温野菜 (海港城)

營業中

休息中

面完試的我終於以為可以休息一下，怎料又收到面試通知書。但食物總要吃，決定跟女朋友大吃一頓。温野菜，我沒聽過。但女朋友總是說好吃，於是就來了。餐廳使用電子平板點餐，十分創新（原諒我這個大鄉理吧）。點了兩個假日套餐；1）美國牛、英國牛定食套餐，湯底是秘傳月見壽喜湯，配以鹽醬麻香椰菜、温野菜盛合，竹筒免治雞肉，烏冬，熱柚子蜜。2）丹麥豚肉，雞肉定食。配合昆布湯，配以鹽醬麻香椰菜、温野菜盛合，竹筒免治雞肉，丹麥豚腩肉，丹麥雞肉，飯等。份量十足，跟其他涮鍋差不多，反而此店的服務很好，而且環境很好，看著那個維多利亞港吃飯，心曠神怡。

疫情期間好耐冇出街，見情況穩定咗啲，約咗朋友食餐好嘅，揀咗去尖沙咀「溫野菜」。叫咗$378放題套餐，當中最好食嘅，當然係澳洲果款和牛，我哋叫咗三轉，但其他選擇都唔錯，唯一比較可惜， 90分鐘時間太短，如果可以食足120分鐘就好了，哈哈！講笑。

今晚去溫野菜食火鍋！今晚特登黎試A5黑毛和牛！和牛口感入口即溶！每一啖都係享受！每次嚟食都揀藥膳湯底！非常野味！！佢真係真材實料！店員會拎藥膳湯底材料係你面前添上！你需要多或少都可以即時同店員講！店員亦都好有耐性地幫你處理！我哋仲叫咗豚肉！仲有好多日本菜！其實紅心蘿蔔係我自愛！仲有日本金菇！呢個都比較昂貴！要一盒都差不多$30 另外仲有多款水間菜！全部都係日本直送，咁當然一分錢一分貨啦！另外仲試咗幾款水間菜！我哋仲叫咗鮑魚！！呢餐飯我同朋友都好開心！因為真係好好食😋

株式集團既餐廳基本上都試得七七八八 就係未食過呢一間溫野菜 佢好似主打食高dd既日式火鍋 而且好多人對佢評價都唔錯 所以就去試一試佢個午市如何 去左尖沙咀分店食如果有佢既會員 可以用app拎定位先 可以唔洗排得咁耐一入席 佢會比你揀套餐 我地揀左米國產 美國牛定食兩份 再用會員換左個鹿兒島黑毛和牛 價錢比起其他餐廳貴dd 但係個質素真係高一截溫野菜sell既菜 平時放提打邊爐都無咩食過菜咁 但呢一盤既菜又好似真係好食少少牛肉質素唔錯 但係佢跟餐既明顯比我地會員加既鹿兒島明顯係好大分別 所以如果預算足夠的話都係食高一級會開心d

平時火鍋成日又味精又油膩，食到肚濟濟🤢呢度話明溫野菜，聽個名都覺得fresh.蔬菜新鮮，肉類味道濃郁但唔肥湯底選擇左較清淡味，真正食到食材既味道而唔係滿口湯料同醬料味飽得黎唔會覺得好油膩辛苦值得一提係，我地點左個$7xx既套餐本身怕唔夠野食，未上菜已經想追加野食, 好彩服務員提一提我地可能會太飽建議我地遲啲唔夠先再叫結果真係個餐已經夠曬食, 好彩環境舒適寬敞，服務好，點菜埋單用平板操作，店員回應快！

9點左右黎到 等左10分鐘就入得👏🏻最近肺炎關係 應該收10:30, last order~10:00呢間係比較貴既放題火鍋，我星期五晚大概$360/人坐得舒服，牛肉質素唔錯👍🏻雖然食物種類唔多，但都夠食好鐘意一人鍋😍自己煮自己，又可以揀唔同湯底！！今日試左兩款牛同豬。個人黎講鍾意食牛多啲😋和牛好食👍🏻👍🏻而豬就冇乜特別😌仲有一個位係值得讚， 就係餐具同醬汁🥰 個醬油有少少柚子味，好鍾意😆而且個碗會隔湯好細心🥰唔錯唔錯。冇失望既放題火鍋

溫野菜假日午市定食丹麥豚、雞定食（$158）丹麥豚腩肉、丹麥豚梅肉、丹麥雞腿肉叫左basic款既4種豚肉。158既價錢除左包豚肉、仲包鳥冬或飯，前菜芝麻沙律醬既生菜，昆布湯底，茶。 前茶分量岩岩好開下胃，4款豚肉我比較中意豚腩肉，丹麥嘅出品比我感覺好似冇咩激素，比較安心食用。加埋蔬菜比較新鮮，南瓜好好食唔會好林，又幾爽口。加埋杯活乳酸梳打，正！美國牛、英國牛定食（$188），都係叫左美國牛肋肉、美國牛胸腹肉、英國安格斯牛肋肉。中意食美國牛肋肉，個日既牛好純，肉味重，加埋醬汁，超入味。😋仲有兩個套餐都附上竹筒免治牛肉。但本人對免治牛肉一般，不太喜好沙粒感。

食物質素尚可 免治系列幾好食服務不錯 服務員用心介紹 態度又好但係食物選擇 種類 普遍同牛陣差唔多 雖然較多款式質素稍為好啲不過價錢就牛陣既兩倍 唔物超所值反而牛陣應該學下人哋做到咁同等價錢可以食到更加精緻嘅火鍋

呢間店系朋友介紹噶，聽講話質素幾高，今次就過黎試試。服務員真系好nice，我就叫左幾分日本野菜、熊本豬梅肉、長腳蟹、明太子芝士年糕蝦滑同埋其他小菜，肉噶質素好高，口感一流啊，蝦滑都好好味！

今日喺海港城行街行到攰，就諗住黎食個shabushabu 醫下肚，點知都幾失望。一開始俾咗個餐牌我地睇，因為太餓，所以就叫咗最多野食嘅Set C : 牛肋肉，牛胸腹同埋梅肉😀野食嚟到嘅時候都有啲失望，因為肉嘅份量比想肉中少，仲要切到薄過紙😕 牛肋肉都算係有牛味，但係個牛胸腹就食完都唔知自己食咗咩。個梅肉就普通啦，講唔上好食。🤢湯底我就加錢揀咁壽喜燒湯底，如果唔加錢就只可以要昆布湯底，感覺有啲搵笨，依個價錢出面都食到其他好食過佢嘅，應該唔會再黎😐

好幾個朋友之前黎食過都話吾錯，平時放假行過都好多人可以吾洗食，今日平日少人啲就吾洗等位。一入去就安排我地坐門口位，但其實入邊仲有好多位，而因為第一次黎食，之後帶位個個職員就快速講解下有咩特別野食，同埋點落單等等，成件事都幾趕下。睇睇個menu，見到有個持有滙豐信用卡優惠，指定溫野菜晚市定食7折（2人套餐）。無咩概念叫咩，又好似跟餐叫抵啲，所以就叫左黎食喇。睇落好多野食，首先就試左個鹽辛薯仔🥔（伴魷魚沙律醬），可能係我既問題，覺得兩者一齊食個口感有點怪怪的。湯底黎講分別同朋友叫左個有機豆乳湯同埋壽喜燒湯底。湯底係吾跟餐要另加錢的。我擇既豆乳湯都幾失望，雖然好似食落清清地，但真係無咩味，可以吾洗擇黎打便爐。之後同朋友share個壽喜燒，至怕壽喜燒湯底會太甜，呢個剛剛好。至於主食方面，鹿兒島黑毛和牛肩脊肉很好吃 薄薄一層，有入口即溶既感覺，好新鮮！而其他既配料，望落都好新鮮，但我都係覺得一般，無咩邊樣話係亮點要推介。Total埋單食左千幾蚊，我覺得吾係話好值咁貴，試過一次就夠。

2019年9月20日同朋友行行下街見到牛角同溫野菜都做緊one piece。就兩間都拎飛。本身係想食牛角燒肉多啲。但奈何佢太多人啦。我地一拎溫野菜，就唔洗等咁入得。所以我地就去左食溫野菜。好期待既one piece! 黎到一定要叫兩杯野飲啦！因為我同同行友人都係fans!由於佢啲野飲冇乜特別。就一杯allblue，一杯chopper。佢牆上面仲有好多圖。勁正。但我覺得佢味道就好一般。唔值呢個價錢。有個幾特別既炊飯。冇我想像中咁蕃茄。

今日係harbour city行街，順便係LCX食dinner可以揀set or 散叫，我地決定散叫Truffle 豬肉👍🏻👍🏻肉方面叫左熊本豚肉，鹿兒島牛and雞腿，肉質ok餃子叫左truffle 豬肉，但其實味道同上面既豬肉一樣😅豆乳湯👍🏻👍🏻好重豆味，當湯飲都得

由於反斗奇兵宣傳關係，於是來到這邊逛街拍照。非常難得見到溫野菜不用等位，因爲時間還早，秒進。我們的兩人點了一個和牛湯，一個壽喜燒，因為我不吃牛，所以點一個$98就好了。而我的朋友吃牛故點了$128的。和牛湯，剛開始時味道不夠濃，到後期牛味非常濃厚，配上烏冬非常惹味。而我喜歡甜一點點的口味，壽喜燒無得輸。最後加上雞旦和烏冬，大滿足！食物質素一向非常好，但希望男經過能夠改改態度。雖然不是發生在我身上，而是別的客人。那客人大概是落單時比較考慮久了一點。然後男經理帶著不屑的語氣和嘴臉說「野飲唔洗錢架喎！」，停頓幾秒客人還是猶豫不決，經理再略提高聲線「免費架！」幸好，客人繼續禮貌的問著加料需要加錢的問題，男經理還是不爽客人吃便宜的。坐在附近的我，不禁幻想假如經理這樣跟我說話，我會給什麼反應。太難受了吧？更何況客人只是遊客而已。雖然客人是操一口國語。後來進食期間，不斷聽見男經理大大聲跟員工聊天，嬉面笑臉，欠缺專業。畢竟旅遊地產工作，再者日本料理集團，我希望職員於工作時能夠放下對國家的歧視，拿出對工作的熱誠和專業，服務每位食客。

今晚睇演唱會前去左尖沙咀諗住食少少嘢先，行行吓見到溫野菜見佢仲有位就走左入去！雖然佢唔係自助餐或仼點任食，但係都講明限時九十分鐘。我都唔係第一次㫓的了，佢啲嘢食份量比較少，可以食多幾款唔同嘅嘢，用料都幾新鮮。我地揀左A9和牛不過雪花太多有啲肥, 最好味係豬肉丸，個餃子都好好味, 食倒黑松露嘅味道，整體水準不錯，個名叫溫野菜咁蔬菜自然選擇多，服務員的態度都唔錯。值得一讚佢用左iPad 來點菜好方便，我們剛揀完confirm order 唔駛一分鐘，個服務員已經攞住我地點好嘅單行埋黎，結果成餐飯唔駛一個鐘就食完，超快，所以以後就算趕時間，都可以考慮黎食火鍋了!