渡輪千味屋 (已結業)

平日時時都有幫襯5號碼頭小食店，多數係飲品，因為佢賣得超平，冰凍樽裝水、盒裝、罐裝飲品都只賣$3，仲平過超市！有時肚餓亦會買D魚蛋，燒賣等小食醫肚。今日機緣巧合要坐一點九船返長洲，終於有機會一試佢D車仔麵。一如其他車仔麵，種類繁多，任君選擇，$30已經有麵或粉同三款餸，另每加一款餸加$5。價錢合理，味道不錯，本來並不值得一提。我要了米粉，蘿蔔、牛腩、冬菇同魚蛋，而米粉內已經有些少青菜，不錯。當我食到冬菇就覺得可以推介。冬菇中等size，唔算好大隻，但每一隻肉身都好厚，係我食過車仔麵以來最厚嘅，炆得焾而且入味，好滑但又不失爽口，所以忍唔住要介紹吓！有機會可以一試！

滷水雞翼：滷水香甜，雞翼算是大隻，啖啖肉，不錯喔！ 炸魚蛋：新鮮炸起，放上淮鹽，熱辣辣，好味！ 先前吃得一肚氣，幸好回程時也找到點好吃的來填填肚，補補數！！

點解會這樣說呢?話說這兒的燒賣是$5/5粒.與長洲以外的店子價錢差不多,但一咬..........哇.....粉團,最怕燒賣是這樣的...它的豉油是最好的,因為是甜的.可惜盛燒賣的發泡膠杯穿了....把衫,褲,鞋弄髒了.....