清真牛肉館 (龍崗道) (已結業)

母親節前夕同男友去食牛肉餅但只提供指定套餐, 失望 好啦, 套餐有牛肉餅, 麻油雞, 咖哩牛肉及炒雜菜牛肉餅好食, 好多肉汁, 麻油雞都夠嫩滑但咖哩牛肉難食, 太硬, 無肉汁,炒雜菜太淡, 唔好食咁多樣之中, 只有牛肉餅好食

今日一行五人再到清真牛肉館, 其實我已於十多年前開始幫襯. 人大了, 便會想多作其他嘗試, 反而少光顧老舖, 對上一次已是一年前.今次可能是閒日晚上, 等了一兩分鐘就有位. 一坐低, 先叫五塊牛肉餅, 因為佢要整得最耐. 其後慢條斯理看完餐牌, 加了一客酸辣湯, 蔥油餅, 咖哩牛腩, 咖哩羊腩, 炒白菜, 牛肉雲吞, 上海炒麵(即上海粗炒), 雞絲粉皮, 雞絲海蜇, 再上一碟白飯.坦白講, 五個人都食到好飽, 味道冇乜變, 咖哩味道不太嗆, 份量足, 覺得羊腩比較好味, 燜得軟腍, 可能同羊肉本身多些脂肪有關. 牛肉餅依然一咬出汁, 但覺得肉身o個部份就冇以前咁好汁, 相對乾水咗些其他都ok啦, 埋單三百多

今日途經九龍城，打算午飯前來些小吃，與同事異口同聲說去清真牛肉館。今次係我第二次光臨此店，還記得吃過這裡的牛肉餅後，經常心思思想再來吃過，不過一直都無機會。估不到今日竟然喺無心插柳下之下，可以重嚐那種滋味!時間還早，不過店內已有不少食客，與同事坐在一角，例牌的點了這裡的招牌菜 - 牛肉餅四件，另外再加兩件羊肉春卷~牛肉餅($11/個): 外皮黃金色的又香又脆，除包著牛肉餡料之餘，亦盛著滾燙燙的肉汁。要避免如對上一次般被肉汁濺到，今次小心奕奕地在金黃脆皮上咬開一口小洞，好讓如泉湧般的肉汁流出。一啖有齊皮脆，肉嫩，汁濃三種層次，感覺非常滿足!!!!唔覺唔覺牛肉餅又加咗價，好在仍然是高質素出品!羊肉春卷($9/條): 春卷皮炸得脆脆的，但過了點火喉，有少許燶。而羊肉餡料一點也不羶，味道還可以，但無任何突出之處，而且羊肉餡料的份量亦略嫌太少~整體來說，這次飯前小吃也算是滿足~

下午休息和姐一起到九龍城吃飯去。去了吃牛肉餅,還叫了個咖哩雞飯和咖哩角,牛肉餅仍然有水準,一口咬下,那些汁狂噴,害我失禮極了!但真的很好吃!雞飯是姐叫的,原來也是名物, 配飯吃真的是停不了口,咖哩沒椰汁很對我的味,辣味夠,很好!咖哩角內涵豐富,我吃了3個,飽到一個不行....。

上次食已經一年多(外買).今次特地堂食.牛肉餅(2 個,$22)同咖哩牛腩飯($38).牛肉餅仲好juicy 牛腩飯好入味,辣度適中下次要試羊腩同其他minium charge $22

今次第二次食清真牛肉館牛肉餅當然係首選 : ) 另外推介的是 = 咖哩角25蚊5隻~好熱, 入面好足料 即叫叫整意外地好食不過因為太好食所以食完先醒起唔記得映相~今次去到, 有d唔開心就係d職員好似見你差唔多食完, 就會想趕你走咁我地6個人, 8點幾想慢慢食都唔得~不過overall野食都係非常ok的!

對上一次去清真牛肉館原來經已係一年前喇… 今日再黎食佢既牛肉餅，依然係超好味!!! 由於係即叫即做，所以一坐底就即刻order左個牛肉餅先。因為諗左會再去食其他野，所以只係額外要左個咖哩牛腩湯粉絲。咖哩牛腩湯粉絲﹕第一啖，唔辣；之後越食越辣 (可能係因為我唔太食得辣既關係)。牛腩好諗，都算入味；粉絲都唔會煮到諗pat pat，不過因為吸左咖哩湯，我唔太食到，好在叫左碗白飯，粉絲由老公包底。牛肉餅﹕熱到燙口。知道會好熱，所以好小心食，一咬d汁就多到爆出黎，正)))))))) 食一個真係唔夠喉…

同朋友GATHERING,大家都話去九龍城搵野食~~~牛肉餅>> 真係好好味！D牛肉好多汁>3<咖哩羊腩>> 咖哩汁好好食！正~~羊肉都好入口, 唔會蘇~酸辣湯>> 我鍾意辣既好好食~朋友就要係咁飲茶~~~麻油雞>> 好鍾意佢個汁！雞就普通~但麻油好好味, 但好細碟..一人一兩舊就冇左.清真炒飯>> 正正常常~~

清真牛肉餅好正！！！其實今次已經係我第二次食，第一次我一個人慕名而到叫左個咖哩羊腩飯同一個牛肉餅。我真係覺得好好食！！希望我唔係因為肚餓而誤導大家啦～我係鵝頸橋街市個間咖哩羊腩飯都已經覺得好唔錯，點知呢度咁好食！！個餅有好多汁好似飲湯咁飲～！d羊腩好好食！我本人好鐘意用汁撈飯食，所以唯一就係覺得佢個咖哩唔夠汁！一絕呀！！

終於都試過呢度嘅牛肉餅啦！真係好好味，相信唔需要我影相，都大把人post上呢度，我同老公都係睇左openrice嘅食評先黎試，見食評D人多數都係話呢度只係牛肉餅同咖哩羊肉煲好味，其他食物只是一般，又見到門口一大堆人，裡面嘅位又好似迫迫地，所以我哋最後決定買2個牛肉飽外賣試下(最少買2個)，好味嘅話下次先再黎試佢哋嘅咖哩羊肉煲。等左大約10分鐘，終於有得食啦！2公婆急不及待找個位置企埋一邊就拿出來試，牛肉餅果然係名不虛傳，知道佢裡面一定會有好多肉汁，所以我先咬了一細口，等裡面熱騰騰嘅肉汁可以抖抖氣，無咁熱，第2啖就牛肉餅+肉汁一起品嚐，噢！果然是灼親了，不過還是覺得好好味好好味，哈！2公婆搶著要吃(未試過)，吃完第1個真係要抖抖，因為個餅真係好熱，行左幾條街，食第2個嘅時候個牛肉餅已經無咁熱啦，我覺得呢個溫度係最適合一大啖咬落去食，嗯~真係好好味，一定會再返去食過呀！

此店主打是北京清真菜，但是除牛肉餡餅外其他的北京菜都名不副實，點左兩個餡餅、一個魚香牛絲、木須肉、和一窩白菜豆腐湯。餡餅味道很不錯，魚香牛絲從材料到味道完全不行，應該叫辣炒西芹牛肉絲，沒有一點魚香味。木須肉簡直是不知所謂，竟然是免治牛肉炒鷄蛋和木耳。白菜豆腐湯更誇張，裏麵找不到一根白菜。其實他傢的菜的味道並不是特別差，但是如果做不到真正的北京口味就不要打北京菜的牌子。騙騙沒食過的還好，真正食過的一定會大失所望。

看完電影後特地過來九龍城找牛肉餅來做宵夜。 兩個人就是點了牛肉餅加上一個咖哩羊腩。牛肉餅不用多說, 真的十分美味, 咬開時有大量肉汁流出, 就好像吃小籠包時候一樣。 可能有人會覺得膩了點, 但卻十分合本人口味。 但咖哩羊腩才是整餐的亮點, 羊肉夠淋, 而咖哩又惹味十足, 不會過辣, 撈飯簡直就是絕配! 我最後都要追加了一碗白飯來完成整碟咖哩汁。雖然這餐宵夜好像 heavy 了點, 但難得一次來到九龍城, 加上這麼美味的咖哩, 就讓自己放肆一次罷

細細住九龍城個就食佢..食左10幾年所以係無相既最愛係牛肉餅多汁, 先咬一細口...皮好脆...淡淡既牛肉味細嚐會有感覺因為肉汁味會濃, 皮熱同脆,會令你既味覺反應唔切, 一定要慢慢食, 不過都要襯熱之後係牛肉水餃, 肉係牛肉餅既肉, 放湯既就感覺唔同咖哩羊, 都係最愛, 喜歡叫一客再加白飯唔會太辣, 因為本人唔食得辣既, 羊腩好淋又唔散個咖哩汁我會叫個蔥油餅點埋d汁不過舊鋪係旺既時候真係唔好座所以我唔會果d時間去同人迫, 平日下午去最好不過呢d舊店小本做左幾10年, 要座得舒服, 佢就真係唔洗做(呢點同去澳牛, 嘉樂一樣)不過上年開左新鋪係對面街, 食既野係比舊鋪點邊差少少, 不過就座得舒服d香港地有好野既地方永遠都係要食得快除非你去d幾百蚊成千蚊一餐既地方食...

其實清真牛肉館我已食過多次，沒有什麼會令我有衝動為這店寫食評。平時食的時候都有留意到它有下午茶餐提供，不過只有星期一至五才會供應，單看下午茶餐單亦不覺十分抵，故一直無緣去品嚐。難得這個平日下午茶時段經過這店，在未食午飯和不知吃什麼好的情況下，便入了這店買外賣。我買了一個最多東東的餐：25元有牛肉餅，咖哩角和蔥油餅。由於餐單沒有列明份量，故我想牛肉餅當然只得一個啦，咖哩角和蔥油餅應該只有1-2塊吧…暗地裡覺得這個餐並不划算…誰知回家打開個盒才發，大件事喇！除了個可愛的牛肉餅外，還有2塊漲卜卜的咖哩角和4塊大大的蔥油餅。其實不太餓的話真的2個人都夠食！下午茶餐有：牛肉餅一個：大家有試過的話都不用說就知道一定要點…就算是外賣，由於是即制，回家後仍是熱辣辣的。大家記得食的時候第一啖要細細啖，不然裡面的湯油一定會湧出來辣到嘴嘴…新鮮，熱辣，好味！什麼都可以不用點，但這個一完要試！咖哩角2塊和蔥油餅4塊：恰如其份有小食應有的味道。其實這些煎炸的東西，溫度是最重要的。這裡便能做到！這餐真是小滿足！

之前話過Day off要再到龍城大漠,但係之後又俾呢一間咁高食評的清真牛肉館吸引左,反正兩間都話係食新疆菜,都可以試下甫到即先Order一客牛肉餅,再睇下有睇落好食~牛肉餅:果然名不虛傳,牛肉餅真係好Juicy,入面的牛肉好新鮮,可惜個皮都係厚左少少,個汁裡面的油又多左少少酸辣湯(細)黎左碗酸辣湯時隨即O咀,呢個就係細size?!可以裝到四碗出黎!入面好足料,但係得個辣字,醋亦都太重手,冇乜咁特別,可以唔嗌筍炒羊肉我最驚羊肉唔羶,所以食到呢個似牛肉多過似羊肉的,(仲要好咸)覺得好古怪,問下個侍應,佢話,呢隻係"黑羊",唔羶架...清真炒年糕就咁睇個名唔係好覺,原來係一個咖哩炒年糕,但係個咖哩汁....又係得個辣字,所以唔多特別,醫肚的還可以小籠包(5隻)多汁但皮太太太太太太厚,吃了一隻已經唔想食第二隻lu~To Conclude,可能我期望太高,我覺得食物水準真係一般