港澳義順牛奶公司

營業中

休息中

食番碗❤️雙皮奶先今次想食雙皮奶凍食。經過義順牛奶公司便吸咗我入去了🤣不銹鋼托盤裡的瓷碗’味道肯定不會差。 雙皮奶蒸熟後放涼’上面有一層奶皮。 下面的雙皮奶口感細滑’奶味香😋 醇’燉奶厚重又不覺得甜膩~正呀

義順總係有種老香港既感覺🌹呢個雙皮燉奶 我食左好多年❤️好特別好好味奶味香濃質地幼滑 確實係好多地方都食唔到👍🏻以前去親都好逼 今日去到大半個場都冇人 😯老品牌有性格既義順一蚊都冇減 企硬hkd36 一碗 有少少令我諗起就嚟暫停營業既洲際 一蚊都唔減 係一種態度 係一種對自己價值既肯定 ❤️唔知呢一個低潮過左仲有幾多我中意既好西會可以留低呢☹️

咁大個人 都無見過可以包場義順疫情對食肆既影響 應該都真係打擊不少不過佢之前賺咁多 我希望佢捱得住啦話哂好味既燉奶都唔多架喇一樣咁貴 $37 薑汁燉奶不過唔知係咪耐無食或佢無咩人食 佢薑左 味道好左 滑就一向咁滑仲叫左兩個通粉牛肉通 同火腿通一樣啦同以前 牛肉好似比以前多左不過一樣多既鬆肉粉 但至少比龍門既有味

買完野鬼咁肚餓，粗粗地黎飲杯紅豆冰。紅豆多夠飽滿大粒，但硬左d，因為凍飲嘅冰好似我買野嘅心一樣火熱，熔左好多，變奶水。唯有同時間競賽，起勢飲先避免到佢唔變紅豆奶水。話左肚餓，飲幾啖冰就更餓，開著左胃嘅引擎，望住隔離檯配粉，好似識發光咁，叫左碗。牛肉通粉叫幾好，湯底好明顯懷舊底雞湯，溝水情況未算嚴重。最重要係牛肉無那我太勁，或者太大梳打粉味。易咬嘅，粉都ok，環境就一般茶餐廳咁，唔好expect好乾淨高尚，土生土長鍾意呢陣懷舊又local感覺，黎食嘅加感情分。

由中學食到而家🤤 見住佢由20幾蚊加價加到30幾真係好誇張😱 燉奶無以前咁滑，嚡左好多，不過勝在牛奶味依然咁濃👍🏻 暫時都係無乜邊間可以代替到佢係我心目中嘅地位👏🏻

義順出名食雙皮奶就應該係人都知，我呢就從10歲起開始食㗎啦。可惜，做得耐唔代表品質一定keep得好。人少少去食，晏晝時段其實唔算多人。叫咗一碗熱嘅雙皮奶，食下當年嘅味道。可惜，雙皮奶越嚟越watery，咁嘅話口感根本同當年冇得比。食過澳門店，覺得澳門嗰間仲好食啲。究竟係香港嘅速食文化引致食物質素下降，定係根本佢哋自己都守唔住佢哋嘅老品牌呢？🤒啲阿姐都係懶懶閒咁企喺度，好似想你快啲走咁。而且定價亦都開始越嚟越貴，要我用$36食一碗嘅話又係咪真係咁抵呢？🤔🤔以上嘅問題其實全部都有答案，但係費事公開講咁啦。希望下次食佢仲有進步啦～🙄

What’s an equation for being best of both worlds? I’d say, yummy and nutritious.Steamed milk 燉奶 is a traditional Hong Kong style dessert which is beloved by many locals as well as tourists, especially at Yee Shun Dairy Company, they are most famous for it.The aroma is very milky, texture is that of a very soft pudding which melts in your mouth. Together with the sweetened red bean topping, it makes it a nutritious treat.

馳名雙皮燉奶 (熱) ($36)雖然甜品應該係甜嘅, 但係呢碗雙皮燉奶係過份地甜😳 食咗半碗已經覺得有啲漏可以讚嘅係: 夠熱, 上菜夠快星期五晚飯時間少人, 可能未係甜品時間

義順嘅燉奶好出名我就一向都知，但原來佢嘅其他奶製品都好出色㗎！同朋友聽完音樂會見時間尚早就去食咗個甜品，招牌雙皮奶唔至話，佢嘅奶味非常特出，唔會得個甜字。最令我驚喜嘅，係佢嘅木瓜奶都好好飲！好fresh，鮮榨嘅味道，仲有d未榨碎嘅木瓜粒係入面，又唔會太甜！不過如果食完一旦雙皮奶再飲，個木瓜奶就會冇咗味咁。建議飲完奶再食甜品，就唔會蓋過個味道喇！

在銅鑼灣吃完晚餐後雖然已經十分飽，逛一會兒街後又想吃甜品，最後選了義順...因為想食雙皮燉奶！雖然之前已經試過幾次，但今次去質素仍然保持，只是價錢好似比之前貴了...雙皮奶的 奶味很重，每一啖都很滋味，唯一美中不足的是燉奶未做得夠滑，雖然未至於鞋口，但若然做得滑口，此燉奶便會十全十美！

食物質素冇變過，都係咁難食，幾年前食係咁，幾年後食都係咁。叫左個熱雙皮燉奶，一送到上嚟個皮已經爛咗，仲有個侍應飛碟式咁送上枱，跟住食咗啖已經覺得勁重奶粉味，又死甜，明明叫熱嘅但係上到嚟唔凍唔熱。另外個碗熱薑汁燉奶，薑汁還薑汁，奶還奶，又冇薑味仲要有苦味，成碗野仲係要係好水，一啲都唔凝固。前幾年去果次仲要係光管嘈到見到有老鼠，冇即時影低，即刻走人。食物質素，服務同價錢完全唔成正比，真係唔會再去呢間餐廳度食嘢。

曾幾何時義順係同朋友出街的<最後一站>佢碗蛋白燉奶每次都係必點出左黎做野，反而食少左今日一試個咪已經返唔到轉頭有渣，有奶水(似係未熟唔係因為太滑)37蚊碗食完　勁。失。望應該短時間內都唔會再去食住...

天時暑熱在銅鑼灣逛街，冷氣地方出出入入，又渴又焗。便走進義順吃碗馳名的雙皮燉奶，現在賣$36一碗，姜汁加$1。雙皮奶傳承於順德大良，已超過百多年歷史。這𥚃做得非常嫩滑，表面鄒起的一層就是雙皮奶的精髓，吃落奶味香濃帶咸，滑溜得不消一分鐘就吃完全碗。坐下幾分鐘，$36貴不貴就見仁見智，其中肯定的是有一大部份給了租金，尤其銅鑼灣旺區。重要的是用料要靚，間中吃一碗也無妨。

晏晝三四點有啲口痕見到呢到冇咩人 就嚟tea一tea啦！👅👅凍馳名雙皮燉奶（港幣$36）呢到最出名就係佢哋嘅燉奶👀當然都要嗌番個試下啦！食落口感唔算好滑🧐但奶味頗濃😍今日天氣咁熱 食凍嘅都好消暑啊不過相信熱嘅話 味道會變得更突出更好食👻-牛油咖咉多（港幣$18）呢個真係整得幾好食👍🏻多士相當脆口 係脆到有聲啊咖咉醬甜而不膩 再加埋牛油嘅味道 真係好開胃😋本身嗌嗰陣冇期望咁多 諗住都係普通多士估唔到出到嚟係幾好食😯所以比佢哋出名嘅雙皮奶更有驚喜！

座落係鬧市既順義，一碗燉奶3x 元，都算合理。對上一次食已經係多年前，但朋友仔既comment，又滑又有奶味，真係總結左佢既燉奶特色。的確呢兩項重點，義順manage 得好好。我叫左咖啡味燉奶，都幾香滑，可以一試。