深井陳記燒鵝 (已結業)

將軍澳有間陳記燒鵝，其實已經開咗好耐了，今日就等我寫下佢哋嘅食評啦。其實我本身係無飯家庭，所以成日都會出去食飯，陳記係我其中一間食得多嘅餐廳，原因係阿仔鍾意食將軍澳呢間陳記裝修好靚，卡位坐得舒服，佢有四位六位卡位都有今次係Lunch，unch Menu其實都好不錯，而我選擇大Menu，大Menu就唔跟嘢飲啦所以我哋我哋叫咗三個餐，一個炒蛋餐肉多士（我個仔超鍾意食），兩個五寶飯再加一個蹄肉呢個餐連埋一杯奶茶紅豆冰，我覺得非常抵食，好味！呢一個四寶飯連一杯飲品都非常抵食，全部材料都好靚並無因貨就價再加一個小食秘汁蹄肉，佢個汁好特別酸酸地，佢哋話好味其實陳記好多年前喺觀塘都已經係我嘅favour 值得推介

話說74回岩岩LUNCH先食完個燒鵝飯係朋友屋企玩完之後一直對呢度既燒鵝念念不忘行行下對腳不由自主咁又黎到舖頭前面一定係天意啦 哈哈靚女 整碗#燒鵝瀨丫啊~唔洗入到深井同一日再次食到咁正既燒鵝理得佢爆QUOTA 爽皮!

黎TKO探朋友新屋入伙行行下估唔到呢度有間茶記仲要係打住深井燒鵝名號即刻衝入去叫個燒鵝飯試試先好快就上菜啦急不及待一野放入口哇頂 當真係好好味肉質滑嫩入味乜醬都唔洗沾已經超香口三爬兩撥已經KO左成碟飯下次再黎食!

今晚收工後約左幾個舊同事聚一聚食晚飯。我地約左去將軍澳食深井陳記燒鵝。間餐廳雖然最出名係食燒鵝，但自己其實又好鍾意食叉燒，心大心細嘅情況之下，舊同事就提議叫陳記燒鵝錦繡拼盤，拼盤除左有燒鵝同叉燒之外，仲有油雞同燻蹄。一次過滿足哂我想食燒鵝同叉燒嘅願望。燒鵝同叉燒都好好食呀🤤🤤之後我地仲叫咗豉油皇鵝腸、西蘭花蝦球同埋菠蘿咕嚕肉。呢幾道小菜之中，我最推介就係豉油皇鵝腸，個鼓油汁好好味，同鵝腸好match🤤🤤可能因為我地都算夜先黎到餐廳，所以瀨粉已經賣哂，食唔到瀨粉令我覺得有少少失望，下次要早少少到食埋個瀨粉。陳記燒鵝錦繡拼盤豉油皇鵝腸西蘭花蝦球菠蘿咕嚕肉

點解可以咁難食，比門面同個名呃咗入去，叫咗2個菜，半隻燒鵝（例排$130），嚟到件件鵝又大舊又硬，肉唔嫩之餘，個皮下面仲好多肥脂肪，皮唔脆係林既，而且個汁係好似甜豉油，太咸，配碟點鴨既甜醬完全唔夾，又咸又甜。仲要百三蚊碟，都算，最慘係好難食，夾硬舌咗佢。第二碟真係唔寫對唔住自己，寫住檳城炒貴刁（無記錯的話）寫文仲要寫Malaysian style xxx fried flat noodle $6x 嚟到竟然係河粉撈港式茶餐廳咖哩汁，有幾隻蝦、火腿、芽菜咁。好唔好食唔想多講，成碟野又係油淋淋，不如寫返「港式炒貴刁」唔好誤導人啦。

星期六夜晚同老爺食生日飯，中菜一定走唔甩，開左咁耐都一直未試過深井陳記，一於試下佢！本身以為又係出名餐廳又開喺pop walk 都唔方平！點知價錢又合理食得過喎！餐廳地方都幾大，一行4人八點幾來到，等左一張飛就有位，叫左半隻燒鵝，一碟鵝腸，一碟四季豆，一碟咕嚕肉，一碟螞蟻上樹，埋單都係$600有找，比想像中平！燒鵝係岩岩燒出來，皮脆肉入味！咕嚕肉都係岩岩炸起，熱辣辣酸酸甜甜好開胃乾扁四季豆，好多肉碎，撈飯一流！鵝腸，本身唔中意食，無試螞蟻上樹，色香都有，但食落唔夠惹味，一般。

老公講左好耐話要食呢間燒鵝，呢日唔知食乜好於是就完成佢既心願黎食個lunch啦!我初頭以為得燒味果d食，點知原來同茶餐廳一樣，仲有類似常餐既野食添!有人話黎陳記燒鵝就梗係要食燒鵝啦~但就躊躇左好耐唔知食四寶飯好定葡式海鮮炒飯好!最終係後者勝出~而我唔想飯於是叫左夾心滑蛋咸牛肉厚多士配奶茶紅豆冰~深井燒鵝葡式海鮮炒飯黎先，賣相係唔錯，但老公一筆啖飯落口即刻冇哂笑容，因為睇個飯既顏色以為係好濃味，點知原來係好淡冇乜味，食多兩啖仲覺得有d油，但主角燒鵝係讚既~唔會好肥但又好香燒鵝味，目測有4份1隻燒鵝，份量都算足夠!仲有d西蘭花伴碟解番下d油膩感。俾人笑我叫夾心滑蛋咸牛肉厚多士，話係屋企都整到。但我就話屋企整唔到呢種滑蛋啦~呢個多士蛋味好重，咸牛肉份量剛好唔會令整體過咸。加埋2片厚多士一齊食我覺得仲飽過食飯~至於野飲跟餐有奶茶紅豆冰，奶茶底唔夠香濃，就咁紅豆冰底應該好飲D!

其實自裝修後食物品質就差了很好以前會覺得啲燒味次次都好靚但最近唔掂的機率超過一半更重要的是樓面態度極差、領班的態度也極差不快的服務體驗，諗住在埋單時簡單的向領班表達意見點知佢一張唔like的臉，說自己當時不在場須查明咁我們再說明一次佢就不斷說自己不在場其實客人表達不滿意的體驗簡單一句「唔好意思，我們會注意」已經可以但個領班話：自己不在場，不可以假設員工有錯，不可以說不好意思迫到要我們埋去指個員工出來，再重演事件（期間個員工好驚掛，大大聲話我們咁少事做乜要發爛渣。咁要問下你個領班做乜要小事化大了XD我都唔想要咁當眾指佢出嚟嫁）最後向領班說，那你知道事發經過了吧個領班才死死地氣說句唔好意思

經常幫襯下午茶，今次試下轉食晚飯小菜，叫左一個8人餐～頭盤燻蹄冰凍爽彈，豬心係老人家至愛，咕嚕肉唔厚粉，啖啖肉！黃金蝦偏咸，但脆口惹味，送啤酒一流黎到一定要叫返隻燒鵝啦肉嫩多汁，皮脆味濃！菜類新鮮爽口，浸透上湯～鮑片生菜我相信是意頭吧～所以無乜特別～全晚最難食鵝腸一黎醬太濃，二黎啲腸唔爽口好難食，全枱只食剩哩碟餸小朋友叫左湯米同瀨，送燒鵝好味喎！蒸倉魚火喉剛好！食到最後再送上甜品！其實係咪朱古力醬西多士咋不過唔緊要，熱辣辣好好味補充嘅係，每逢節日假期可能都會請後生part time，小朋友可能初出茅廬，大家就見諒見諒啦～

很多時去天晉匯 跟老爺食晏都是位於一期樓下, 今次慕名而訪便是位於天晉匯二期的陳記燒鵝、 攀過一個爛地停車場走進商場內位置不難找但較為隔涉。。。當日正好入座時間為下午茶時段,所以亦可以用Hk$四十餘元吃上一個燒鵝瀨粉、 由於是平日入座所以完全沒有等候只需要, 上枱速度亦很快 落單後大約四、五分鐘預告上枱~鴨皮當然不能想像得剛燒起的脆口, 但亦沒有過稔之跡象、 肉身帶點兒羶香沒有(渣)之感覺分數也少少加多兩錢， 瀨粉方面份量也不輕、 整體上不過不失老人家要上一杯紅豆冰餐飲另加HK$10. 紅豆煮得綿密,貨色質素沒有太大驚喜自己便要你會一杯餐飲熱奶茶， 奶與茶之比例剛好、 亦沒有遇上太過苦澀滋味道~整體來說以四十多元的下午茶收費 性價比算高、 座位亦寬敞舒適空間感觸， 不過以一個外來人說其實位置真的有點兒隔涉，如果是在該屋苑內之住客、 簡單一碗樸實的燒鵝瀨粉現今之下這個數十元之交易實在可取。

年29晚，3個人去了將軍澳天晉匯嗰間陳記燒鵝 。點了四餸一湯， 冇樣掂， 可以講直情差到個師傅好似唔識煮餸一樣 ;叉燒硬過似柴 ;春菜好似未煮過咁硬 ;豉汁鵝腸，竟然汁還汁味，鵝腸完全冇味， 應該係鵝腸雪得太耐了; 湯 ，不用講喇！ 味道十分之奇怪！ 炒飯一般！ 叉燒要求換過碟燒鹅， 他們說义燒是瘦叉燒 ，是這樣的，咁我是示範給他們吃。完全係咬唔開的。 才肯換個碟燒鵝給我們，但竟然計我兩碟錢，質問完之後才減番， 所有餸只食了3份1便走人，總數共$632 ，發誓以後不會去這間！仲會幫佢宣傳開去😡

林住1家人， 食下家常便飯。 叫個豆腐煲，黎到食左2口，點知D原來豆腐臭左，同職員講， 職員仲要唔認， 過份，話無問題， 唔通我地全枱人d味覺都有問題咩。 仲要我比錢，話無臭，千萬不要去此店

勁大碟！連一個男仔都話大碟。10分滿分都有8分。48蚊午餐算抵今，牛河唔似一人份量，好大碟，望落都油架，但牛河唔油又炒得唔香，牛河本身就算油咖啦。所以覺得都接受到，唔膩。不過有少少幾條粉痴埋一舊既情況。距用左肥牛代替牛肉。唔錯。奶茶同岀面差不多。環境唔錯，本身都有提供檸檬水。幾好。麻婆豆腐飯個白飯又系超大，成塊臉咁大，應該有兩碗飯。但朋友就食清晒。應該唔錯。本來有人念住叫火腩飯，可惜賣光。總括黎講，抵食，又大碟，味道Ok。叫完餐先知，陳記原來系深井陳記燒鵝再望下附近都真系有人叫燒味。。又幾靚。下次又機會先再叫。

午餐有特價套餐連餐飲，價錢還可以接受。不過野食係人係預先製作好，如要走配料走油等等就不能了。地理位置就比較偏遠，員工禮貌還可以，食物質素味道都不錯，份糧都比較多。

星期三收工 係將軍澳行下見到陳記 見唔係好多人就入去試下位置靠近將軍澳地鐵站，非常方便👍🏼👍🏼平日晚上 不用等位 坐得好舒服可能因為人少 上菜好快點菜後十五分鐘 野食都齊曬半隻燒鵝 皮脆，五香粉加上酸梅醬 正肉邊仲有好多汁 色澤好好 肉質飽滿物有所值 都係$250薑蔥魚雲煲 魚頭有好多個 味道可以 魚好入味 仲夠熱 一嚟到炸炸聲青衣綠悠雅苑椒絲腐乳炒通菜 份量大，菜好新鮮，唔會覺得好老最後自己去櫃檯埋單 一人都係百幾蚊 大家食到好飽 抵食