湊湊火鍋‧茶憩 (圍方)

營業中

休息中

環境一流，燈光好有氣氛，座位非常闊落，值得一讚（其實一開始係俾佢個門面吸引，因為都要佈置有晒煙霧，好似好有氣氛咁），如果拍拖同朋友食飯都非常推薦。入座後，因為趕時間關係，直接叫咗個二人餐$698， 鴛鴦鍋： 湯底揀咗（椰子雞湯 / 蕃茄湯），非常欣賞佢個椰子雞湯湯底，非常清甜，雞肉都非常嫩滑，放牛肉落個椰子雞湯度食嘅時候，完全唔會蓋過牛肉嘅味道，令到成個牛肉非常鮮甜添，個人非常推薦，大家揀椰子雞湯。肉類: 美國特選級牛板腱 (180g) / 美國特選級牛肩胛眼肉，個特選級牛肩胛眼肉非常有驚喜，每碟都好大塊，一碟最少有12大塊，對啲牛魔王嘅食家嚟講，大滿足。綜合拼盤: 企鵝丸4個, 甜玉米 4段, 金針菇100G, 皇帝菜100G, 鮮香菇2個隨餐附送: 水果, 蘸醬, 前菜, 米飯食物質素非常高，尤其是牛肉，椰子雞湯底非常清甜😋😋😋，雞肉也十分嫩滑，物有所值！👍🏻👍🏻👍🏻👍🏻最後，買單連加一大概$760。（食物質素同環境，對得住個價錢）

網絡上成日見到人食企鵝丸🐧查看一下原來係來自火鍋店「湊湊火鍋」 湊湊火鍋係一間主打臺式有料火鍋和正宗臺式現搖茶店大圍圍方店鋪非常大 八卦下原來有間KTV房 下次可以約埋班friend一齊打邊爐唱下K❣️湯底選了清涼椰子雞鍋🥥🐔店舖選用日本雞肉 🍗肉質鮮嫩 加入椰子水、椰肉、珍珠馬蹄等。。飲落啖啖椰香順喉🥥為企鵝丸而來 混合魚肉、墨魚肉、豬肉。口感Q彈墨魚仔彈牙冇雪味 不錯👍🏿基圍蝦(活）大大盤 爽口鮮甜😛竹蟶 爽甜鮮嫩 日本贊岐半生烏冬 彈牙有嚼勁山藥菠菜🍹車厘子茉香茶🍵黃金鮮桔茶食到尾聲店員送上刨冰🍧和果凍 愉快滿足的一餐🥰

同朋友又去行圍方，今次揀左好有名氣台式火鍋店的新分店。餐廳空間感大，座位舒適。最估唔到就係原來提前預約係可以安排獨立包房，一邊唱K🎤，一邊食火鍋🔥 整體食物水準都高，會再來的～🥢鴛鴦鍋：台式麻辣鍋 + 蕃茄牛膝骨鍋麻辣鍋好香濃，但唔太辣，適合大部分人食到。最好就係可以鴨血同豆腐無限添加。 鴨血有點似台灣口感，實心又彈牙，豆腐都好吸湯，好味～ 而另一半個蕃茄鍋都香味濃郁，超多蕃茄和牛骨在湯底。火鍋不用沾醬都夠味🤤🥢自助小料台除了汁醬外，仲有麻辣魚皮、滷肉飯～🥢企鵝丸其實係黑白墨魚漿製成～ 好得意～ 店員會將企鵝仔插入鍋中間🤣可以做到企鵝跳水一樣。好味又好玩🥢美國特選級牛板腱/ 美國特選級牛肩胛肉眼兩碟份量都多，油花均勻肥美，肉味亦較香濃🥢墨鱼仔都唔可以叫墨魚仔🤣大隻到應該叫墨魚佬。入口爽滑彈牙，新鮮又正🥢油條台式火鍋必點🥤車厘子茉莉雲朵冰沙/ 車厘子茉香茶買一送一好抵飲🍧加入店舖媒體平台，仲有附送沙冰同甜品

📍湊湊火鍋(大圍)@coucouhotpothk圍方食肆基本上間間都好旺咁！食嘢都要提前預約先得！今日黎朝聖圍方新店湊湊火鍋，聽聞鋪頭仲有包廂拍攝➕KTV～享受美食同時仲可以同屋企人或朋友一齊唱歌，非常適合聚會！咁好玩梗係要預埋我！🤣😍一入座就有正山紅茶供應。另外仲提供自助餐櫃服務，價格每位19元，包括前菜、水果、醬料和滷肉飯。🔹臺式麻辣鍋💰198湯底方面，我地揀佐高人氣“臺式麻辣鍋‘’，經過長時間嘅燉煮，湯底濃縮而成，帶有麻辣、醇厚、甘香等多種味道，令人愈食愈上癮。鴨血和豆腐仲可以無限任食~🔹美國特選級牛肉雙拼💰248兩款牛肉薄切，雪花均勻，十分新鮮牛肉味濃郁～🔹墨魚仔💰58有7隻細size墨魚仔，新鮮爽口好味道👅🔹鮑魚💰108兩隻活鮑魚，食材十分新鮮，擺盤精緻冰鎮的，口感爽口煙靭。🔹企鵝丸💰59企鵝丸🐧係企鵝形狀，賣相好得意啱曬打卡🤣咬開係黑白配的墨魚丸，爽口彈牙好味😋🔹油條💰28作為主食，兩個人食覺得份量都好足夠，好飽肚😆最近車厘子系列飲品推出買一送一的優惠，車厘子茉香茶和車厘子茉香雲朵沙冰味道清新，飲落仲有果肉十分推薦～最後follow 社交平台附送沙冰和甜品，鋪頭真係好有誠意

湯底無味 椰子雞得4嚿雞重要無味 汁料 好明顯係椰青加水 或者可能椰青水都冇落竟然冇麻醬得花生醬…牛肉無味可以一d牛肉味都無 似合成牛依個價錢絕對唔值 重衰過吉野家不可一不可再

成日聽朋友講湊湊火鍋唔錯，今日就試一試大圍圍方呢間新店，原來入面有VIP房可以唱K，下次提前預約定同班朋友去開邊爐party😳入座後店員奉上正山紅茶，入口淡淡花香幾好飲👍出面有自助小料台，客人可自行調配醬料，仲有台式小食同生果任食～🔸台式麻辣鍋 / 紅顏花膠雞鍋🔸好幾種湯底都想試，why not both咁揀左鴛鴦鍋😆麻辣鍋冇想像中咁辣，入面嘅鴨血同豆腐超入味，仲可以無限添加！另一邊花膠雞湯超級濃稠，滿滿膠質好滋補咁😳除左雞肉，仲有鮑魚仔、雞髀菇、鮮冬菇、魚肚等，味道鮮甜濃郁👍🔸企鵝丸🔸招牌之一嘅企鵝丸造型超可愛😍店員仲教我地將啲企鵝夾喺鍋中間，想食邊隻就推邊隻落鍋🙈（好邪惡😈好地獄😈我鐘意🤪）企鵝丸其實係用墨魚漿整，彈牙之餘甜甜地，有得食有得玩😆造型💯🔸美國特選級牛肩胛🔸打邊爐點少得食牛肉～牛肩胛脂肪同肉嘅比例啱啱好，有牛油香之餘肉味都濃😋 🔸墨魚仔🔸墨魚仔都幾大隻，一啲都唔「仔」😂冇雪味仲好爽口彈牙，大隻而且份量都唔少，感覺好抵食✨🔸鮮活豆苗🔸第一次見成盆連根上嘅豆苗，可以自己即時收割落鍋，好新鮮😆亦可叫店員幫忙處理，有機豆苗吸滿濃郁花膠雞湯汁，超級好食😳🔸竹笙🔸竹笙嘅吸湯能力更加

湊湊火鍋店是一家非常出色的餐廳！我在那裡度過了一個令人難忘的用餐體驗。首先，環境舒適溫馨，裝飾充滿了現代感。其次，服務員們非常友好和專業，總是笑容滿面地為我們提供幫助。菜品選擇豐富多樣，新鮮的食材和精心烹飪的火鍋底料讓我回味無窮。無論是肉類、海鮮還是蔬菜，都非常美味。最後，價格實惠，物超所值。我強烈推薦湊湊火鍋店，如果你想要享受正宗美味的火鍋，這絕對是一個絕佳的選擇！

食物品質和湊湊其他分店－樣新鮮好味，飲品選擇多，我最愛翡翠檸檬+珍珠🥤中秋大聚會，我們一行10 人包房，最低消費$3500， 可以在－間3 面電視的房邊食，邊唱K, 大家都食得好飽及玩得好開心🎉（因為又要食，又要🎤， 忘記影吓間房有幾大😅）

大圍新商場，位於港鐵站上蓋商場好好行，行到攰就嚟呢間台式火鍋店打邊爐原來佢有VIP房，不單止自成一角仲可以唱K 空間感大，坐得舒適自助小料台仲有任食既生果同小菜鴛鴦鍋台式麻辣鍋/清涼椰子雞麻辣鍋有任食鴨血和豆腐鹵得好入味，豆腐好嫩滑而入味椰子雞要飲湯先，好清甜雞肉嫩滑企鵝丸餐廳最出名嘅丸原來可以企喺湯鍋上面用上魚糜、墨魚肉同豬肉食落彈牙、鮮味比利時五花肉一層肥肉一層瘦肉用麻辣鍋煮得好入味一啲都唔會覺得太肥膩墨魚仔好新鮮爽甜我鍾意喺椰子雞湯入邊煮食得出海鮮嘅鮮甜毛肚食麻辣鍋點可以唔無毛肚唔會有內臟味但好彈牙七上八下就可以食得了響鈴不論係浸椰子雞湯定係麻辣鍋都係咁好味吸收湯汁大紅袍珍珠奶茶超級出色，大大杯濃郁的茶味加上煙靭的珍珠平時行過可以淨係買嘢飲都好ok車厘子茉莉雲朵冰沙奶蓋濃郁Creamy 仲有車厘子的酸甜茉莉花茶夠味最後配上啫喱

環境好.服務好.食物高質素…坐得舒服.配料多最鐘意係佢既胡椒豬肚雞湯..香濃值得推薦..如果小食款式再多啲就最好飲品方面.佢既奶茶香醇..鐘意飲微甜既我覺得岩岩好.珍珠細細粒但夠彈牙.又吾會痴牙

已經幫襯湊湊鍋多次，圍方新開幕就來試試，一如既往的叫了二人套餐，也是一如既往的好🤤份量剛剛好，有齊肉、菜、海鮮、烏冬，外面還有自助吧，麻辣魚皮好食🤤仲有生果👍🏼最後仲有沙冰同果凍🤤之後會再來幫襯👍🏼

職員態度好好，果凍好好味，今次叫鴛鴦鍋，一邊花膠雞，一邊麻辣好好食。叫咗蝦滑、烏雞卷、福袋、五花肉，鴨血豆腐一如既往嘅不停加，響鈴福袋保持水準。下次再嚟會再食。

中秋佳節，一早預訂圍方新開張的湊湊火煱，先前已經去過K11食過幾次，帶住期望嚟到新店，一入門口，經理熱情招呼入座，立即提醒點套餐唔好叫企鵝丸，今日有猜燈謎送企鵝丸，即時感受到中秋節日氣氛。

大圍有新商場，梗係要去行吓啦，我仲提早book位今晚食湊湊火鍋，好彩有book去到已經有好多人等緊位～入去座位坐低沿路已經見到一個配料區好多選擇，仲有生果、前菜小食～我哋選擇咗鴛鴦鍋；臺式麻辣鍋加胡椒豬肚雞鍋～麻辣惹野好香濃，鴨血豆腐仲可以無限添加。湯底用咗雞骨及牛骨以小火慢燉 6 小時，再輔以紅棗、枸杞等中草藥材熬製 2 小時所濃縮而成。熬足6-8 小時。一鍋集結「麻辣、醇、辛、甘、香」六種味蕾體驗，層次豐富，可先品嚐一口湯頭再下料煮火鍋胡椒豬肚雞非常足料，好多豬肚～我哋仲選擇咗企鵝丸、墨魚仔、美國特選級牛板腱、炸魚皮、鮮豆腐～地方寬敞座位舒適、而且空間感大唔會有逼夾嘅感覺，同朋友一齊嚟打邊爐傾偈打卡都非常適合，仲有VIP房，仲有KTV～正呀！🫶🏻溫馨提示🫶🏻。早鳥優惠：下午6時前埋單及離座可享 85折。宵夜優惠：晚上9時人座可享8折

湊湊火鍋是一家以台灣風味為主的火鍋店，我最近有幸品嚐了他們的美食。整體而言，我對這家火鍋店的印象非常深刻，以下是我對湊湊火鍋的食評。首先，湊湊火鍋的湯底非常出色。他們提供多種湯底選擇，包括經典的麻辣湯底和清爽的菌湯底。我個人喜歡他們的麻辣湯底，辣味十足又帶有豐富的香料風味，讓我一口接一口地吃下去。湯底的味道非常濃郁，能夠完美提升食材的鮮味。其次，湊湊火鍋的食材新鮮豐盛。他們提供了各種新鮮的肉類、海鮮和蔬菜，讓我在享受火鍋的同時也能夠滿足口腹之慾。肉類的質量優良，切片均勻厚實，入口鮮嫩多汁。海鮮方面，蝦、蟹、魚片等選擇多樣，新鮮度令人滿意。此外，他們還提供了各種時令蔬菜，為火鍋增添了色彩和營養。最後，湊湊火鍋的服務也非常周到。服務員熱情友善，隨時關注客人的需求，確保餐桌上的食材充足。他們還提供了一系列的調味料和小吃，總的來說，湊湊火鍋給我留下了深刻的印象。他們的湯底味道濃郁，食材新鮮豐盛，服務周到。如果你喜歡台灣風味的火鍋，湊湊火鍋絕對是一個值得一試的好選擇。