渥鐵板燒日本料理 (已結業)

個日係阿媽生日所以上網搵左呢間鐵板燒,去到睇下餐牌,原來佢地生日 當日去食飯全單有八折喎,但係另外一個"大海虎蝦餐"做緊特價六五折,咁我地未簡蝦餐試下囉,一開始師傅先炒一堆蒜片,之後再蒸一個雞旦,呢個雞旦好特別,真係用個雞旦殼黎蒸,個味道可能佢裡面有粒鵝肝粒所以d味同日式蒸旦有d唔同,之後到主菜開始啦,隻大海虎蝦真係好大隻d肉都好彈牙,帶子粒肉又大,牛柳味雖然唔係好重,但肉質好軟,之後到炒飯同炒菜,全程師傅都好nice,呀媽都食得好開心(當然啦唔使佢比錢...哈哈)

鐵板燒不單是食還要看廚師的表演, 就好像看調酒師一樣.這裡平日來食個鐵板燒收費平宜只要百多元就行了.我們一行4人就叫了海鮮和牛肉2款套餐旁有沙律吧和咖啡/茶任飲2個套餐都有味噌湯/前菜/ 炒飯或麵/ 炒雜菜說回主菜 : 大蝦一隻隻燒起來好香, 入口好彈牙, 非常新鮮魷魚 : 燒得不會過老, 入口感到肉依然好嫩下三文魚 : 有汁未"鞋"口, 控制得好牛肉 : 未煮看下去就知好急凍那種, 入口果然"鞋"口, 雖然有汁但牛肉味不重炒飯 /麵 : 只是一般, 不過有得睇廚師表演拋雞蛋間中一次都唔錯, 不過樣樣都要油來燒, 食得多都好肥膩架

As the weather was getting quite cold out there, we thought we would like to try something really hot for lunch. Originally we (2 of us) planned to have korean cuisine at a nearby restaurant, but then we noticed that this restaurant was offering teppanyaki set lunch at discount prices... ... so we ended up here instead The restaurant was still quite full when we arrived at ~ 2pm. We were promptly offered seats at the teppanyaki table. Seating was reasonably comfortable and the environment was no

昨天跟外娚到此見識鑯板燒, 十分有趣, 最初感覺很油膩, 但早上起來郤沒有喉嚨不適的感覺. 燙真的偏濃, 可以清淡些. 相反炒雜菜卻過淡, 可能是調味不均勻影响??牛肉我們要求六成, 食落似8 - 9 成, 太鞋口了, 可以玥改善.其他海鮮及串燒處理都不錯.價錢比較貴, 整體服務都可以, 如果厨師樣子寛容些感覺更愉快,可能她較專心吧.祝各人, 聖誕快樂, 新年進步, 身體健康.......

上次講過鐵板西京後。這兩天又去試新口味,亞妹話試用火直接去燒一燒,外表會脆D。結果真係唔錯,所有魚汁都封著而外皮脆脆,口感一流。跟著就來一隻黑邊鮑,我晤記得係澳洲或日本啦,因為太好食了。因為隻鮑都幾大,所以我們叫亞妹飛起裙邊,放在一旁慢火烘乾(如圖),及將鮑肝如發炮製,因為好多餐廳或師父會把鮑肝不要,這真係好浪費,因為這在日本係視為珍品,男仕之寶。它在烤乾之後,雖然黑黑綠綠,但將佢放在口中,那種重金屬的甘香和粉粉的口感,再加上一口大吟釀,真係要試過先可領會。再來就是裙邊,通常如果隻鮑晤夠大,係無呢味的,夠大隻先可飛邊。鮑邊都係放在一旁慢慢烘乾,而口感就好似食緊鮑汁骨膠原一樣,QQ的,又係珍品。其實這些都是在餐後段時才可嚐到的,講返鮑魚本身,一般師傅都係在廚房起片出來後再鐵板,但係今晚隻鮑魚好新鮮,所以叫亞妹面前起丁,將鮑肉切成半吋X半吋,只加少少SAKE快火兜兩兜就0K,因為海水已夠鹹,鹽都唔使,夠哂鮮味。這樣切丁先可食到鮑肉之彈牙的感覺。但係呢餐晤少野,only 鮑魚已成千大元,但係有三味都值得啦!

18/12 今日LUNCH約2個舊同學黎呢到食, 因為有個同學喺尖沙咀中心番學, 佢介紹黎呢到食既, 一開MENU最平都係70幾蚊, 一個午餐啫駛唔駛咁貴呀, 我地叫左個$98燒銀雪魚定食同$88牛柳粒定食, 雖然佢地有自助沙律同咖啡.奶茶.檸茶.檸水.全部都係熱既, 凍既另計, 但真係好鬼貴燒銀雪魚定食整體上都好好味...不過真係好貴$98牛柳粒定食啲牛柳有啲咬唔開同埋(鞋)(鞋)地, 但都尚算OK雖然佢而家做緊個優惠午餐可以減$20, 但都係好貴囉, 午餐咋喎!!!

最近同朋友再次找亞姝(如圖)試試新意思。在鐵板上可看到先有西京燒雪魚。呢味就要考師傅對火候的控制,因為魚本身已泡過醬汁而帶甜,好容易燒焦。或成舊散哂。個晚亞妹當然無令我們失望。跟著就係鐵板鰻魚,又係要考功夫,少D手力都晤得。因為鰻魚遇熱會收縮,會卷成一舊。師傅要不時雙鏟齊按下,魚身才會直。有D餐廳就會將魚起花,但這就會少咗彈牙口感。都係要慢工先有好野。再來就有羊架,要成排上先好,又係要慢慢燒先有真味道。先用快火將表面焦糖化後,再慢火控制至所需成數,這就有外脆內嫩的感覺,一流。到最後原本以叫之和牛,因為太飽食晤哂,要原件打包,先至有傳說中的和牛批出現。因為個舊和牛捌佰大元,拿回家後做了5個批,真有價值。但自家製當然好味,但外面無得買。有時都要自己動下手,先有創意。下次再講。

是日的特價午市套餐有4款, 我地叫左一個雜錦天婦羅定食($78), 一個鐵板牛柳粒定食($68)定食包括自助沙律吧, 有西生菜, 薯仔, 粟米, 菠蘿, 車厘茄, 千島醬, 沙律醋汁, 可以任攞任食沙律, 水準一般先上麵豉湯, 有海帶, 豆腐, 用料充足, 比較濃口, 頗為不錯主菜天婦羅有蝦3隻, 茄子, 南瓜, 蕃薯, 冬菇各一, 配白飯一碗, 算係大堆頭,, 可惜太油同炸粉太厚, 蝦亦唔係好新鮮, 而且冷氣太大, 好快將天婦羅吹凍左, 大大影響口感另一主菜鐵板牛柳粒配日式炒飯, 牛柳粒用蒜片爆香伴碟, 仲配有大量的炒野菜,蒜片未炸透, 而且比較油, 唔夠乾身, 對於喜愛食鐵板蒜片的我感到失望, 而牛柳粒雖然未係全熟, 有些少血水, 但係食落去都幾韌, 睇來係牛的質素所限甜品係2粒芒果味雪糕糯米糍配糖漿, 幾闊佬!!只有幾張檯的人客但卻有4個侍應招呼, 而且經常有鐵板燒師傅係附近徘徊, 自然食得唔係咁自在, 而且冷氣太大, 食物又平平, 可能鐵板燒會好d埋單免加一$146

我同男朋友一齊去...我地食鐵板燒...大家都覺得好好食...而且服務好好..好親切...食左的包括有...神戶牛...魚籽蒸蛋...鵝肝...大蝦感覺良好的一個晚餐...食得開開心心!!!

今日同d同事lunch去左lee間食~~我自己就叫左個"蝦餅煮"定食~~~ 真係非常好食 雖然蝦餅係吉列 但亦不見嘩好熱氣 GOOD!!!!!一個午餐定食真係有好多野:1)前菜2)任食自助沙律吧3)任飲自助餐飲4)麪豉湯5)蝦餅煮6)白飯好消息~~~由宜家起至到9月30日 該店週年紀念 午餐/鐵板餐一律減$20 仲要有埋任食沙律吧+餐飲 而且仲係減收加一最後仲有小小禮品送比我地一個都只需: $78-$20 = $58哈哈~~ 已經約左同事下星期再去食啦大家快d把握機會 試下啦!~~

之前所講松菱食鐵板燒,可能會太過豪。其實這一兩年都有一些新進彈咗出來。好似今次所寫渥鐵板燒,水準都晤錯。最重要是他們那些美女師傅都好有愛心,能照顧到客人之要求。你想食甚麼她們都盡心為你安排。而所見大部份客人都係熟客及商家,就知道她們的水準在那。其中有一位在我們再三要求下,用當季的秋刀魚做鐵板燒。以為可以考起她,但最復都能完成。其實鐵板秋刀係有一D難度,一不小心就好似有一次在附近的稻菊試過變成秋刀魚蓉,成條散咗。當然這裏的和牛都可一試,有鹿兒島及佐賀,不時都有新品種返。在這裏都能做到你食完一塊後才燒第二塊。都能讓你慢慢品嘗外脆內軟的滋味。另外,這裏有時都有和牛刺身。但一定要他們從肉櫃拿出來切好後馬上上菜,這才可令和牛內的油脂保持FlRM一D,再加上少少酸汁,那時才在口中溶化,牛油的甘香沖滿口中。這才是食和牛最高景界。

睇左以下幾篇食評,真替這餐廳不值,我想大家有點誤會...........這間餐廳是走中高價路線,主打鐵板燒,客人定位是附近公司之老闆請客及外國遊客(鬼佬,因屢獲外國雜誌好評),所以價錢一點都不便宜,但論環境裝修,比其他此類型餐廳更寬敝舒適,服務態度都禮貌週到,仲有靚女廚師表演；食物方面除左鐵板燒外,刺身亦十分新鮮,只是種類不算太多。由開業至今我光顧了多次,只有一次是晚餐,原因是貴(連酒要每人$1200),但鐵板燒午餐卻低食得多,因個餐都幾豐富(如细食朋友可三人叫二個餐食,每人約$200 )；定食午餐比較出色是魚生飯及烏冬,其他的都算合格,不過就唔多抵食,記住大部份午餐是不含餐飮的!總好過去尖東果間松板屋食,又舊又迫又熱又冇服務!鐵板燒午餐有：自助任食salad bar (雖然得4、5樣但勝在新鮮,記得試日式salad dressing ),海鮮,薄焼牛肉蒜片或牛柳,炒雜菜(絕不油膩),炒飯(本人比較喜歡食炒油麵),還有甜品(最正焦糖燉蛋滑而不太甜), 放心以一個男士胃口都可以食得很飽。夜晚都有鐵板燒套餐,不過就要$500-$1000 一位,以食物質素+環境裝修而論鐵板燒午餐值得一試!

又一無良陷阱!午餐包:1)日式主菜2)沙律吧自助任吃3)飲品自助任飲HK$58 至 98無問題吧!但當你想叫凍飲(出事了)侍應說凍飲要order另上的.當然啦主菜都要order啦!當付錢時一不留神便會中招!單上突然出現$30一杯凍飲的價錢. 嘩狼過華秀隻狗!叫侍應來問問?她才說是的.另外order的要付額外的錢!(又話飲品包)問她為何不一早說明,她說order的就要錢(既然耍額外付錢為什麼不說明)我當然拒絕付款(10個人本來是700多現在要付1000多)經理到來兇兇的說order的當然要付錢! 但是當我問為何餐牌無列明;侍應無說明!他只是不停說order就要錢.(不斷重覆)最後的結果?當然是 邪不能勝正.真理長存! 不用受屈.但是我要提醒其他人如果你屈服,下一次他可能說order一張紙巾也要錢.請大家小心這一間無禮無恥的食店.

尋晚去左，試左個大蝦牛肉餐。唔知係唔係食得少鐵板燒，定係我果檯既師傅係老行尊﹖唔差喎，手勢唔錯，唔會搞到噹噹餐，塊鐵板又唔會搞到污污嘈嘈，牛肉五成熟就剛好五成熟，侍應會主動倒茶換碟，算係咁啦。

吃，多少牽涉著一些情意結，早前巧遇熟人，已知牌面不對辦，日替也是刺身為主，一頓簡餐，純是打個招呼寒暄一番。從前逢星期二晚例蒲公司附近的「般若湯」，啤酒、串燒同埋光頭師傅的日替創作料理，每次來都可以免費試味一番，反應好的話，遲下會掛牌上市，直至家庭式小店結業後，已有一段時間無試過光頭師傅手勢。大半年無見，留著短髮，已非惜日紮著繩結的「光頭」師傅，午市沒有似樣的煮物，又不想吃刺身盛合，乾脆來鐵板燒好了，打了招呼談談近況，看來要吃他的手勢都要等晚市。鐵板燒檯空蕩蕩的沒有主理人，埋位後，靚女廚師捧著處理好的大蝦、凡立貝、魷魚來，負責招呼十五分鐘，當炒到最後碟味野菜後，絲然離席。聽聞靚女廚師來自水車屋已暗下叫苦，蝦、魷魚等海鮮早已在廚房備好，先玩些花樣贊酒放火起爐（？），然後以生疏的手勢勉強處理好添加了焦黑漬物的海鮮，全程除了女主持本身外，找不到半點欣賞價值。海鮮本身倒也新鮮，魷魚事前輕落刀削成井紋，韌身纖維斷後現出彈性質感，爽嫩；蝦及凡立貝下了牛油、清酒及甜豉油做的醬汁，太複雜、太濃、太失真，結果帶來一灘油漬，不太懂得欣賞。炒飯是將飯與雜菜撈在一起炒，再打蛋，沒足夠溫度下，也吃不出蛋與雜菜味道