添好運點心專門店

營業中

休息中

食評：添好運點心專門店 🥟🍵最近去咗「添好運點心專門店」，一間平民價米芝蓮餐廳，真係名不虛傳 😋。一坐低就叫咗佢哋最出名嘅酥皮焗叉燒包 🥯，一咬落去，外皮脆卜卜又甜甜地，入面嘅叉燒餡又香又多汁，超級滿足！再試咗香煎蘿蔔糕，外層煎得香脆，內裡煙韌又有蘿蔔絲嘅清香 🧈，咬落去層次分明。蝦餃皇同埋燒賣王都唔錯，餡料足，口感彈牙 🦐🥢。不過可能太出名，人流好多，要排一陣隊先有位 😅，同埋位與位之間比較迫，有少少嘈。不過服務員都幾有禮貌，出菜速度都算快，整體體驗唔錯👍。以幾十蚊就可以食到咁高質素嘅點心，CP值爆燈 💥，非常適合一家人或者朋友聚餐，一定會再嚟！

酥皮焗叉燒包外皮層層起酥，一咬落去喀擦聲超療癒，入面叉燒餡鹹甜適中，肉汁滲透酥皮，每啖都係罪惡又幸福嘅滋味😋！春卷皮炸到金黃酥脆，咬開見到滿滿蝦肉同蟹肉碎，鮮味爆發，蘸埋特調酸甜醬，解膩又提味，簡直係邪惡組合🦐🦀！兩款點心都做得細緻，價錢算親民

這間新式裝修中式酒樓，我嗌咗蜜汁叉燒煎蛋飯配杞子桂花糕。叉燒雖帶傳統炭烤香氣，但肉質偏乾韌，蜜汁甘香卻未能彌補口感不足；太陽蛋煎得恰到好處，蛋黃流淌拌飯是一大亮點。  但整體性價比一般。杞子桂花糕：共有3塊(我已吃了一塊先影相) ，晶瑩剔透，入口沁涼，桂花的淡雅芬芳與枸杞的微酸本應相得益彰，可惜糖漿比例稍重，甜膩感掩蓋了原本的清雅。環境舒適，服務周到，適合想悠閒用餐的客人，但以這個價位而言，食物質素仍有進步空間，同價位確有更佳選擇。**評分：★★★☆☆（3/5）**  

慕名到深水埗「添好運」品嚐招牌點心，皮蛋瘦肉粥與炒麵初嘗時咸香滿口，卻在兩小時後泛起持續脹氣，返家途中更因反胃難耐終致嘔吐，實在掃興。作為米其林推薦的老字号，這次體驗與預期落差頗大，推測可能是個別分店品質不穩，或是當日食材處理未盡妥善。建議店家加強衛生控管與出餐流程，畢竟是慕名而來，更期待「好運」帶來的味蕾驚喜而非腹脹困擾。雖此次未盡如意，仍願相信這只是偶發疏失，期待未來能改善，讓食客安心品嚐點心的地道溫暖。

午餐放飯前來到深水埗添好運，真走運，因不用等太耐就有位。枱與枱之間實太窄，側身入內亦有點危險，像是會橫掃別人枱面的食物呢！坐下選擇茶款，是以個人為單位。雖每人叫不同款式的茶也是可以的，不過這裏的茶杯和茶壺也像比一般酒樓的大，張枱放不下吧。點心好像比以前份量少了。但驚喜是那個賽磅蟹春卷、蝦多士和白肺燉湯，炸物酥脆香口，湯品就味道一流。最後是豆奶、麥精砵仔糕。豆奶尤其味濃，非常出色，喜出望外，推介推介！

添好運酒家是一個唔錯嘅飲茶嘅地方，嘢食方便，的確係唔錯嘅，價錢方面就中規中矩啦，始終香港地飲茶食飯都係貴㗎啦，一定冇深圳咁平嘅冇得比較。講返啲食物先，今日我哋係食夜晚嘅晚餐，夜晚一定要食返個飯先啦，有米落肚先至夠飽，所以就叫咗個排骨飯，排骨飯好好食，佢哋啲米唔會好似平時嘅酒樓咁樣咁黏口。的確係做到粒粒分明，鳳爪同排骨都好好味，仲有食咗個叉燒包，叉燒包嘅面頭菠蘿包嘅面頭，甜甜地。仲有叫咗個腸粉，腸粉都好好食，入邊係有炸物嘅腸粉。估唔到最差勁嘅係燒賣，入口唔得，好黏口又爛又散

間中都會幫親嘅點心店。雖然點心選擇唔算太多，但定價都算合理，而且唔洗加一。來到一定食佢嘅酥皮叉燒包。坊間都有好多餐廳都有提供酥皮叉燒包，但添好運嘅酥皮叉燒包始終技勝一籌。首先酥皮可以覆蓋整個叉燒包，入口夠熱，而且包內嘅餡鹹甜適中。其他點心就正常發揮，但至少品質控制好過唔少點心店/酒樓。最後值得一提係佢嘅皮蛋瘦肉粥。一上臺發現佢喺老火粥，所有材料已經跟粥底融為一體，所以佢比生滾粥食落口更加濃郁。

經food panda 叫咗1.蒸肉餅飯2. 蝦餃3. 班蘭炸鮮奶4. 焗叉燒包5. 招牌奶茶肉餅只係食到鬆肉粉味，啲肉已經醃到完全’泡’哂，完全食唔到任何肉味，只可以講豉油正常招牌奶茶完全唔係港式奶茶味，只飲到好大陣苦味，如果真係招牌都幾大鑊炸鮮奶皮厚但總算有啲班蘭味蝦餃正常但並不出色……完全對唔住米之蓮嘅光環！

因為米芝連，下午慕名而去的點心店，食完感覺言過其實，食物環境都係一般，對比其他同價格點心店/酒樓，各樣質素只屬中間水平，有負米芝連的名字環境（2/5）：用餐地方好少好少，放4個點心已經無位，太窄，坐得好唔舒服服務 （4/5）：店員表現正常，沒太多交集衛生（4/5）：整體乾淨企理，碗碟都好乾淨，環境無異味，洗手間尚算企理，但男女同格，只有2格食物 整體（3.5/5）：叫了4樣點心茶（2/5）：$6/位，作為著名的茶樓，沒有龍井我覺得十分失望，最後叫了水仙，沒有茶香，一般洛神花米網紅米蝦腸（3/5）：$45，隨腸附有一個洛神花醬，腸粉一上菜已經係凍，但入面仍然酥脆，不過包裹的蝦肉太少，腸粉皮仍都厚，味道一般，但洛神花醬酸酸甜甜，令腸粉加分不少，整體一般脆皮炸班蘭炸鮮奶 （5/5）：$38，4樣之中最出色的點心，本身炸鮮奶已經唔常見，班蘭味更加罕見，炸皮薄，炸鮮奶 creamy，熱辣辣食，好好食！鮮蝦燒賣皇 （4.5/5）：$36，一般酒樓燒賣味道，特別在於呢個燒賣頂有一粒杞子，甜甜地，為燒賣加分，另外，食落唔覺得好肥，但會有仲油香同油脂感令成粒燒賣比其他地方燒賣更香更滑酥皮焗叉燒包 （3.

成日聽人講「米芝蓮最平點心」，今次終於有機會試試！一坐低即刻嗌咗 酥皮叉燒包，第一啖咬落去外皮酥脆得黎帶少少焦糖香，入面叉燒餡甜甜地又夠 juicy，真心覺得值得幫襯！👍腸粉 都係水準之作，皮薄滑溜，蝦肉夠爽口，配埋佢嘅豉油更加加分。🥢 蘿蔔糕 就煎得金黃香脆，咬落仲有啲蝦米香，真係一試難忘！環境方面，始終係人氣店舖，等位時間真係唔短，內部空間都幾逼，建議避開飯市時間會舒服啲。😅 整體黎講，CP值高，但要有心理準備人流多！

仲要限定坐邊，又唔係食飯時間，熱奶茶凍既都可以出比客，蝦餃唔掂唔彈牙都唔知食緊咩仲要44元籠,所謂好出名既焗义燒包只係一般,比錢時比500元個收銀仲要大大聲話甘大張呀，500唔又唔係錢呀，又唔係比1000元,等執笠啦！趕客

今日同娘親去添好運食個早午茶，去到已經要等位，點心店估唔到都有好多長者捧場，我有優惠劵送酥皮叉燒包同奶茶，問定職員點用，佢地就即刻幫我用左優惠至落單，另叫的點心都好快到，叉燒包係新鮮出爐🥧菠蘿皮鬆脆，叉燒餡有汁好香勁好食，另叫左碟豬潤腸同鳳爪 豬潤腸保持到水準，食落有酒味，豬潤爽脆唔會over cook😋 茶錢多左價位選擇，睇下入黎注重飲茶定食點心 係人多，職員未必會下下理會到自己，但起碼有份尊重😊

This was a go to restaurant for us with friends for weekend Dim Sum. Today the pastry in spring rolls and sweet pork buns was different (not in a good way), one dish arrived cold, 2 dishes went AWOL and we had to chase the staff to get them.  The steamed cake however was different and better than ever. Staff trying hard but is it new chef or new management? I can not say.It has changed.

添好運名過其實👎食物選擇唔多，服務態度真係冇話可說😑一行兩人，有枱唔比，要比個厠所位我地，眼見留住一張枱冇人坐，ok ok，我哋諗住食完就走，厠所位就厠所位😟服務員間中就係附近垃圾桶整垃圾😮‍💨😮‍💨我哋食咗蝦餃、燒賣、叉燒包必食，食物味道可以，夠熱，普洱茶，茶味一般，會唔會再去食？未必喎🤔添好運快餐店，鍾意食快餐嘅唔會去，因為要等位，鍾意飲杯茶唞一唞唔會去，坐得唔舒服你又唔會坐得耐，大家想休息嘆茶☕️🫖的去第二間好啲！最後，我地離開時先有客坐果張留住冇人坐的枱😂🤣😂

今日去咗添好運食點心。撞正午飯時間，不過都好好彩，唔使等即刻有位。兩個人叫咗五碟點心。鮮蝦燒賣皇傳統式燒賣，上面係加杞子，蝦、豬肉還加上肥豬肉，味道不錯，但就略嫌細粒咗啲。黃沙豬膶腸腸粉皮真係做得好薄，好通透，豬膶就稍為薄一點。家鄉鹹水角熱騰騰，好味。食嘅時候，記得要小心。酥皮焗叉燒包酥脆的表面，內裏係多汁的叉燒，好味。古法糯米雞糯米飯有啲驚喜，糯米飯一粒粒軟糯適中。至於餡料，味道是不錯的，但餡料醬汁就比較少。總括：食物仍保持到水準，上菜非常快。但枱與枱之間有點密。服務姐姐就可以更好啦。