港味

營業中

休息中

食物一般，偏油膩，款式少，微暖。碗碟污糟，有食物殘渣遺留，你會知道上一手食咗啲乜嘢。員工態度很差！理解能力甚低。你要預計食自助餐般，不會有人服務你的！落單？自己行出去搵侍應，舉極手都冇人理你。成間酒樓，最有問題嗰個收銀員，零態度零服務，皇帝咁，望都唔會望你一眼。有事啟奏，有問題要問？要問上好幾次，比單個時抌俾你，又唔識講嘢 ，淨係用手指指指，拗爆頭。假如評分項目可以比負分，我會負滿佢。不要來！！！！！

偷得浮生半日閒，有時間可以嘆下茶，小小地點幾籠自己鐘意嘅點心已經可以享受一下。去到呢間酒樓，又係改用qr code點餐，攪到隔離啲呀叔呀嬸頭都痕。因為小弟初嚟報到，原來係入去自己搵，坐低左呀姐忙到理唔到我，不過唔緊要，等一陣仲有啲時間。講返野啲嘢食先，確實唔錯。計點心大細，已經唔輸蝕。牛肉球都有返啲牛肉味，唔會溝太多豬肉同粉，如果加多少許陳皮就美滿。粉果皮簿料足，因為皮簿所以淋左啲，味道更勝街邊嗰啲。燒賣裏面啲蝦彈牙新鮮，而豬肉比例肥瘦均勻，所以亦唔會咁易散開。其實仲有個蒜蓉蝦春卷，不過就食落一般，當係香口小食都唔錯。另外茶除咗熱門嗰啲之外，可以揀玄米茶。佢哋係用茶包方式比個茶包你，通常你開口叫佢會比多一包。整體來講屬於水平之上，同場個啲屋邨酒樓當然唔夠佢嚟。

和中學同學聚餐有6個人，所以隨意選了大本營的呢間C類餐廳貪佢有圓枱坐埋一齊食晚飯。簡單叫咗幾個餸，點菜的阿姐幾風趣幽默，同我哋有講有笑幾好傾。半隻燒鵝，不過不失，燒鵝較細隻，偏瘦。蒜茸豆苗，味道都係普通。其實上枱前可以擺得靚小小嘅，唔好好似打風咁。蒜蓉蒸馬友，呢個好味，係用一夜情鹹鮮馬友，肉質鮮美，但條魚略嫌細條。梅菜扣肉，味道不錯，但都係打風咁，其實擺落個煲仔都可以排得靚少少。大多數的扣肉都係肥瘦相間，但有1-2塊係差不多全塊肥豬肉，扣分。小炒皇，不合格，主要係韭菜花不夠嫩，食落有渣，影響口感，其他配料冇問題。薑蔥焗蠔，呢個值得讚，足足有成七隻蠔，size大，同埋焗得乾身，蠔味濃。不過不失的一餐，價錢不貴，食物質素亦普普通通。

可能太無期待反而試完後幾好食，呢類餐廳最怕係咩都整定晒，炸野上到枱冧晒，一陣油味😋金沙四季豆好香口，四季豆好新鮮，熱辣辣上枱炸両上枱，油炸鬼都仲係好脆，無油億味同屋企人食飯都幾岩

用家感受，不是打手！7️⃣0️⃣CP值，平日下午茶時段15:00，2人埋單連加一共$180，平均每人$90，唔算經濟，坐得算舒服，味道不過不失，感覺也乾淨，可以一試。7️⃣5️⃣位置，油塘大本型商場，算易揾。7️⃣0️⃣環境，乾淨，空間大，坐得也算舒服。5️⃣5️⃣服務，算多客，人手不足，叫好耐先落單，又漏單，但尚算友善。5️⃣0️⃣茶$每任$7，係茶包，每人2包。7️⃣5️⃣五彩繽紛$32，個人覺抵，桔仔蝦餃，鮑魚燒賣，奶黃飽，菜餃，千層糕，全部正常。6️⃣0️⃣蜜汁叉燒米線$30，正常。6️⃣0️⃣酥炸鲮魚球$15，細細粒有3粒。5️⃣0️⃣咸水角$17，3粒，唔夠脆。7️⃣0️⃣牛肉腸粉$22，好味。7️⃣0️⃣牛肉$17，好味。6️⃣0️⃣鳳爪$17，有啲硬，唔入味。

🍭星期六放假諗住瞓晏d落嚟食下點心，油塘大本型呢個商場而家真係越嚟越多人了，等咗大概15分鐘先有位鮑汁雞腳，雞腳好入味，有肉，好味炸乳鴿，味道還可以，但炸得唔夠脆桔仔蝦餃，實物同menu相有出入😂個皮超厚，唔掂，都係正常蝦餃好食d鮑魚燒賣皇個鮑魚有d假，味道一般網紅沙皮狗貪得意😂叫個甜品玩下先😂味道一般

8月25日放假同屋企人食過一次，6點入座見到餐牌做緊"片皮鴨“2食，6點入座已經賣哂，老人家又想食...唯有叫老婆第日預約留定！今日27號已預留...去到話賣哂......冇服務垃圾都不如，見價錢平平地一家人約埋一齊食飯，諗住孝敬老人家，打電話留位留埋隻（片皮鴨）都可以賣埋俾其他人，唔對電話做事冇交帶，食物賣相很一般，味道還可以接受！但啲侍應服務真係好差，當睇你唔到，嗌極都冇人........服務可以講係油塘最差嘅一間食肆！唔改善真心好快執！

等飛唔算耐，5分鐘就叫左我地入去服務態度:-入到去問啲呀姐張枱係邊，當我死咁-坐到埋位叫左嘢食，等左大半粒鐘都未有-叫啲呀姐過黎，個個都視而不見-幾經辛苦check到係有落單，先知有一樣野係冇，又冇通知食物質素:-小籠包入面冇湯，啲皮就痴住個錫紙底-個薄撐個底窿q曬

食過幾次，貪佢環境唔似其他茶樓咁迫咁嘈。但選擇略小，味道就幾好，款式都幾特別。環境好光，坐到窗口位就正！！ 可惜假日要早，如果唔係有排等（間間酒樓都係咁了）。 小朋友最得意包點

明明我叫左一個叉鴨飯，佢話冇哂鴨轉燒鵝飯好唔好加多幾蚊，點解我返到屋企會變左叉燒叉燒飯既？？如果我係要食叉燒飯我點解要比多幾蚊？？？第一次去港味試下買外賣就有咁好既經驗

又去大本型覓食啦，見到港味推出 $18二選一菜式，有潮式涼瓜排骨煲同咕嚕植系雞球，於是又再次去食晚飯👀❣️豉椒安格斯牛肉炒麵 $58豉椒夠惹味，最中意個脆麵底，唔油夠脆，配菜就多過牛肉，而且牛肉味唔濃🥸❣️煙三文魚炒飯 $58又再次encore呢個炒飯，炒得乾身，驚喜之處就係多咗大蝦同帶子呢啲配料，上次叫同樣嘅炒飯係冇嘅🤨❣️豉汁蒸白鱔 $78價錢貴左，但變相每嚿大左好多，惹味多肉，油脂感豐富😋❣️泡椒鳳爪 $32份量唔多，有醃蘿蔔墊底，味道尚算入味🤓❣️滷水掌翼 $48掌翼入味，肉就唔多，當過下口癮🤪❣️港味燒鵝皇（例牌） $108燒鵝肥膏較多，味道略鹹🌚❣️潮式涼瓜排骨煲 $18價錢無得輸，苦瓜同排骨數量都多，但唔知點解要落紅椒🤣，味道就冇咩特別🏦是次消費總額 $466.4（人均消費$116.6）茶位$6 🍴須加一服務費👅好味度：7.5（10分滿分）味道同上次差唔多，都係油膩感較重，諗唔到食咩偶爾食一兩次就好，成日食真係驚會變肥🐷

行完山去了朋友家聚聚，因不想朋友太辛苦，我哋去了附近商場買外賣小菜，餐廳只見門面幾新潮乾淨，門外放了外賣餐牌，外賣全單8折，小菜款式很多！大家揀了幾款小菜，落單後去了商場逛一圈就可以取了，包裝企理，外賣盒是可以入微波爐的，有俾埋即棄餐具超值晚飯自選餐（兩位起）閒日$128，週末$148，我哋叫了兩套自選餐（4選2）上湯焗開邊大虎蝦：賣相吸睛，自己喜歡海蝦多過龍蝦（套餐就算比龍蝦，都只係波士頓龍蝦，蝦肉嚡唔好食）我食咗墊底嘅伊麵，索晒上湯很夠味，當然在盒中焗過，有點結成一塊嘅狀況，可接受四喜烤麩：自己不喜歡食烤麩，無食小菜：（揀兩款）椒絲腐乳通菜牛肉：通菜爽脆，唔會老，牛肉片係有落鬆肉粉（中菜少不免）唔韌不過無乜牛肉味！不過腐乳味不夠香，整體合格西蘭花炒蝦球：賣相靚，因為除了西蘭花/蝦球外，配菜都落得幾多款（雲耳、菇片）首先西蘭花🥦爽脆，軟硬適中，蝦仁幾大又爽口（唔會喇到只有爽無蝦味）菇片軟滑又夠味，雲耳爽口，雖然略油膩（中菜少不免）整體好味小菜賣相及水準都不錯！懶煮飯的好選擇（不是我落單，無取收據）

今日難得放假同阿媽係附近飲茶，想坐得舒服d就去坐卡位，俾多一個茶錢都無所謂啦！ 好啦！咁入去坐嗌嘢食啦！我叫咗d阿媽鍾意食嘅點心，當然唔小得老人家最愛紅棗糕紅棗糕。點知籠紅棗糕嚟到有點白色嘢，我仔細一睇，頂你吖發霉嘅。咁嘅情況，緊係同個樓面講啦！呢款點心咁多老人家食，我後生就睇到啫，老人家唔夠眼利，食咗點算吖。個樓面應完我就同我講幫你取消吖，攞咗籠嘢就咁行咗去。個態度差到一個點，真係好怕佢將籠紅棗糕俾其他老人家食。

呢間野同男友食過一次晚飯，貪佢冇乜人、靜靜地。今晚本來都想嚟食，不過當我地2個想坐低晌個卡位時，個服務員竟然話要俾3位茶錢先可以坐卡位。成個場都坐唔夠一半枱有人坐，呢d非常時期，當然係想同其他食客坐嘅距離盡量分開d，男友聽完佢咁講當然嬲啦⋯😤😤因為我地上次嚟都係坐卡位，都係收左2個茶位。男友話：咁唔晌度食喇！，果位服務員：好啊，隨便你～結果我地走左，應該以後都唔會再去，真係諗唔明依家市道咁差，點解要無理收費囉⋯

/性價比超高！好有家既感覺💕環境舒適野食選擇都多🤩佢個茶係炒過既玄米茶🍵唔會話怕飲太多訓唔著教啦💤..德國香草豬肉腸配蒜茸炒豆苗（$98）啲豆苗好嫩口呀😌配上蒜油真係一流😋最緊要係佢地煮出黎既菜唔多油！好岩我口味😻豬肉腸都有煎香，同係超市買既豬肉腸差唔多味😹..咕嚕蝦球（$68）蝦🍤當然係主角😋但都唔少得有桃同埋菠蘿🍍佢地加埋一齊甘先係perfect match🤣成碟菜既甜酸度岩岩好送飯真係一流👍🏾如果一定要搵一個缺點既話就一定係碟野唔夠多🤪.椒鹽軟殼蟹🦀（$68)上到黎係岩岩炸起♨️個炸粉好薄，食落口都係軟殼蟹😋再配埋沙律醬～好邪惡呀😻椒鹽味唔係好出，再出啲就好😌.蟲草花無花果燉豬展（$15）啲湯未飲就甘睇就知好足料🔥完全飲唔到味精味🤪紅棗味仲出過其他料啲味，好懷疑用左幾多粒紅棗去煲😂