古裝盒裝住紅烘乾嘅蕃薯片,薄脆如琉璃片,勁香脆又帶有天然甜味,作為餐前小食真係食唔停口！✨湘舍商務午市套餐🥢前菜~拍黃瓜非常爽脆,又有香辣味道,作為前菜,十分開胃！🥄湯品~筒子骨燉湖藕蓮藕好粉糯,筒子骨鮮香,上枱用火keep warm,熱辣辣,湯色如蜜好濃郁,好飲！🥢主菜 ~陽雀湖辣椒炒肉鑊氣沖天！炒肉超入味,青椒辣度適中,惹味十足,份量又多,餸飯一流！🥢小菜~砂鍋虎皮豆腐豆腐口感軟滑,配搭虎皮椒同肉碎,味道香濃,帶少少辣,豆腐吸收湯汁,真係好好味！🥢時令蔬菜嫩綠,青甜爽脆！🥢主食~東北大米飯米飯軟糯有口感,就咁食都好好食！🥄甜品~紅棗雪耳蓮子羹清甜滋潤,膠質掛勺,唔太甜,每啖都好滿足！

今日同同事嚟到灣仔食lunch2個人都被安排依個半開放嘅房私隱度極高坐低先有一份小食 脆脆哋 好香口商務午市套餐(2位用) $398前菜：涼拌黑木耳口感好爽脆 味道酸酸甜甜咁 好清新好開胃湯品：筒子骨燉湖藕好濃郁好足料 有溫度嘅一個湯湯底好清 帶點鮮甜 又唔會太油膩筒子骨燉到入晒味 肉味又仲好香濃主菜：拆骨肉荷包蛋個汁好濃郁好惹味 仲有少少辣 配肉同荷包蛋都好夾拆骨肉肉質都幾嫩 啖啖肉荷包蛋本身煎得好香 個邊脆脆哋 吸晒啲汁 好好食耶~如果用埋嚟撈飯 真係不得了小菜：砂鍋虎皮豆腐味道有啲似酸菜魚 一樣係咁惹味🥹豆腐好入味 再加埋啲肉碎 又係好啱用嚟送飯 🍚蔬菜簡簡單單用豉油炒 甜甜哋 都唔錯主食：青粿餅食落口感幾煙韌 仲帶點米香 又幾好味最後食返個糖水 飲杯茶

工作伙伴喜歡食湘菜，開會之後，我地去了灣仔一間一級商務食府共晉午餐。湘會商務午市套餐，連餐前小食，共八道菜餐前小食：紅薯片前菜：涼拌黑木耳湯品：筒子骨燉湖藕主菜：陽雀湖辣椒炒肉小菜：砂鍋虎皮豆腐蔬菜：時令蔬菜（菜心苗）主食：青稞餅甜品：紅棗蓮子燉雪耳服務員首先為我哋斟茶，茶香四溢；小食的紅薯片甜脆可口。筒子骨燉湖藕以位上，有小火暖著，十分細心，湯頭濃郁，蓮藕香綿，一邊傾計也不怕湯放涼。陽雀湖辣椒炒肉，可選辣度，我哋選了微辣，牛肉炒得好香，油香四溢。砂鍋虎皮豆腐：豆腐清香嫩，菜心苗非常新鮮鮮甜，青稞餅煙韌帶微甜十分特別的口感。最後送上紅棗蓮子燉雪耳滋潤一番。整個餐飲非常舒服，食物份量足，環境高貴雅致，有包廂房，寧靜、私隱度高，有專屬升降機直達，十分方便。這商業精英飯堂，超抵優惠兩位都是三百多元，在港島區中心地帶可以有這高雅致環境和一級商務食府質素性價比高。

原價$1180的商務午市二人套餐，而家$398就食到，梗係要嚟食下！裝潢貴氣典雅，黑色型格feel, 安排咗獨立包廂，非常舒服~⚇餐前小食紅薯片，烤得好香脆，甜甜地，表面仲有啲芝麻，好香口⚇涼拌黑木耳微辣少少醋味，好爽口，又開胃⚇筒子骨燉湖藕每位一份，底下仲有蠟燭熱住，飲落好鮮甜，煲到啲蓮藕都好淋，好好飲😋⚇十八秒牛肉牛肉切到好薄，配上芫茜、辣椒、蒜粒一齊炒，好有鑊氣，非常惹味，同埋唔會好油，送飯一流！⚇砂鍋虎皮豆腐豆腐外酥內嫩，表面金黃酥脆，搭配青辣椒、肉碎、特製醬汁，非常鮮美，口感層次豐富！⚇時令蔬菜炒椰菜絲，好大碟，炒得幾有鑊氣，爽脆清甜！⚇是日甜品紅棗雪耳糖水，唔會太甜，感覺好滋潤～呢個商務午市二人套餐真係好抵食，味道ok, 又唔會太油，湘菜嚟講比較少有，真係值得一試！

約客、約老闆食飯，最驚揀錯地方！要夠體面、有私隱、食物要好食，仲要價錢合理，真係唔容易！不過，今次食完湘舍壹號，環境、食物、服務都幾有驚喜 ✨ 黑白復古風裝修，配油畫點綴 🖼️ 9 間獨立包廂，洗手間仲有牙刷、漱口水，呢啲細節真係好加分！湘菜又即係湖南菜，係中國八大菜系之一，以香辣、擅長燉菜，同川菜嘅麻辣有啲唔同，湘菜偏向酸辣開胃。🍽️ $388 雙人商務午餐，6 道菜 + 精選茶品，幾抵食又有儀式感：🫖 毛尖茶 呢隻茶出面唔係間間有 🍵 茶味清新回甘，帶淡淡栗香。🌶️ 燒椒皮蛋 皮蛋加燒椒醬，微辣帶香，食落開胃！🍲 筒子骨燉湖藕湯 湖北蓮藕加筒子骨慢燉，湯底清甜，用蠟燭台保溫，飲到最後一啖都仲熱辣辣又足料！🥩 十八秒牛肉 (主菜 4 揀 1) 牛肉切薄片，加入芫茜、蒜蓉爆炒 18 秒，少少辣，幾惹味！🍲 砂鍋虎皮豆腐 (小菜 3 揀 1) 外皮微香，內裡滑嫩，吸晒肉碎高湯好入味！🥬 清炒時令蔬菜 蒜蓉炒椰夠鑊氣，唔算油膩，Balance 返其他較重口味嘅菜式。🥞 小米青稞餅 (主食 2 揀 1) 口感些微煙韌，淡淡小米甜香，似白糖糕幾特別。🍮 紅棗杞子燉雪耳 (甜品) 滋潤養顏，甜度適中，

湘舍壹號係灣仔嘅湘菜館，午市套餐唔算好貴仲要樣樣都咁高質，黎呢度招呼朋友都唔錯架～！.🐷小食 紅薯脆片🍠一開始會有一碟紅薯脆片 紅薯嘅味道都幾香 唔會過甜 而且非常脆口！大家食完覺得正嘅話 原來可以喺門口買返屋企繼續食😹😹.🐷涼拌黑木耳呢個前菜整得唔錯，木耳爽脆到啪啪聲，蒜香麻辣夠晒醒胃，個份量亦都係相當之ok!.🐷筒子骨燉湖藕老火湯真材實料，湖藕粉糯到黏嘴唇😹，胡椒嘅味道比較重，一路飲一路有個蠟燭仔熱住個湯，唔使驚凍～.🐷拆骨肉荷包蛋招牌菜無得輸！😹😹 拆骨肉都幾香，荷包蛋被煎過再同拆骨肉煮埋一齊！.🐷砂鍋虎皮豆腐外皮煎到虎紋咁脆，但係豆腐滑到不得了！ 裡面豆香爆棚，醬汁濃郁。.🐷時令蔬菜成碟菜有少少辣，但係都可以接受到，攞嚟送飯真心唔錯.🐷雪耳糖水都幾甜下😹😹 食咗咁多熱辣辣同埋有少少辣嘅嘢食終於食返啲凍少少嘅嘢… 雪耳煮到出膠，滋潤到不得了～.兩個人食嘅商務午市套餐都只係399，每碟嘢份量都咁多，小編都覺得 佢哋嘅嘢食同埋服務質素係對得住價錢！.湘舍壹號📍灣仔駱克道57-73號香港華美粵海酒店1樓.#吃貨日常 #灣仔美食 #湘菜 #午市套餐 #hkfoodie #foodiehk

湘舍壹號 @thehunanhouse 📍：香港灣仔駱克道57-73號香港華美粵海酒店1樓🚗：灣仔地鐵C出口 步行5分鐘📞：+852 3580-8288💲：~HKD220/head for lunch Food quality✔️：燒椒皮蛋、是日甜品、筒子骨燉湖藕、紅薯片👌🏼：商務午市套餐、十八秒牛肉、砂鍋虎皮豆腐、時令蔬菜、青棵餅總結：😋座落酒店帶客傾生意夠哂presentable 價錢以酒店嚟講都算合理 全部包廂設計 私隱度高 灣仔食business lunch 嘅好選擇❤️😋商務午市套餐都係$398 包前菜 湯品 主菜 小菜 蔬菜 主食加甜品 夠哂飽同應有盡有😋我頗喜歡燒椒皮蛋 青椒🫑非常辣配皮蛋幾開胃 夾埋紅薯片一齊食又幾好食 好似小食咁食唔停口😋另外嘅like要畀佢嘅甜品 紅棗雪耳糖水 不得不讚雪耳處理得幾好 非常軟身 一飲唔駛咬都滑落喉嚨🥺😋佢嘅湯足料 要畀讚係佢下面嗰火唔係裝飾用係真保温 食到尾聲飲湯仲係熱辣辣‼️🤔另外套餐包嘅十八秒牛肉 砂鍋虎皮豆腐 時令蔬菜🥬青棵餅就正常🤔佢成個設計係主打私隱度高 全部隔哂包廂 不見其他人或聲音 就有賴員工喺走廊不停行去服務你😨餐廳太黑 而

🕋熊妹放假，當然帶阿豬媽周圍飲飲食食。帶住阿豬媽食返家鄉菜，灣仔不嬲都係阿豬媽橫頭，聽佢講有間《湘舍壹號》係華美粵海酒店1️⃣樓，食湖南湘菜，就過來試一下商務午餐。📌華美粵海酒店裝潢華麗✨，以黑色營造高級檔次的感覺🔝，有一間間房間包廂，私隱到極高，另外，又有卡位包廂，裝潢設計夠精緻，配合出高級酒店的風格。湘舍商務午巿套餐，$398，二位用套餐包前菜、湯品、主菜、小菜、蔬菜、主食同甜品。炸蕃薯片首先，店員送上了前菜小食，炸蕃薯片有厚度又唔實，夠脆口，天然蕃薯炸出黎，等餸菜上之前食下幾過癮。燒椒皮蛋以一個雲石盅呈上，小小地但容量唔細，青辣椒撈上切碎皮蛋，皮蛋蛋漿撈埋一齊食好瀝口，帶少少辣🌶️，凍冰冰味道好滋味，材料比例做得好恰當。筒子骨燉湖藕湯品用上瓷碗，下面有個小蠟燭🕯️一直熱著湯碗，保持湯的熱度🌡️。湯質有蓮藕的粉質，味道好濃烈的蓮藕但又好清，湯水一定要趁熱飲，有蠟燭熱著的設計好有頭腦🧠。十八秒牛肉家鄉菜十八秒炒牛肉🥩，牛肉切到超薄，加入芫萎同蒜蓉🧄炒十八秒，牛肉薄到炒十八秒後好嫩滑，辣辣地，家鄉菜真係好惹味，係必食的撚手小菜。錦綉紅殼筍好驚喜喎！紅殼筍切碎，加入臘肉碎同家鄉豬血丸子，一匙羹咁食

裝修典雅，以藍色和黑色做主調，感覺好大氣，坐得舒服之餘，仲有私人包廂，啱晒一班朋友或者商務聚餐。如果你同我一樣鍾意食中菜，但又想試吓特別d嘅，不妨黎試正宗嘅湖南風味。🥢湘舍商務午市套餐 $388 （二人分量）你冇睇錯係呢個價錢就可以食到一級商務食府🤩🤩🤩大部分菜式都可以係餐牌挑選，唔止下面嘅
選擇~1️⃣ 涼拌黑木耳酸酸辣辣好開胃，黑木耳爽脆得嚟又夠入味🤤2️⃣ 砂鍋虎皮豆腐外皮煎得香脆，豆腐香滑，醬汁濃郁😇3️⃣ 筒子骨燉湖藕湯小編同朋友都特別鍾意呢個養生湯！湯底鮮甜，湖藕煮得軟腍，筒子骨嘅肉質夠嫩，飲完暖笠笠，好滿足！湯碗下面有蠟燭持續點燃，只能夠話係越燒越熱，就算等到食完其他野再食翻都唔會凍左唔好飲🔥4️⃣ 老長沙口味豬手豬手燜得夠晒入味，肉質軟爛，好有湖南特色。醬汁濃郁得嚟又唔會太油膩，係甘encore🤙🏻5️⃣ 清炒時蔬簡單清新分量足🥬6️⃣ 小青稞餅青稞本身係一種高原穀物，營養價值好高，含有豐富嘅膳食纖維同蛋白質。小編第一次試，會覺得呢樣最令人記憶深刻。好有特色嘅中式點心，用咗青稞粉同小米做主要材料，食落去有啲似煎餅。佢嘅外皮煎得香香脆脆，少少似naan，而入面就軟軟糯糯，仲有啲小米嘅天然甜味，口

今次去咗灣仔一間高級湘菜食府「湘舍壹號」，餐廳位於酒店1樓，環境優雅，裝修充滿中式古典風格，感覺非常高級。餐廳主打正宗湘菜，今次試咗佢哋嘅商務午市套餐，菜式豐富之餘亦充滿驚喜，最重要係二人餐都只係$350，每人百幾蚊就食到呢個環境呢個質素，一定要推薦比大家！———————————————🌟 餐前小食 - 蕃薯片用靚靚古裝盒裝住□蕃薯片，炸得香脆且帶有天然嘅甜味，作為餐前小食都令我食唔停口。🌟 前菜 - 燒椒皮蛋皮蛋佢切到好細粒口感滑溜，配上椒嘅香辣味道，層次感十足，中間仲有塊葉做裝飾，作為前菜非常醒胃！🌟 湯品 - 筒子骨燉湖藕湯品燉得非常濃郁，筒子骨嘅肉香同湖藕嘅清甜完美結合，湯汁鮮美，飲落暖胃又滋補，而且佢都會用火暖住超貼心服務。🌟 主菜 - 十八秒牛肉牛肉肉質嫩滑得嚟帶有少少嚼勁，辣度適中，而且仲係芫荽炒埋一齊，成個香味再升一個層次。🌟 小菜 - 芙蓉鎮米豆腐米豆腐口感軟滑，係好新奇既嘗試，配上特製嘅醬汁有少少次麻婆豆腐個醬，味道香濃得嚟又帶少少辣，層次口感非常有趣。🌟 蔬菜 - 時令蔬菜時令蔬菜係手撕包菜，辣味唔重帶少少酸，非常爽口。🌟 主食 - 青稞餅青稞餅呢個有驚喜，外層香

真係無諗過唔使$400就可以係一級商務食府食到一個超抵優惠嘅2人湘舍商務午市套餐!呢間湘菜館環境裝修都好靚，而且私隱度極高，可以同朋友喺度靜靜享受午膳!🌟湘舍商務午市套餐🌟前菜- 涼拌黑木耳湯品- 筒子骨湘蓮湖藕湯，湯好重胡椒味，而且湖北嘅蓮藕真係好好食!主菜- 青椒五花肉炒寒菌，成個主菜好足料，五花肉薄切，好爽口!小菜- 砂鍋虎皮豆腐，豆腐真係好滑，醬汁撈飯食一流!時令蔬菜- 醬汁炒娃娃菜，娃娃菜炒得好入味，但一啲都唔油膩!主食- 青裸餅，第一次食呢個青裸餅，口感煙韌好特別!- 東北大米飯甜品- 雪耳蓮子紅棗糖水，非常足料又清潤! 整個午膳體驗都享受到一級商務食府嘅質素，真係性價比極高!👍

📍𝖂𝖆𝖓 𝕮𝖍𝖆𝖎 🐯#cyninwanchai #eatinwanchai ▪🫖湘舍商務午市套餐🫖紅薯片 🍠燒椒皮蛋 💯💯筒子骨燉湖藕 💯十八秒牛肉 🐮砂鍋虎皮豆腐 🍲時令蔬菜 🥬青稞餅 💯是日甜品 🍨-----。-----。-----。-----。-----。-----。-----。-----。-----。-----。-----。----- 呢間位於灣仔酒店裏面嘅湘菜廳食物質素非常好 午餐時間不乏附近返工的商務人士黎食飯 連廁所都特別貼心咁附上漱口水牙刷等方便保持大家儀容整潔🫶🏻 🐰今次試左佢地個商務套餐 以400港紙兩位 仲要份量咁多黎講真係好扺食😍 當中藕湯好足料好夠味 最重要係飲完唔口渴👍🏻 另外燒椒皮蛋好食到🐰可以為左佢唔怕辣咁點住個青稞餅黎食 完全唔想同人share😂 ▪

先唔講其他，性價比已經嬴一條街。三百蚊食酒店商務午餐，有環境有服務有靚茶，而且食物大兜又有鑊氣。✦ 紅薯片 甜甜哋，質地脆口、似厚切薯片。 ✦ 筒子骨燉湖藕 清甜嘅蓮藕湯，帶一絲肉嘅鮮甜。用蠟燭一路熱住，飲到食完餐飯仲可以繼續熱飲。 ✦ 燒椒皮蛋 青椒及皮蛋成細塊撈均，口感似攪拌咗嘅尖椒皮蛋，好creamy。偶然一啖青椒嘅香辣，又偶然一啖皮蛋嘅獨特texture。幾得意。 ✦ 十八秒牛肉 少辣，充滿鑊氣，牛味幾濃郁，咸香開胃。 ✦ 青椒炒雞蛋份量多，而且蛋味香濃，同青椒嘅味道好夾，並帶少許鑊氣。 個set仲有青菜同小米青稞餅，非常飽肚夠食。順帶一題，連洗手間都好乾淨，仲有提供牙刷、漱口同handcream, 食完濃味嘅食物都可以繼續傾偈。

湘舍壹號 @ 灣仔回南天食下辣野袪下濕…餐廳位於酒店入面…所以入到黎感覺都幾高級…有VIP房…我就當然坐外邊卡位啦…雖然感覺高級…不過商務套餐價錢性價比又幾高…二人套餐包左頭盤…湯…主菜…主食…呢個炸蕃薯片幾好味筒子骨燉湖藕 呢個好好飲…香甜同夠熱…店員話全部蓮藕都原裝湖北入口…蓮藕煲到好軟腍…湯底仲有蓮藕蓉就知夠火喉燒椒皮蛋 平時都會點尖椒皮蛋…不過呢度既個做法令到入口感覺好creamy…微辣又帶皮蛋香味…雖然個樣就唔太討好🤣🤣🤣十八秒牛肉 呢個菜好惹味(如果再辣d🔥🔥就正)…加入大量香菜一齊炒…牛肉好濃肉味而且炒得剛剛好…送飯一流唔知係咪真係炒左18秒就上碟…砂鍋虎皮豆腐 呢道菜就相對溫和…豆腐好滑有豆香…加上肉碎就無咁寡手撕包菜 呢個係湘菜必點既菜式…好味又健康 最後送左個雪耳糖水…呢個就正常發揮…店員服務好好同好健談…分享下呢間餐廳背景…原來係big6都有幾個分店…出名整水魚…好彩bak bak唔好呢味野