渦沁雞煲火鍋宅配 (已結業)

朋友住村屋好小肯送外賣仲要打邊爐好特別不過雞煲做主打水準都唔隱定,有時好淡有時過咸,今次就好淡睇落色深但冇香料味道,切得太碎好多骨2人份量3個人都食唔晒丸類有3種全部普普通通,朋友唔食牛叫左豬,好彩片得夠簿都可以,響鈴夠吸汁菜比較小但都新鮮韓式年糕第一次叫但好好味,另會跟支上湯都足夠加左湯後一次可以頂到食完

前兩日同兩個朋友響屋企打打下機心血來潮想打邊爐.但我又唔想落街買野,本身諗住出去食.其中一個朋友竟然同我講:「一係叫外賣囉!」我以為佢講笑,仲話你叫到就叫俾我睇. 點知...我錯了佢同我介紹呢間專做外送既麻辣雞煲.一開頭都仲懷疑緊...真係未聽過未見過打邊爐都有得外賣喎我地叫左個二人套餐,價錢195,因為屋企仲有其他料可以到時食,所以冇叫四人餐大約等左九個字送到黎...對我黎講速度都算係咁佢本身湯底同雞件係分開送黎,因為太餓俾我地一黎就放埋一齊冇影相唯有咁樣補番,份量比想我像中多好多,好足料!雞件好滑唔鞋口(因為我自己對雞件唔太有興趣,但兩個朋友都話好正極速同我食晒)湯底我地叫左中辣,我覺得岩岩好,唔會淨係得個辣字,好香! 有一個朋友就話對佢黎講辣左少少.視各人口味啦配料望落好似唔多,但最後竟然三個人都食唔晒.所有野都比想像中多,最後連我地一早預備既野食都可以放番入雪櫃.好意外而家連雞煲都有做外賣,仲要好好食又好抵食,3個人食每人一百都唔洗.大家都一致認同下次想再打邊爐真係唔駛再出街了!