添記法式三文治

營業中

休息中

多得男朋友帶我黎先知道呢度有間咁好食嘅小店呢幾年睇住佢不斷加價都依然經常買黎做宵夜 因為真係非常好食法包有分大細size最近食先發現大法包個包身比較扁平小法包比較圓身(唔知係不嬲都係咁 定最近呢次先係)嘴細嘅話大法包會比較容易入口細法包就好難可以一次過咬曬包同餡但係對我黎講細size已經好夠飽 所以都係食細嘅算包入面餡料豐富包底搽左豬肝醬 鹹鹹香香有豬手碎 食到煙韌豬手皮仲有腩肉碎 酸甜紅蘿蔔絲 青瓜絲餡料填滿曬法包每一寸空隙絕對唔會有嗰種’食到尾得返個乾爭爭嘅包嘅空虛感‘而且我覺得佢個包有別於出面食嘅法包絕對唔韌唔硬 唔會有‘要扯開個包嘅感覺’焗之前老闆會幫個包噴水 焗完非常之鬆脆另外仲可以叫加辣 老闆會加大量新鮮指天椒粒 平均分佈喺包入面味道更加豐富同刺激好可惜掛著食冇影到入面啲餡仲有記得哄埋去食嘅時候唔好大力呼吸因為包面灑上左胡椒粉 令到個包更加香大力吸氣會比面頭啲胡椒粉搞到個鼻好痕蒜蓉包唔識講好濃蒜蓉好濃牛油味 一樣好鬆脆係簡單得黎 有用心製作嘅蒜蓉包一定要試

舊式小店裝潢加上牆上貼上多年黎各大報章對添記嘅介紹, 好感受到添記屹立多年嘅歲月痕跡～ 位置雖然比較偏僻, 但不時都聽到朋友提起添記嘅法包😚 菜單好簡單, 大法包、小法包同蒜蓉包😆 睇介紹大法包有手臂咁長呀～～～😲 今次就咁叫左個小法包品嘗🤤 口感層次好豐富😌1️⃣ 小法包法包非常脆口💥 一咬就成身都係麵包碎🙈 好大陣胡椒香味餡料都好豐富😍 有酸甜蘿蔔絲、青瓜、扎肉片、豬肉仲有少量腩肉, 都幾肥下架😆 食嘅時候記住唔好吸咁大力呀... 黑椒會嗆喉搞到係咁咳😝 店裡面仲有個位係賣越南🇻🇳食品, 好似MAMA嘅米粉、河粉咁～ 真係好有越南🇻🇳小店嘅感覺呀～ 唔知幾時可以再返越南🇻🇳呢🥺

老實講，呢間法包店久仰大名，想試呢間好耐，但一直未有機會，今日放工終於有時間，就滿心歡喜去會一會佢，入到店內，好有懷舊小店既感覺，店內亦貼滿上報既舊貼圖，而老闆亦已滿頭白髮，整體感覺有一種老香港既情懷。。。好啦，講返食物質數，我本人覺得名過於實，由其試過大角咀間黃金法包，係有對比之下，味道非常一般，涵料方面，大家都知法包主要黎自平價酸菜但內裡份量極小，瘦身之選，唔知係咪咁岩我唔好彩定樣衰，總括而言，78蚊黎講真係有貴，無下次，完！

香港至所以被譽為美食天堂,除了可以食到世界各地美食外,香港人亦會懂得加以改良,創造出屬於本地獨有嘅外國料美食,以下要介紹嘅就係一個好好嘅例子.位於佐敦渡船角(近柯士甸站,廟街),文華新村裡面,有一間開了40年左右,經三次易手嘅越式法包店,一望招牌已經知道歷史悠久.裡面有過去二十年來大大少少 唔同雜誌報章嘅報導,日本報都有賣!(見下圖).賣嘅只有三款,大法包,小法包同蒜蓉包,價錢如果睇返舊照亦都可以睇出時代嘅變遷.試了($40)同蒜蓉包($10),所有包都係即焗好香脆.老闆態度亦好好可以請佢隨意將法包切開幾份同人一齊食.法包表面鋪滿了自家醃製酸蘿蔔絲,同埋正常傳統越式法包應有嘅材料包括札肉,青瓜,豬肝醬. 而同傳統越式法包不同的是,冇落芫荽,並加入了香港獨有嘅美極豉油同少量胡椒粉,另加了咸豬手,五香腩肉(見下圖cut 開見到有幾款肉),從而創造出香港獨有嘅味道,相信亦都伴著呢度嘅街坊成長($10)大半條都塗滿了牛油同蒜蓉,即焗十分香脆,聽說係當年小學生放學回家最愛買嘅廉價小食🤗.唔經唔覺講一條法包都打左咁多野,因為覺得除左食佢嘅味道(講真唔會話係驚為天人),更重要係感受背後時代嘅轉變,位

香港有啲樓宇好特別，係斜面嘅～係以前為左空氣更加流通、比多啲陽光照到地面，所以政府制訂左「街影法」，由街道中心畫一條76度嘅斜線到屋頂，咁就形成左斜面樓。而佐頓嘅八文樓🏘，就喺斜面樓嘅代表作～👇🏻👇🏻👇🏻而喺呢八棟嘅斜面樓入面，有一間開左超過五十年嘅美食😆添記法式三文治🥖🥰佢就係喺文苑街(文耀樓樓下)，而八文樓係整齊排列，好似“田”字型咁排，所以非常容易搵到架～👍🏻仲有個小小招牌掛係條街度👇🏻越南以前係比法國統治過，而架喺越南依然遺留好多法式建築，而且仲有越式嘅法國菜添～所以法式三文治其實就係越式法包🥖🥖🥰真係估唔到香港都有～呢度環境唔大，通常啲人都係買法包外賣拎走嘅，不過鋪頭都有三張小凳🪑🪑🪑，比客人坐低慢慢食～一邊食仲可以一邊睇下唔同嘅👆🏻報章雜誌📰📜幫老闆做嘅訪問資料👍🏻雖然鋪頭細細，老闆仲放左個架喺度賣越南啲粉、醬料、調味料等等～👇🏻法包係添記嘅招牌，應該話10個人入面有10個人都係黎買法包😹咁當然都會有人買下其他啦，聽人講蒜蓉包同春卷都係幾值得試架！！！👆🏻如果你話想買材料返屋企整碗越南粉，呢度就可以比你買晒肉、粉、醬料啦😻如果一個人黎食，小法包已經夠啦👍🏻啱啱好～佢櫃檯個度

最近鍾意咗食越南野所以上網睇吓有咩好食嘅越南野，突然睇到呢間賣越南法式麵包嘅麵包舖，個樣又非常老字號，見到啲comment都唔錯所以專登去佐敦試一試佢。話明老字號門面都是舊式的麵包舖外觀， 外面玻璃貼滿左以前雜誌曾經訪問過呢個普通嘅每一個採訪，證明佢真係咁多年都屹立不倒，真材實料。入到去見到有只得幾款食品可以選擇我揀咗小法包，小法包大概長20cm，每條法包都係新鮮烤出來即做的所以非常鬆脆而且有着法式麵包嘅煙韌，內裏嘅食材有非常有咬口既酸蘿蔔、青瓜、扎肉、豬手肉，鵝肝醬等，每口都可以食到所有嘅豐富食材，味道非常夾，而且因為夾雜着酸蘿蔔青瓜等食材亦都唔會覺得好膩，而且好飽肚。呢間老字號的越式發包唔係度度都有非常值得一試。

老字號。從小開始吃。屹立不倒，開了幾十年依然是全香港最地道的越南法包，沒有之一。簡樸、不做作、不多花樣。一直思念想念就是他的舊，就這味兒。多支持小店。唯一需要改善的就是看到有小昆蟲小小強 😬

經過位於渡船街附近的添記，買一個越南發包成為我的指定動作。這家店老闆開了幾十年，店鋪面積不大，但在附近很有名氣。香港的越南法包這家店絕對能排在頭幾位。點樣一個小法包已經要40元了，實在不便宜。發包的麵包非常脆，吃的時候要非常小心。表面紅蘿蔔絲非常多，裏面的肝醤滿瀉，口感非常不俗。但是扎肉相對比較少。亦吃不到酸蘿蔔的味道。跟越南胡志明市最好吃的發包相比還是差了一個層次。而且越南法包在胡志明市才十多元一個。在香港吃純慰我相思之苦。

📍Jordan 佐敦📍...記得上一個星期， 我第一次係time square 食完芽莊既法包就開始念念不忘🥺🥺🥺😭 都無諗過一舊咁大既包可以有驚喜😯👏🏻👏🏻 今日我就去到10年前左右Janice Man IG 介紹過既添記法包🤭🤭...呢間添記係2008年拎左香港time out 既 「one of the 50 dishes you must eat in 2008」🗣🗣🗣一入到鋪係貼滿左好多報紙雜誌既報導， 菜欄推薦過， 日本既雜誌都有報導，👏🏻👏🏻👏🏻個老闆范先生係越南華僑， 係一手一腳由198幾年既車仔檔做到開鋪.個背景都真係好勁🤭🤭我地入左鋪10分鐘炸， 已經有around 15個人左右黎買😱😱😱真係好誇張， 仲要呢家有Corona virus 😨 ...📍招牌法包💰HKD 78.00 （大） ， HKD 40.00 (細）包分兩個size, 同朋友買大size share🙂 一條法包有成個4份3條手臂咁長😂😂 份量十足🗣🗣 老闆烘熱左個包， 雜誌上面講入邊有4種肉 （越南扎肉， 咸豬手， 五香腩肉同法式嚼肉）， 咸肉味再加埋紅蘿蔔同青瓜呢個combination 🥺🥺每次

好耐無食過法包，某日黎到佐敦就去左呢間歷史悠久既法包小店，買左條長法包即叫即整，好足料熱辣辣，見住佢即時放入好多不同既涵料之後再拎入焗爐到烘熱，味道不錯，法包真材實料。不過物價上升，法包比從前貴了。

呢間歷史悠久既法包小店，位於佐敦同柯士甸之間，店鋪雖小，但好多人都會特意前黎呢度買佢，最出名係小法包同蒜蓉包，今次買左條大法包同朋友分享，一條三件，涵料十足，法包比較硬身，外脆內軟，即叫即焗。

去完越南後一路都好記掛越式法包經過佐敦想起有家只售越式法包老店就決定去回味一下越南的風味店家感覺像是時光停留在80年代，牆上貼滿不同報紙雜誌的報道，當中不乏外國的傳媒介紹！添記很簡單，只有大，小法包和蒜蓉包可以揀小妹自己一人就決定食小法包，老闆收到order後，即刻將法包放到焗爐烘熱，讓法包外脆內軟，法包裡的是越式腩肉，嚼肉，扎肉和鵝肝醬，上層是酸甜的腌製蘿蔔和蕃茄加以一點點辣味，簡單好味

添記法式三文治又一朋友推介小店入去見到好多報紙剪報同得獎貼紙先知原來咁出名我地叫左個大法包同蒜蓉包見到師傅切包同包材料然後放入焗爐報紙上面寫 焗爐係美味既關鍵宜家應該買唔返呢個焗爐啦法包入面有碎豬肉扎肉同嚼肉長知識了 人生中第一次食嚼肉 好期待不過其實全部食材一齊咬無特別去細味嚼肉係咩味蒜蓉包好好食難得唔會太乾身但係好脆令到我呢個平時唔食蒜蓉包既人都食到一個價錢方面真係老店既價錢又平又好食希望有更多人知道呢間店啦

話說之前網上睇過介紹呢間本土越式法包，介紹伯伯自己親手from scratch咁整啲配料，見係地道小店，又喺公司附近，就嚟支持下啦。不嬲都鍾意食越式法包嘅，不過成日都決定唔到要咩餡，呢間小店就啱晒我呢啲有選擇困難症嘅人，因為佢係無選擇！法包只有大同細兩個size揀，另外亦都有蒜蓉包賣。基本上舖頭就係得法包同蒜蓉包兩樣嘢賣，有啲人會覺得無乜選擇，但咁嘅好處就係可以專心用心做好一樣食物！大法包 $76小法包 $39蒜蓉包 $9由於舖頭係無得坐低，所以當日我哋係喺烈日底下喺電台野餐式咁食佢嘅法包，而佢嘅法包就無乜醬汁，比較乾少少，大熱天時就dry咗少少，不過佢嘅餡料都俾得足。反而蒜蓉包做得出色啲！而且價錢便宜，下次想食蒜蓉包可以過來呢度買呀！

屹立不倒既小店去到柯士甸有兩間係必食嘅嘢！第一間老趙第二間添記法式三文治🥪之前應該介紹過老趙🤔今次介紹下添記法式三文治🥪其實準確來講，呢間係出名食法包😋佢有分幾個size嘅，大嘅$74，細嘅$38，大嘅可以食到大約四個人😋入面係有啲酸嘅紅蘿蔔，用既係糖醋、美極醃製、扎肉、唔同部位嘅豬肉👍🏻口感非常豐富，有脆嘅蘿蔔、肥少少嘅豬肉、有咬口彈牙嘅扎肉，法包亦外脆內軟😋由於製作需時，所以要預咗等一陣.....攞到包就即刻食啦，因為如果擺太耐嘅話就會比啲餡搞到個包淋晒😟佢嘅味道係無可取替嘅，邊度都做唔到呢種感覺😂大家試咗就明😛