渝酸辣粉

營業中

休息中

最近公司搬咗去耀華街，起初見到呢一間四川菜覺得唔係好起眼，冇乜興趣。但有一日經過門口發現原來美食家蔡瀾都推薦過，估唔到少少舖頭原來係好多美食家都試過嘅餐廳。價錢喺銅鑼灣來講算中等，一碗麵$50至$80左右。同老公叫咗兩個麵，其中一碗加底，再加一份例牌口水雞，埋單$224。佢哋嘅麻辣係好出名，蔡瀾先生都賺過。真係一試就好難忘，麻辣味道層次豐富，麻味係慢慢的滲到舌頭上，唔會好搶喉。口水雞雞肉非常軟滑，肥瘦剛剛好。牛肚絲切得好幼，好易入口唔會軔。湯底入邊真係會搵到好豐富嘅湯料，正宗嘅四川麻辣真係會食上癮。

第一次黎食係為左佢嘅擔擔麵，香港大部分嘅擔擔麵都係有湯，想食呢種四川乾擔擔麵好耐。擔擔麵～選擇左加辣，比想像中冇真係好辣，但就好香而麵質亦好好。口水雞～口水汁比較咸左少少但都好味，夠香夠麻雞都好滑。麻辣涼拌青瓜～非常入味西瓜亦好爽口。麻辣鴨血~實在太驚喜，鴨血好夠味亦好滑。桂花冰粉~清甜有桂花味。四川酒糟丸子～丸子有咬口，酒糟夠香。青瓜豆漿~冇乜特別可能加左青瓜，所以唔覺有乜豆香。肯定短時間內會再次黎食，下次要試下佢地燃燒麵，聽講好夠辣

耀華街唔太算一級戰區不過最近開始慢慢有餐廳駐唱當中元老級，就要數呢間川菜叫咗大蔥大腸麵固定辣度 辣與麻都好重手如果係愛麻辣之人記得唔好錯過大腸的話厚厚的，而且入味有嚼勁下次如果有機會同fd黎，應該要再叫其他嘢食

招牌套餐 轉擔擔麵 ($108 + $11)套餐包括酸辣粉、口水雞、涼拌木耳、涼拌青瓜、涼拌蟲草花浮皮、甜品同飲品。娘親經我極力推薦下揀試擔擔麵😂。川式擔擔麵，同平時食開嘅上海擔擔麵浸喺芝麻醬辣湯嘅煮法唔太一樣，係以拌嘅形式去處理，似係用醬油、辣油、麻油、黑醋，調和蔥、乾蒜 花椒同辣椒🔥，再加以少量炒香嘅麻辣牛肉同花生粒，混和幼身麵條嚟食。味道方面，小編今次嗌咗少辣，每一啖都會感覺到麻 辣兩種元素同時湧現🥵，加上濃濃嘅蒜香、牛肉碎嘅焦香，同唔太重嘅花生味 ，實在讓人欲罷不能❤️。而微弱嘅黑醋酸味可以稍稍解膩，吸引我哋繼續嗜辣，非常開胃。麵條口感煙韌爽滑👍🏻，非常之有咬口，而且掛汁，麻而帶辣嘅味道隨隨在麵根入面漸漸滲出，越食越香濃惹味😋，少辣夠味得嚟唔會蓋過曬麵香。可惜佢嘅醬汁唔太足夠，有啲乾身😬；由於係乾撈嘅關係，味道會比較濃，齋食耐咗可能會有啲口乾，夾埋餸同嘢飲間斷咁食體驗會好啲。加上製作時間應該有啲過長🧐，擔擔麵送上嚟嘅時候已經有好幾條麵黐埋一齊嘅情況。口水雞份量其實都幾多，溫度雪得啱啱好唔會暖。雖然佢比嘅幾乎全部都係雞胸肉，但肉質扎實得嚟都頗嫩滑，唔嚡口，似家常白切雞嘅質感，雞肉鮮

在週未去銅鑼灣搵食，絕不簡單，耀華街食街人流相對較少，周邊的食店都轉了無數間，唯渝酸辣粉一直屹立不倒。一直對渝酸辣粉印象很好，幾年後的今天發覺餐廳品質依然不錯，難怪在瞬息萬變的銅鑼灣站得住腳！🚩 芝麻醬涼雞絲粉皮 ＄58✣ 芝麻醬酸酸地，同市面賣既有少少唔同，粉皮呈透明色，口感比較煙靭，雞絲相對青瓜絲少。🚩 麻辣牛展 ＄76✣ 上邊有唔少辣椒渣，牛展腍身同入味，如果食得辣既人會覺得唔夠麻辣。🚩 擔擔麵 ＄49✣ 非常喜歡乾身擔擔麵，上邊有唔少花生同蔥花，揀左中辣，食到尾先feel到有麻辣，份量比較細，但質素唔錯。免加一、茶芥。

今日同朋友嚟到呢間食四川菜嘅小店試吓店入邊嘅座位唔算多，好彩我去嗰個時段唔算多人可以即刻入去我哋嗌左大蒜鱔魚麵，當我想嗌辣度嘅時候，老闆同我哋講話辣度已經調配好，冇得加減不過提示我哋辣度都幾勁岩晒鐘意食辣既我佢個湯底好濃郁，蛋麵彈牙，鱔魚份量唔算多，食落有鮮甜味，仲有茄子之類配料，不過真係幾辣，食多幾啖成身都出汗我哋仲有嗌咗蒜泥白肉，青瓜切得好薄，夾埋啲蒜蓉，白肉食好好味仲有嗌左個藤椒雞，肉質鮮嫩，啲花枝油令你每一啖食落去個咀都會好麻但吾係辣既感覺，好過癮擔擔面有蔥花，花生碎同肉碎係面，底下有少少嘅香辣汁俾你撈嚟食，佢唔算係辣嘅菜式，但係味道好出，好香口，蛋麵亦都非常彈牙，好味鍾意食辣嘅朋友呢度值得推薦

同友人係銅鑼灣唔知食乜好，係耀華街見到呢間四川菜於是入去試吓。🤣由於店舖唔算大，因此都坐得少少迫，個袋都唔多夠位放。😂入到黎就叫咗四川擔擔麵同麻辣口水雞。個四川擔擔麵同想像中唔同，開始以為係湯麵，點知呢到係撈麵黎，擔擔麵香料落得好足，就算變咗做撈麵都好好味。另外，仲叫左碟口水雞，又係好野味，越食越辣同埋啲雞都好嫩滑，真心正。不過，可價份量真係比較細份，食完唔多夠同埋價錢唔平。🤣如果鍾意重口味同四川野既就真係可以黎試吓。🤣

朋友話想食四川嘢，於是就來咗呢一間嘅小店。初初見到門口有啲$88套餐係一個粉配小食，覺得好抵，點知入到去先知呢個套餐價係去到6點前，好可惜錯過時間於是我地點咗其他嘢食，首先最推薦就係麻醬雞絲粉皮，啲粉皮係水晶粉，食落去煙韌，而且啲麻醬嘅份量啱啱好，味道適中。.而夫妻肺片都好入味，麻辣程度適合香港人嘅口味，食完未咩味精感覺。.成餐飯較為遜色嘅係擔擔麵，麵嘅份量偏少，比較適合女仔嘅胃口，而且擔擔麵有別於其他餐廳，一般係有啲湯水，但呢個相對係乾身，建議都可以加多少肉碎，多啲肉汁會好食啲。.值得一讚嘅服務態度好，不斷有人幫手斟水，又會主動提供酒精搓手液。建議改善：dandanmian嘅粉量可以多啲啲

渝酸辣粉, 銅鑼灣 🍜 我個人真係好鍾意食辣🌶不過喺香港島未必搵到又抵食又好食嘅餐廳。呢間我覺得不過不失，味道方面個人覺得都幾正宗，起碼係我鍾意食嗰種。不過價錢方面就有少少貴，主要可能係因為佢嘅份量唔算好多。但考慮到佢個地理位置，喺銅鑼灣呢個價錢其實都算係合理呀🍜.📍#銅鑼灣 耀華街 4號 #HappiMuffinHongKong🌟#HappiMuffin Rating: 7/10💰Price: $80-120 pp#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

第一次食過佢地嘅口水雞，非常有質素，第二次嚟要再點！佢嗰種麻味同辣味好balanced，有種獨特嘅香，食完亦都唔會好口乾。It’s one of the best I’ve had！唯一希望係可以份量大啲，多啲雞肉點個汁 😋Menu選擇頗多，特別係不同湯麵類（有辣有唔辣），so far 食過四川擔擔麵同雞絲奶湯麵，兩樣都唔錯。地方雖然淺窄但都坐得OK，上菜快，員工嘅服務態度好好，不時幫你添茶。係銅鑼灣區值得幫襯嘅小店

門囗玻璃貼了很多資料，又用上深木色木材作門架，所以並不顯眼，從旁看到店不大，剛好1人進食，就無所謂。雖然，地方不大但店主的服務態度很好又細心。墊枱面的單張，旁邊寫有套餐供應到5點，我就叫了口水雞配擔擔麵套餐。口水雞的份量亦可，有些辣，反而麵我可叫辣的要求，我叫了微辣，麵質滑而不淋。擔擔的汁，肉粒，花生粒，葱花，吃了一口已忍不住已吃了大半才吃雞。大家不妨試下擔擔麵👍至於口水雞不過不實，沒什麼難忘感覺分享😉

特別推薦大家✅重慶酸辣粉✅涼拌青瓜✅青瓜豆漿《重慶酸辣粉》個湯底麻酸味適中🌶，辣味帶酸再帶麻，又唔會話好油，可以飲到好多湯😋薯粉滑身，有咬口得嚟又唔會韌，入面仲有芫荽、榨菜、肉碎、花生、蔥😎芫荽🍀、榨菜好食，肉碎就太少，花生🥜夜晚可能會淋咗，晏晝就多數都脆💰$37《涼拌青瓜》青瓜脆身爽口🥒，屬於小辣🌶，個四川汁有麻辣味同好重蒜味🧄🤤，夠哂濃味，有少少辣椒但係唔會辣到食唔到，食完個口會好臭😂💰$43《青瓜豆漿》聽落奇怪嘅組合，飲落又出奇地夾😲，有輕微嘅青瓜味，好清新，又可以解辣🥶💰$31*酸辣粉有得揀辣度🌶👅✖️🌶，少少辣，少辣，辣，加辣**小店地方唔係好大，主要係2人👬 / 4人👭👭枱

自己一個食dinner, 當然揀番面食類無甘odd門口唔算大，但有d 中式復古feel入到去大部分都整哂隔板坐底就量體溫同提供搓手液，衛生都做得唔錯d 裝修台凳都係木為主，所以始終舊左有d 痴立立feel侍應同收錢果個都好好服務面類無得加幾蚊配料甘，通常都要叫一面一主食但我得一個人所以唯有叫個排骨面試試個人食得辣，叫辣，但都唔算辣個種，係偏麻勁多紅油，但食落唔算油排骨好淋好入味，而且都起碼有成7,8 舊正方體甘但面係幼身，份量好細，我一個人食哂成碗都係得五成飽，唔怪之得要一面一主食甘樣$55, 無加一，除左份量之外，服務同食物都係唔錯

渝酸辣粉其實開咗over十年 一直聽人講話好食 但係拖咗咁多年都未嚟試😛呢日嚟到cwb 加上最近好想食辣 所以就約埋朋友嚟試下🍜◽四川排骨麵◾四川擔擔麵◽滷水拼盤Order嘅時候見到佢有幾款辣度選擇 朋友問過店員 少辣同辣等於出面咩辣度 當然店員回覆十分安全又保守😂話多數食得辣先會揀辣 咁安全起見 我地都揀咗少辣 因為平時食麻辣火鍋我地一般都係食少辣 點知呢度嘅少辣我地係一啲辣味都感受唔到 再加辣椒油都無feel🤣所以嗜辣嘅朋友 唔洗怕醜 可以揀辣或大辣👍🏻而味道方面係唔錯架 而且店員服務態度都好好又細心

身邊果位想食正宗酸辣粉，專誠來到港島一嗜昔日遊客打卡店，由時代廣場A出口行一個街口就到，隱身街口不搶眼的渝酸辣粉老店。重慶酸辣粉$37紅油非常搶眼，花生炸菜必備，薯粉順滑，價錢對於銅鑼灣區係非常抵，但大食吃貨食就真係份量唔夠，要食多過擔擔麵或小食先滿足到。口水雞配擔擔麵套餐$80對比酸辣粉我比較想試擔擔麵，一個撈幼麵加上秘製醬汁拌上肉碎，無論集郵打卡都非常合心水，加埋啖啖肉嘅口水雞剛剛飽肚，而且有埋飲品，呢個餐價錢非常合理。論正宗秘製味道總結都有80分，亦都係同區少見的地道小店，而且老外日本人都係慣常食客，趁還在本土消費時期值得去支持一下。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️/5💆‍♂️服務: ⭐️⭐️⭐️⭐️/5