海雲天

營業中

休息中

經KKDAY買4人優惠套餐。想不到是惡夢開始第一道菜，芝士焗龍蝦龍蝦是冷的，龍蝦肉質霉身，肉上更有黑色點點。一般來說，蝦肉上有黑點=已經氧化，是預先切開一段時間不新鮮的證明。第二道菜，片皮鴨 片皮鴨要皮肉比例適中，可惜每一片的鴨皮太少了，鴨肉偏瘦和乾身，也不夠鴨香。包鴨用的薄皮應該在廚房放了一段時間吧，最上面的幾片是冷的。值得欣賞的是，醬汁味道不錯。吃的時候多沾醬汁可以蓋過鴨的不好吃。第三道菜，叉子鴨松燒餅鴨松炒得不錯，但唯獨又是不夠熱。燒餅過份油膩，拿在手上滿滿的油。燒餅炸得太硬，完全無法將鴨松放入其中進食，一嘗試稍微打開燒餅就碎了。最後只能將鴨松和燒餅分開進食。第四道菜，火焰奄仔蟹上桌時很有視覺效果，但味道卻淡而無味。我吃的那隻有一鼓酒精的味道，不是平常吃酒釀的那種酒香，而是燃燒火爐的酒精味道，非常奇怪。因為火燒後，蟹肉還有被燒焦的味道。這視覺效果完全浪費了蟹肉本身，最後我要沾醋才能吃下去。第五道菜，濃雞湯花膠鮮淮山濃雞湯一點也不濃，可以改名做淡雞湯。花膠沉發時間不夠，很硬。第六道菜，燕窩水中花燕窩去哪了？呀….大概有3小粒吧。第七道菜，鮑魚蝦子麵鮑魚超級小的，蝦子麵又是淡而無味。

唔值呢個價位，枱枱都係食任食，我哋應該係唯一一枱俾正價。冇招呼，冇人沖茶，未食完就俾人收咗碟點心，叫住就攞返俾你，佢對手套掂完放咗去架垃圾車，你仲敢唔敢食返！一句唔好意思就算，個經理望一眼就閃開。以後都唔會嚟！

今次已經係第2次翻啅呢個套餐，抵食，絕對encore得過！每隻片皮鴨原價$428/隻，kkday訂套餐,逢星期一至五$180，星期六日$200。每個餐包：片皮鴨約有24片、京式手工烤餅18片、京蔥條、青瓜條。另外仲可以用$25加購原隻鴨殼，或以$40加購二食：醬爆鴨件或鴨肉炒飯。個人推介加鴨殼！個鴨殼仲有好多肉，仲有大大隻2隻鴨脾！如果想食熱啲，啲皮可以蒸5分鐘，鴨片可以用焗爐／氣炸鍋120度焗5分鐘外賣拎返屋企， 除咗傳統嘅醬同青瓜京蔥之外，自己發揮創意鍾意包乜都得啦！喺屋企用咗藍莓果jam加爆炸糖，都幾正，好玩又好食！

上網買咗海中盛宴餐。好抵食買一送一滿心歡喜！但係希望越大失望越大。其實食物水準係正常，唔可以話10分出色，不過呢個價錢都算唔錯。澳洲龍蝦好食！龍蝦味重，肉質彈牙。不過香煎帶子變炸帶子，可能要留意下。但係服務質素認真麻麻。上菜次序亂到暈，首先上湯，最後係想龍蝦？？？離晒譜！上菜亦都好慢，係非常慢！唔計甜品，總共八個菜，上左五道菜，仲有人走埋嚟問我係咪已經上晒菜！大佬呀，始終係酒店。我絕對明白餐飲業好難請人，我唔係想要五星級服務，不過真係茶餐廳啲姐姐都好過。態度極之散漫，每次上菜唔係袖口掂到啲餸，就係撞到我。問咩都唔知。

超人氣創意中式點心放題，$200就可以任食超過60款點心&小食，有好多好特別嘅點心任你揀，包括，火龍果蝦腸，🍊橘子燒賣，🍎蘋果肉桂蝦餃，木瓜雪耳糖水，🌺洛神花蘿蔔糕，🥭芒果牛肉球等等。令我最印象深刻就係橘子燒賣，食一件已經令你回味無窮😂 當然仲有正常嘅點心啦，🥬鮮蝦菜苗餃，🥛脆皮炸鮮奶，蟹子燒賣，蝦餃🍤，黑金流沙包等等，仲會每人送一個高質上湯灌湯餃🥟，雖然點心嘅質素唔差，但係成餐點心最好食就係炸鮮奶，同埋木瓜雪耳糖水😋😋😋仲要有埋海景睇，啱晒各位又食得又鐘意影靚景的朋友仔，好彩當日嘅天氣超級好，所以睇嘅維港景都好清晰可見；我哋為咗每樣都可以試少少，一開波就唔小心嗌多咗，好彩最後都食得晒😌😌 90分鐘時間啱啱好，啱啱好食到飽飽😋不過我食嘅時候係七月份嘅事，依家海雲天又出咗一系列新主題嘅點心放題，星馬泰系列🇸🇬🇲🇾🇹🇭 有機會都去試吓先，因為我見到有任食咖咉多士😋😍

Hoi Won Teen海雲天💵 Hkd 300-500 一位晚飯推介指數 🥃🥃🥃朋友話網上見到$14xx 四人餐好似幾抵食就book 黎試試 “片皮鴨龍蝦奄仔蟹8道鮮‧ 滋味盛宴” 但其實又加一又盛之後埋單都要$19xx⚓️芝士焗龍蝦配炸番薯秋葵參巴醬龍蝦係幾大隻既，啖啖肉，吾錯⚓️京式片皮鴨個鴨片好先拎出黎，包皮同鴨皮都係咁乾爭爭，我覺得一般般⚓️燕窩水中花 個豆花做得幾好，但燕窩少得可憐，吾講都吾知有燕窩⚓️叉子鴨崧燒餅燒餅好香芝麻味，都okay既⚓️醉翁奄仔蟹成晚應該佢最出色，上檯後仲個點火再燒一燒，香噴噴⚓️濃雞湯花膠浸鮮准山准山新鮮爽口，味道吾錯，但究竟係花膠定魚肚？⚓️鮑魚蝦子麵鮑魚細隻得可憐，蝦子麵幾爽口好食⚓️蝶豆花蘆薈果凍第一次食，都可錯，就係果凍同埋豆花味

生日跟朋友聚餐，開開心心買了套票。門口特別安排窗口位置，本來心滿意足。食物味道很好，質量滿意。但是，紅酒滿滿沉澱物， 十分嚇人。似乎沒有特定侍應生， 頻頻出錯，需要不停提醒客人人數及訂餐資料，每一次上菜都要再提醒一次，直到最後送甜品數目才是正確。現時侍應生不像從前的侍應生。可能未有足夠培訓，或者真是太難請人。結帳加一茶水花生收費相等於二人餐八成收費，實屬出乎意料。入門口開開心心，出門口深深不忿。感覺不像需要回頭客。

第一次試創新生果點心放題，味道彼新鮮和特別！是次點心放題星期一至五價格$188蚊任食90分鐘，茶芥另計，由11點開始任點時間充裕！火龍果鮮蝦腸 一點點黑色火龍果的果籽佈滿腸粉皮上面，咬落去酸酸味味的，有點唔太習慣微酸的蝦腸洛神花蘿蔔糕平時飲洛神花茶飲得多，今次呢個洛神花蘿蔔糕幾好食唔會太酸，食落同平時嘅蘿蔔糕有點相似脆皮炸鮮奶外脆內軟嘅炸鮮奶，甜甜地幾好食玉桂蘋果鮮蝦餃結合左蘋果嘅蝦餃， 咬落去甜甜嘅蘋果味，幾開胃，呢個都可以試試黑金流沙包 一咬落去，滿滿嘅流沙流晒出嚟呢個要趁熱食先好味

好耐冇食片皮鴨了 見上網有人推介就試下價錢對比其他已經好平配料都好足 只不過皮唔係好夠鴨方面好細心分咗淨皮同皮連肉唔似其他地方既片皮鴨咁冇乜皮鴨燒得唔乾身 啖啖肉啖啖皮都有鴨油同汁啲皮拎完過咗成個鐘翻到屋企都仲係脆下次想食鴨會再幫襯

七一回歸，之前在KKday預訂和家人食點心自助餐。天公造美，三號風球下，天氣仍然晴朗。點心款式未算太多，但質素唔差，用手機QR落單，上菜也快。最好係地方，坐得舒服，環境光猛，服務也不錯，可以一試。

款式算係好少，蒸籠同普通酒樓一樣會污糟，但係都算正常，環境唔錯有海景都尚算乾淨，但係海景位要早啲去先至有，服務員個別態度唔好，其他都正常質素，水果點心，虛有其表，得個名有啲夾硬嚟，不但冇水果味，仲有啲唔夾。最難食係菠蘿酥1秒都唔想放入口。燒賣正常發揮。雞腳鳳爪超級鹹但係入邊冇味。不過都尚可接受。但係最難接受嘅係佢嘅上菜混亂問題。上菜速度極慢，但係得一個半鐘食，你預佢上得三四次。好多時候叫咗都冇嚟，但係反而上咗啲唔係我哋叫嘅嘢，數量都唔少，例如粉果，各種蒸糕，因為唔食嘢冇可能會叫到，但係都上咗好多，其他鳳爪我叫咗一客，但係上咗四籠。可見上菜情況混亂，上菜速度唔理想，同埋員工見到空籠，唔會主動收，積咗成枱都係

♡好好味既外賣片皮鴨♡之前見父親節就到，知道會冇得出去堂食，所以一早訂左九龍海逸君綽中菜廳-海雲天既片皮鴨試下🦆。片皮鴨二百蚊有找💰，配青瓜絲、蔥絲同包皮；加40蚊有鴨肉炒飯。片皮鴨唔算好肥，肉質好嫩，外皮就因外賣關係焗軟左唔算好脆，但絕對係比平時酒樓食既好味‼️我一次過食左成10塊😂🙈，屋企人都讚好味，佢地因為疫情關係避免出街，好耐冇去飲茶了，而家食到咁好味既片皮鴨，見佢地咁開心就知我冇買錯😋😌。

味道😋😋😋🌗環境😋😋😋😋服務😋😋😋😋衛生😋😋😋😋抵食😋😋😋🌗今次黎到位於九龍君綽酒店嘅海雲天，試佢個生果點心放題！聽到生果點生放題，係咪以為係剩食生果？緊係唔係啦，其實係用生果入饡，做成點心😀睇到咁樣係咪感覺有d伏呢，當然成個放題都有d傳統點心啦！係網上都有人彈到痴左線，話上菜慢，d生果點心唔好食咁，所以今次就黎試下。11點黎到門口已經整多人，等入去，冇諗過依d鐘數同位置都會咁多人黎食😅坐底後，d職員都好有禮貌啦，我地用qrcode落單，見到聽個名都感覺怪嘅點心，我地點左幾少少黎試下就算🤣傳統點心就唔係到介紹啦，因為都唔會話有咩咁得別。今之主要上講幾款生果點心1.芒果牛肉球睇落正常，食落其實唔會話好怪，佢d芒果味比d喼汁遮左，所以唔算太覺眼，芒果係用生d嘅芒果，所以蒸出黎都食到爽口2.蘋果蝦餃睇落個款幾靚，食落個蘋果味唔算出，但都夾到蝦餃本身個名，另外，佢仲加左肉桂粉，食落有d似粉果版蝦餃，不過都可以的。3.柑桔燒賣睇落正常，聞落都清香，但食落佢柑桔皮就苦，所以就不了4.提子春卷食落正常，入面有一粒咁大把嘅提子囉，不過味道都可以5.火龍果腸粉個皮用白肉火龍果做，同普通皮唔同，食落感覺怪

點心都有放題真係夠哂過癮☺️！！有部分點心配合主題以水果入饌～淺嘗玉桂蘋果鮮蝦餃、柑桔燒賣外表靚靚 但水果味存在感不重🤫.作為專業包控 堅持易飽都要食！黑金流沙包就最得我心🤤(自己都食幾個🤣).小食方面風沙粟米岀奇地惹味炸鮮奶脆卜卜仲口感煙韌 正😆我地都𝚎𝚗𝚌𝚘𝚛𝚎好幾轉🤣～可惜酸仔菠蘿酥同想像中有落差 不太好味(以為好似鳳梨酥🥺).最後仲送上灌湯餃 係有啲誠意😉.呢餐可謂十分滿意❤️點心款式唔敷𧗠 熱辣辣 味道都唔錯😌亦欣賞上菜速度快 不會讓你餓著乾等～除左可以飽覽海景 連外面雲石樓梯都可以打卡🫶🏻

今日中午去試吓所謂自助點心，其實麻麻，食物質素十分之一般，款式又少，漏單情況嚴重，侍應服務態度差，竟會當面同客人講食唔晒就唔好叫，但其實係食得哂既，只係佢嚟咗啲我哋冇叫嘅。仲有好似成日想趕你走咁，另外要睇清楚截單時間，自助點心限時間兩小時，但竟然入座後一小時便會截單，正常都應該唔會咁快啦，離座前半小時就差唔多，酒店價錢，但只係一般酒樓嘅質素，冷氣極不足，不建議大家去食。實在想不到有什麼優點，可以令到我以後再去幫襯，完！