湘聚小廚

營業中

休息中

朋友講左咁多次西環有湘菜食 終於黎到啦呢到雖然地方不大，但係環境坐落都舒服本身一坐底我地想叫傳說中既 “絕色雙魚”但係賣哂了 幸好還有 “椒香酸菜魚”最後還點多了3樣美食“鐵板水晶粉”“涼拌豬尾” 及 “鐵板孜然牛肉”。“椒香酸菜魚”椒酸味濃郁 漁滑過我上次食個間剛巧呢條漁不多骨 因為我本身就怕食多骨既魚 湯不太油 有興趣既可以試飲下“鐵板水晶粉”炒蛋底用鐵板上 夠哂鑊氣 水晶粉軟韌度適中 而且味度有少少辣味之餘 食落仲有少少茄酸味 好易入口 係略有少少濕 不過用黎當飯食一流“鐵板孜然牛肉”黎到湘菜地方點可以唔叫孜然粉既野食一樣又係鐵板上 牛肉非常嫩滑無乜邊塊有筋 加上我本身中意食濃味野 呢碟就岩哂我“涼拌豬尾”叫得豬尾應該都知肉不多，得骨連皮，一啲都唔覺油膩 不過味道略一般 不太特別

咁啱同同事係西環做完嘢，就提議係附近食埋晚飯。見到有間叫做湘聚小廚好似幾有特色，平時都有食開四川菜/辣野，但係湖南湘菜就真係未食過。店舖裝潢幾有中國風感覺。小食係炸碗豆，平時通常都係見到花生，炸碗豆真係好少見：）碗豆炸過之後好香脆，好好食。我地2個人點左巴蜀水煮魚，干鍋田雞，韭菜花爆腰花同蟲草花雞湯。魚肉幾滑溜，又麻又香，不過要小心唔好食到魚骨。湘菜既辣同四川菜真係有分別，個人覺得湘菜比較油，味道更加濃郁，麻度同辣度的後勁更加強。干鍋田雞份量都幾多，而且田雞件肉都幾多，醬汁非常惹味完全滲透入田雞裏面，所以辣度好勁！要注意湯底會越煮越辣，所以要快啲食。韭菜花炒腰花，腰花切成幼條狀，爆炒之後好香幾好食。蟲草花雞湯味道濃郁，感覺好足料，不過可能因為係湘菜關係，所以做法上偏油。

放工同喜歡吃辣的朋友去了西環吃湘菜餐廳裝修帶點中國風首先店員會上兩碟前菜，一碟是炸碗豆，另一碟國海帶，前者細細粒，香脆可口，還帶點甜甜的，後者頗爽口，還帶點微辣“麻辣雞煲”(小辣)，雞煲雖然不像平時的有爐熱住，但都好夠熱，小辣嘅辣度對我來說剛好，辣味和麻味也不會太搶，但都好夠香，而且雞肉都算幾滑幾入味“乾鍋肥腸”雖說是肥腸，但卻沒有真的很肥，平常很怕吃那些肥膏，幸好這個完全沒有，而且好淋好入味，一直熱住更加香，辣度亦不是很辣，很喜歡“鐵板魷魚”魷魚唔會話細細條，而且唔會話好韌，仲幾彈牙，除左辣味，還有孜然粉嘅香味，朋友表示喜歡

今天跟愛吃辣的朋友慶生，為了不讓朋友失望，特地在朋友工作地點附近找了間吃湘菜且評價不錯的店來試試～餐廳不是連鎖而是有種地道隱世小店的能覺，雖是吃川菜，裡頭不會有很大油辣味，還挺乾淨企理。坐下來會有小菜，海帶很入味，而炸黃豆很香口，開胃小菜哈。叫了盤乾窩包菜，很麻很香但又不會太辣，包菜很鮮甜配上麻辣香很惹味。又加了豬肉片炒來吊味所以味道很豐富。皇廷粉絲也是力推，粉絲乾濕度控制得好，不會炒得糊成一團，有很香濃的Xo醬的海鮮味，香濃好味。酸菜魚肉質很嫩而實，酸菜的香濃味都滲入魚肉中，湯底酸度不錯酸菜味道不錯，下邊有很多薯粉超飽肚大盤。最後是上湯肥肚，豬肚的肉很爽口，湯很鮮甜又香濃的胡椒香且裡頭的白蘿蔔絲都吸了湯的精華所以很香甜。朋友吃後很滿意，畢竟香港要找到不錯的湘菜店不易～這間挺不錯大可放心來吃喝。

第一次叫外賣，叫左木桶飯，堂食會有個筒，好正，外賣就用膠盒，望落爭啲。叫左兩個，一個農家小炒肉木桶飯，一個叫紅燒牛腩木桶飯。有得揀湯或飲品，叫左湯，但去到拎時話無湯，比左熱檸水。農家小炒係青辣椒炒肉，好辣好辣，辣椒超多，肉較少，但好惹味。好味到覺得啲飯唔係好夠，因為辣，成日會食白飯黎中和啲辣度。堂食可以任添白飯，外賣就係。紅燒牛腩好好味，比起堂食無甘辣，但都係辣，牛腩好淋好軟，覺得飯都係唔係好夠。熱檸水唔錯，唔會好澀。

一陣子沒有吃辣，馬上周身不聚財，今晚就一於去朋友介紹的這家位於西環的湘聚小廚過過癮。餐廳面積不大，但位置空間感足夠，平日亦會滿座，記得要先訂位。主菜有不同的川式、湘式菜品，有麻辣、水煮、乾鍋等，同時亦有不同的涼菜及主食可選擇。前菜十分經典的川湘菜系的前菜，海帶清爽微辣、炸豌豆香口開胃。香鍋饞嘴田雞侍者一奉上香鍋，一股麻辣香氣撲鼻而來，一嚐田雞件，舌尖立馬發麻，夠香夠辣，醬汁特別惹味，滲透骨肉，味道令人上癮，田雞件份量多，肉質嫩滑飽滿，注意湯底會越煮越辣。蟲草花蒸雞十分養生的一道菜，蟲草花滋肺補腎，雞肉醃製入味，卻不過鹹，時間火候掌握精準，肉質嫩滑無比，爽脆的蟲草花吸滿雞汁的精華，細嚼後餘香仍留於口中。大盆花菜簡單粗暴的一大盆椰菜花，加入鹹肉令香氣味道皆有提升，油而不膩，賣相亮麗，色香味質盡皆佳妙，十分的下飯。

完全食唔到辣的他居然提議來這店，應該是不知道又做錯什麼事了。一來到是一般小店的格局，餐牌上的東西帶都是辣的甚至乎可以說是全部都是辣既然如此我便不客氣了。酸菜魚，麻辣雞腎和鐵板炒粉絲便是今日的菜色了，無一不是辣炒粉絲是用鐵鍋承載着熱騰騰的粉絲，上邊放着青蔥，入口粉絲不會糊囗而且帶點咬口辣度是輕微的，從他面上的表情便略知一二。之後便是雞腎，雞腎炒得香和青椒配菜等一齊吃是十分惹味而且質地很爽，可惜今晚不喝酒，如果唔係這個必定是配啤酒的最佳菜式。這個菜式他只能夠吃雞腎，不能和配料一齊吃了。最後是酸菜魚，這個應該是我們吃過最好吃的酸菜魚，因為每一塊魚都會感受到入邊花椒八角等香料的味道來而且他不是麻的效果，而是一種很香的味道在你口中徘徊。雖然較為油膩，但每一口都是香濃的味道，值得吃的就算是辣，他都搶着食，證明這裏的不只是簡單的辣。今餐所選的辣度全都是微辣，極度建議集合嗜辣的朋友一齊來。

因為係西環返工，OT後都中意係附件搵餐廳食好西中意食辣既我都想搵哂唔同既湘菜館出黎，今日就搵到西寶城對面呢間湘菜可能已經唔早，第一輪已經食完入去坐低點完菜就有小食食住先可能太肚餓既關係，呢碟野好好味好似花生咁，甜甜地自己食左大半碟之後上左個平鍋肥腸好香呀一上枱，仲係熱住食肥腸唔韌，咬落口感岩岩好 又入哂味正喎再辣多小小會更好再叫最中意食既香鍋田雞大大件田雞肉好多雞脾仔又入哂味，勁好拌飯食仲有好多配菜全部都係中意食既萵筍、青瓜，都係入味既配菜佢既辣又香又唔會好麻最後叫個菜，一定係手撕包菜好大盤呀以為實食唔哂啦太低估自己能力，炒得好香好夠鑊氣足足食左兩碗飯，三碟送清哂係唔錯既份量都真係唔小，多啲人來叫多幾個送會更開心下次OT就搵到飯點

今日放工行行吓嚟到西環見肚餓就去咗附近度搵嘢食，下見到一間門口裝修比較特別嘅就去睇一睇究竟呢間餐廳食啲乜嘢，原來係食川菜嘅今晚就試吓你啦坐低冇耐店員已經為我地介紹佢哋餐廳主打嘅菜式，最後我哋叫咗四個菜手撕包菜椰菜加豬肉炒得好香椰菜口感好爽脆唔會炒到好林，豬肉亦都好香口不會過肥，農家小炒肉，菜嚟到嘅時候見到全部都係辣椒仲以為好辣但係食落嘅時候啲辣椒原來係甜嘅，配合埋豬藍玉可以減低個油膩感之餘兩個菜嘅口感同味道亦都好夾，麻辣雞煲雞件好滑件件到好大舊宜麻辣未就唔會只係得死辣麻辣味好香，最後主角衡山脆肚，豬肚好爽脆，配合其他配料一齊炒令到呢個菜好特別好香口感食落亦都好豐富最後一題呢度嘅錢財小食亦都好食有麻辣海帶同埋一個自家製嘅花生嘅花生，總括嚟講餐廳抵食之餘味道亦很好

👉🏻炸花生💲8👉🏻炮椒蘿蔔💲8一坐低侍應就會自動上前菜俾你😛一碟辣一碟唔辣 食落幾過癮 又幾開胃😛本身唔肚餓都即刻有胃口🤣〰️〰️〰️〰️〰️〰️〰️〰️〰️〰️👉🏻干鍋田雞💲128超大鍋🤩超多田雞🤩田雞肉都好嫩口又好入味😋好多配菜好足料👍🏻👉🏻千葉豆腐💲88豆腐干好彈牙識落好得意😎同樣都係好入味😋👉🏻鐵板孜然牛肉💲118超多牛肉🤩仲要每塊肉都好大塊🤩用鐵板燒聽到D聲已經覺得好吸引😋〰️〰️〰️〰️〰️〰️〰️〰️〰️〰️個人認為呢間食辣野真係唔錯 大大碟好足料又入味👍🏻仲有網上外賣平台!學生買都有折架🥰湘聚小廚 (西環)📍西環日富里13號富基大廈地舖

今日同男朋友去西環果到食飯，去左湘聚小廚食辣野，喱到裝修都好中國特色，同都幾多人食喎！我地點左幾個小菜！干鍋肥腸：喱個真係必食，好好好食！佢都幾辣，好刺激。而又好夠味，啲大腸索哂啲汁，好入味，而且好大份。同埋佢係有火燒住，唔會食食下凍左！正！麻辣口水雞：喱個口水雞都好好食，個味唔同平時食到嘅，都好正宗，而且個雞唔肥，而且好嫩滑，即使雞胸都唔鞋，推介。孜然寸骨：喱個我見openrice 好多人推介所以先點，但我個人覺得普通，佢嘅味道都好好食，但啲肉偏淋，我個人比較鍾意食啲彈牙嘅！鐵板水晶粉：喱個水晶粉都好好食，佢個口感幾軟身，而且好入味，而且係用鐵板上，熱辣辣，粉下面有煎蛋，好味！人均消費大概$250，都扺食，因為我覺得我地叫左三至四人份量！

在西環飲完嘢，跟朋友沿海旁散步行到泳池，時已傍晚，一於食埋飯先走。看見湘聚小廚好似幾有特色，朋友建議不如試吓湖南菜，又好啫，未食過，覺得很新鮮，有點擔心會不會太辣吃不下，聽說湖南菜比四川菜更辣店內裝潢有點中國風，感覺唔錯，幾舒服。店員先送來開胃小食，炸豌豆好香，豆味濃郁。好食，一邊看菜單一邊吃，到落單時已差不多吃光了。兩個人叫咗水煮魚、大盆花菜、豉椒炒蜆，份量都幾多，無叫白飯，也差點吃不完。巴蜀水煮魚紅彤彤的湯汁甚為嚇人，食落辣度又可以接受喎，魚肉滑溜鮮嫩，魚味十足，麻香辣勁，朋友大呼過癮，頻頻說好吃，又即時分享到朋友圈，在旅行的朋友已經話回來要一起吃。啖啖魚肉，量多幾乎吃不完豉椒炒蜆堆滿一大碟蜆肉鮮甜味美沾滿醬汁，香辣惹味，兩人一隻接一隻，嘴巴也沒空講話大盆花菜花菜係福建椰菜花，加上紅椒、青椒、豬肉，顏色靚靚，鮮香撲鼻，花蕾部份吸滿汁液，惹味又爽脆最後為免浪費食物，努力才能把菜吃光老闆娘見我倆食得開懷，還送了VIP咭給我們，下次來吃有九折優惠

在外地過久便會思鄉，家鄉的美食亦然，於香港很容易找到不同地方的食品，哪裡才是正宗，不吃過也不知，這間湖南人主理的小炒，來到已有國內食客在用膳，難度這裡找到他們的家鄉味？枱面兩碟小吃，其中的海帶在我吃到滿口辛辣時解辣。手撕包菜$88菜炒肉離不開豬肉或臘肉，這一盤是椰菜炒肉，豬肉炒得香口，微辣，椰菜微酸，腍爽，淨吃也不會過鹹，炒得好味。 家鄉小炒肉$88用蒜頭加青紅椒爆炒腩肉，青椒甚多，有些辣有些不辣，腩肉略小片，小辣，吃盡所有腩肉，剩下青椒沒吃完，因實在太飽！手煮牛肉 $168盤很大或是很大盤呢？！湯汁濃厚，表面已看到牛肉，藏在盤中份量也不少，牛肉腍，下面的是大豆牙與青瓜，還有薯粉，所有都吸收了濃汁，不時吃到花椒，麻麻的口感....早知不叫白飯啦！

西環近年越開越多特色小店，今次就選擇食湖南菜。 間舖位於條小巷內，一打開門，入面的裝修富中國特色，座位也舒適。打開餐牌，有不同系列選擇，有辣有唔辣。作為魚頭愛好者，一黎就比佢個絶色雙魚吸引住。 黎到後果然冇令我失望，魚肉又鮮又滑，特別係個魚雲，簡直係個精粹所在，必食之選。第二道係蜆蒸蛋，呢個餸係唔辣的，蜆肉很鮮甜又新鮮，蜆內又沒有沙。 蜆汁精華加上滑滑蒸個蛋又好滑，令人喜出望外。最後點了一個雞煲，啲雞分量十足，鑊氣夠好惹味，味道較重，用來送酒食一流。

今日白色情人節 平時喺上環返工 諗住去遠少少食野就去咗西環 揸車經過條日富里暗行 以為入唔到原來車都入得 呢度都幾偏僻有幾間菜館 將架車就咁泊喺餐廳門口都唔驚抄牌哈哈 佢今日就試吓湖南野 入到去都幾多人 我哋叫咗炒粉絲 孜然骨 同埋口水雞 因為辣得滯嘅關係我哋一人叫咗一罐椰子汁個炒粉絲好多 兩個人絕對食唔晒本身諗住叫水晶粉但個員工介紹話粉絲會乾身啲香口啲水晶粉會濕啲辣粉 所以最後揀左粉絲孜然骨上面好多辣椒 成隻豬髀肉 啲肉好嫰最好食係個口水雞 好入味凍冰冰其實仲有好多餸菜都好想叫但因為我地得兩個人食唔晒 下次再試其他餸如果鍾意食辣嘅人可以黎試吓