影片
突然間想食上海嘢, 又諗起雜誌介紹過呢度有間叫"周媽媽"嘅上海菜館. 嚟到先發覺, 原來已經變咗做呢間港滬周媽媽小館啦. 既然嚟到, 又見餐牌上都有上海嘢食, 就入去一試啦.從個餐牌嚟睇, 大部份都係上海嘢食, 好似d上海菜好專業咁, 但店內牆上就貼咗好多茶餐廳嘢食牌, 搞到兩頭唔到岸咁, 幾"騎呢"!最終叫咗雲吞, 上海麵和年糕. 無一樣整得出色wo, 最feel到就係好茶餐廳出品 - 求其, 得嗰樣. 唔係難食嘅, 只係味道唔可以講得上好味lor. size都唔算太大碗.唔知係咪啱啱接手, 運作幾混亂, 出菜又慢, 服務就尚算可以.
繼續閱讀
食評 (2)
今日本身諗住去BC 睇戲, 又諗起好耐之前雜誌介紹過駿發花園有間<<周媽媽小館>>, 好有住家飯FEEL, 所以就同男友去試下, 中午時份(一點鐘左右), 入到店內, 得兩台客, 心諗, 可能係母親節, D 人都去晒飲茶或者留番夜晚果餐, 所以無乜人出街食, 一坐低, 就有一個"以為"幾有禮貌的中年男侍應送上兩杯茶, 後來我地點左鹽水鴨, 小籠包, 排骨擔擔麵, 拍黃瓜, 上海菜肉雲吞, 之後男友見到是日例湯是他心愛的"花生眉豆雞腳湯", 就問那位"以為"很好禮貌的中年男侍應, "例湯有無得散叫, 散叫幾錢", 那位男侍應問 : 要幾多碗?兩碗? 男友答 : 是. 那男侍應二話不說, 端出兩碗例湯給我們但又無响單上加錢, 我們心諗 : 幾好喎, 送俾我地飲, 到後來, 所叫的食物送到, 坦白講, 鹽水鴨一般, 擔擔麵太"淋"而且並不足料, 不如坊間有花生碎之配料, 上海菜肉雲吞及拍黃瓜也是一般, 最差是小籠包, 皮厚兼且沒有肉汁, 還以為是昨晚賣剩的, 食物一般都算吧, 為何我會說服務奇差呢? 好戲在後頭, 話說我和男友最後點了凍豆漿和凍奶茶, 豆漿還可以, 但我所點的凍奶茶竟變了凍咖啡(因為我的腸胃對咖啡有敏感, 飲左會胃痛), 初時我以為係自己攪錯, 我叫男友試一試, 他都認為是咖啡, 於是我們便跟那位"以為"幾有禮貌的中年男侍應說我們點了凍奶茶但變了凍咖啡, 他二話不說竟拿走我的凍飲然後大大聲跟廚房阿姐(只有一塊透明玻璃窗隔住)說了以下對話 :男侍應 : 喂, 紅色果個壼入面係咩黎? 阿姐 : 茶囉.男侍應續問 : 咁下面果個呢 ?阿姐 : 都係茶囉, 咩事呀? 男侍應 : (大大聲)無, 佢話係咖啡黎架喎....阿姐 : 係咩? 唔會嘛...男侍應 : 係囉呵....呢個時候我真係忍受唔到我就出聲同佢講 : 唔信你可以試下架, 我地兩個都試左都覺得係咖啡囉, 一係你地試下....跟住就有一個平頭裝身型略胖O既男侍應話 : 算啦, 再沖過啦, 可能攪亂左啫然後那個身型略胖O既男侍應走過黎同我地講 : 唔好意思呀, 可能係攪亂左D 壼, 陣間沖過杯俾你吖, 真係唔好意思...之後我地條氣都順D 講番唔該, 如果唔係呢個身型略胖O既男侍應連番道歉, 可能我地都會取消杯凍奶茶, 我心裏不快係因為我地係客人, 自問都唔係淨飲(埋單都成HK$125.00), 亦唔係故意挑剔, 只係你地真係黎錯左野, 不單止無道歉, 仲要响客人面前大大聲質疑客人, 好似俾說話我地聽咁, 而且我真係覺得我無需要同你解釋我身体狀況點解唔飲得凍咖啡, 總之你地黎錯左野就應該換番俾我啦, 我唔明點解我地俾錢黎受埋呢D 氣囉, 我想响呢度同果個男侍應講, 你當住我地面大大聲同個阿姐講: "佢話係咖啡黎喎", 你想我地有咩反應, 唔通要我同你講 : 唔好意思呀, 可能係我味覺有問題啦, 都係你地啱, 俾番杯野我啦" 咁呀, 所以我諗呢間野我係一定唔會再去第二次!!!P.S. 上到黎先知原來<<周媽媽小廚>>已結業, 咁唔知而家呢間野仲同周媽媽有無關係架呢? 如果無, 就唔該你地唔好再用人地個名啦, 做到臭晒.....
繼續閱讀