港味

營業中

休息中

本身預咗出港島行加食埋晚飯，點知無啦啦無得去😡，所以就喺屋企附近搵嘢食算。見未食過港味，之前行過又見到有人排隊，就試下啦。等咗幾張枱先入得，大約15分鐘到啦。一入到去，店員就問我哋飲乜茶，之後先發現原來係每人俾茶包的，而唔係酒樓茶壺嗰種，所以可以每人要唔同款的。我就同侍應換翻玄米茶包啦，佢係有幫我換，但就扔咗個茶包落我個碗到囉😑，O哂咀，勁無禮貌。唔理佢啦，睇下有乜食先，食物選擇都幾偏門，小菜同點心都有，但炒粉麵飯就好少。另外，餐廳有做啲孖寶小菜推介，但其實以組合咁叫先平$4......，完全唔吸引😒。開始睇菜單、點菜時已經有啲嬲，因為張點餐紙俾人畫過嘅，即係一個唔小心自己無為意無刪走，店員隨時入埋單，焗我哋食埋俾錢🙅🏻‍♂️🙅🏻‍♀️。有圖為証，前後2版都有俾人畫過，蜜椒雞翼同埋松露藜麥蛋白炒飯，唔係我哋點的，所以我哋唯有連張相片都刪埋去，唉🤯。我仲偷聽到隔離台同一情況..。我哋本身叫咗5樣嘢，但乳鴿無咗又唔出聲，剩係放低張單見到無落到先估係。但後尾又聽到店員有同隔離枱講賣哂喎，點解咁唔一視同仁㗎呢？雖然我估計係講漏咗，但心底裡有啲唔份氣😤。四喜烤麩($28)，呢個小食係咁多樣餸入面最正

侍應態度十分惡劣，鄰座有位小朋友身體唔舒服嘔，沒有一個侍應過來幫位媽媽手，個位媽媽問佢地有無膠袋，可唔可以幫下手，個侍應都係指住個到咪有膠袋，但位媽媽搵唔到，個侍應就態度十分惡劣話唔係呢到阿，到媽媽抹完小朋友既嘔吐物埋單走，無人來清潔，到我埋單走都無人清潔，呢間酒樓既侍應又遊魂又無禮貌，亦無人帶位，十分差。

呢間係油塘新開嘅茶樓我同同事間唔中都會去飲茶不過我覺得價錢就比起其他嘅貴不過不得不讚嘅佢啲飯同埋面係比起其他嘅酒樓好食㗎不過點心我就覺得同其他嘅茶樓差唔多不過啲位就坐得幾舒服

俾咗點心紙侍應，其實比巨之前，已經等左巨好耐，佢好唔情願過嚟幫我地落單。結果20分鐘之後都冇嘢食問咗先發現冇落到單，話要搵經理，出咗嚟個女人二打六，竟然同我地講：個女侍應靈魂唔喺度，what?

店門外，看到像快餐式的酒樓，但又像一間多样变化的食肆，所以入去试一試。店員好有礼貌，主動熱情帶位。到下单啦！脆奶卷:櫻花蝦煎薄撑香煎芋絲糕:京式叉燒包:潮式糯米卷:

今日晚餐去左食港味。🤔我地叫左個孖寶，包括薑汁炒芥蘭同脆皮乳豬件。個芥蘭炒得唔錯，好香又唔會好冧😝，雖然有好多薑碎，但係整體薑味唔係太重😉。個脆皮乳豬件都唔錯，乳豬皮都幾鬆脆👍🏻，塊皮又真係幾薄，薄到佢唔會有好多肥🥳。個鹽燒6頭鮑魚係燒得幾靚既，而且成碟小菜個賣相都唔錯😍。可惜唔知係咪燒得太耐，個鮑魚比較乾，唔會有 Juicy 既感覺，食落比較硬😅。而佢個咕嚕蝦球真係麻麻地😕，一黎唔多蝦球，二黎 D 蝦唔新鮮，而且食落去炸粉比較多😖。反而個 D 菠蘿同青椒仲比佢更好食🤭。整體而言，以中式晚市黎講，港味唔算貴，但水準就比較一般🤫，下次應該會去試下其他中菜廳🤷🏻‍♀️。

同老公經過油塘大本營諗住下午茶時段飲個茶黎咗呢間新派酒樓裝修幾靚♥️下午茶時段好多人等位不過我地唔介意搭檯 所以唔使等就入得👍🏻1）三色包，仲有黑金流沙包，幾唔錯，不過豬仔同花生包都係同一個朱古力涵🤔2）鮑魚燒賣，好睇又好食3）金桔🍊蝦餃 4，5）炸兩 ，雪山叉燒包6）鼓汁鳳爪7）炸蝦🍤卷我地兩個人食到勁飽😂😂😂呢到既點心全部都熱辣辣，好似即叫即蒸咁。味道都好唔錯！估唔到油塘竟然開咗間新派又有水準既酒樓。👍🏻👍🏻👍🏻👍🏻呢到既茶水係用茶包加水，自助式，但一樣有好多老人家幫襯！

琴日第一日試食呢間新開的茶樓，星期六下午時段都幾多人排隊，等左半個幾鐘先有位，可能要早D起身拎位，價錢比想像中親民，唔會話太貴，不過食物份量亦都唔係好多，環境、裝修唔錯同埋夠乾淨，服務態度良好。茶水方面，佢係一人一包獨立茶包，好似可以人人選擇唔同的茶。野食方面，質素都叫做above average，稱唔上話好好食，但都對得住價錢。大部分食物外表都好吸引，唔少食物都特別重新包裝，有柑、兔仔、狗仔等等唔同造型，雖然味道都係一樣，但起碼睇落下有新鮮感、夠新奇，影相打卡都冇問題。總括黎講，絕對值得一試。

尼間係大本型新開左1段時間既港式茶樓。新裝修，而家有部分卡位有令景觀茶係一杯杯俾既茶包，所以可以選擇自己喜歡飲既類別，唔洗下下就人，不過相對平時既茶味就略為淡左少少。食物方面，某部份佢加入左新既元素，例如桔形既蝦餃，味道都唔錯。另外，佢個炸脆奶都好值得推介，即叫即炸，外面鬆脆，入面充滿奶香，而家唔會太甜，好好味。另外，鮑汁雞腳都好好味，雞腳入味，唔會太咸而其他食物都屬高質，唯獨小籠包個外皮略嫌有點厚。整體味道OK, 環境舒適，大家可以試試。

說不上常客 也是捧場客 早茶的選擇不多，曾說年輕副線，雖食物的包裝及味道、富有時代感的佈置都令年輕人對飲茶文化一洗陳舊。可惜的是，無論外在有多美感，內在依然重要：服務仍是最留住人心的東西。 本人對食品監控及質素，每每都能夠保持水平。唯前線的知客對電腦的熟識程度、古板的服務卻每次都令人氣惱。 收銀人員跟內部人員溝通不足沒有清楚枱數而入座，未能有效縮減輪侯人士。缺乏主動性親自去詢問及拿取茶包，員工以不是其負責區域而推卸，也沒有安排負責區域同事代為跟進。零服務態度問其入座是如何安排，以估算等候時間。換來不禮貌對待、及似是沒有跟隨工作指引去回答問題。收銀人員久久才穿上上班制服，實令人質疑是否工作人員。 對於這一連串的不愉快事件，就算食物有多好，都會令人卻步。最令人可惜是，定位對了、人卻錯了。

係油塘開在間新野，即管試吓點知中咗伏😖山楂骨勁難食，個溫度唔夠熱，醬汁味道古怪腸粉竟然係凍嘅，所以入邊係咩味道已經唔係重點燒鵝飯，每件燒鵝都係乾柴烈火凍冰冰，塊皮成呎厚仲要唔脆口啲點心係熱嘅，但可惜完全冇傳統點心嘅風味，個所謂招牌嘅黃金流沙包個包一啲都唔鬆軟，野菌餃調味欠佳，個金錢肚都係冇感覺烤夫喺雪櫃應該放左好耐，啲醬汁放入口有啲難受，味道亦都唔討好全場最好食應該係嗰茄子，但絕對唔會為咗佢而入去囉

媽媽想飲茶，但又唔想去樓下酒樓，想食d特別少少點心，好彩搵到呢間港味，點心同個鮑魚炒飯好好味喎！ 1）桔仔蝦餃-做型特別，鮮蝦好爽，好新鮮2）招牌三色包-黑金流沙包最好味3）鮑魚燒賣王-大大粒鮑魚，睇到都流口水4）乳鴿-又平又抵食，仲燒得香口脆皮（呢個忘記左影相）5）鮑魚紅菜汁炒飯-呢個我覺得一定要試，味道特別，唔油厭，一陣間就比我地清晒6）相思豆白兔仔-做型好可愛，食落又滑又香奶味呢間酒樓裝修好靚，有部分座位仲向海，又無限時，慢慢食仲可欣賞下海景，確實唔錯。

晚市大有特色，有類近夜茶文化：供應點心，又有晚市孖寶，便宜實惠。 一行三人，點了兩款孖寶。不用花時間挑選，又可品嚐精選小菜。 乳鴿&蜜椒牛仔骨另外單點多兩隻，每人一隻。乳鴿外皮金黃焦香，可能是BB鴿，肉不多但勝在嫰滑。牛仔骨肥肉位較多，但味道吸引，又有薯仔、紫洋蔥增添香氣。 豉油皇炒蝦&蝦球配鍋巴炒蝦香味飄逸，但蝦不算新鮮，勉強入口。蝦球配鍋巴概念很好，早陣子有在觀塘私房菜吃過類似菜式。唯這裡的蝦球粉漿過黑，沒有勤換油，醬汁可算是這道菜的重點，但醬汁東一塊西一塊，比例不均，一致性不足。而且，碟子內有積水，完完全全影響鍋巴香脆口感，因以上的錯誤而浪費了食材。 蒸龍躉頭腩首先用荷葉蒸，能充分保留魚鮮，將精華都滲入豆腐。但可惜龍躉不鮮，更甚有魚腥。個人認為沖洗不淨，有殘留血絲。另外，次一等的龍躉寧作炸球，不作海上蒸。 櫻花蝦扒溫室菜苗賣相清雅，亦可減去肥膩。櫻花蝦味濃，配上上湯菜苗，更是一絕。 網紅沙皮狗老實說，我為此而來。名字趣怪，味道更趣怪。原以為是豆沙蓉，殊不知為淡淡朱古力味，口感似jelly。不過外型有趣，價錢也不算貴。 雪耳椰汁燉桃膠養生甜品可算不俗。 總括而言，作為新派酒樓算是不

今日約咗位親友去油塘大本營食下午餐，佢介紹我和媽去間新開幾個月，而裝修唔似傳統酒樓嘅食店飲茶。門口攞飛，等咗大概十分鐘就有位，職員問我飲咩茶，我就話要普洱，估唔到係一人一個茶包，自己沖，我個人覺得比起舊式酒樓跟加好，因為感覺更加乾淨。我哋叫咗六樣嘢食。最快到嘅當然係冷盤，四喜烤麩，好開胃，底下仲有白蘿蔔，酸酸甜甜，唔錯！之後就等咗大約十分鐘，其他點心就陸續送到，有松露野菌餃、杞子棉花雞、蜜汁叉燒腸、蟹籽燒賣皇，以上所有點心都比預期中好食，而黑金流沙包嘅流沙唔會太甜，食咗竟然仲想再叫多個甜品試下，原本叫多個紅棗糕，可惜無哂，最後揀咗個紫心香芋丸，口感有啲似煎堆，好味又唔會太甜。總結：環境及食物都唔錯，職員服務態度親切有禮，收費合理，總共$178，接受現金、八達通、支付寶、微信支付或信用卡付款，非常方便。有機會我都會再去食多次😋。

前天同朋友去油塘大本營逛街，見新開了餐廳就進去試下，我們叫了一碟松露蕎麥蛋白炒飯和七個點心，其中朱古力核桃包很有驚喜，不是很甜，很有嚼勁。上海小籠包多汁也不錯，鮑汁鳳爪份量也不少！其中鮑魚燒賣可是我兒子最愛，可惜沒帶他來，希望下次帶他過來吃。