海鮮丸 (已結業)

諗住同呀妹去買壽司食，見到海鮮丸有個放題咪諗住去試下啦。點知..果D壽司飯唔得，好散..墨魚&甘蝦有怪味，味道好似係剛剛係街市買完返來用水沖完之後果種味咁，臭臭地...

今日晏晝同個FRIEND去食壽司, 見到個MENU有和牛飯賣$68, 見平平地, 就叫左一個試下....D牛肉真係唔同平時食個D, 食落好鬆化同好有牛香味, 正! ...但D飯就好普通,唔夠軟熟. 下次食時記得叫走飯...咁就有多D和牛喇,哈哈! 另外我地叫左D壽司同燒鵝肝燒帶子, 味道都OK, 價錢都幾抵食!

上星期看了本雜誌介紹這家日本野，價錢又好像不太貴...於是立即前往試一下第一次吃的只是壽司一類，有一位應是老闆的男仕招呼，這名男仕待客熱誠，非常好...在我選購清酒時，他更詳細解釋每一種的分別，亦不會叫你買支最貴的；相反，他說沒太多喝清酒經驗的話，買一支三十元的試一下好了...由於第一次不錯的經驗，上星期再次前往。這次上回見到疑是老闆的男仕不在，收銀的是一個肥肥的男生。浦進店舖便聽到有一位女性客人跟他說「我等了好久啦，可以收錢了嗎？」我還暗道這個女仕真惡...我剔好食物後，便到收銀處落單，更額外選了客炸軟殼蟹壽司及炸蠔...落單後...上菜的速度奇慢，等了十分鐘才有得食，食品的水準也是一般。再看看相片，圖中鵝肝的顏色...我沒法形容這四塊我生平吃過其中一次最難吃的鵝肝...一碟四塊盛為 $75。跟他們餐牌上的鵝肝比較一下，光是顏色就差天共地...最後...我問一下好像漏了個炸軟殼蟹壽司。那個肥肥男服務生瞪大眼睛對我說「你無叫過喎...我剩係額外落左個鵝肝咋嘛（因為鵝肝同炸軟殼蟹壽司起個餐牌無得剔，要比錢時口頭落單）」雖然...我都有責任要對一對張單，但係都唔洗用咁唔客氣既態度同我講野嘛

由於係附近返工既關係,所以一個星期都黎食一次, 原因係呢到都幾抵食, 琴日我就叫左個香蔥三文魚蓉飯(新出左2個月到), 立即愛上, 連埋個麵示湯都係28, 唔好期望個湯好好, 只係即沖, 不過以甘既價錢答講已經算OK....另外, 呢到都算幾乾淨, 不過唯一唔好就係D位得好少, 得6個到, 所以我次次都係自己一個或者叫多一個同事黎, 呢到仲有個什錦魚生飯都係28, 都係幾抵食.....不過次次黎就要行個條長命斜