海陽。居酒屋

營業中

休息中

今日平日特登去K11 Musea睇藝術展覽，然後同朋友食埋晚餐，見到呢一間食日本菜冇諗太多就入咗去，雖然我哋坐近門口嘅位置但係望入去原來入邊幾乎滿座。咁啱我個位隔離有支酒嘅裝飾前面放咗個放大鏡，好得意。Menu有好多選擇，雖然我哋得兩個女仔，但係都叫咗五樣野。第一樣係赤貝刺身，Total有四件，好清甜爽口。之後佢上海膽刺身嘅時候我哋開始發現餐廳有安排根據我哋食嘢嘅速度慢慢逐碟上菜。因為我哋中途都有影相，而佢唔會好快就出第二道菜，唔會驚食唔切。個海膽亦都非常新鮮，好甜一啲都唔腥，而且原來份量都幾多，我哋用紫菜夾住食都仲有淨。燒雞翼純粹係我鍾意，所以叫咗一份有兩隻，同朋友share啱啱好。重點係叫咗壽司拼盤（9件），同樣地啲海鮮都好新鮮，其中覺得好特別係魷魚上面灑左啲柚子粉，成個口味好清新。另外帶子都好大粒，超甜，上面加咗啲黑松露醬好夾。最後就係野菜烏冬，份量好多，我哋每人分咗兩小碗，個湯好濃昆布味，菜嘅款式都好多，簡單嘅菜式顯得呢間餐廳更加有誠意同心思。因為今次我哋冇叫野飲，中途餐廳職員都不停為我地加水，亦都有關心我哋食物啱唔啱口味，服務值得一讚。Total埋單$895 ，性價比高，值得

疫症肆虐下依然想食豪啲啲今次嚟到新商場嘅居酒屋上刺身盛 💲298日式辛辣火灸叉燒豚骨濃湯拉麵 💲148明太子醬雞肉串 💲48慢煮牛小扒 💲98燒和牛鵝肝丼 💲268✅ 5點刺身新鮮可口🍣 尤其鍾意帶子嘅肥美同甜蝦嘅鮮甜✅ 慢煮牛小扒肉嫩稔身 值得一試♨️❔ 照燒汁覆蓋左燒和牛本身嘅味道 稍微失色🐄👅Taste：3.5/5💰CP值：3.25/5🙋🏻‍♂Service：4/5👁‍🗨Stylishness：3.5/5

又到K11Musea難得商場很空人影都不多見放工都好攰 就再食Kaiyo 上次食過覺得不錯 入座後不算冷清 但很好坐舒服今次叫咗「北海道牡丹蝦」單隻$68 確實大隻又鮮甜 毫無雪味 比一般甜蝦更厚質感亦有「北海道帶子」$88有d檸檬味 第一下估唔到係少少酸後來發覺少酸令到鮮味反更特出更叫了「油甘魚」$138 這個價錢是食新鮮「燒靖魚」很不錯 也有肉汁 燒得剛剛好最後點了「燒和牛鵝肝丼」還好 兩個女仔食 分量剛好 肉很夠 都好入味價錢偏上，但品質和服務不錯

啱啱去完日本旅行 今晚就去左係k11 Musea一間環境好舒適嘅日本餐廳食晚飯🥳 我哋坐梳化位 對住吧枱 好有日本風格👍🏻 佢哋食物嘅選擇都幾多 睇到我哋花都眼亂 我哋就叫左一個一人前套餐同散叫咗d小食😊 經典一人前已經有好豐富嘅野食 包括御付既迷你漬物盛同明太子沙律 酸酸甜甜好開胃 然後就係油甘魚柚子醬油刺身 柚子醬油味道好特別 加上油甘魚刺身都幾好味😋 接落嚟有季節天婦羅 包括花竹蝦 日本沙椎魚同野菜 除咗平時嘅天婦羅汁 仲有三款鹽比你點 個人都比較喜歡點鹽 更香脆可口👍🏻 海鮮茶碗蒸材料好豐富 入邊有蝦 雞肉 魚蛋 冬菇等等蛋蒸得好滑👅 煮食係迷你和牛海膽丼 份量比較迷你 不過和牛質素很好 加上醬汁調味 好吸引😚 食完咁多嘢仲有味噌湯同抹茶雪糕 雪糕綠茶味道濃郁😋除咗一人前我地仲叫左火炙三文魚壽司 脆炸雞軟骨 燒牛舌串燒 燒煙肉萵筍串同北海道十勝豚肉丼🤤 火炙三文魚壽司係我既最愛 燒完魚油好香 壽司飯大小適中👍🏻 脆炸雞軟骨熱辣辣好香口😋 燒牛舌串燒好出色 調味好 牛舌有咬口 仲好juicy🥳 燒煙肉萵筍串都唔錯 包住萵筍配搭幾新😛 北海道十勝豚肉丼豚肉非常多 肥瘦適中 每塊都

餐廳在新的k11 Musea內，裝潢很豪華，走西式裝修，日式食品的風格裡面播放著古老的日文歌，什麼入樽，Eva 等廿年前的懷舊歌都有最便宜的一人餐連加一約$438有很豐富的漬物，漬蒜頭跟芥末龍蝦沙律都不俗，既西還日，有趣油甘魚柚子醬油很有趣，酸的刺身我還是第一次嚐，開胃。天婦羅值得欣賞，花竹蝦鮮味濃，沙椎魚無骨味帶鮮，野菜也保持水準，炸皮薄茶碗蒸熱騰騰，雞肉銀杏均有，一如所料迷你和牛海膽丼其實只是一塊和牛跟一塊大海膽（相信是加膽），和牛還是不錯，油花跟肉香均勻，海膽可以更好湯是傳統麵豉湯，比一般的清淡一點，可以一試最後以泡芺作結

22-2-2019 (Sat) 晏晝,同老公去尖沙咀搵男友人IN,請佢食生日tea,由IN介紹我哋嚟呢間,K11 Musea做promote,如成為會員,喺呢個場內嘅食肆,食滿$800.00即減$400.00,咁就好抵.IN要咗$198.00嘅三文魚親子丼,老公要$268.00嘅燒和牛海膽丼,我要$108.00嘅雜菜稻庭烏冬.再叫3個小食一齊食.我只試咗老公嘅燒和牛海膽丼上嘅海膽,海膽顏色比較深,但好彩未影響味道.IN既三文魚親子丼,份量適中.我嘅雜菜稻庭烏冬呢?大大碗,烏冬幾彈牙,湯汁係醬油,味道清淡.味道: 4分小食就有:$78.00嘅味淋雞泡魚乾軟硬度適中,又香口,好味.味道: 5分$68.00嘅燒牛脷竟然係厚身,大約有1厘米,口感彈牙,小小黑椒吊味,唔錯,不過牛味好似唔係幾夠.味道: 4分$48.00嘅明太子醬雞肉串串燒雞肉仍juicy同嫩,小辣明太子醬味道都啱啱好. 味道: 5分價錢:連加一係$845.00,減$400.00即$445.00,抵食.

食品質量一般， 叫咗個壽喜燒 ， 只用一般細鐵窩上，並不是日本平圓窩，牛肉大件窩太細，所以只能卷住煮口感即時失色，牛肉偏厚及並不滑嫩。筷子冇筷子托又冇筷子套包住 ，有些不衛生，套餐沒有日式漬物，整體食物沒有日本味。服務員工好努力，態度好。

將居酒屋跟酒吧融合，氛圍跟一般居酒屋截然不同。樓底高而且裝潢時尚有格調，感覺讓人耳目一新。味淋雞泡魚干 ($78)甘香可口，煙韌軟腍，口感一流，令人難以忘懷！燒牛脷 ($68)香咸適口，軟嫩厚度足，富有彈性，入口爽脆又有嚼勁。月見雞肉棒 ($58)雞肉棒內含雞軟骨和洋蔥，口感相當有層次。享用前再沾點蛋黃，肉質更嫩滑。碎蔥吞拿魚腩卷($118)料多過飯的碎蔥吞拿魚腩卷上面鋪滿了吞拿魚腩蓉，十分澎湃，簡直令人亢奮！入口幼細香滑，軟綿綿的，每一口都是魚脂濃香的滿足感！

初二下午茶時間去K11Musea 食日本菜一定有開門有位坐🤣門外有幾個日本酒bar 枱座位有壽司又有串燒我最愛裏面有sushi bar 枱位我坐餐枱遠觀師傅功夫白鱔皮脆肉滑牛舌juicy點解黎咗壽司盛先黎刺身？新鮮有海膽😍是日推介北寄貝本身比較林唔係赤貝咁爽切到開曬花完全冇曬口感賣相非常討好吞拿魚蓉+海膽+三文籽係絕配美中不足就係d飯加咗好多飯素Side 咗刺身鮮味其實有好多野未食下次可以再去就食丼同其他串燒

中午食個lunch, 作為一間中價日本餐廳，舊和牛一對咬落去有筋，你位師博切落去嗰下都已經知系咩事喇，仲羅出去serve 個客？連基本既管理都唔達標囉，收得呢個價，就認真d 去做喇。現在流感時期，明明個廳仲有好多吉枱，硬要安排坐埋一堆，我明呢個系平日入枱方式，但現在疫症時期啊，入面又大把位........總之失望，冇下次。我去食碗粥都感覺到人地系有為客人設想！

Horrible experience I can’t believe the chefs of the sushi bar were using their bare hands to handle the raw fish and rice in this critical moment . How can you guarantee your customers that chefs are with clean hands ? I saw them to touch their phones During they were managing their work in the sushi counter . I felt embarrassed to point out their mistakes and didn’t cancel my sushi set . I regretted for my timid behaviour. At last , I told the waiter when I checked the bill . Really hope th

今時今日呢個環境，出外吃飯是一件十分危險及奢侈的事。 今天下午, 帶兩個小朋友出外走走 。他們想吃日本嘢， 我們便到此餐廳。入到去午飯時間， 只有三數張枱有客人。 男侍應安排了我們坐在放杯 、餐具櫃上面有兩個熱水壺側的四人枱。 我便有禮貌的跟他說，我可唔可以坐側邊嗰張，因為有小朋友，比較安全 。男侍應的回覆是 "哦, 你鍾意啦!"聽到後，我便頭也不回立即離開。哪怕貴餐廳的食物有多一流， 但職員的態度是九流，要生存？至少唔會做到我和我朋友的生意。

想食和食又唔想食翻野咁就要試下日式丼飯喇呢間居酒屋裝修非常華麗別緻仲有個壽司吧 好受外國客人歡迎燒日本和牛海膽丼 $288兩款矜貴食材打造出雙重滋味和牛口感嫩滑 肉味香濃而海膽都好鮮好甜北海道十勝豚肉丼 $198醬汁帶出肉本來既香而且份量都幾多加上葱絲風味十足另外串燒亦相當出色月見免治雞肉棒和風味濃雞蛋汁同雞肉味道好配合另外燒牛舌亦都好濃郁 師傅燒得恰到好處 火候拿捏準確雜錦天婦羅款式豐富即點即炸 非常香脆特別係隻炸蝦 令人回味無窮

K11 MUSEA，新商場的高級居酒屋 - 海陽 Kaiyo。環境好舒適。龍蝦蟹子沙律（$78），味道好濃郁，用紫菜包住一齊食，味道好似手卷咁。燒雞翼（$48）、燒牛舌（$68），串燒即叫即製，牛舌夠厚身，雞翼幾香。月見雞肉棒（$58）：免治雞肉串加溫泉蛋汁，口感更添香滑。上壽司盛（$328）：除了串燒，海陽有一邊壽司、刺身吧檯，壽司由師傅精選，9款不同壽司，最愛甜蝦及三文魚子！燒和牛海膽丼（$268）：signature dish之一，和牛經燒過後的油脂及入口creamy的海膽，撈勻一齊食，好邪惡呢！

在藝術商場内品嚐日式美味，果然，美食也是一種藝術。月見雞肉棒——雞肉與軟骨比例均勻，沾上温泉蛋令口感更豐富，沾與不沾可以是兩種口味。燒白鱔——肉質爽口彈牙，燒得香脆，屬上乘之作。十勝豚肉飯十分厚切，卻不會覺得油膩，份量很多，建議兩個人分。吞拿魚腩蓉鋪滿了整個碗，口感肥美，加上蔥絲和蔥粒感覺清香，拌飯變成新吃法，份量也是非常多，一個人吃不完。鰻魚玉子卷有原條鰻魚，內有菜，面有芝麻，點上燒汁，別有一番風味。海鮮日式茶碗蒸，雖然海鮮份量不多，但蛋很滑。手榨西柚冰茶十分特別，有半個西柚供你自己榨汁，倒到杯中調教份量。