清 (已結業)

近兩年都習慣咗外賣返屋企食，經常四出搜羅邊度有抵食又好味嘅外賣。今日路經黃埔呢間台式餐廳，價錢平民，值得介紹✨厚切鹽酥雞扒滷肉便當啖啖肉嘅鹽酥雞扒，好厚肉味道唔會太鹹，炸完都夠乾身滷肉同個汁，完全融入米飯之中✨芋泥肉鬆三明治三文治夾著裡面嘅芋泥，非常厚料，入口軟綿綿外層麵包新鮮鬆軟，再加上肉鬆，味道真係好夾✨鹽酥雞粒必食鹽酥雞，外層香脆，裡面嘅雞肉好Juicy一粒接一粒，停唔到口下次一定要試埋<乳酪奶凍三明治>

呢度嘅ching係一間台式外賣店🍱 見到舖名就諗起之前激嬲女朋友系列有個post 條女問男仔ching 喺邊條女，諗起都覺得好笑🤓*鹽酥雞扒滷肉便當 配冬瓜茶 $58 + $9雞扒外皮整得幾鬆脆，粉漿又夠薄，如果肉質能夠再嫩滑多汁就更加好😆至於冬瓜茶個味，好清甜，有啲接近之前台灣朋友買返黎俾我嘅冬瓜磚煲出嚟嘅味😋*糖醋排骨鹵肉便當 轉新竹米粉$58 + $2應該係用咗黑甜醋黎醃製排骨，味道相對較甜，至於醋酸味唔算好突出

👩🏻一向都鐘意食芋泥肉鬆三文治，見到有新店就試下。質素完全喜出望外。✨芋泥肉鬆三文治 $40芋泥濕潤綿密，甜度啱啱中。肉鬆鹹鹹甜甜，口感酥脆。而且佢仲特別飽滿足料，食半份已經好飽。喺香港試過幾間，呢間最好食。✨抹茶乳酪奶凍三文治 $45抹茶粉係丸久小山園出品，幾香又唔苦。抹茶乳酪質地似韓國抹茶spread。奶凍好厚身，比起想像中滑捋捋。✨鹽酥雞粒 $28酥脆多汁，亦都唔會太鹹。📍清 (紅磡)紅磡民泰街25號黃埔108商場地下1號舖

紅磡開左都一段時間，我終於得閒去行下啦！一出地鐵站就見到間舖頭門面寫左個似「濤」既「清」字，尼一手毛筆字好吸睛！最後我都係忍唔住手要消費下🤣。 ⦁芋泥肉鬆三文治三文治有大量既肉鬆，芋泥又勁多，芋泥仲要勁濕潤。入口唔會覺得乾！⦁滷肉便當滷肉肥瘦超岩岩好，入口即溶，隻蛋滷得好入味，果滷水汁淋左落飯，d飯都唔會太淋仲好香。 ⦁鹽酥雞粒（跟餐）跟餐小食黎講都算大盒，炸得好酥脆，果味少少辣。⦁飲品（跟餐加$18）草莓鮮奶：士多啤梨好足料，飲落去好滑，仲要係甜，一D都唔酸。芋泥鮮奶：有芋頭粒粒，口感好好，牛奶味都好出！

剛開業時都食過一次，當時應該新開冇幾多日，但被招牌醒目嘅畫法吸引（同某咖啡店一樣出自同一個artist嘅手筆），第一次係食佢個芋泥肉鬆吐司，本地嘅芋頭本身比台灣出名嘅大甲芋頭遜色，芋香冇咁濃，但勝在本地芋夠新鮮，加上個口感係偏紥實嘅顆粒感，喺細嚼下都有淡淡芋頭香氣。之後二訪，再試埋佢招牌嘅奶凍款！先一讚個白麵包，兩次食都keep到水準好鬆軟，冇烘底反而食到最始嘅麵粉香同軟線綿嘅質感。再試佢個奶凍，用咗北海邊牛奶嚟整果然入口奶香濃郁！夾芋泥食口感比第一次食嘅肉鬆款更好！芋泥食得出係改良過，今次係打得比較幼滑，水感都提升咗。另外再追加多個抹茶奶凍，用咗小山圓若竹抹茶，茶香平衡，鍾意抹茶又怕太苦漏個人認為呢個調味相當好。覺得太多「甜」，佢都有好多台灣料理同咸食外賣，牛刀小試個炸雞都唔錯！另外對呢個小店嘅芋泥評價都幾高，於是再takeaway多個芋泥鮮奶，芋泥有成三分一咁多，好足料，唔算好甜，反而奶味重，唔錯！值得再試！

今天要給大家推薦一款非常非常好吃的三文治小吃。這家店坐落於紅勘，他家的招牌芋泥奶凍三明治，實在是太好吃了。這家台灣小吃店叫做＂清＂，他們家有鹵肉便當，也有一些滷味小吃，外加一些百分百邪惡的三文治，還有小吃，一些台式飲品。讓不能去台灣的我也能解解饞。❗️ 我試了兩款三文治，一款是芋泥奶凍三文治，一款是抹茶乳酪奶凍三文治。先說說芋泥奶凍三文治，這款三文治真的非常非常的好吃，因為我是特別愛吃芋泥的人，上面下面都有一層芋泥中間夾著兩釐米厚的奶凍，咬一口全部都要流出來了，實在是太邪惡了。抹茶乳酪奶凍三文治，上面下面都是抹茶醬，中間也一樣是一層厚厚的乳酪奶凍感覺。抹茶乳酪三文治有日本口味的感覺，它是採用北海道的牛乳。飲品方面，我當然是點了我最愛的手工芋泥鮮奶，外加一杯百香果綠茶，酸酸甜甜，開開胃。最後我還要了一支奶茶。先說說手工芋泥鮮奶，沈甸甸的芋泥沈在底，配上鮮奶喝之前，必須要搖晃搖晃，讓芋泥融入到鮮奶中，有點香芋牛奶的感覺。愛了愛了

見到黃埔以前飯hub個位換咗呢間叫清嘅舖頭，裝修幾有風格，舖頭名係用毛筆書法寫，不過開頭我以為叫姜濤個「濤」😂😂😂最好笑係店員同我講，真係見過有人攞姜濤嘅Yes card嚟招牌度打卡影相🤣睇menu見佢地主要賣台灣野食，仲有賣三文治，不過今次試咗飯先～本身自己都鍾意食滷肉飯，就叫左個厚切鹽酥雞扒滷肉便當，滷蘿蔔同滷豬耳。可能因為佢地係即場炸，我都等咗一陣，出餐要再快啲🤔不過份雞扒真係好好食，又厚又嫩，有驚喜！同埋我個人都幾鍾意個滷肉飯，唔算好油好肥，又唔會死鹹，但我略嫌唔夠多汁，撈唔哂底的飯，唔知下次有無得叫多汁呢🤣滷水就似住家菜口味，可能都有人鍾意，但我自己就鍾意濃味啲，不過蘿蔔係好入味同多水嘅，豬耳我就覺得硬左少少，可以煮耐一陣🤔🤔因為等餐有啲耐，同店員吹左兩句，先知呢度係四個後生仔一齊夾份開，感覺都幾有heart，所以突登寫篇食評支持下！份menu 都設計得幾有心思，之後會再幫襯❣️