海龍王海鮮大排檔

營業中

休息中

有幾差不用多講,可見之前的食評...我的經歷:平日六點,不用等位;迷你海鮮,火喉欠奉;價錢取巧,永不幫襯!只係一o的好普通o既海產,又煮得差,兩個人總共食o左$276...一個字:差!

以為去到長洲食海鮮一定會新鮮 點知..........椒鹽鮮魷 $58好輕微既椒鹽味 而d魷魚完全唔新鮮好似整定左好耐比我地咁 超級chewy而且無味 豉椒炒硯 $38得個咸字 好多味精啊食完個口好"kok"D硯質地都還可以但d配料sucks!加埋加埋又花生(超難吃. 放很久的) 又kiu頭 埋單$105/2個人唔算貴 不過唔好食 never come back

來到長洲晚上基本上都是三個選擇，人多的話可以燒烤；天寒地凍則適宜打邊爐；否則最正路都是吃平價海鮮。沿著海堤找食肆，晚上黃金時間要找地方都有點困難，最後誤打誤撞這一間有枱，加上有平價套餐便選了這一間。我選了一個有龍蝦的特價餐，由於本蟲不喜歡吃墨魚，和店員幾經周旋才能夠改為瀨尿蝦。人多的日子，要搭抬都是意料之中，也不期望時常有人招呼，不過這裡的服務的確是有點問題。首先我落單時指明芝士龍蝦要加伊麵底，最後店員卻說漏了單，並推說再補回的話龍蝦便會不好吃，這一個解釋我都尚且接受。但接下來我看見同枱搭枱的食客有汽水及白飯奉送，而我卻沒有，再找店員理論時，老闆娘竟指我那個套餐沒有指明有汽水白飯便不會奉送。這一點就真有點令人氣結，是關我叫的龍蝦餐比人家另一個套餐貴上一百元，反而較平的那個餐卻樣樣奉送，而我卻連飯都要另行加錢，那分明是存心取巧，厚此薄彼。埋單時花生蕎頭紙巾樣樣計錢，所以其實也不算抵食。食物質素方面，瀨尿蝦和龍蝦都尚算不錯，菜則選擇不多，最後揀了椒絲腐乳生菜，但略嫌太鹹太油膩，反而最理想的是那條紅斑，份量和生熟度都剛剛好。平心而論，那兒的食物和環境都不算差，起碼有電視看，場邊亦放了一些有趣

今日去完呢間野, 佢既食物簡直係令人沮喪!! o係Openrice發覺咁多苦主. 印證原來呢間野真係一貫地差. 我和太太叫左:四隻豉汁蒜蓉蒸帶子 ($100) 碟野冇豉汁都唔止, 帶子仲係好'o散', 有腥味! 油泡深海墨魚 ($88) 墨魚唔新鮮, 冇墨魚味 -- 其實係冇味, 或者係味如嚼蠟!! 炒唐生菜 ($38) 連菜咁基本都炒得唔好, 超多油..埋單 $261我地總結呢一餐 (如果咁都算一餐既話) 係食過最差的一餐海鮮 (如果咁都算海鮮既話)!!呢檔野擺明做遊客生意, 我地食一餐可以冇回頭, 但比遊客覺得香港既海鮮原來係咁屎就映衰晒!!我估呢度唯一可以讚既係, 我地食完都冇肚痛lor!建議將英文店名 Sea King 掉轉 - 叫 King Sea (勁屎)!!

第一次寫食評, 因為呢間嘢實在係太差 同老公去咗長洲玩2日, 起第二日臨走時經過呢間海龍王, 見到佢起門口擺咗好多海鮮同啲觀賞魚諗住差極有個譜, 點知食完嬲到死叫咗個2人餐:辣酒煮角螺 : 賣相同味道都好恐佈, 我老公超鐘意食海鮮都只係食咗2隻就全碟冇食過 五柳魚: 因我唔鐘意蒸魚, 加咗$20轉呢個魚, 點知啲魚肉超散, 個汁有完全唔好食椒鹽賴尿蝦: 唯一一個稍為叫做okay的餸, 不過啲蝦好細隻...炒菜: 啲菜好苦...連菜呢啲咁簡單的餸都好唔得另外加叫咗一個椒鹽豆付, 炸得好求祈, 表面又炸得唔夠脆, 一啲都唔好食最後仲要學人地酒樓收茶介($15)同加一, 加埋成$299, 我用同一個價錢起康記食多好多嘢囉

星期日同老婆去長洲行下到左夜晚果陣梗係要e下肚先架啦咁就決定食長洲最出名既海鮮啦行過見到呢間海龍王 見勁大招牌 又有海旁位咁諗住差極都唔會好差坐低d伙記好似趕去死咁 係咁吹你食乜唔使諗架咩大佬 d職員態度又差 你唔點住 佢好似黑哂面咁樣垃圾員工之最簡直跟住點左 豉椒炒蜆,薑蔥炒蟹,西蘭花鮮魷,,粉絲蒜蓉扇貝豉椒炒蜆----好多得番個殼 d肉炒到跌哂出黎 肉又少 又多沙 衰過以前市區d街邊野薑蔥炒蟹----份量一般 但冇乜肉 而且剩係得d薑蔥味 d肉味好似怪怪地唔知點咁西蘭花鮮魷---普通貨色 同出面求其炒果d冇分別粉絲蒜蓉扇貝----扇貝肉怪怪地細粒 冇鮮味真係未試過食過一間咁差既海鮮仲差過平時街市d熟食檔是次4個送連埋野飲2xx左右 抵唔抵食見仁見智因為唔好食既野幾平都唔抵一定唔會再去第二次

今天和女友到長洲半天遊，晚上見這間店大大間，又有海景位，在這裏叫了二人餐，有4個餸，2碗飯，2罐汽水豉椒炒蜆---份量都不算少，味道普通椒鹽瀨尿蝦---夠晒大碟，不過啲瀨尿蝦多數霉，無幾多隻可以食蒸魚--普通炒通菜---油多個菜牌寫住2人餐$198，埋單時要收$234，何解多了`$36，原來menu寫住小食、紙巾、每份$5。即是店方一早送上來的那包紙巾要$5，那碟花生又$5，那碟蕎頭又$5，然後全單加一。這店不會有下次，大家不去也不會有損失。

星期六晚放工同男朋友入咗長洲過情人節，成個過程都玩得好開心，星期日晚臨走諗住去食D正D嘅野啦，行到去見到喱間野都幾吸引，門口又擺哂D生猛游水海鮮，諗住冇死錯人咖啦，咪坐低囉，點知坐低睇MENU先見到自選或自備材料一律收加工費每公斤$30！都算啦，見佢$38~$98一碟，如果真係好食都抵嘅，點知…真係唔好食，D蜆同蟶子勁多沙，蟶子仲有陣異味，唔太新鮮！個張保仔炒蟹細隻都算啦，D肉炸到乾哂，D殼太趣，一夾就碎哂，但係又唔可以一齊吞埋！畀人呃…一次就夠！

琴日同女友來o左長洲,行o左一陣就食晚飯,記得上次入來食海鮮餐o既不愉快經歷,所以今次決定o係碼頭南邊行,聽人講話街市附近d野好食d,就來o左呢間店試下呢間店,叫o左個聖子,細扇貝,椒鹽瀨尿蝦,一條倉魚同一碟炒菜,味道唔錯,係d瀨尿蝦d肉有少少煤,但因為佢d椒鹽味太野味,所以補番,其他都唔錯,一定要食聖子,d聖子好大隻,又鮮甜,唔錯,細扇貝又平$3隻,蒸得岩岩好,好有鮮味,幾好,d小二都算有禮貌,每人百三蚊又有野飲,算唔錯啦.

I would recommend you not to visit this place. We saw this big logo and thought it is popular. We were extremely disappointed with what we have ordered so far - the seafood combo soap was very fishy and not fresh with those seafood; the lobster was too late to be delivered or given to us after our order .... it took you ages ... please do not waste your money

中秋節迎月夜四圍都好多人..近碼頭果排完全FULL哂, 甘行左過呢間試下.兩個人叫左三碟送...炒蚧 - 唔夠味, D肉仲係林既..懷疑唔係新鮮的...炒蜆- 好細碟, D蜆好細只...上湯菜- 叫上湯又唔代表我唔要味...但個送就煮到好淡...服務唔算差.啤酒好夠凍.

中秋迎月夜，原來想去北社海傍路這面食飯，但是因太多人．所以轉到碼頭的令一面 海龍王食，眼見門面不錯．我們二人就內進．叫了三個小菜１）．豉椒炒蜆　２）．薑涌炒蟹３）．上湯西蘭花４）．２支藍妹藍妹＄２８一支，難得同女友一齊食飯，唔緊要，但是上到黎唔夠ｃｏｌｄ，ｂｅｅｒ唔夠就唔得．豉椒炒蜆：２／３是離殼，細碟唔緊要好就就得但係，但係依碟野一食落就知到唔新鮮，而且唔太熱，是暖，又細隻．之後還以為薑涌炒蟹會好一點，但是一除上一度菜一樣，薑涌炒蟹（＄９８），其實這個貨我還以為可以享用相同價值的食物，唉！事實非所料一樣．拿起蚧鉗，　有薑涌香味，但是當我一口食落時，肉係梅，再食落係發現．蟹是不合比例．有兩個蟹，　一是手掌一樣，另一個是手掌一半大，但蚧鉗只有兩隻，ｓｉｚｅ是手指公咁大．不合比例．眼見４周，沒有人享用蟹的食物，ｓｏ簡直有ｄ失望．而最後上湯西蘭花，只是平平之選．結帳＄２９８加一，呢餐野，係自懂性以來最差的一餐ｓｅａｆｏｏｄ．有ｄ失望．但係又唔可以係女友面做到唔喜歡的樣子．各位朋友如要幫襯,請三思呀!!

在長洲玩了半天，大家都疲累得很，早一點吃晚飯好了。大家都覺得來到長洲應該食海鮮，但也沒有心水的食館，於是就隨便找了最近碼頭的海龍王。睇佢大大排魚池，海鮮種類好似幾多，心想應該唔會太差。大家商議一番，喜歡食咩餸自己叫就可以。椒鹽蟹、蒜茸蝦、椒鹽賴尿蝦、蒸扇貝、灼墨魚、豉椒聖子、豉油雞等，另啤酒汽水叫滿一桌。第一碟係豉椒聖子，聖子細細隻，吃不到鮮味，只覺好咸；蒸扇貝又係細得過份，比一個一毫子還要小，上面鋪些少粉絲，收成$8隻，難以接受。椒鹽蟹，炒得好乾，不過唔惹味，蟹肉又乾又小，感覺被騙。灼墨魚又是不鮮不爽，水準之低是近年難得一見。唯一叫做入得到口的是豉油雞，雞肉不算嫩滑，起碼不會過"鞋'。但其實味道也是略咸，不算出色。後加一碟長洲炒飯，除椰菜外，見唔到有其他材料，長洲就是這樣的撲素嗎?呢餐海鮮餐，是我自懂性以來最差的一餐，可以話係無可取之處。

假日一家人高高興興的去長洲郊遊食海鮮,真不幸,去了一間黑店.豉椒炒蜆凍的,豉椒炒聖子臭的.西蘭花炒鮮尤未熟及有異味,白灼墨魚好好,好在什麽味都無,白飯生夾硬,呀差點忘記,有一樣真的好好味,它就是那一罐可口可樂.各位人兄人姐如要幫襯,請三思呀!!

難得來長洲想食一餐海鮮~~點知揀中間咁差既餐廳!!同男朋友叫左2人餐~~~每一碟送都係凍架!!!!!!!!豉椒炒聖子----好多沙同唔新鮮椒鹽蝦----同樣唔新鮮,好似有死蝦係入面咁生炒骨...最難食既一碟~~真係頂.....d肉好似冇炒過不特至~仲要d肉好怪味....腐乳抄通菜---諗住菜應該最穩陣..點知都係有怪味....勁灰...]因為個生炒骨最先黎到~一食之下凍都算...但個種怪味太重...完全係唔到落口...叫左個阿姐要求換左佢..個阿姐叫左一個皮包骨咁樣既阿叔黎..個阿叔一黎到個樣已經好不友善~問我地有咩問題~我地話d肉有怪味要求換~佢竟然勁冇禮貌同勁黑面個樣咁同我地講~"d送一大盤一早整左到而家都冇人投訴過~係你地唔o岩食咋~~"之後仲要用手拎舊生炒骨落口到食~仲要話好好食冇問題~~堅持係我地唔o岩食~亦完全冇意思想我地換~~~真係火到黎埋~~~~講左好耐~~先勁唔願意咁同我地換~~~真係好嬲呀~~~d野食唔好食又凍我都算~但d野食根本食唔落口既~唔通要我俾錢買難受~~勁荒謬!!!!!以後我都唔會黎!!!!仲要提醒d朋友唔好俾佢呢間野扼呀~~!!!