清進洞韓國餐廳 (已結業)

第一次黎，試了晚飯， 叫了套餐已經唔忙，但侍應像游雲， 心不在焉咁。。。不過侍應叔叔亦都會好主動走過來幫我地燒兩下, 以防燒焦；同幫我地換鐵板十多碟前菜--- quantity only, but not quality 湯---普普通通頂級牛肋骨----點咗冇腌ge, 但係都係帶點甜味，幫我地將D肉剪成一細細塊, 牛脷----- 幾好雞肉-- 普通泡菜餅-- 有D油，邊唔脆石頭鍋飯--有點兒飯焦外，味道一般環境ok, 抽氣幾好，至起碼冇成身味只能形容是一家開尖沙咀旺區的韓國料理；不代表很好食，或者高一點質素

尖沙咀的金巴利街附近一直是韓國菜殺戮的戰場。試過好幾間韓國野，這間韓國餐廳一直都是我的心水。門口雖沒有侍應引領入內，入內舉起7根手指，就坐下了靠窗的八人檯。是日和同學組成7人為食女子團，一起品嚐正宗地道的韓國棻。一見餐廳內有不少的韓國人用餐，〉就知道這餐廳對板了。每次來到清進洞，午餐例必點 25號: 什錦烤肉飯，由於我不太吃辣，所以不會點泡菜類的菜式。(不吃辣去吃韓國菜是有夠奇怪的)說回正題，點菜後，不一會就送上前菜，對於樓下那位食家說10人只有1set，個人是覺得有點奇怪的。因為我們7人就有2set 8小碟 (上一次3人都有1set 8小碟)，而且我們有refill(不用加錢)的。左上角的辣蘿蔔絲、甜薯仔和有調味過的芽菜(麻油?) 為必食其他 泡菜，愛吃辣的朋友都說讚，應該是挺不錯。唯獨 辣豆干和透明"jelly" 大家都麻麻地。什錦烤肉飯是有配湯的，喝起來是蘿蔔肉湯，和胡椒的香味，作為免費配搭的湯，可算是相當不錯的！什錦烤肉飯，故名思義有什錦烤肉，有牛、豬、雞3種肉，每款大慨都有3/4大片。論好吃程度：豬 > 雞 > 牛，豬肉醃得相當入味，應該是用辣醬醃的，白飯

個日,我地book 左 8點慶祝生日....本來好興奮...因為睇到食評話幾好...而且一至好評......所以簡左lee 間我估係老闆....安排我地坐一間冇門的房.....原以為都幾好啦...雖然冇門...但可以自成一角.......!點知!!!!入左間房係冇人理....簡直係叫天不應....叫地不聞......! 連茶都冇.......落左單後...等左好耐都冇前菜.......要三吹四請先有 前菜得好少我地有十個人俾得一set 6碟......我地需然係一間房但係係分開2張枱....得6碟前菜你地話點分呢....!!!!!!....前菜內竟有salad 而且係溶晒.....超嘔心...和尤魚炒芹菜(尤魚得2條短).....我地叫佢refill ...冇人應.......之後同我地講d前茶唔係任食.....冇得加.....未試過食韓國料理d前菜係冇得refill佢仲話我地[俾個網誤導左..(我地冇同佢講我地係睇網) 佢話俾個網累死...[/b]我地要左個$860 餐...碟炒粉絲超少....簡直好似地d2人套餐份量.....未試過食韓國料理食前菜冇得refill…,個海鮮湯仲

二零一一年，先祝各位食友飲龢食德，味緣常在。個人最欣喜的，還是見到數位消失多時的Openrice食友，再度現其踪影；於我來說，不論是否食評，只要有其建設性、或能推動到Openrice的理念，是樂意見到百花齊放的局面。 正因為見到殿堂食友的韓國菜食評，心思思之下，也決定來一頓地道的韓式午餐，相對於速食模式，我還是傾向找一間地道的韓式料理。最初選擇於尖沙咀的金巴利街，只是週日十二時半之下，竟然只得兩間開門，也沒供應午餐的菜單，心有不甘之下，唯有退而求其次轉戰於尖東，就在漆咸道南的金馬倫中心地下，見到一份週日還有供應的韓食午餐Menu，當上到了一樓這間名叫「清進洞」的韓國料理後，用上簡易的英語問明清楚之後，那就隨意找個位子，施施然坐了下來。當你見到大量的韓裔食客在此光顧，自會對其出品的地道性有點信心。言歸正傳，午市的款式選擇也有不少，見天氣仍有點清涼，需要吃點暖身的東西，那就來個炆牛肋骨定食好了。例牌奉上韓式的前菜，總共五款六個小碟，介紹食味如下：大豆芽有用鹽水煮過的，另一款則加了麻油調味，也是各有風味。其餘的莧菜偏向清淡，而醬漬過的海帶，爽口之中也是有點味道，另有加了辣汁的蒟蒻，其煙韌的質

我都未食過一間咁嘅韓燒，d侍應十問九吾應，問佢攞前菜，佢哋一句都吾答，就行左去、問佢攞d油，佢答你，你攞黎做乜？無喎！d嘢食好貴又小，食左好以冇食一樣，好後悔入左黎呢到食嘢，各位入黎之前請考慮清楚吧，冇人採你，態度差，嘢食貴、又吾飽、總括一句差到爆

我們一家三口試吓這間韓國料理慶祝我的生日. 這裡的前菜是任食, 十多碟放在眼前, 開胃又好味, 而且是不另收費, 有個阿珠媽非常好的不斷為我們增添了幾次, 都沒有不高興. 抵讚…叫了一個三人餐再加了一個豬腩肉. 套餐包括豆腐湯, 牛肋骨, 牛肉, 雞肉, 炒粉絲及石頭鍋飯.牛肋骨 - 阿珠媽夾起再用剪刀幫我們分成數小塊, 肉質軟腍燒至微微帶香, 非常好吃, 牛肉同雞肉, 炒粉絲 - 都是差不多貨色, 普通無特別. 石頭鍋飯上來, 阿珠媽又再次幫我地攪拌好跟著分給我們, 好好味包括阿珠媽的熱情招待.豬腩肉 – 肥廋適中, 微燒後非常可口. 當晚很多人, 好彩早到有位不用等. 個個員工都十分非常好人, 由其是阿珠媽, 提醒我們叫套餐埋單就有八折,但阿珠媽話可能遲D八折祗做星期一至星期四. 我會再來!

韓國料理是我喜歡的料理之一~越來越中意食呀特別係D前菜，十多碟放在眼前，開胃又好味。最重要既係~這裡的前菜是任食!!~不用額外收費~我毫不客氣encore了幾次~嘻嘻~炆牛肋骨：吃韓國料理~必點炆牛肋骨~這個炆牛肋骨精髓在湯底~真的好濃甜~濃而不膩~牛肋骨半肥瘦~帶油香~肉質軟腍~好吃~而白+紅蘿蔔亦入味~好適合下飯~石頭鍋飯：飯粒稍為乾身~但飯焦好香口~帶點痴牙~我都幾中意依種口感。材料好足~有菜蘿蔔絲菇類等等~頗豐富~加埋辣醬同吃很不錯泡菜豆腐湯：對我來說不辣~就是喝泡菜湯的味道~豆腐都幾滑~整體沒特別~普普通通。凡叫了一個主菜都會跟個白飯~白飯用上鐵碗盛上可保持溫度~米粒是珍珠米~很軟熟~老闆是韓國人~非常好人~員工都十分nice~埋單有八折~抵食!我會再來呀

果子狸小隊內，有兩位六月份生日的壽星女，咁開心當然要好好慶祝，於是將世界盃放埋一邊，熱熱鬧鬧的來到位於尖沙咀金馬倫中心的清進洞韓國料理。這晚一行八人，獲店方安排獨立房間，望著 DNA Mall 及尖東一帶的街景，感覺相當舒服。我們要了四人份量的套餐，除供燒烤用的頂級牛肋骨、豬肋骨、牛脷、魷魚外、還有炒年糕和炒粉絲等菜式，再另加炆牛肋骨煲、海鮮煎薄餅及辣海鮮鍋。由於檯面空間有限，侍應遂建議我們先燒烤、後吃海鮮鍋，這安排實在細心。吃燒物前，先要解決陣容鼎盛的前菜，包括穩膽辣大白菜、後防則由漬蘿蔔和海帶結鎮守、中場線由左至右分別有漬海帶、蛋卷及大豆芽，前線以雙箭頭蘿蔔絲及銀魚仔攻堅，實力強橫，而且可以無限次換人，不停 refill，相信單吃這些已足以令人半飽。隨著各式肉類陸續送上，萬眾期待的上半場終於正式鳴笛，我們先將卷得厚厚的頂級牛肋骨夾起，肉連骨的長度竟跟爐頭差不多，用剪刀分成數小塊，再略略將其表面燒焦，散發一股香味，放入口肉汁豐腴，的確係神奇、頂級、超卓！另一方面，牛脷和魷魚也不容忽視，前者切得薄薄的，口感帶點爽脆，後者質感彈牙而不韌，如果你無速度、跑得慢、唔夠快的話，就註定只有望住吉

不是食評~今次評服務..原本訂左枱19:15同家人食飯~訂枱時候態度正常…到大概6點幾先知道有家人臨時OT..黎唔到~結果要到夜d先返屋企附近食~因為搵唔到餐廳電話~又離開左公司~check唔到~因而無法打去告知要cancel~19:25餐廳一名男侍應打黎問我係唔係book左枱..我答:' 唔好意思呀~我黎唔到喇~'佢就即刻好大力掉電話黎cut我線…有冇攪錯呀~第一: cut人線已經唔岩更何況係服務性行業..平時d餐廳都會講句:好~咁幫你cancel左佢啦~又或者:唔緊要, 希望下次有機會啦~我都係睇見食評有咁多個笑臉~先揀呢度啫…估唔到有咁既遭遇~

一班由girls變ladies的中學靚女決定來一次gathering，最後選擇到清進洞。6位ladies叫了一個四人燒烤餐、海鮮煎蔥餅、韓式炒粉絲、炒年糕和雜錦石頭鍋飯︰餐前10小碟 - 大概因為我們是6人的關係，他們送多一套給我們 非常好吃，特別是那份炸翠玉瓜餅，非常香口，乾身不油膩。而那份鹵豆腐也很入味。這兩款絕對值得order多一碟。牛脷 - 爽口，夠味。不過，烤的時候要睇緊少少，微卷就要拿走。如果不是，會過熟。四人燒烤餐 - 有魷魚，豬，牛，排骨。醃得好夠味。牛肋骨超好食，非常鬆軟，又入味。值得叫多一碟。多謝侍應姐姐，提醒我們烤多久和如何烤。海鮮煎蔥餅 - 餅身厚貿而乾身，有蛋香，用料十足。雜錦石頭鍋飯 - 坊間有很多，但它們絕對是above average之作。多謝侍應先生替我們分飯。飯乾身，飯焦香。加少少辣醬，很醒胃。炒年糕和炒粉絲有點失色，炒年糕得個「辣」字;；炒粉絲就不是很夠味 最後，風趣侍應先生文給一枱美女送上牛肉湯、甜橙和冰凍肉桂茶。牛肉湯 - 清湯一碗，沒什麼特別。甜橙 - 真係好甜冰凍肉桂茶 - 見鄰桌韓國太太團喝，我們也嚷著要。很有驚喜，甘甘涼涼，口的油膩感讓

feb 08, 10,5人來dinner,叫咗 : 1) 餐前8小碟 (免費)-有好多碟,味道不差,泡菜都幾辣吓 2) 牛脷 (hk$100)-多謝友人操刀,烤熟佢-有彈性,少爽口-也不錯 3) 海鮮煎蔥餅 (hk$100)-呢個淡口咗少少,1定要點豉油食 4) 頂級牛肋骨 (hk$220)-侍應極力推介-醃得夠味,肉質鬆軟得嚟又有質感-10分不錯,重點必食 5) 韓式炒粉絲 (hk$80)-友人試了就話炒得不夠好,金鐘嘅秘x好味d-我又唔覺得咁差,只喺味道不夠豐富-友人們都混埋炒年糕嘅汁嚟食,就會好好多 6) 辣炒年糕 (hk$90)-sorry, out咗focus-賣相麻麻,因成pat橙紅醬汁炒埋-辣度都中等,我嘅能力只可以食到1條-年糕都幾煙韌,不會太腍-個味其實幾惹味,友人們用之來撈清淡嘅炒粉絲 7) 雜錦石頭鍋飯-侍應幫忙分埋-因大家食辣嘅程度不1,所以侍應沒有+埋辣醬同撈-我呢碗就純原味 8) 牛肉湯 (免費)-食晒主菜後,就送來每人1碗牛肉湯-友人讚好,調味不重手,但來得有牛味-尤其食到肉時,仲會有濃牛味 9) 水果 (免費)-橙也甜美* 祝友人生日快樂* 因店方有8折

原本去食伊呂波，但要等位，甘就黎左附近既清進洞，都幾好味啊，而且價錢比伊呂波平呢。餐前小食有十款，見到甘豐富都好開心。味道亦唔錯。牛尾湯：有牛尾味，但唔香濃，好似水甘，唔好飲。烤牛，雞，豬肉：每款都肉嫩，牛肉最正，但醃料太鹹，蓋左肉本身的鮮味。雜錦石頭飯：配菜多又熱辣辣，飯唔會太乾身。環境舒適，一路食烤肉，一路飲真露，真係寫意。

18/11(三) 7.30pm 跟W先生的飯聚,經月一次.選址於素來不太熱衷的韓國料理,"清洞屋",皆因其八折優惠.七時許,步進店,店內並不擠.被安頓於六人桌,點了帶子$130,牛肉$120,海鮮煎餅$100.前菜--約8款前菜;菠菜,泡菜,大豆芽菜,豆腐,玉豆,銀魚仔,炸翠玉瓜,蕃薯等,原味仍存,味道不賴!牛肋肉--肉質軟腍,味道以甜味作主導,甜味中尚覓到肉香,友人迅速清盤!帶子--$130一碟的帶子份量尚可,作輕度的調味,令質地彈牙的帶子原味得以發揮!海鮮煎餅--原鍋上的煎餅分切為四大件,被輕煎過的煎餅色澤微焦,油感低,富粉香,帶彈性,簡單的以大蔥,蒜,紅椒,蝦粒入饌,蠻飽足的!周到的侍應還奉上乾爽含豆香的白飯,以及熬人的大白菜水(湯).花消約$320的韓食,總算稱心!

其實之前去過好多次食妟......不過次次都唔記得影相....今次記得...仲寫我第一次食評 10月28日同埋2個好朋友去食韓國野....幾抵食..每人$48...唔使加一

重陽節假期, 特登搵番中學同學一齊聚舊本身想去伊呂波燒肉, 但係要訂枱, 否則只係食得一個鐘, 咁就搵過第二間.沿住金馬道直行到漆咸道, 向上望望見到呢間清進洞, 大家都肚餓, 就走入去食喇餐廳入面唔係好多客, 環境唔錯.我地一行四人, 叫左一個4-5人既set入面包前菜, 湯, 飯, 四個肉, 炒年糕, 炒粉絲同埋生果set 入面肉類可以換主menu 入面相同價錢既其他肉類最後我地有牛肋骨, 豬, 羊同埋雞.呢度服務認真唔錯, 同埋上菜好快我地叫完之後唔夠5分鐘, 十幾碟前菜已經上枱再過多幾分鐘, 豬牛羊雞粉絲年糕已經堆滿左我地張枱.然後再上埋湯同飯侍應姐姐除左會幫我地將D肉剪成一細細塊, 亦都會提示我地燒幾耐, 燒耐左會叫我地放D肉o係邊以防燒焦厲害既係, 我地燒左第一輪, 塊鐵板只係有少少「鑊燶」, 佢地已經好主動咁同我地換第二塊板, 唔似得其他大路既韓燒店, 叫左十世都未有得換總共換左三定四次講下食物質素前菜十二碟, 有泡菜, 海帶, 豆腐, 豆芽, 什菜, 乾魚仔等等每樣都唔錯, 亦都唔辣四種肉類, 每樣都醃得好夠味牛肋骨最好食, 細看之下, 發覺原來塊肉係好有心機咁界左一條