清心齋 (已結業)

第一次推介中式甜點店鋪，位於街市裏面，在內買完餸菜再買一點甜點作下午茶則剛剛好，我買了一碗招牌豆腐花，因為好像很多人都點了這個，新鮮有機黃豆令到豆腐有很香濃的黃豆味，很喜歡這種能夠把中心食材的精髓散發出來的甜點，每天職員新鮮製作，質感非常嫩滑，一啖滑進喉嚨的感覺真舒服，而且份量亦恰好，不多也不少，作為下午茶小吃是不錯的選擇。另外我亦買紅豆糕回家與家人分享，他們都表示這款紅豆糕很好吃，問我在那裏購買，叫我下次經過時再購買，因為糕點有很多紅豆，口感綿滑又不會過甜，非常合他們心意

我不嬲都好鍾情於食傳統既港式甜品同糕點🤤馬豆糕 芝麻糕 芝麻糊 豆腐花都係我嘅最愛🥰呢度最招牌嘅就係豆腐花 真心要大力推薦 店員話係用有機黃豆 日日新鮮製作😃的確係幾重豆味 估唔到拎到返屋企嘅時候 個豆腐花仲係熱辣辣的 加埋糖落去超好味😄口感亦都相當有水準 幾香滑 係我近年黎食過幾有誠意嘅作品～而芝麻糊都十分出色 口感濃稠 芝麻味濃郁 甜度適中 最緊要係唔會太甜 食完一碗都真係幾飽肚呀～芒果西米糕有西米 口感豐富 芒果唔會酸 幾香甜 加埋椰汁糕一齊食幾唔錯～桂花杞子糕就冇芒果西米糕咁甜 但就多左一份清香 可以減膩消滯 而且唔會一夾就散 係一款相當唔錯既甜品🤤而馬豆糕同紅豆糕就正常味道 唔算特別好有驚喜 但係都食得出係幾足料 尤其係紅豆糕真係勁多紅豆🙈總括來講都幾抵食！

最近母親節，媽咪話唔想出街同人地逼，所以我地就決定在家煮餐好既。我地去左南昌薈街市買海鮮同水果，正當我地準備番屋企個陣，發現原來呢度開左間清心齋，就決定買埋甜品番去慢慢嘆。😆店員好好人幾有禮貌咁同我介紹唔同既糕點，糕豆款式都幾豐富，口味都幾特別，唔係周圍都食到😆彩虹椰汁糕買比小朋友食最岩，睇得又食得，好多啫喱係入面，又有好香椰奶味。芝麻糕幾爽口滑溜，重芝麻香，唔錯。而桂花杞子糕都好真材實料，桂花味十足，仲有粒粒杞子，兼唔會好甜，個味道天然唔假。估唔到少少一間小店，啲糕點竟然出奇地好味呀🥰

今日去左南昌薈街市買餸返屋企玩煮飯仔，發現水果檔隔離有間賣傳統小食既小店🤤所以就買左少少糕點返去做飯後甜品，兼買左支豆漿。豆漿係店鋪日日新鮮製造，豆味幾重，而且又健康！我媽咪就買左兩碗豆腐花，返去再加左啲芋圓一齊食，豆腐花口感好滑，又有豆香，所以好快手就清曬了。我地另外又嗌左馬豆糕、香芋糕同紅豆糕，三款都有水準👍🏻我最鍾意係香芋糕，因為好香芋頭味，有少少似食緊Mousse咁，仲有啲芋蓉係入面增加口感😍而紅豆糕都一樣好香濃，滿滿既紅豆粒，紅豆lover會好鍾意！

那天陪伴家人到南昌街市去買材料煮晚餐吃，恰巧是下午茶時間，肚子又有一點餓，便想買些甜點吃吃，先填一填肚子再逛。看到這家甜點店，各種的甜品都陳列出來，色彩繽紛的，而且款式選擇也頗多。我們總共嘗試了兩款甜點，第一款是芝麻糕，黑黑的有着很香的芝麻味，咬下去口感頗爽彈，濃濃的芝麻香，這樣冷凍了的更加好吃。第二種是芒果布甸，有很多很甜的芒果肉，非常合我心意，酸甜味剛剛好，芒果微微的酸度搭配布甸的甜真是一流，因此一直都是我最喜歡的中式甜品。

試過一次番尋味決定寫個食評讚下佢，之前試過佢既芝麻糊，好香滑既質感，一飲落去有種好舒服既感覺，香濃既芝麻味不在話下，亦都係我最中意既原因之一，店員介紹係石磨芝麻，又磨得夠細滑又唔會溝水搞到稀曬，大力推薦大家試下。至於今次就試埋佢個紅豆糕同桂花杞子糕，紅豆糕好足料好多豆，食完都有少少飽添唔誇張，唔會話好甜好甜，個人認為甜度剛剛好，桂花糕就有着淡淡既花香，味道清甜口感咬落去又爽，賣相都幾靚架！有機會會再來～

同屋企人去深水埗行街緊係要搵好西食架啦，更何況呢到出名好多小食揀，個個都話黎掃街呢！今日就去街市搵食試下呢間糕品店，呀媽中意食蘆薈所以我地就揀左份蘆薈椰汁糕，佢呢到全部糕點都子親民價，晏晝仲有午市套餐，椰汁糕底好香甜既椰奶味，好中意佢個種好香既味道，呢個搭配埋蘆葦粒就增加左一份清爽清甜既口感，同時滿足到呀媽同我既願望，另外買左支豆漿，要大讚佢好足料，飲完一支都飽飽地，好重既豆味，質感飲落好厚，唔似平時水汪汪個啲，仲有少糖同無糖揀，女士們唔驚飲到肥

前幾日同朋友經過深水埗，諗住搵啲嘢醫吓肚，但係又唔想食咁多咁行行吓就去咗南昌薈街市，見到呢一間主打齋菜嘅清心齋。就決定一試，有時唔食cafe都係一個唔錯嘅選擇 邊個話中式糕點會輸蝕畀cake同珍珠奶茶㗎咁我哋兩個人就揀咗蘆薈椰汁糕同埋桂花杞子糕，我嗰份椰汁味又香又濃，證明佢夠水準。仲有蘆薈坐底，夠哂清甜。而另一份桂花杞子糕就相反，比較清，口感似啫喱，夠哂彈牙。食完覺得太好食，決定再叫多兩樣試吓。我哋追加咗紅豆糕同埋彩虹椰汁糕，紅豆糕食落夠哂足料，每一啖都有紅豆，超香超好食。而彩虹椰汁糕就有彩色啫喱，望落去100分。走之前就叫咗杯豆漿，解渴又夠味。下次一定會再嚟食清心齋！！

星期六日見放假所以就買咗幾款糕同男朋友屋企人一齊食，買咗桂花杞子糕、芝麻糕、芒果西米糕、馬豆糕，同埋買咗豆腐花比男朋友爸爸食因為佢唔鍾意食糕點。本來都以為冇乜驚喜嘅，但估唔到質素又唔錯喎。我自己個人比較鍾意食芒果西米糕同馬豆糕，佢啲芒果係有真正芒果味，而唔係調味劑嗰種假芒果味。而馬豆糕啲豆都唔係硬骨骨，唔會好難食，豆味幾香濃。桂花杞子糕就係比男朋友媽媽食，感覺養生d又健康，佢都話軟硬度適中，口感幾好，而且桂花味幾清香🥰🥰豆腐花就正正常常有豆味，口感香滑，環境方面因爲係街市入面，所以我地都係外賣拎返屋企慢慢食。

今日係附近食完lunch,然後去街市買野,順便買左D糕同豆腐花外賣番屋企慢慢食😛當係下午茶,正!!店員介紹話豆腐花採用有機黃豆,所以我就同媽咪一人一碗豆腐花,估唔到拎到返屋企都仲係保持到熱度,食落幾有豆香,口感幾滑,媽咪好鍾意❤️另外買左紅豆糕,芝麻糕, 芒果西米糕同桂花杞子糕,每款都好滿意! 我最愛芝麻糕,個味好似傳統芝麻卷,咬落去幾爽口,重點係好香芝麻味,口感又唔會成pat野咁~芒果西米糕係椰汁底,芒果幾新鮮香甜,唔會好酸😛 椰汁同西米好夾, 好似食緊甜品咁!蘆薈椰汁糕又係好香椰汁味, 不過口味就清甜啲,配上蘆薈粒增加口感~糕點味道唔錯, 豆腐花大大碗夠抵食,價錢都算經濟實惠.

中式糕點有佢Ge吸引之處,素食就更加有佢ge吸引之處,對環境較友善今日黎左清心齋買啲素食小食,買左隻素粢飯返到屋企蒸返熱黎食,糯米口感煙韌,餡料有素香鬆同油炸鬼,唔會太咸幾好食,但就比較細舊,舊粢飯ge size比包紙巾長少少咁另外仲買左件芝麻糕即食,味道唔太甜,芝麻味香濃,但如果蒸熱左應該更好味見到仲有豆腐花,芝麻糊,香芋糕,甜酸齋......總之就係好多選擇,花多眼亂啦!下次真係要記得自己帶個盒黎買糕點先得,為環保出一分力!

是日去朋友屋企，又想食啲小食，就去咗呢邊啦。係個小商場入面，主要係拎走食嘅，企係度快食亦可以。呢邊係齋類，少量糕點。另一邊係甜品類為主，樣樣都幾吸引。如果就咁一盒細齋就20元，咩齋都有啲，我鍾意食酸齋就俾多小小。好味，夠哂味，鴨腎都有，個人覺得咖哩個款唔夠出，可以嘅就出番小小會更好。叫咗一盒細齋加一支豆漿套餐都係23元，我選係無糖嘅，豆味都幾濃，好飲。朋友話佢即使有糖都唔會好甜，都幾好。仲叫多一碗黑白配，12元，豆腐花底夠滑，芝麻糊好濃，好快就食哂啦。