湊湊火鍋•茶憩 (元點)

營業中

休息中

放假唔知食咩好，咁就見到湊湊有個午市定食，仲話包免費自助Bar，係有水果前菜仲有甜品，咁就去試吓啦入到去已經搵緊個自助吧喺邊？因為佢係同啲醬料擺埋一齊，水果係得返一兩舊，前菜唔使講，每隻碗都係空嘅，全個場起碼有五至六個職員喺度冇人去refill呢啲嘢食，六個有兩個都係推住架車行嚟行去咁已經失望啦，跟住嗌咗個定食，等咗半個鐘都冇嚟！但係職員完全冇關心我哋食物進度啦，咁算啦香港飲食業態度可能真係咁🙂‍↕️ 舉手叫職員過嚟冇人見到，行出去同佢講啦，即刻啲餐點嚟齊晒！即係漏單啦！咁都算啦，食物質素極度一般，嗌咗個胡椒豬肚雞小火鍋同埋一個酸菜魚小火鍋定食套餐，係附有麻辣鴨血臭豆腐嘅小食，同台灣食嘅差好遠豆腐唔知做乜有浸怪嘅藥材味，鴨血又凍冰冰嘅🤢兩個小火鍋嘅味道都一般正常冇話太經驗咁定食嚟講算係咁嘅，只不過當刻已經決定下次唔會再嚟呢間餐廳！好啦咁食完啦去到埋單啦，個職員問我哋有冇食過自助嘅嘢，咁我哋就答佢有啦（中間係有refill西瓜同哈密瓜我哋都食咗各一碟）點知佢同我哋講話我哋唔係會員，所以每位$38！大佬咁就唔係免費啦，完全文字誤導消費者！不過我都冇再即場同佢爭拗，因為都唔會拗啲咩返嚟以前係食

唔覺唔覺”湊湊火鍋”喺香港已經有12間分店，今日同媽咪去Yoho Mix分店食lunch，餐廳以中式為設計風格，裝潢古色古香，環境非常優雅地方闊落，好多靠窗卡位透光度高，坐得好舒服半自助式午市套餐有7款選擇免費登記做湊湊會員就可以享用自助吧有前菜、滷肉飯、生果、甜品，任食！！前菜有香辣魚皮同杏鮑菇，辣辣地好惹味～「經典紅顏花膠雞小火鍋」雞件好多，冇骨，肉質唔鞋，雞湯非常濃郁有黏黏感，重點係有好多花膠，好多骨膠原「寶島慢煮番茄牛肉小火鍋」牛肉係牛腩嚟嘅，勁足料，夠晒軟腍，讚蕃茄湯茄味夠濃，似飲緊羅宋湯，配烏冬掛湯食好食~每份小火鍋套餐跟麻辣鴨血、豆腐、半隻雞蛋、肉燥娃娃菜，好豐富超抵食甜品每人有一客紅豆奶凍，清甜動L動L生果有哈密瓜同西瓜，好新鮮！無限任拎，食到超飽！可以用半價order茶飲，叫咗「百香金橙」同「粒粒紅柚茉香茶」，專登揀酸甜口味解渴又解膩，飲唔晒拎走慢慢飲抵😂

最近食多咗邊爐，起咗條邊爐癮。為咗止癮，呢日Lunch決定Search下附近有咩邊爐野好食。一Search下發現原來平時唔捨得食嘅高級台式邊爐「湊湊火鍋」做緊半自助Lunch Set，只要down佢個app做會員就可以免費享用自助吧，跟餐仲有租品送，而且個價都好抵下，當然唔可以放過啦！ 自助吧有無限滷肉飯、香辣魚皮、香辣杏包菇、水果等。個滷肉飯真心出色，有出面餐廳單點嘅水準！配埋魚皮同杏包菇嘅滷肉飯本身就算做一個午餐我都收貨！ 🧡寶島慢煮番茄牛肉小火鍋（$88）呢個Set可以配白飯或烏冬，我就選擇咗配烏冬(小Tips:白飯係自助吧就有啦)。Lunch邊煮邊食小火鍋就係幸福！個番茄湯都幾清甜，牛肉大大舊，入口軟腍 ，烏冬亦好掛湯！本身個Set跟埋麻辣鴨血豆腐同肉燥娃娃菜盤，成件事好豐富，超滿足！ 🧡台北燉排骨飯（$88）燉排骨軟腍入味，排骨本身亦配有麻辣鴨血同滷水豆腐！鴨血咬口好好，份量好足！另外肉燥娃娃菜盤入面果半隻滷蛋個皮係炸過，好香口幾特別！ 🧡大紅袍珍珠奶茶（跟餐半價$16.5）大紅袍茶底香濃，珍珠煙韜彈牙有咬口，正！ 🧡美人烏龍珍珠奶茶（跟餐半價$16.5）茶香十足，同樣出色

繼續發掘元點餐廳😜 今日去左好多分店嘅湊湊火鍋 試下佢哋新推出嘅半自助lunch set☺️ 價錢由$78起 就可以食到台式lunch 前菜 滷肉飯 水果 甜品 真係諗起都開心🤣我哋揀左試老壇酸菜魚小火鍋同經典紅顏花膠雞小火鍋🍲 落完單即刻出去睇下有咩食 前菜有香辣杏鮑菇同魚皮都好出色😍 我哋食左3碟🤣 另外醬料選擇都好豐富吸引 有我最愛嘅菌菇醬同xo醬😆 另外仲有無限任添滷肉飯！😜主菜上菜好豐富 一個鍋可以揀配烏冬或者飯 我哋都揀咗烏冬 因為出邊已經有滷肉飯任食🥳 仲有兩碟滷水拼盤👍🏻 酸菜魚份量都幾多好惹味 花膠雞湯底好濃 好多雞👌🏻見佢哋店外仲有台式飲品店 我哋叫左2杯試下 分別係百香果綠茶QQ同美人烏龍珍珠奶茶 唔會好甜👍🏻 食飽仲有水果同甜品食 呢餐lunch 真係好豐富🌟

今次再黎元點搵好野食 , 估唔到連湊湊火鍋都開左分店 , 實在太正啦 . 以前已經食過覺得得好高質 , 今次夠近可以試下佢既午市套餐 , 同火鍋一樣咁出色中午開左冇耐已經好有人氣好多人 , 店員安排我地坐窗邊卡位 , 成個環境好舒服好寬敞午市套餐加入會員仲有自助吧可以任食前菜同滷肉飯 , 醬料區選擇多自助吧有麻辣魚皮同麻辣杏鮑片超超超好食 , 仲要係任 fill 任食 , 唔算太辣得黎又開胃 , 新鮮爽口 , 另外仲有多款新鮮水果 , 超抵食每份午市套餐仲有配滷水豆腐同埋鴨血 , 滷水好入味 , 鴨血好有咬口 , 另外仲有肉燥娃娃菜 , 好欣賞佢入面既滷蛋 , 比較特別佢嘅滷蛋個皮係炸過 , 好香口好有台式風味 !寶島慢煮番茄牛肉小火鍋 配 烏冬火鍋邊煮邊食 , 火熄左可以請店員加番火 , 番茄湯好香濃 , 牛肉軟腍 , 配上烏冬食一流老壇酸菜魚小火鍋 配 白飯試埋朋友嘅酸菜魚火鍋 , 辣辣地好開胃美人烏龍奶茶 & 雲朵絲絨茉香茶喺湊湊火鍋店隔籬就係佢哋嘅茶飲店 , 有好多款台式飲品可以揀 , 超滋味最後原來仲有甜品 ! 驚喜 , 咁既價錢咁多野食真係好抵食 !

湊湊呢間邊爐都食過幾次，元朗終於開分店，趁住新舖頭有優惠就食下，因為平時都唔平😂新開張有6折！嗌咗個鴛鴦鍋，照舊麻辣湯底任嗌鴨血，呢個湯底最抵食㗎喇😂，另外嗌咗胡椒豬肚湯。跟住嗌咗牛，蔬菜籃，響鈴，同埋企鵝魚蛋。再食埋出邊啲小食，滷肉飯，仲有例牌送嘅菠蘿冰。4個人700蚊埋單係幾抵嘅。

湊湊平時以打邊爐出名，但見到新推出的台式半自助午市套餐，而且價錢中規中矩，就決定去試下！最好是假期都可享用！元朗新開的火鍋店環境寬敞舒服，而且自助區在餐廳正中間，十分吸精！自助區可任食滷肉飯，生果，前菜；而當日去的時候前菜為香辣魚皮和杏鮑片，我無限任Fill十分入味！老壇酸菜魚小火鍋一人一鍋，配了一個烏冬，味道微辣，不會搶去酸菜魚的酸味。而且小菜亦配有麻辣鴨血，豆腐及炸蛋！寶島慢煮蕃茄牛肉小火鍋蕃茄味極濃，飲落是牛肋骨濃湯的味道，牛肉大大舊，十分淋身，配上烏冬十分入味。每個套餐可以半價加購台式飲品，抵！

午市套餐$9️⃣8️⃣🍜豬肚雞麵🍜刀削麵麵條煮得比較淋身，雞肉口感嫩滑，豬肚有咬口，份量頗多，湯底更是鮮甜好喝😆套餐跟埋前菜🐟涼拌魚皮清爽，微辣開胃。🍄涼拌菇片，雞髀菇切成薄片，入口柔軟彈牙，拌上微辣醬汁。🥢滷水豆腐同鴨血，比較乾硬，未被滷汁充滿浸軟。🥬肉燥娃娃菜🥬娃娃菜淋上肉燥帶出蔬菜嘅鮮甜味跟餐可享飲品半價優惠原價3️⃣4️⃣，半價後1️⃣7️⃣黃金柑桔茶，獨特柑桔香氣和酸甜滋味，啱晒夏天飲👍🏻另外做埋會員可以去自助區攞生果，西瓜🍉哈密瓜同柑是日消費$1️⃣1️⃣1️⃣（自費）

因為見到佢出咗半自助午市套餐只要down個app做會員就可以免費享用自助吧佢環境係靚同舒服嘅但嘢食真係麻麻叫咗個酸菜魚火鍋 味道未必有元朗啲小店水準添可能食個酸辣米線湯底仲好過佢自助吧都係失望講真 比得$88加一 成舊水當然會對自助吧期望大啲除咗醬料之外可以任食嘅食品一隻手數得哂- 肉燥+白飯- 香辣魚皮- 香辣杏包菇- 西瓜- 哈密瓜仲要啲肉燥同杏包菇係冇哂過咗起碼10分鐘先有人補講緊我1430後入座未全場滿哂除咗水果外甜品唔係任食係同我哋買完單要自己追問職員先送兩個布甸形狀嘅豆腐花但公道講句佢嘅前菜係出面少啲食到嘅

今日同朋友行過見新開去試一下……之前一直都想試😄星期一至五仲有午市套餐 /單點75折都好吸引，環境舒適，乾淨，服務還可以！味道方面，我們都覺得幾好食，👏肯定會有下一次！

YOHO MIX開幕啦！🎉有好多餐廳😃今日就去左湊湊火鍋 環境時尚型格😎空間感大😌座位寬敞舒適設有VIP 包廂、自助小料台😀叫左個鴛鴦鍋🥘🥢台式麻辣鍋🥢用上牛骨、雞骨慢燉 6 小時，鴨血、豆腐無限添加，集結「麻、辣、醇、辛、甘、香」6種味蕾體驗，味道層次豐富！😊🥢清涼椰子雞鍋🥢椰子水、椰肉、粟米、檸檬葉等材料熬製而成，每口淡淡的椰子清香，加上日本雞肉嫩滑無比！😚🥢美國特選級牛肩胛🥢油花均勻，肉質滑嫩，牛味濃😄🥢企鵝丸🥢企鵝造型超可愛，岩哂小朋友食喔！質感彈牙帶香濃墨魚味😆🥢油條🥢吸湯之選，要滾耐D就夠哂味啦！☺️🥢烏冬🥢完全吸晒湯底味道，入口軟滑，超好食！🥰打邊爐一定要叫飲品🥤粒粒紅柚茉香茶🥤粒粒紅柚果肉配茉香茶😚超fresh

食完元朗分店 體驗極差其實過往食過好幾次 食過尖沙咀 旺角 同荃灣西分店 正常服務 野食都唔錯所以今次食完元朗YOHO分店令我大失所望！首先，係等候方面 Walk in前面要等4張枱諗住唔會太耐就決定等 等咗一個鐘之後問店員大概要等幾耐 等我哋自己可以預計時間佢淨係答：下個到你 點知一等又等咗半個鐘其實指示好唔清晰 中間又俾咗好多其他食客入去到叫我哋飛號嘅時候 諗住終於可以入 點知又話未執好枱 結果又企咗15分鐘先真係入到座第二，服務差劣叫咗個二人餐 多返催促後都要等一個鐘頭先上齊已點菜式 極度無奈期間被告知一早落咗order嘅肉冇貨既然係冇貨的話 應該一早喺個app度顯示而唔係要食客等半個鍾之後先話俾人知冇亦冇相應嘅肉類代替另外 到我哋叫埋單嘅時候正常應該係侍應會拎張單俾我哋 我哋等咗一陣之後其中一位侍應先話話：你地拎齊嘢可以出去cashier 個到埋！其實喺位埋定係出去埋都冇咩所謂但係我哋出到去嘅時候佢又問點解我哋要出嚟埋😑 結果我哋又係要返返去自己個位度埋單 安排非常混亂到我哋埋完單又要等15分鐘個沙冰先上其實真係食到一肚氣 打出嚟都係為咗警世希望大家小心！

元朗終於有湊湊啦！見到湊湊適逢5適年有很多優惠，我就不會錯過啦！餐廳環境很舒適，全部都是卡位，而且座位很闊落。自助吧除了有自調醬料，還有小前菜，包括麻辣魚皮及麻辣菇片，兩種都非常惹味又開胃，我自己都食了幾盤。湯底選了鴛鴦湯底，喇沙及清涼椰子雞，喇沙湯底入面有新鮮蝦，總共有差不多8隻，非常新鮮及鮮甜。椰子雞件肉質彈牙，還有鮮甜粟米，湯底十分足料。90%鮮蝦製人氣蝦滑，蝦肉非常彈牙，而且份量很多。新鮮白鱔片，魚片彈牙鮮甜，只需沾試少醬油提鮮已經非常好吃。油麥菜鮮嫩爽口。澳洲西岸曼杜拉龍蝦，上碟時龍蝦還會動，龍蝦肉輕輕於湯中拖一拖就食得，肉質緊嫩鮮甜，真得無得頂，很少食到有這麼新鮮的海鮮。爽口牛黃喉，質感很有趣，很難形容，但也很不錯的。湊湊的飲品很有名，一定要叫一杯，點了水蜜桃綠茶QQ。自助包還有水果，西瓜、芭樂及蜜柑。最後還會送上兩款甜品，兩款都好好食，超解膩，服務真得很好。總結是無論餐廳環境，湯底，食材都令我很滿意，難怪全場爆滿。

成日聽朋友提起湊湊火鍋，但一直未有機會試，趁家人生日就帶佢地去元朗新開幕商場Yoho mix湊湊火鍋慶祝一下🎉一進入店內，火鍋香味撲鼻而來，餐廳風格偏黑色系，氛圍感拉滿！座位舒適，仲有包廂，私隱度十分高👍🏻因為今次我地人數較多，再加上提前訂座，餐廳安排左包廂房，房內可以一邊唱K🎤，一邊打邊爐，認真盞鬼👻👻🍲火鍋湯底我地點左「任性鍋」:番茄🍅牛膝鍋➕胡椒豬🐷肚雞🐔鍋➕麻辣鍋🌶️。有辣有唔辣，岩曬一家大細口味！麻辣鍋鴨血同豆腐仲可以免費添加👍🏻美國🇺🇸特選級牛肩胛，牛肩胛🥩紋路清晰可見，在鍋裡涮幾下就可以食，口感好嫩。配料仲叫左毛肚，芝士🧀蟹柳，魔芋條，鵝腸，蝦滑，鹽酥雞.... 😋😋😋餐廳自助區也很豐富，各式各樣既配料，西瓜，🍚白飯，炸芋丸任食。打邊爐配珍珠奶茶🧋，大紅袍珍珠奶茶，茶香濃郁奶味香甜，仲可以解辣☺️聞名不如一試，可以再encore既一間餐廳

卡卡好耐無同小情人1號撐枱腳喇🤭見大仔考試放半日當然唔會放過與他一起的親子時間一於帶他到學校附近的新商場 元朗YOHO Mix 走一趟好快便鐵定去最近爆紅的湊湊火鍋試試因為開業期間有8折優惠點都要試試他吧～湊湊火鍋‧茶憩擁有 250+門店的全球連鎖精品火鍋於香港、新加坡、上海、北京等地開業即爆紅更被譽為「此生必吃的網紅精品聚會火鍋品牌」首創 #火鍋加茶憩模式 確實名不虛傳座位舒適、空間感大、打卡一流，還可 VIP 包廂一個價錢全包 #自助小料台 所有食物包括台式鹵肉飯、多款前菜、時令水果及多達20款不同醬料選擇特別推介蘑菇醬、麻醬、XO醬、麻辣醬及沙茶醬，必試👍🏻我倆一個吃辣一個不吃辣那當然選了個鴛鴦鍋來滿足我倆需要台式麻辣鍋 + 清涼椰子雞鍋 絕對是不二之選#麻辣鍋 以精選雞骨及牛骨以小火慢燉 6 小時再配以紅棗、枸杞等12種中草藥材熬製 2 小時濃縮而成最重要可以 #無限添加的湯料中的鴨血和豆腐我應該吃了平時全年份量的鴨血和豆腐，超正❤️#清涼椰子雞鍋 清甜味美的湯底皆因加入椰子水、椰肉、檸檬葉、珍珠馬蹄等製作成香甜清新之湯底淡淡的椰子清香，真的沒有不選的理由我們還點選了可愛度爆燈的