湊湊火鍋‧茶憩 (圍方)

營業中

休息中

很喜歡圍方「湊湊火鍋‧茶憩」的餐廳環境，有深海水族館的獨特氛圍，從流線型的設計到若隱若現的水紋投影，都散發著低調的奢華與雅致，讓人在品嚐火鍋與茶香的同時，彷彿潛入了一場深海的綺麗幻夢，令人沉醉其中。全新~ 新台式午市定食套餐 + 半自助 $78起.ᐟ跟餐有配菜、肉丸菜湯、甜品，自助區有新鮮的時令水果、惹味開胃的前菜，還有經典台式滷肉飯😋 好豐富~ ⚛︎ 一品海皇大閘蟹粉麵 $118/ 社交平台粉絲價1份蟹粉有4隻大閘蟹的精華，還有鮑蝦雙鲜，真是鮮味倍增呀🆙🆙 如此鮮香美味的蟹粉麵讓人一試難忘！⚛︎ 關西白鰻魚燒鍋 $108/ 社交平台粉絲價白鰻魚肉細膩綿滑，而且優質白鰻的確無土腥味，但唯獨是多少少軟骨，要小心食♡ 白鰻魚以小鍋蒸煮，底下鋪滿粉絲、配菜，吸滿魚汁鮮味yum!午餐可以半價加購茶飲.ᐟ每次必飲湊湊經典大紅袍珍珠奶茶。店員推介新鮮即製的芒果沙冰亦不錯，芒果香甜不膩，又解暑。另外，繼「湊湊火鍋‧茶憩」6週年慶限時優惠之後，餐廳推出了「台灣夜市下午茶‧宵夜自助任飲任食」 $128/位起，有洪湖大閘蟹粉麵、幾十款台式美食及台式手搖茶、日本三得利冰啤，可供任飲任食，無限狂歡🎉 與朋友相聚於

平時都好鍾意嚟下午茶，依家仲做緊大驚喜，128蚊任食仲加埋自助區，平時自助區分開加每位都要五六十蚊，依家手搖飲品連主食，自助區台式小食都係任食，感覺實在太化算，呢間嘅台式小食實在唔錯，台灣菜嚟講都算係正宗。真係好鍾意食佢哋呢個蠔仔撈麵味道啱啱好又夠鮮香。仲有台式蚵仔餅正宗台灣市集風味。自助區仲有滷肉飯，涼拌小菜，生果任食。另外叫咗一品海皇大閘蟹粉麵，用大閘蟹粉撈嘅麵都好鮮甜。仲有個鳳梨啤酒蝦燒鍋，柴油鳳梨啤酒味嘅鍋都幾特別。

公司突然間有一個半鐘食飯 多咗30分鐘梗係要enjoy吓🤪🤪想食滷肉飯好耐 ，咁啱大圍做嘢梗係去返圍方食！ 湊湊火鍋食滷肉飯。佢哋有set lunch叫，本身唔食牛。食過鹽酥雞同埋燉排骨，老實講其實兩樣都一般，計埋+1要成$100個餐，但佢勝在有水果吧同埋滷肉飯任食，大胃王可以食多幾碗滷肉飯🍽️滷肉飯都有少少豬酥味 但係唔難食 西瓜偏淡冇乜甜味 個燉排骨嘅話佢煮得太老其實浪費咗個排骨位 豆腐同鴨血都OK唔會難食乾淨企理 我個人非常欣賞 係$100對於細食嚟講就會貴少少

今次去咗大圍圍方嘅「湊湊火鍋‧茶憩」，試吓佢哋嘅商務午市小火鍋套餐，有齊靚肉、蔬菜盤同甜品，仲有招牌珍珠奶茶送🤩🍲 美國牛板腱小火鍋套餐 ($118)牛板腱選用美國特選級牛肉，脂肪紋理好靚：✔️ 切到薄身，涮3秒就食得✔️ 肉味濃郁得嚟唔會韌✔️ 配番茄湯底超夾（酸甜開胃）✨ 套餐包括：- 蔬菜盤（款式夠多娃娃菜、蕃茄、粟米同鮮冬菇）- 刀削麵（煙韌有咬口）- 紅豆豆花布丁（滑溜唔太甜）- 珍珠奶茶（茶味夠濃，珍珠Q彈）🐷 伊比利亞梅花豬套餐 ($128)黑毛豬迷必試！伊比利亞豬肉：✔️ 油脂分布均勻✔️ 配昆布湯最原汁原味✨ 特別推介：- 南瓜麵（天然甜味好特別）- 荔枝綠茶（清新解膩）- 自助區有齊醬料、肉燥飯湊湊嘅個人火鍋套餐絕對係大圍晏晝想打邊爐福音！$118就食到高質牛板腱，性價比爆燈。特別推薦比鍾意一邊打邊爐一邊飲嘢嘅朋友，下次lunch time一定會再encore！🍲✨

我哋一共兩位大人大概晚上6:00入座，入座時已經有店員提醒用餐時間為1小時30分鐘，未到7:00，已經有店員陸續提醒用餐時間即將結束，然後print張單出嚟叫我哋盡快埋單先。之後有啲食物未食完，店員已經會行過嚟收碟，要我哋特登同店員講唔好收住，因為仲未食晒。而當食物一食完，店員就會即刻行過嚟收碟，效率之高令人感覺不快。此外，由於我哋未知仲會唔會嗌嘢食或者嘢飲，所以未有埋單住，其後第二位店員又係大概7:15再print張單出嚟叫我哋盡快埋單，我哋都唔想阻住餐廳做生意，只好即刻埋單先。由7:00前至7:30之間，店員曾經超過五次提醒用餐時間即將結束，不停催促我哋盡快交枱。而眼見同場有食客早過我哋入座，但又無被催促交枱，所以難以理解店員用什麼準則決定哪張枱要盡快交枱。總體而言，我哋兩人消費超過$1000，食物質素良好，雖然明白父親節前夕可能比較多人，但店員過早提醒要盡快交枱，加上提醒嘅次數太頻密，破壞咗整體用餐氣氛，之後唔會想再貼錢買難受。

我哋兩個好耐冇去湊湊火鍋食啦，所以今晚就嚟咗湊湊火鍋度食dinner。❤️ 我哋有睇過散嗌嘅餐牌,另外佢哋有個二人餐$698，茶錢同埋出面嘅自助Bar，咁我哋都覺得幾抵，所以就叫咗個二人餐。👍🏻 我哋主菜叫咗一個牛，一個豬，兩個嘅質素都幾高，佢仲有一盤菜，仲有手打滑比你揀，有包埋一壼茶，出面嘅自助吧就有生果，生果有西瓜🍉同哈密瓜，仲有滷肉飯，亦都有醬料俾你自己任選。 整體嘅環境亦都坐得舒服，之前成日都食佢個lunch，今次係第一次試佢嘅晚餐，估唔到性價比都好高。兩個人都真係食得好滿足😌仲要佢個烏冬都幾好食。👍🏻呢間都係一間值得回頭嘅餐廳😚

大圍圍方湊湊火鍋‧茶憩，真係一個好靚嘅火鍋餐廳！環境優美，坐落得好舒適，影相都靚到飛起。啲職員服務態度超好，耐心又熱情，令你感受到賓至如歸嘅感覺。食物方面，新鮮得黎好吸引，啲肉類同海鮮都係高質，鍋底更係一大賣點，味道好飲，飲完之後都想再來一碗！可以先飲湯，然後再煮啲食材，配搭埋各種醬料，真係好味道！而且呢個地方特別適合家庭聚會，大人細路都可以享受喺一齊火鍋嘅樂趣。總括來講，大圍圍方真係我力推嘅一間火鍋店，想食火鍋，呢度一定要試下！

今次試咗「湊湊」二人套餐，驚喜十足！湯底揀咗醉雞鍋同台式麻辣鍋，醉雞湯藥材香醇厚，雞肉嫩滑；麻辣鍋麻香夠勁，鴨血豆腐無限追加，超抵食！醬料自助吧款式多，最愛蒜蓉配沙茶，而無限前菜嘅泡魚皮爽脆到「嗦嗦聲」，開胃到停唔到口。食材新鮮度滿分，兩款牛肉油花均勻，涮麻辣湯底一流；新鮮鮑魚爽彈鮮甜，企鵝造型墨魚滑可愛又彈牙，烏冬吸盡湯汁好惹味。蔬菜拼盤有油麥菜、准山，清新解膩。重點係招牌紅袍珍珠奶茶，茶底濃郁帶炭香，珍珠Q彈，同火鍋出奇地夾！整體質素高，服務貼心，絕對會再encore！

✨「洪湖大鬧蟹粉宴」3-4人套餐✨🔥必點推薦🔥✅「火焰清酒和牛」視覺滿分！現場火焰表演超吸睛，不過食落酒香唔算突出～✅「金鑽海鮮拼盤」新鮮度爆燈海鮮控必試，份量足夠4人分享✅「愛心蔬菜花束」母親節限定擺盤超有心思！媽媽見到即刻笑晒口💐✅「鴛鴦鍋底」雙重享受▪️紅顏竹笙花膠雞鍋：清甜滋補▪️台式麻辣鍋：香辣過癮🌶️🍹飲品驚喜▪️甘蔗檸檬茶清新解膩▪️生啤免費升級優惠超抵！⚠️中伏位注意⚠️❌「炸魚皮&響鈴卷」質素普通似預製食品，唔夠脆口❌服務態度有待改善部分侍應反應較慢，節日人手明顯不足📸打卡位：1. 火焰和牛表演一定要拍片！2. 海鮮拼盤霸氣擺盤3. 蔬菜花束送比媽咪時嘅驚喜表情💡小貼士：• 節日建議提早預約• 即影即有要主動詢問#母親節大餐 #高級火鍋 #香港美食（同場加映：有無人試過其他套餐？求分享～）👉🏻總結：食物質素整體不錯，但節日服務跟唔上價錢。最緊要媽咪開心！💖

😆間中都會返爹哋媽咪屋企食飯，但係最近佢哋屋企個廚房裝修，搞到冇得返去黐餐，細佬提議不如近近哋去圍方食，其實細佬之前已經引誘媽咪話呢間好食，但就話因為啲枱有啲狹窄所以冇去。今次又咁啱諗唔到食乜嘢喎，同埋早咗去又冇乜人，所以就決定去試下，唔知係咪因為我哋六個人同埋早去，佢畀咗張圓枱我哋自成一角，爹哋媽咪表示坐得好舒服唔會逼夾，下次醒目喇早啲去就有圓枱作唔使逼！入正題喇介紹返呢間就係 @coucouhotpothk 湊湊火鍋‧茶憩，當日我哋叫咗個四人餐，你可能會話你地六個人喎，叫四人餐夠唔夠食㗎？本身我同爸爸媽媽食嘢比較少，所以叫四人餐係足夠嘅，同埋我想講佢個四人餐份量好大份。如果你食嘢份量比較大嘅，佢哋有啲優惠價食物畀你哋散叫，我哋都係叫多咗一份牛頸脊，同埋一個海鮮拼盤，本身個餐呢到已經有個四人份量海鮮拼盤，我哋叫多個二人嘅海鮮拼盤，純粹係因為想每個屋企人，都有一隻鮑魚同埋一隻扇貝，如果你覺得足夠嘅可以唔使額外叫。我細佬極力推薦 #竹笙蟹粉魚湯鍋 #胡椒豬肚雞鍋 呢兩個湯底，細佬仲叫我哋湯底一到即刻整返碗飲，試曬兩個湯底屋企人都話好好飲！整體環境食物我都好滿意，唯獨係有一樣嘢希望可以改進

星期六訓醒唔知食咩好，見湊湊有lunch set就去試試先叫了一份牛頸脊，一份牛胸腹，套餐還包括一籃蔬菜，一份麵條，有番薯麵、南瓜麵和刀削麵三個選擇，還可以選一杯台式飲品，另外有一小碗的紅豆豆腐花，只要成為會員，就可以免費享用自助吧，自助吧除了各式各樣的醬料外，有些麻辣冷盤，還有西瓜和哈密瓜小火鍋同平日的大鍋不同，用露營用的迷你石油氣點火加熱，熱度充足，唔會令到湯底滾唔起嘅情況，不過，平日的大鍋打得比較開心😛牛頸脊擺盤有特色，不過份量就比牛胸腹少，但牛頸脊的雪花紋比較均勻唔好睇小呢個蔬菜籃，有一粒蝦滑，一粒牛丸，一粒冰豆腐，雲耳，粟米，蕃茄，三種菇類，兩種菜我們兩個都揀咗台式麻辣鍋，鍋裏有一片豆腐和一片鴨血，麵條方面，我們揀咗番薯麵和刀削麵，番薯麵雖然唔會食到番薯嘅味道，但面質比刀削麵的煙靭，有驚喜呢！起初仲擔心唔夠飽，想加多一碟牛肉，真係唔可以睇小呢個餐嘅份量，最後係食唔晒刀削麵嘅，所以，雖然叫小火鍋套餐，但係份量非常足夠👍🏻

We booked for at table at 8pm and it wasn't ready when we got there at the allocated time. The front desk service simply said "wait". No 'please' or she could have spoken more politely to me in Cantonese as I had already shown that I can speak a conversational amount. We usually go to more affordable hotpot places but MTR Malls had a coupon where we could redeem 20% off our bill. What we or the staff didn't know was that on the English version of the MTR app, the coupon is missing a clause that

朋友想去打邊爐🍲但朋友想食辣😆劉媽想食清清地一人一爐就啱哂啦😌所以我哋就去咗 #湊湊火鍋 食台式半自助午餐今次我哋orde咗🍲甄選海鮮小火鍋套餐 $164🥥清涼椰子鍋+$6🦐小火鍋海鮮拼盤🥗蔬菜盤🍮紅豆豆花布丁🍠紫薯面🥤黑糖桃膠玫瑰烏龍鮮奶茶椰子湯底味道很清甜😋仲有椰子肉🥥配搭時令海鮮海鮮更加鮮甜👍🏻今次有鱸魚片、白鱔片、大蜆、大蝦、生蠔🦪款款都好新鮮而蔬菜款式比想像多🥬有菜有丸🍲美國頂級牛頸脊小火鍋套餐 $168🍅貴州酸鍋🥩美國頂級牛上蓋🥗蔬菜盤🍮紅豆豆花布丁🎃南瓜麵🥤大紅袍珍珠奶茶湯底味道先酸後辣🌶️好過癮配以最高級別嘅牛上蓋🥩鮮嫩多汁😋口感細膩依家午市小火鍋有 #星級新鍋底關西壽喜鍋、貴州酸鍋底、泰國惹味冬蔭公鍋仲可以多款海鮮和優質肉類嘅雙拼配搭👩🏻特別推介極具特色嘅貢品😍烏珠穆沁小羔羊 😋 #劉家話你知 【湊湊推廣優惠】1️⃣ 由朝到晚特別折扣早鳥85折、夜貓8折2️⃣聯乘合作American Express, 消費即減優惠$1000減$2003️⃣聯乘合作Cathay Pacific linked card, 可額外購取$4 = 2 Asia Miles積分4️⃣午市台式湯鍋麵飯 每天一款85

唔知點解台式火鍋就係有獨特既魅力令人想一去再去🤤🍲 關西壽喜鍋 湯底甜而不膩，配上新鮮嘅牛肉同蔬菜，真係好夾！特別鍾意佢哋嘅壽喜燒汁，煮出嚟嘅食材特別入味～😋 🌶️ 貴州酸鍋底 酸辣開胃，湯底濃郁得嚟唔會太嗆喉，啱晒鍾意重口味嘅朋友！配上海鮮或者肉類都超夾～ 🐑 烏珠穆沁小羔羊 肉質嫩滑，完全冇羶味，入口即化💯 🦐 海鮮拼盤 多款海鮮同優質肉類嘅雙拼配搭，新鮮又豐富，啱晒鍾意試多款食材嘅朋友～🦀🐟 🍜 紫薯麵同南瓜麵 兩款麵都好出色！紫薯麵帶淡淡嘅紫薯香，口感煙韌；南瓜麵則有南瓜嘅天然甜味，煮完之後吸收晒湯底嘅精華，令人食到停唔到口～ 佢哋嘅火鍋唔單止湯底多樣化，食材仲好新鮮，絕對係打邊爐嘅好選擇～💕

今次去咗湊湊火鍋試佢哋嘅午市一人餐$98起，有多款海鮮和優質肉類的雙拼配搭選擇😍 仲有極具特色的貢品——烏珠穆沁小羔羊。佢哋有幾款午市小火鍋星級新鍋底：關西壽喜鍋、貴州酸鍋底、泰國惹味冬蔭公鍋。我就揀咗關西壽喜鍋，湯底甜甜哋，帶少少醬油香。朋友就揀咗昆布湯，帶點鰹魚味。我哋揀咗美國頂級牛頸脊餐及甄選海鮮小火鍋🍲牛肉份量多，肉質好嫩滑，牛味濃郁，配壽喜鍋湯底真係絕配！甄選海鮮小火鍋有鮮蝦、蠔、蜆同兩款魚，海鮮新鮮，蝦肉爽彈，蠔同蜆都好鮮甜。套餐附送嘅蔬菜拼盤好豐富🥬：有蔬菜、金菇、冬菇、丸同蝦滑等等，樣樣都新鮮，尤其係蝦滑，彈牙得嚟又鮮味，涮完之後吸晒湯底嘅精華，好好食！出邊有個自助區，可以拎前菜同水果🍉飲品揀咗黑糖桃膠玫瑰烏龍鮮奶茶，黑糖味好香，桃膠滑溜溜，玫瑰花香同烏龍茶好夾。大紅袍珍珠奶茶🧋奶味香濃。