港品味 (已結業)

同朋友去左旺角SHOPPING, 夜晚有另外兩個FRIEND JOIN我地食飯. 行完朗豪坊但又唔想係朗豪食, 唔知去邊度食好, 行出朗豪有人派傳單, 本來唔知原來有朗晴坊呢個地方, 咁就試下LAW.派傳單個女仔好熱情咁, 陪埋我地上樓, 仲招呼我地坐低落ORDER. 我話我仲有朋友黎緊, 來齊先ORDER, 佢好有禮貌話無問題, 俾左兩杯水我地就行開.好啦, 等左半個鐘終於齊人. 呢間CAFE以西餐扒類+意粉為主. 我地ORDER左以下食物: 唔好意思我又唔記得D菜名, 成日都唔記得記低 大致上食物賣相挺好味道OKAY. 大大碟, 對細食的女仔黎講仲會食唔哂添. 黎得CAFE都係想坐得耐D傾下計, 食物味道方面要求合格就可以, 如果好趕咁食一餐倒不如去大X樂, RIGHT? 佢呢度就一D都無催你埋單的感覺, 我地4個女仔吹水吹得好開心. 我欣賞招呼我地上來個女仔會走埋黎問下我地意見, 睇下有咩改善O既地方. 咁有誠意, 值得幫佢推介給各位.

一直都唔知有朗晴坊呢幢大廈，因為比朗豪坊地下戲院外個幾盤大樹遮住左，有日行經附近，收到cafe 宣傳bbq 既傳單，就抱住一試既心態，就去左朗晴坊，原來成幢大廈都係食肆呢~真係估唔到呢~上到去4樓cafe，立即有侍應招呼我同另一位朋友，我地叫左2個蛋糕set (因為食完晚飯，所以夜晚淨叫cake set)，一個係籃莓芝士蛋糕，另一個係tiramisu。先講下籃莓芝士蛋糕，好重芝士味，幾大件wow，又唔會好"漏"，食完一啖又一啖，好快被 "KO" 了。至於tiramisu ，咖啡味適中。Cake + 飲品都係 $28，仲冇加一，真係抵食。原來haw cafe 外有一個小花園，夜晚望落街好靚，由呢個方角看朗豪坊，都幾特別。下次會約埋朋友包場BBQ，因為環境地點確實不錯 ~PS，食完等電梯個陣，我朋友見到店貼有林峰既海報，就暈哂大浪~

見食評對這間cafe的評價都ok，於是滿懷希望，上去食個tea，歎件cake。但是結果非常失望！先講食物方面。叫了個藍莓芝士餅下午茶餐：芝士餅一眼看起來已經是很乾，好像是雪了很久，不新鮮。再仔細看更發現有發毛！於是叫侍應更換，換了另一個餐。焗美式薯皮配海鮮汁：這個味道ok。南瓜雜菌忌廉汁菠菜闊條麵：用料是幾豐富，南瓜大大舊但是頗硬，整個麵太油膩。飲品方面，叫了個cappcinno和一個mocha，一般啦。最大問題是衛生方面。上到去，被安排坐下，已經見到桌布不太乾淨，有些污跡。向旁邊的枱下一望，桌布下就是五、六塊用過的紙巾！還不止，再望向後面，地上居然有便利牙線！好噁心！！！環境太污糟了，又不是繁忙時間服務生也不收拾清潔地方。cake又不新鮮，放得久了也不檢查就給客人食。這樣差的食物和環境衛生，以後也不會再去啦！！！

上星期到朗豪坊UA睇戲，睇完同三個fd去朗晴坊食飯，原本諗住搵間cafe舒舒服服坐下傾下計，對食物都冇乜期望，但係呢間港品味坐得舒服之餘，食物都非常有質素，同經理哥哥仔傾左兩句，原來佢地請既都係經驗廚師，唔係求其找d後生仔，唔怪的d野咁好食la!傾下傾下坐左三個鐘，d椅都坐得幾舒服，不過冷氣好似涼左少少服務也要一贊，上餐快，就算我地坐左好耐，都有樂意招呼我地，抵讚！！

這是我做了會員的]第一篇食評，這間cafe真的很值得加許！那天我們學生約了老師食飯，在未齊人之時我們四處找食肆！聽說朗豪坊旁的朗晴坊的食肆也算好吃，我們就走了一趙！這棟大廈共有4-5間樓上cafe，我們逐一上去問有冇位，頭3間都說今天有包場或要等30分鐘以上，在失望之際，我們來到4/F. ，起初被他的店名" 港品味" 有點猶豫，像是港式餐廳，可是我們被騙了……我們一入進去，原來是一間以白色藤器佈置的歐陸CAFE，但那時室內沒有位，全都被預訂了，職員告訴我們︰【室外有位，而且有冷氣的】我們看了看還是想坐室內呢！那時不知是否老闆的人就說︰【坐室外俾你地8折啦！】但我們還是不太願意，那我們就留下電話留位再到其他地方找找，未幾，下樓不久就打電話來︰【已有位了！】我們對他們的" 彈性處理手法及誠懇態度" 感到很滿意，而且我們坐下不久就點菜，但因有朋友未來，我們要求只來小食及飲品，主菜就待通知！但是……等了一個多小時還未上主菜，他們雖然也不時問何時可上？但仍沒有打擾我們說得很嘈的雅興，快樂不知時日過，我們連人家要打烊也不知，繼續無止境的嘻嘻哈哈，但他們也沒有摧促我們，這些都是我們有理由再返去食的理

一開始要講左佢地既服務先....我覺得佢地唔應該叫haw cafe...應該叫hea cafe...因為真係激hea...d waiter, waitress 真係好hea...見到其中一個仲係同d fds 坐埋一枱食野...一個waitress 就企埋一邊傾偈..不過其實都係得佢一個主要serve d 客!叫斟水...好難先搵到佢地望住我地lee 邊(其實得4枱客,不過一枱係自己fd)...落order要炸魚...落單錯左一次我地再講...到最後出到黎又係俾左炸豬扒...同佢地講仲好意思唔同我地換...冷氣超凍..叫佢較一較...話冇得較...最後我自己見到個remote...自己較!!野食唔好食~~雖然真係排得好靚靚地...個cake 又唧左d朱古力寫左個haw cafe 名...件cake 超細件...典型的tirmusubut d 野食全部都麻麻地~~野飲就可以接受囉!! 最重要...服務唔得!!真的好港式茶餐廳的感覺...

我同同事放工去食野...忌廉餐湯~ 似鹽水....好稀....我叫左個白汁雞肉菠菜闊麵同事叫牛扒、焗海鮮麵、豬扒意以上各款賣相不錯牛扒唔新鮮...豬扒有D"鞋"我食那款普通...唔覺得好食, 但肯定唔難食~飲品要加錢先有.....但以七十幾蚊價錢...我覺得完全唔值我寧願去Italian Tomato...有湯、main、飲品及甜品~原本話有甜品送~ 但侍應完全好似唔想俾咁~ 我地都唔要! ><"

今日同女朋友出完街食野,見有d時間就想搵個地方hea下傾下計,聽朋友講話呢間cafe幾好,之後就上左去。咁我地食左野,諗住嗌少少野坐下算,於是就嗌左兩個焦糖燉蛋。因為之前去過d cafe整果d野食都好求其,所以都無乜期望,點知意外地又幾好食喎賣相幾ok,有d似深色o既芒果布甸,彈下彈下幾得意。食落口感唔錯,蛋味適中,又唔會太甜,食左一大舊都唔會覺漏(小插曲:我女朋友我就鍾意由左至右咁食,我就鍾意由面食到落底,佢就話我咁樣食咪會一次過食哂面d焦糖囉?大家突然出現分岐呀下)我地一路食一路係個露天茶座傾計,又玩下二人deal同埋有個叫limit o既遊戲(新card game,之前無意中學過,值得推薦!),果度環境幾舒服,又有d自然風係度吹下,加上有少少暗,同男女朋友或者女朋友黎傾計真係氣氛一流。之後就坐左差唔多兩個鐘,之後埋單,盛惠44蚊(唔可以話好抵,但我覺得比起果d坐一陣又要走o既糖水舖我會揀呢間多d)。最後走果陣同個老細傾左陣,佢叫我多d同女朋友黎,同埋原來果度d午餐都係二三十蚊,下午茶十幾蚊有ok豐富野食又有野飲,我諗遲d出旺角想同朋友食下野hea下黎呢度都好

同朋友去聚舊, 原來諗住去CAFE都係貪多野玩,對食物既期望唔大, 但食完覺得好唔錯!值得再食!卡邦尼意粉好正,D汁夠濃, 芝士味重, 忌廉OK滑,煙肉份量夠多值得一試肉眼扒五成熟好夠肉味, 咬落口D肉汁必出黎~~ 唔錯千其唔好嗌佢整得太熟

之前知道有間新開o既餐廳，於是星期二同個客及同事去試下。新開張，裏面d裝修及檯椅都相當新淨，又有特式，環境都幾整潔舒服，相信花過心思設計。另外，有個露天平台，不過因為天黑，冇出去坐，下次有機會再感受下。我同朋友分別叫o左藍瓜波菜闊條麵及雞肉波菜闊條麵，味道幾有水準！我見其他客人叫o的扒餐，好似唔錯！但價錢貴o左少少。此外，招呼我o地o既分別有幾個靚女待應，真係幾飲得杯落o架！(一笑) 總結︰可能係樓上舖同新開張o既關係，客人o係晚上時間都未坐滿，所以一d都唔嘈，同朋友一路食一路傾算唔錯。個價錢可以話食埋環境，都ok啦。臨走時發現有個櫃擺放o左d小遊戲，例如UNO、DEAL等，如果得閒，又同多幾個朋友o黎消磨時間，都係一個好去處！

好開心呀！和友人去了朗晴坊吃飯。我們在餐廳門口己被可愛女侍應吸引了,她說給我們九折優惠。在侍應介紹下，我們點了一個二人套餐。等了一會，先來了一個沙律和薯蓉，頍有田園風味，味道不錯。跟住來了南瓜湯和四片蒜蓉包，湯味道有些咸，包有點「燶」。然後是主菜，經可愛女侍應推介下，我們叫點了法式刁草焗海鮮飯和黃金軟殼蟹伴牛油忌廉燴飯。我覺得這兩味菜味道不錯，海鮮飯有扇貝、青口、蝦、蟹柳，用料十足，至於軟瞉蟹，起碼有四五只。最後送上餐飲和甜品，我們另叫點了一件藍莓蛋糕。我們雖點了二人套餐，因份量較多，三人同吃都覺得很滿足(肚子飽)。至於服務方面，我提議侍應生們見到客人到來就主動送上清水一杯。不要等客人叫才送上，我吃到一半時，覺得口渴，但桌上沒有水，於是叫侍應送來。餐廳的設施真值得一贊，桌面是透明玻璃窗，下有一個位子讓客人放自己物品。這樣做可以令客人坐得舒服，又可以從桌面清楚看到自己財物，不要因沒有位子放手袋而被迫把「包包」放在坐椅上，佔用了一些座位空間。另外，餐廳提供了免費WI-FI服務，客人可隨意上網。餐廳亦設有露天茶座，但因已是晚上，沒有走過去看。下次光顧時再了解。

今天和老公, 朋友去了旺角朗豪晴4樓叫HAW CAFE 的地方吃飯, 吃完好有驚喜.. 老實講, 食物真的不錯, 地方整潔又光猛.! 可以是吃飯或聚會的好去處.

原本今天放工經過朗豪坊ua想看下有咩電影看,但看見ua旁有張大banner話朗晴坊大廈好多新開的食店喎便被吸引注意力了 (真係為食呢haha...)之前都試過同朋友來這裡食飯,感覺都唔錯, 便想試下其他店如何了行近電梯口有個女仔俾咗張傳單給我,話佢地新開張有9折喎.我見有折, 餐牌又算多選擇就姑且一試啦.上到去見環境都好乾淨舒服, 便坐下了.一坐下, 便有服務員送水和餐牌,之後我點了南瓜草姑菠菜闊條麵(好似係3號餐...)好快就送上南瓜忌廉湯 (真係啱晒口食, 最喜歡南瓜了hehe)雖然湯有d鹹, 但味道好濃, 都可以接受~接住上主菜了, 南瓜煮到軟硬適中,草姑ok啦~ 菠菜闊條麵咬感幾好, 整體都唔錯^^最後我仲食咗杯焦糖布丁,真係好好味呢~不算太甜, 對於我來說, 味道剛剛好食完仲看咗陣電視先埋單喎埋單都不用50元, 好抵呢~可能新開張, 店員都好有heart喎希望佢地保持到落去啦有機會我都會再去食支持下的^^