添寶手撕雞 (禾輋街市)

以前嚟呢間禾輋嘅小食店好似叫多兩個餸配埋撈麵都要50幾，想不到近排灣仔叫一盒三四款嘅小食差唔多$100 ，嗰次真係超級嚇人。這次再回來沙田禾輋街市呢邊呢間小食店竟然反而$50有三盒，簡直是時光倒流一樣。反正經過加送買嘢返屋企，就梗係買三盒啦。生腸就冇乜特別，一味夠爽脆爽口，冇乜特別味道；豬大腸都尚可，沒有特別肥膩或是安裝，質感尚可； 牛肺簡直是極為出色，太大塊，爽口彈牙，香味濃郁，內臟裏便都算最正，真心推介…查看更多

日煮夜煮，間唔中放過自己，今晚決定加餸!之前經過幾次都無買，今日就試下啦!鋪面有好多前菜選擇，而非常吸引... 那我就選了"拼盤二添寶王牌"3款小食$55墨魚、生腸、涼伴木耳青瓜味道唔錯，就是鹹了點配飯 …查看更多

禾輋好多外賣快飯可以食, 呢間都算高CP值 🍲有幾款醬汁可選擇👇胡麻醬, 頭抽汁, 芝士醬, 麻辣醬及咖哩汁🥢手撕雞撈麵包飲品一包$30手撕雞嫩滑冇雪味, 質地唔會死實實有口感, 配上青瓜絲清爽可口, 調味適中唔會過咸; 手撕雞嘅份量都幾多🥢川滷牛肉撈麵飲品一包$30川滷牛肉好趙頭, 份量亦夠多兩款撈麵都係選擇咗麻辣醬, 唔會太辣, 有少少麻味撈麵嘅質地爽口唔會過淋, 麵嘅份量非常充足, 另外, 因為選擇咗麻辣醬嘅關係, 食到最後麵底比較多油只需30蚊, 麵及餸嘅份量非常充足, 而且味道都唔差, 又包飲品, 都稱得上係性價比之王🤑😋魚堅總評性價比 4.5👍(以5👍為滿分)…查看更多

之前有幫襯添寶買開哇沙B手撕雞都有幾年，隔咗一排返去幫襯發覺店面光猛左添置左啲新櫃連店員都唔同左，平時有個阿姐好有禮貌，尼幫襯多數都係見到佢，佢落啲咩醬睇好多次所以有記憶，佢會係大碗加芝麻醬再加哇沙B撈混左再加雞同味精、芝麻油、芝麻同其他調味粉再撈～今日個阿姐加左雞先加哇沙B同其他調味料冇加到芝麻醬就撈，其實咁樣哇沙B好容易一舊舊撈唔混，但個個人經驗唔同我就唔理咁多，但撈左好耐都冇見佢落芝麻醬，我就問一問好似未加芝麻醬，佢講話佢地唔落芝麻醬，反問返我咁食味道米好怪（仲要講好多次），我話之前個阿姐一直都係咁加我覺得ok，佢就死口話冇一直係咁整，我繼續堅持我既講法佢終於講話近排轉返再之前既老闆⋯其實你轉老闆轉調味係一定可以架～但我未知既情況下一定係想食返之前一直幫襯開既味道⋯同埋佢反問返我咁多次咁食米好怪就真係好奇怪尼個世界咁多唔同種族個個人口味唔同，我覺得怪之前就唔會成日幫襯啦！咁既調味同服務態度⋯我之後就一定唔會再幫襯啦！不過個個人口味唔同，都會有人岩口味既～…查看更多

𝒞𝒽𝒾𝓃𝑒𝓈𝑒 𝐹𝒶𝓈𝓉 𝐹𝑜𝑜𝒹 𝒮𝒽𝑜𝓅 𝒾𝓃 𝒮𝒽𝒶 𝒯𝒾𝓃呢間係街市入面嘅細舖，主打外賣生意。有好多街坊同學生幫襯，今次試咗佢嘅招牌麻辣手撕雞。🐓手撕雞好滑，麻油味好香，麻辣有得揀唔同辣度。我揀左中辣，職員加左麻辣醬落本身既雞道，即場幫你撈。超麻同好辣，唔似出面好多時得個辣字。😋好正😍📍 添寶手撕雞沙田德厚街3號禾輋街市 地下M62號舖…查看更多

之前在瀝源試過那間手撕雞，原來在大埔都有；這次在禾輋，看到另一間手撕雞撈麵，這間有更多配料，例如是豬腸、豬耳、海蜇等等，份量比較多，而且款式較多，似乎都可以一試。有次叫辣的，本身不覺得太濃味，不過越食越底，辣油積聚；冷麵，因為溫度又不夠熱，因此偏向嗆辣，而且油膩。配料的雞絲、豬腸，配料份量夠多，不會太乾太鞋，雖然這是一間外賣店，但是豬腸都弄得不錯，賣相好像車仔麵那種豬大腸，質地夠實，挺有咬口的。另一次吃是完全不同的東西，就是胡麻醬手撕雞撈麵再加配豬脷以及生腸。撈麵份量也不少，汁醬往往夠多，不怕吃白麵或太淡味豬脷大片又多，四五片之多，厚身而乾淨；生腸也不少，夠爽又乾淨，爽口橙色的生腸，吃來過癮 第三次吃，印象比較差，只是因為豬手份量比較少，不過畢竟豬肉又貴，豬手都要用滷水制過，因此其實三四小粒，都不算太過分。豬手細細粒，不算癡着很多豬毛，不會太肥膩，肉也大大件，而且滷水味相當入味。這間外賣店真犀利，基本上每種配料都弄得質素不錯，可能由於很多都是滷水汁，因此味道都差不多。…查看更多

其實第一次食都係正常份量雞絲今次第二次叫外賣手撕雞撈麵我一打開個盒真係O哂嘴全部都係青瓜絲D雞絲係上次既三份之一既份量如圖所見，就係得咁多係見上次好食，價錢合理先再翻買食埋今次，唔洗再去…查看更多

未到一時，來到沙田禾輋街市買餸。途經添寶手撕雞檔口，看見人龍在買飯盒，便八卦看看這舖有什麼吸引。原來這裏除有售手撕雞外，還有售飯盒、涼菜、滷水食物等等。心想一試此店的雞翼，但為了避開人潮，不如就先逛街市，待人群散去才買一盒外賣回家為晩餐加餸吧！買完餸後，再回到店舖，人龍已不再，好輕鬆地便買了一盒鹽焗雞翼回家。鹽焗雞翼（$20）一盒有5隻不算很肥美的黃油雞翼，賣相尚算可以。吃起來一點也不油膩，雞皮爽滑，雞肉亦非常嫩滑，還滲透著濃郁的沙薑粉味。真意想不到其貌不揚的雞翼是如此美味，怪不得繁忙時間便見學生仔、上班一族和街坊的人龍。下次再來到此區，必要試試此舖其他的食物。…查看更多