海記合桃坊甜品 (已結業)

跟閨蜜大吃大喝後還是意猶未盡，於是來到海記吃最有名的芋圓。很幸運的在宵夜時段也只是等了大約15分鐘就入座，當然要一人來一碗芋圓西米露啦！一來到顏色超豐富的，心情也興奮起來 哈哈！ 兩碗分別是紫薯和芋頭的雪糕，味道很突出又香濃，還間中吃到紫薯蓉和芋頭泥啊！而我們的主角芋圓就比想像中比較粉粉的，口感如果可以再煙韌一點就更好啦。西米露也非常的多，軟稔度適中。最值得讚是不會過甜，而且勝在量夠多，吃畢還是很滿足的，嘻嘻！

尖沙咀行街食飯之後，想搵間中式糖水舖，上OpenRice搵到呢間，估唔到咁旺嘅地段，可以有如此親民價嘅糖水舖，推介合桃糊同喳咋，合桃糊好滑，又唔係太甜，如果你想有啲口感，可以試沙沙合桃糊，會有一粒粒碎合桃，芋圓喳咋加入完全溶化的芋頭，入口特別香，蓮子燉鮮奶的都算滑，不過略甜

依間因為大大粒芋圓，可以book mark左好耐，甘啱嚟尖沙咀食晚飯，口痕想食埋甜品先返屋企，所以就去左試。我哋叫咗椰汁西米芋圓同埋紅豆豆花。芋圓唔同顏色大大粒，加埋椰汁西米露好食。仲有個雪糕球。紅豆份量好多好足料。淡淡紅豆味配豆花

晚上9:30去食咁岩得返近廚房嘅位餐廳入邊好似開咗暖氣咁，加上坐咁近廚房覺得好熱鋪頭入邊得三個人，落單要自己去收銀度買感覺唔太方便今次叫左原本我叫個碗係配紫薯冰平時係其他分店都可以將紫薯冰轉香芋冰雖然今次都成功轉到，但係收銀買嘅時候話唔得同廚房講又得，睇嚟要加強溝通而上嘅時候個香芋冰已經開始有少少溶芋圓數量好多，而且仲好好咬口，值得一讚涼粉味道偏甜，加埋其他配料一齊食就會好甜建議可以整涼粉嘅時候甜到調整一下

食甜品呢家嘢實在是難以忍受抗拒，也是我減肥途上的一個宿敵，無論如何我總是覺得飯後一個甜點才是完美的，總是那麼多的值口。今晚在尖沙嘴行街食飯睇戲完畢，未歸家前走左去「海記合桃坊」，來這裡出名是合桃糊，但我這夜想食台灣芋圓，於是我們二人就叫了兩碗芋圓糖水。🥄紫薯芋圓紅豆沙$30紫薯香軟，芋圓Q 彈配合紅豆沙好彩不太甜，滿意之作！👍🥄椰汁紫薯芋圓涼粉冰 $34冰冰、涼涼、爽爽、彈彈仲勁有椰奶香味，正👍😋😋😋食飽飽滿足地響起鐘聲歸家的訊號！

合桃糊 一定要黎海記！每次去專門店 都一定要試佢最出名既野食☺️咁海記講到明係合桃糊專門店 一定要試下佢～佢個合桃糊非常足料 又夠濃 上面仲有好多合桃碎 啖啖都係合桃 夠滑夠口感🤤我地仲另外試左個好似係新出既甜品 佢有哂我最鍾意食既材料🤣有紫米露 煙un既芋圓 椰汁 同埋雪糕咁多樣好食既野撈埋一齊 就當然一樣咁好食啦😍😍唯雪樣要彈既就係佢地鋪頭細細 都坐得幾迫😪仲要佢地為左做生意不斷推人入黎搭枱 坐得唔係咁舒服😪

Hoi Kee is a really nice dessert shop in Tsui Sha Tsui and offering delivery service. I fall in love when I first tried the dessert here. Grainy Walnut Soup is really perfect and the balance of sweetness is just right! Before adding grainy walnut in the soup, I already feel rich taste of walnut, haaa, I just love it!!!After adding grainy walnut, the soup becomes more chewing and even stronger taste of walnut. How can people resist from this lovely soup!?menu:Must try Grainy Walnut soup, strong a

d服務完全唔掂！係超唔掂！根本就係趕客！d師奶阿姐完全唔係做野，3條友只係掛住傾計，仲要係好似街市賣菜咁bi li bala! 勁大聲！ 全間舖頭只係聽到佢地喧嘩，反而d客完全冇人出聲！ 坐在一陣，以為自己去左賓墟，嘈到頭痛想爆炸！ 入到去好明顕冷氣唔夠，唯有揀近門口，之後見過有超過10個客人入來，果3個師奶依舊大大聲傾計，係冇理過d客，d客見唔夠冷氣又冇人理咁就走左，但果3個師奶眼都冇瞄過d客人，只顧傾計。我叫左碗杏汁雪耳，成碗都係雪耳又杰又甜！杏汁撈雪耳會貼切d，因為根本冇乜糖水可以飲到！難食！其間聽到其中一個師奶員工大大聲呼叫乜乜糖水係邊個要咖？叧一個又話送錯比呢枱、又送錯比果枱！一係又嘈廚房煮糖水果個撹錯哂d order! 3條友又開始bilibaba! 嘩！大佬！你地傾少一陣計，寫單果個同煮果個專心d咪唔會錯囉！得果幾枱客都可以撹成咁！ 如果我係老闆，真係多得3個師奶唔少！我經常幫襯海記，但土瓜灣果間起碼服務好好多，呢間絕對冇下次！

與友相聚，飯後甜品左一個完美句號。係尖沙咀人海茫茫，繁華鬧市中尋找一間甜品真的10分困難。慶幸在路途中找到一間，貌似客似雲來，聚集四五成群，一班班工餘時的打工仔在內談天說地，手起足動，雖然環境狹窄，氣氛十分好。可是食物質素十分差劣，店內嘅服務比錢前同比錢後係兩回事，求其拎啲賣剩遮去敷衍客人，聚會固然重要，但不是消費上無要求。就如我有店內購買了冰糖燉蛋（熱），點知個製成品係温的，但亦不重要，最重要的是味道酸酸的，變懷了的味道，就告知店員，廚房師傅亦有試過，佢堅持地話無變味，係蛋鮮味，我就覺得奇怪，但亦堅持更換另一甜品-薑汁燉奶，薑味10分濃郁，奶味不知所蹤，味道奇奇怪怪。芋圓硬硬的，口感十分差，芝麻豆腐花，味道淡而無味，豆腐花有酸酸的味道，食完唔肚痛就奇怪！本人疴左3至6次，十分辛苦！可能真的無其他甜品鋪選舉，好多人只會唯有去哩開，希望光顧的客人相聚係開心，為左大家自身健康着想請細品嚐睇前食品有無變壞！

是日食完晚飯系尖沙咀周圍逛，經過海記合桃坊甜品，突然間口痕想回味下作個芋圓，見入面仲有空位，就咗入去啦（左）<香芋雪樂冰芋圓西米露$32> （評分: 3.5/5)不嬲都對海記嘅芋圓好有信心，一碗雪樂冰大概有10粒左右番薯圓同埋芋頭圓，芓好煙in，一咬開有一陣淡淡嘅芋頭香，正呢個雪樂冰上面仲有一頭芋頭冰沙，睇落好似雪糕咁，食落似刨冰咁嘅質感。個人就鍾意食冰沙多啲，尤其是食飽飽食冰沙好似冇咁濟（右）<草莓雪樂冰豆腐花$29> (評分:2.5/5)事實證明，海記淨係適合食芋圓類甜品🍮草莓豆腐花其實係將麥當勞嘅草莓醬諗落個豆腐花上面，草莓醬一食落口就係色素嘅味道，好甜好化學，豆腐花乜豆腐嘅香味黎海記都系食番芋圓類嘅甜品，下次我都係唔試其他奇奇怪怪嘅嘢啦

同老友食完打邊爐已經好飽，但經過甜品店，女人就好似天生多一個胃係專食甜品，又立即同好友沖入去食食，海記其中一個出名糖水就係佢地既沙沙合桃糊，熱辣辣既合桃糊配上新鮮脆口合桃粒（沙沙），非常美味，而另外既係芋圓番薯湯水，糖水底有濃濃既薑味，而番薯都好香甜，再配上煙韌既芋圓係好好既配撘。

係尖沙嘴食完飯想食甜品其實都無乜選擇，海記比較就腳，而飯後時間去海記例牌要等位，不過閒日就唔算多人等，20分鐘就入得喇！店內環境有少少狹窄，牆上貼左各種嘅甜品相。中式甜品黎講選擇都算多元化，有佢最出名嘅芋圓系列，仲有糊類同燩奶類。黎到就緊係要叫碗芋圓，記得之前食過覺得OK，唔知仲keep唔keep到水準呢？✨紫薯香芋雪樂冰芋圓西米露（$34）呢碗好多紫色元素！而且係幾好食！如果選擇唔到香芋定紫薯，揀呢個就兩樣都可以試晒！✨紫薯雪樂冰芋圓西米露（$32）紫薯蓉好rich，幾滑，好重紫薯味，啲芋圓係暖暖地，令到成碗甜品唔夠凍！✨香芋雪樂冰芋圓西米露（$32）個人覺得香芋雪樂冰比紫薯好食，整體OK，不過都係唔夠凍，可以改善下！✨薑汁撞奶（$29）呢度果然係食芋圓嘅地方，其他甜品都比較普通，薑汁撞奶唔夠滑，好似布甸咁比較固體。

同班中學同學係isquare食完晚飯次次都會黎食個甜品！唔係因為我地未飽，係因為次次都傾到唔想返屋企哈哈！【紫薯香芋雪樂冰芋圓西米露】$34一次過試晒紫薯，香芋，芋圓，又西米露，都係$34！我好中宜呢到既芋圓，好Q彈！淡淡的芋頭味，而呢到呢芋圓係圓碌碌，同出間四四方方果d有d唔同。同埋好喜歡佢呢香芋雪樂冰，好香芋頭味，好味！總結，尖沙咀好似唔覺好多糖水鋪，以後都要繼續黎海記啊～

無論天氣凍或者熱，糖水都是合時食物。今日天氣凍，適合進食熱的糖水滋補下。這間海記合桃坊甜品當要主打合桃! 所以朋友點了一份沙沙合桃糊($30)，而我則點了一份蕃薯糖水($27)。沙沙合桃糊與一般合桃糊有些分別，名叫沙沙合桃糊是因為放了合桃碎於合桃糊中，增加口感，格外香口。蕃薯糖水則與一般無異，甜度適中。冬天吃一碗熱辣辣的糖水，暖身又暖心~但是，唯一不滿意的，就是餐具很骯髒，”痴粒粒”，清洗得不乾淨，有點嘔心。

2019 年1月1日晚上未到9:30 ，凍凍哋，諗住食碗糖水甜甜哋暖吓，但換來～～～～😤。安排坐位後好一陣子才知道堂食都要到收銀處落單，店員態度確實實需要改善。杏仁糊，芝麻湯圓，椰皇燉奶通通售罄，招牌合桃糊及芝麻糊，最基本的要求都做唔到，完全唔熱，而且口感似開粉漿，芋圓更可怕，只是 ‘一堆一堆’嘅有色的粉團，原全冇味🙄! 席間見到有顧客投訴楊枝甘露冇柚子粒等同芒果西米露，要求退錢，與店員爭抝後及不敵群眾眼光，最終退回