清湯牛肉 (已結業)

這是一間開於橫街的小店, 簡單的店舖, 舒服的感覺, 一入到去就受到侍應的親切笑容和熱情的招待~^^~吃得太多中式的濃烈火鍋, 日式火鍋的清甜, 的確好正~ 加上一人一鍋, 唔駛約一大班人,都可吃到了~最出色的是d材料好新鮮~牛肉啦~ 青口啦~ 蝦啦~ 好鮮味~d 醬料又唔錯~吃完後, 我已經plan緊幾時再去了~^^~

清湯牛肉係一間專食shabu shabu o既食店,不過就唔只牛肉,仲有豬,羊,鴕鳥肉等選擇~記得好多年前經過呢間舖頭,已經好想入去試,因為覺得好特別,入面全部坐位都係bar檯,一人一爐咁可惜o個時只係個清貧o既學生~XDDD(我都已經記唔起點解我會'經過'呢條後街了..haha)咁多年後,竟然係網上發現到呢間食店,recall 番我o既回憶!而且食評都唔錯添~ 我地去試set lunch($48唔加一好抵!),一坐低就有個碗比你出去salad bar夾salad,主菜除左肉類外,仲有幾款菜:白菜芯,西洋菜,椰菜,冬菇,豆腐,小小粉絲另外仲有得跟白飯/公仔麵/粉絲or 烏冬我地另外叫左個煎餃子,同波子汽水煎餃子雖然睇得出係用模整出黎,不過doesn't really matters,皮好脆,配檸檬醋一流~ 老闆娘幾nice,成日同d客傾計,聽佢地d 對話似乎呢度好多都係熟客幫襯,唔怪得開得咁僻,全店得十零廿個位,又'獨沽一味',o係香港都可以生存到咁多年啦~當然食物質素都係成功o既關鍵! 有少少意見就係覺得個爐位置可以近番少少就好了^_^

這裏也幫襯了好幾年, 主要食Lunch, $48位不用加一好超值, 沙律吧非常新鮮, 包括生菜, 菠蘿, 超甜粟, 青瓜, 番茄, 薯仔沙律及啫哩糖, 而且任食, 再配合自製千島醬, 真是一流.這個餐已包括幾種菜, 菇及豆腐, 自選一種肉類: 牛肉, 豚肉, 羊肉, 雞肉, 鴨肉或鴕鳥肉, 本人最愛豚肉及鴨肉. 個餐仲包粉麵飯湯底及醬油, 那麻醬及檸檬醋絕對能吊出食物的鮮味, 特別是麻醬, 比起本人於日本食過的更美味, 在日式超市都見過有得賣, 細細樽已貴過個餐, 且不好吃.個餐其實分量十足, 但另外必吃的是十五元小食如三文魚刺身及鱔片, 三文魚十分肥美, 鱔片亦十分新鮮.最重要的是這個餐星期日也有提供, 且照足平日收費, 啱晒我們平時要返工的人, 平過自己去街市買材料來煮, 又健康, 多菜少油, 出街食飯原來都可以咁健康!

0係佐敦返0左10 幾年學都只係幫襯過兩次, 1 月1 日同朋友諗住幫襯食dinner, 點知無開門-_-||| 見今日天氣咁凍, 就專登出0黎食lunch.同朋友一人叫一個清湯牛肉鍋(配粉絲), 又加0左兩客三文魚刺身(total 10 塊).自助式salad bar 個樣好唔吸引, 加上小女子身體不適, 結果無試到.三文魚刺身... 估唔到會係魚腩, 好香, 而且只係$15@, 好抵食.牛肉鍋... serve 0個陣d 肥牛個樣唔算好靚, 但end up 幾好食=) 仲有好多好多菜, 都幾滯.唔錯呀... 不過我諗天氣一凍, 食乜火鍋都好食0架喇. =P

前幾日朋友生日, 他強烈建議我們到清湯牛肉慶祝, 好在一早book定位, 一行六人去到時己差不多爆滿.主要食日式火鍋, 一人一鍋夠衛生, 香港無幾可有得食, 而且大多價錢超貴, 但這裏則十分經濟, 我們也是好牛一族, 這裏有三種牛肉選擇, 三種都試齊, 巴西牛肉味濃但偏嚡; 紐西蘭肥牛很多雪花, 入口香滑彈牙有口感, 價錢比巴西牛只貴三十元, 本人心水之選; 還有頂級安格斯肉眼, 大大片, 除了肉味夠, 仲煮極都唔嚡. 朋友中也有人要了法國鴨胸, 煎鴨胸試得多, 火鍋第一次, 但配合麵豉湯底竟又帶出鴨本身的鮮甜肉味, 值得一讚. 本人差不多將整個火鍋後的湯飲完, 事後沒有口渴感覺, 應該沒有味精.一個餐其實都好夠, 但見差不多每枱人都叫了三文魚, 我們又叫了兩碟, 二十八元一碟居然差不多全是魚腩, 很新鮮, 其他地方食可能要五六十元, 本人認為是必食推介.雖然那晚很多人, 但服務員沒有趕客, 而且笑容滿面, 不時為我們加茶, 並告知這間店已開業達十四年仍迄立不倒, 我們坐了兩個小時, 很滿足地盡興而回.

這間鋪頭已留意了好幾年, 但一直因為夾不到時間所以無機會去試, 近來女友常說很懷念於大板吃Shabu Shabu, 便於平安夜跟她到此試一試.估唔到, 這間不起眼的鋪頭竟有如此正宗的日式火鍋, 我女朋友要了一個日本黑毛豬肉的餐配清湯湯底, 而我則Order了我一個香濃的Sukiyaki鍋配紐西蘭肥牛肉, 先用頂級肉眼的牛脂將洋炒香, 再加入特製的醬汁打邊爐, 跟肥牛肉簡直是絕配, 肥肉雪花分佈均勻, 一看便知經過精挑細選, 而特製的醬汁竟沒有蓋過牛肉的鮮味, 反而帶出肉味, 令牛肉香滑無比. 而黑毛豬亦是上等貨, 爽滑彈牙, 有豬肉鮮味, 配清湯又另一番滋味. 餐內已包了沙律, 蔬菜, 海鮮, 金姑, 豆腐, 粉麵飯及甜品, 材料新鮮, 有食物本身的鮮甜味. 眼見傍座的人叫了一客三文魚, 我們也一試, 另加了一碟$28的加拿大生蠔, 三文魚$28有8件, 明顯比一段鋪頭的肥美, 生蠔很大隻, 灼熟後仍鮮甜有口感. 結帳時, 發現沒有湯底醬油等雜費, 明碼實價, 十分超值抵食.當晚, 侍應的服務態度一流, 十分親切, 女友和我真覺得能於香港吃到如此接近日本水平的美食真不錯.

老公陪我睇完醫生, 下午一時, 我扭計要打邊爐. 忽然想起Shabu Shabu, 馬上go!午市套餐$48不加一, 包括:沙律吧任食- 冇沙律醬, 岩哂我!肉一種(牛/豬/羊...任選其一)時菜一碟(今日有西洋菜, 白菜及唐生菜)豆腐, 醬汁烏冬/公仔麵/粉絲/白飯, 任選其一一人一set, 老公可能唔夠飽, 我就岩岩好, 吃了一大碟菜, 少許豆腐, 5片牛肉及一小碗烏冬, 合乎營養師教我食: 一份肉, 兩份菜, 三份澱粉的標準!

再繼續同個朋友去睇舖，是日就過左佐敦。食飯時候，無端端連天大雨，兩個人有傘都不能行遠，見這裡午市平平地，就算唔好食損失不大，就入來食，順便避雨。呢度的格局，係日式蒙古燒烤形式，客人一式過單邊位，個個都圍著侍應坐。一人一爐，幾衛生方便。午市有幾款肉選擇，還可以揀烏冬、粉絲或公仔麵。見幾十蚊，都係要羊肉較穩陣，朋友則要了牛肉。湯底可選沙爹或清湯底，我們都選了清湯。原來也有個迷你的沙律吧，有幾兜材料，包括菠蘿、蕃茄、粟米、青瓜及啫喱糖。雖然味道普普通通，如粟米就硬硬的又不甜，但都算清清地，吃火煱前吃幾片蕃茄也不錯；等了一會，一人一碟的火煱料上檯，擺放得幾靚，賣相唔錯。份量也不少及豐富，除了幾片羊肉外，還有小棠菜、西洋菜、金菇、冬菇及兩舊豆腐。等了一會才見湯滾，除了幾片羊片，將菜一股腦兒「剷」下煱，傾多一陣就有得食。羊肉是羊腿部份，都算嫩滑，點上醬油及麻醬，味道不錯。羊臊味不濃，適合初學者；看朋友的牛肉，竟然還是有肥膏及有微微雪花紋，只幾十蚊，實在是超賽完成。方才想起這裡叫「清湯牛肉」，這味招牌菜也不失禮。之後還有一碟粉絲，吃得飽飽的，如怕不夠飽，可叫烏冬。朋友還叫了特價的三文魚生，十五蚊五片

彷佛好似戒嚴咁，想食火鍋之嘛，搞到呢樣唔得果野丙…食火鍋以來，除左響臺灣時期間，無幾可食一人一爐。今暈因為要節制，比人帶我去食個健康火鍋。仲話鴕鳥肉健康過牛肉，先食菜後食肉，幾經辛苦，先爭取到個鱔片…頂你個肺兩日之後就話有咩孔雀石綠…而家我都仲係lor lor孿。鴕鳥肉同牛係有7成似，但味道中硬係帶另一種味。係so味少左，肉味較煙感。其他野都唔錯，而且纖維夠。唯一有意見的係…唔好同護士做朋友，係咁多。

我經過了這間食店十幾次, 都只見到五、六位顧客.以獨立火爐bar枱的在香港真很少, 不像臺灣的普及.十年前有禮頓道的貴族火煱及淺草, 現在就只有銅鑼灣的寕記、同埋呢間.以百多元每位, 而食唔飽, 那就不化算了.真不知此鋪在夏天怎維持生意?

日式湯底，美味香濃。肉類新鮮，口感爽滑。套餐的份剛好，唔會太飽。服務態度好，但環境太細。比較適合拍拖的朋友用膳。

位置於一個唔多起眼的轉角位，不過在門外可以望到舖內的裝修不錯~是一人一鍋的設計，很衞生~有一碟豉油的物體和一碟麻醬跟，味道不錯，感覺很新鮮~~好~~而湯底有麵豉、沙爹和清湯選擇，我們四人分別點了三款，本人較欣賞麵豉湯口味，食物方面很新鮮，而且一個套餐已包括︰自助沙律、菜+海鮮、肉、烏冬或公仔麵及甜品一客，價錢為130-180不等，很豐足~~另外我們加了一個三文魚刺身，也不錯呢~更值得一讚的是服務員姐姐很專業，態度好nice nice，一定會再去~~

店的位置雖然不起眼,門面也有點殘舊,但見內裡高朋滿座就知道有一定的捧場客.午餐$48起,包菜,一款肉,烏冬及自助沙拉. 其實材料甚為簡單,但由於欠缺人手的關係, 我們要呆等差不多20分才開始Shabu Shabu. 如不是熟客多及侍應好禮貌,相信有不少鼓譟. 雖是小店經營,但看得在食品方面出下了不少心思.菜有菜味夠新鮮,無渣.肉也很滑.如可縮短等候時間相信會更好.

地方雖細,但食物同服務絕不遜色,一人一鍋,夠衛生!火鍋套餐$120-200,包自助沙律連甜品;佢地0既牛肉餐同雜錦海鮮餐好出色,牛肉有牛肉味,海鮮有鱔片,蝦,生蠔,青口,三文魚;好海鮮!個餐仲配埋金菇,生菜,黃牙白,粉絲,烏'東'或公仔面!佢地0既日本清酒味道清香,所有酒晚市買二送一!個餐份量幾大,兩個女仔share一份都得侍應服務殷勤周到,低讚!

唔多起眼的店,位置o係彌敦道旺區的後街,靜中帶旺,佢地的食物都新鮮o的,但依一般其他的一人一火鍋店舖係比較貴,呢間就平好多,午餐HKD48位,晚飯就算叫個靚牛肉,二人都唔洗HKD200. 最緊要係環境靜靜地,幾舒服.