清真牛肉館 (龍崗道) (已結業)

我地叫左一個咖喱牛肉飯(不過佢好似出名羊腩多d，　不過我唔食羊腩）個咖喱好食同好辣，　唔食得辣的人小心酸辣湯：都好飲而且重好足料二個牛肉餅：　個皮真係好薄同好多的肉汁，　不過食一個都好飽但係本人覺得佢應該來左個牛肉餅之後先再來其他野，　因為，我地之前食左咁多的辣野，先食個餅，其實唔係好食得出牛肉味不過入面真係好迫, 如果一大班去, 我就唔多建議啦~!

九龍城清真牛肉飽好吃,人盡皆知!因名氣大,為免有食客用餐過久,礙其「翻枱」做生意,故列明每人最低消費$20, 這個一般人沒異議!今次又再光顧,卻發現本港部份名店,不論衣、食、住、行;皆有一般中國人的陋習,就是「先敬羅衣後敬人」、「財大氣粗」,雖則他們沒有「惡形於色」,但見他們的姿體語言,已可體會到一二…可能他們工作量大之故吧!「眼角高」?但說句公道話,做客人的,也不可「有權利無義務」…持着「顧客永遠是對的」就「臭寸莫名」…香港人,檢討一下吧!

8點幾眞奇怪經過見有位，食食食咖哩羊腩飯羊腩非常腍好入味，就連薯仔都好入味牛肉餅熱辣辣，皮薄、餡多肉汁更多，食時要小心辣咀呀奶油津白清得來又有奶油味，不錯不錯X芹麵這個麵就麻麻地，所以連個名都忘記麵身少少粗，但又不能吸收到個湯汁一同食，就算麵質不錯，但浪費了個湯底了所以一點都不吸引好食。

每次去我都會食佢個牛肉餅~~ 仲要 x2 ~~真係好好味~~!!雞絲粉皮係我第2至愛!!因為我唔食得spicy, 所以去到只會食呢2樣野~~ dumpling 個d 就普通冇乜特別~雖然每次都要等好耐先入得去, 不過都ok.. 係唔鍾意搭木台 呢樣啦~~!!

今日係平日的4pm左右, 專程入九龍城一連食三間, 呢間係第一間 唔洗排隊同搭枱.其實一心吃牛肉餅, 不過最低消費每人HK$20, 咁就同朋友點左一份牛肉餅二件, 一個酸辣湯.個牛肉餅真係... 太好味啦!!! 帶我去的朋友為左証明佢有幾咁多汁, 於是整開塊皮比我睇, 哇... 唔影低唔得, 真係見到都流哂口水!!! 而個酸辣湯就麻麻啦, 唔酸又唔辣, 不過個農度算係幾適中.少食多之味, 下次再食過, 打包左一份牛肉餅走, 但太多汁行完一日街之後已經爛左皮~ 好可惜 /___\

呢間想食好耐ga la~~完全係有計劃咁去接完女朋友就去食去到唔使等位yeah因為朝早11點半order左牛肉餅,咖喱牛腩飯,担担面牛肉餅呢個係超級好食呀!!!!d肉勁多汁多到食一啖流一d牛肉好入味....正..咖喱牛腩飯我覺得辣左d,可能係我唔太食得辣但我都覺得唔錯呀!!!女朋友覺得好食yeah..担担面普通野啦,,,,,冇咩特別我覺得好似"淋"左d可能放係湯度太耐啦....總括黎講,呢間係推介餐廳呀!!!唔算太貴,但質素一流一定會再去食過呀!!!

第一次去這間出名的店舖一心想吃牛肉餅的果然真的非常好吃又夠熱又多汁好好味d汁都仲好正tim..個餅都幾大個肚餓既食都係個不錯的選擇!另外還點了另外兩樣美食酸辣湯和水餃個湯都幾惹味既不過其實就同碗仔翅既味差唔多就酸d同埋辣d..食落都幾開胃嫁!個水餃夠哂滑又爽口只不過個上湯較為遜色了一點這間店不錯的!!!值得一試

琴日老公生日 同埋老公個frd去左清真牛肉館講真 生日泥呢度食真係唔係太適合架喇.好迫.勁多個人搭一張table.環境就真係唔係咁好架喇.不過間間好好食既通常都係咁架喇 所以都冇所謂喇 *v*點左牛肉餅,水餃,咖哩雜菜同埋芝麻雞個牛肉餅真係名不虛傳 d汁爆哂泥 勁juicy 老公勁中意食 同埋話一定會番泥再食多次tim!水餃同埋芝麻雞都好食不過咖哩雜菜就真係麻麻喇...建議大家食其他會好dbut anyways! 點都會再食個牛肉餅呀真係!

這是男友說的。即使各大報章、電視都大力讚好，我都是沒有特別的興趣。但是既然來了九龍城，姑且一試吧。環境擠迫、要搭木台通通都是我意料中事。幸好冷氣夠大，坐著不太辛苦。點了牛肉餅、擔擔麵和鍋貼。牛肉餅︰肉汁是很多，不過不是特別美味嘛，也不覺得是什麼特別的食物呢。擔擔麵︰差。麵很腍，是煮太久之過嗎？完全浪費了整個麵，也浪費了我們的胃納。鍋貼︰應該是最好的一樣了。煎得脆口，又有多少肉汁，熱騰騰的，好吃。服務就是不理不睬，是名店的架子吧。好了，我試過了，下次來龍城還是來一頓泰菜啦。

今日同老公去咗聞名已久嘅清真牛肉館食lunch...二人餐 - $188 (免加一, 免茶芥)- 酸辣湯......足料, 偏辣, 唔太酸- 麻油雞......清涼冷盤, 充滿沙薑嘅味道, 雞肉好滑- 賽螃蟹......正! 唔太油- 醬爆什菌......炒得好香- 牛肉餅......食唔到有牛肉嘅酥味, 外面干身內裡非常juicy, 新鮮熱辣辣, 一定要試

爸媽到九龍城, 順道四外賣給我和妹妹~ 牛肉餅: 店員在發泡膠上開了個洞讓其疏氣, 所以拎到返黎都冇話焗到好淋好濕, 暖暖的餅皮薄而帶點煙韌, 一咬開便爆汁, 汁水頗為油膩, 個人認為一般 炸醬面: 表面炸醬超多, 炸醬下的青瓜絲亦很爽脆, 惟麵身極之淋, 全沒咬口之餘亦頗為黏口, 極差, 好似食緊一堆麵粉咁! 加上炸醬頗為油膩, 食完真係好滯!聞名不如一吃, 不用專程去試~

睇開openrice都知道這間店係九龍城好出名..可怕我一直都無機會試..就連平時想買塊牛肉餅都無機會..原因係...我都唔知佢確實地址.(hohoho..我知openrice有寫到地址..我就係懶搵, 所以抵死無得試)上星期六終於俾我試到...未夠7時已經要排隊啦..真係嚇死人....老闆都知我唔等得架啦..所以佢事先已講明唔會等好耐俾d耐性啦...好彩我都係等左唔夠10mins就可以入座..不過真係好多人我地都係同人搭枱.2個人...叫左..必叫牛肉餅, 咖哩羊腩, 清炒津白, 同埋三絲粉皮.個牛肉餅真係好好味...熱騰騰入面仲好多汁好正, 至於咖哩羊都好味又唔算太辣(不過2個人真係叫得多左d, 我食左一塊到就成碟打包), 津白就好一般啦太油..我唔岩. 粉皮都係我至愛不過這間d醬汁好似濃左d唔算太岩我口味...這間最正都係牛肉餅, 不過真係要堂食先好味..我試過買左2個回家第2日食都唔夠堂食好味..

星期六收工去左九龍城食lunch,去之前緊係黎開飯睇下有咩推介,九龍城一搵之下就見到呢間排第一不過對我黎講,幾多好評都一樣,都係參考,點都要去實戰一次先知好唔好味畢竟個個人口味不同食完之後,果然正呀!!下面同大家分享下今次食的野是次餐單:===========牛肉餅咖喱牛腩飯牛腩湯麵===========味道：牛肉餅: 果然冇介紹錯, 好味又多汁, 牛肉幾大塊, 食一塊都飽左1/3咖喱牛腩飯: 好辣呀,比著平時我會扣佢分,但佢d牛腩真係炆得好淋又入味!!!正呀!!所以算啦XD唔食得辣的朋友記得叫佢少辣,因為真係好辣....牛腩湯麵: 牛腩一樣咁正!!!因價錢不貴,以為會少好多,但出到黎發現冇減料,牛腩好多,湯汁好正呀,麵又彈牙!!!環境：.....地方好逼...好細....要搭檯...坐得唔自在...食得好拘緊....服務：OK, 冇投訴衛生：小心地滑...地下好油抵食：兩個人去都係$79,唔算貴不過牛肉餅$10一塊好似貴左少少,減到$15兩塊比較合理下次再去九龍城會再去食好掛住個牛腩飯

同上一個食評朋友一樣，因久仰清真牛肉館的大名，所以今晚一家特別早去到試一試。餐單:牛肉餅蔥油餅咖喱牛腩清炒津白三絲拉皮around $200牛肉餅 -- 真係唔錯的。不過貴左少少，$10一件。非常多肉汁，可以話係皮薄餡靚！蔥油餅 -- 唔夠蔥，每件只有四五粒仔的蔥，唔得！咖喱牛腩 -- 好認真都要講句，完全唔得！佢有色有水，樣子好似好ok咁，但食落完全無 味。我完全唔明點解佢可以有哂色，但完全無味。可能因為我地未過七點去， 佢d 野未入味... -_-"清炒津白 & 三絲拉皮 -- 完全無特別感覺上呢間野其實有點似上海菜館，菜式好似。不過價錢比好多差不多水平的上海菜貴少少。我完全唔覺得佢值咁多笑笑

我已經久仰這兒的牛肉餅，我很久以前已經從報章、雜誌和朋友間得知這家店的牛肉餅做得佷出色。 我 tea time 吃了拉麵，晚上又約了朋友吃晚飯，in between 知道朋友在這兒吃飯中, 我厚著面皮硬要從王大仙走過去join我的朋友和她的男友before I went for a meal at 鼎泰豐。 聞名不如一試....... 我點了這家店最有名的牛肉餅和羊肉Spring Roll....... 我咬了一口， 有很多的肉汁已經濺了出來， 碎牛肉很嫩，煮得剛剛好，皮也煎得不錯， 但是肉汁偏鹹， 我吃不到牛肉味, 只有豉油味, 我極之失望!!!!!!!!!!!!!!!!!!! 羊肉Spring Roll 普通道極， 疏菜佔8成，其餘就是羊肉，我也吃不到羊肉的味道....... 皮炸得比較硬， 總之even worse than the 牛肉餅......我會再來這裡再試凊楚是不是我的味覺有問題還是我因為吃得太快而試不凊楚牛肉餅的味道還是那天 chef 失準？！還有就是試一下那兒的咖哩，聽說也很好吃， 但是我有所保留也不會抱著太大期望。