海記合桃坊甜品 (已結業)

我嘅無底胃唔係後天, 絕對係遺傳!!! 班友仔啱啱先係餐廳叫好飽, 轉頭又討論去邊度食甜品, 你地都得o架喇...一行12人, 等了一會, 被安排迫在1張8人長枱, 後來附近有枱埋單, 大姊即刻搬過去坐, 即刻鬆動好多...芒果丸子冰露 $31-- 姪女被我傳染了不治之症, 入到糖水舖居然第一時間搶我部電話幫我影餐牌, 而家先小二, 幾時先影到大個呀?!! 冰露唔夠芒, 好稀, 丸子夠煙韌, 反而芒果雪糕幾阿X羅, 同姪女Share (正確係被Share), 只被分配到個雪糕球, 都好過咩都無...食完當然要快快手"被"走人, 門口仲大把人等緊位喎...

最近经常帮衬呢间小店～而且次次嚟人都好多！生意真系好好！今晚为了庆祝考试结束，同朋友来这里食甜品当宵夜，我叫左秋冬甜品喳咋糖水（$19），第一次食呢个糖水，好好味！芋头煲到好霖，好入味，透明的类似凉粉的东西嚼起来几得意，眉豆花生都煲到好烂，甜度适中，总之就系好正朋友则叫了芒果肠粉（$31），芒果好大粒而且好甜，肠粉皮很像果冻的口感，一齐食都几match，唔错！只是本人怕冻，冬天都系中意暖暖的糖水～真系好中意海记，有机会要把每款糖水都试一遍

真的好喜欢这家甜品店，价格合理味道也好，自从上次吃了合桃糊之后一直念念不忘这里的糖水，今天又一个人来吃杏仁糊虽然合桃糊是招牌，但是杏仁糊一点都唔拾输，好浓，好滑，而且感觉好润啊～冬天喝最好了，正如其名字所说，养颜杏仁糊～下次试试栗子糊才行！

天氣開始轉涼，好怕凍的我同媽咪行開太子西洋棻街見呢間糖水鋪有核桃糊食，又唔洗等位，於是入去蠍下腳叫咗一碗熱沙沙核桃糊($25) + 一碗熱喳咋($20好似係)兩種糖水都好好味!!!除咗好夠熱之外，仲好香唔會得個甜字沙沙核桃糊上面的沙沙(核桃屑)脆卜卜提升咗口感不過沙沙嘅份量唔夠，同佢show出嚟幅相比少好多而喳咋就幾足料，兩個人食完兩碗糖水超飽超溫暖，晚飯都食唔落

這麼冷的天，西式甜品的冰凍完全提不起我的興趣，只想吃些熱熱的東西。和朋友飯後剛好經過這家甜品店，看到招牌上寫著「秋冬」甜品，有栗子糊，立刻有了興趣，急忙進去試試沒想到進去看了餐牌就瞬間被招牌甜品沙沙合桃糊吸引了，於是點了這個，女人果然還是比較善變吧哈哈，朋友則要了最簡單的海帶綠豆沙沙沙合桃糊真的好好味！細膩潤滑，甜度適中，配上撒在表面的碎合桃，一口就暖到心裡去了。吃完成個人暖笠笠好舒服～下次還要來，試試栗子糊！

好耐冇黎呢間食我覺得最好味嘅芒果小丸子，諗住睇下有冇退步到，點知佢連我評分嘅機會都唔俾，竟然冇得賣，過份！我同男朋友揀冇可揀，唯有揀宇治金時涼粉兩份食啦！嘩！真係差到呢！綠茶雪糕一般得很，涼粉又唔夠凍，成碗野得個甜字，差差差！！！服務又唔主動！！！本來我覺得係一間有質素嘅甜品店，今日覺得佢地求求奇，感覺非常差，我唔打算再幫襯

飯後甜品，食完晚飯，途經此舖，未試過，就試它一試吧，位於太子旺區，價錢都算唔貴，睇招牌，擺明做 合桃糊，點可以唔試，沙沙合桃糊，好特別，面蓋些碎合桃，有咬口，糊亦煲得夠火候。

在太子吃過美味餃子過後四圍逛逛，當晚明明花了很大的決心想放棄吃甜品這一環怎料走回地鐵站途經這店時，男友突然拉著我內進說要來點甜 雖然口裡責怪著他，但女人總是口不對心的嘛，心還是甜甜的 沙沙合桃糊$25 看見店名加上合桃糊三字，四圍又貼上合桃糊的圖片，來一碗想必沒錯吧 雖然店員端上的並不如圖片般澎湃，但攪一攪後吃下仍嘗到挺多的合桃粒 第一次吃覺得一粒粒有咬口挺過癮的，合桃糊既香滑又有合桃香，不過甜，有驚喜 宇治金時$30 男友對小丸子有莫名的鍾愛，見到有小丸子的大多都會點 今次可惜中伏了，小丸子紅豆和涼粉都正常，惟那稀稀的奶水底十分甜加上奇多冰粒在內的綠茶雪糕，就是不好吃  環顧四周，大家都是吃什麼腐竹雞蛋、桑寄生蛋茶、芝麻糊那類東西看來來到這邊還是吃回些傳統的糖水好了！

同姐姐食下午茶，專門唔食咁飽，因為知道姐姐喜歡食合桃糊，見到太子有海記合桃坊就嚟試吓，我地叫左沙沙桃糊同芝麻糊，我食芝麻糊，亦有試合桃糊，兩隻糊的味道也不是很甜，不是太甜啱我，因為平常在其他地方食的如太甜食到尾好漏，兩款糊口感稀度適中，芝麻糊的味足夠！招牌沙沙合桃糊～雖然說是招牌的，味道略淡不夠香濃，有淡淡的合桃味。

好耐之前經過太子,都經過海記合桃坊甜品, 但一直都未試過,今日去太子行街終於都試左喇~可能係晏就所以都冇咩人食~2個人分別點左芒果腸粉同紫霞仙子~點左5分鐘都冇就已經有得食, 真係好快手~<紫霞仙子>個名改得好好聽, 依個甜品其實係椰汁紫米露+丸子+生果+香芋雪米糍~依個配搭,原來係好好味, 紫米露唔係太甜有咬口, 丸子入口煙韌, 生果都鮮甜, 食埋雪米糍真係涼浸浸~<芒果腸粉> 之前係其他甜品店都食過, 但覺得落得太多糖水所以好甜~但今次依個芒果腸粉, 做得幾好食, 腸粉皮做得較薄身,芒果肉好大舊同好鮮甜~芒果汁都唔會太多同過甜~依碟芒果腸粉份量十足,食完一條都有小小飽~ 多人share食就最岩喇~

如題。我哋一家人入到去、坐底埋、落緊單果時先同我哋講話冇綿綿冰食，部機壞左。於是，我哋就只好叫其他野啦。我哋分別叫左凍紅豆沙（$16）、芒果小丸子冰露（$31）同埋薑汁芝麻湯圓（$21），合共$68。我媽咪話佢個芝麻湯圓D皮厚到阿媽都唔認得。呢間野仲話自己係甜品專家wor。不過，其實佢D位都算坐得舒服，唔會太迫。如果真係行完街好累，冇地方坐下，都建議可以揀佢。

沙沙合桃糊在腦海飛過，所以一於去我第一次食到依個糖水既地方-海記。糊夠香滑，但為個叫沙沙？因為店方會再加上合桃碎，口感一流，外賣的話，合桃會另上，以小包包裹，如果可以有更多合桃碎，味道更佳。

 女仕們看到甜品,糖水,總會突然變出另一個胃出黎!而小女子亦一樣,雖然平時唔多鐘意食甜,但就好鐘意食糖水。每次出街食飯,總會覺得來一碗糖水才是真正的感嘆號!!!!!所以,今日同大隻先生食完個飽飽晚餐,就扭計去食碗糖水。 係旺角,以前一路都會食心太軟,窩夫食D西式D既甜品。而今日又突然好想食碗中式糖水,行行下就入左黎依間海記。入到去,睇睇餐牌,原來唔止傳統糖水咁簡單,當中都有D新野。好似綿花冰,楊枝甘露等....而打開最後一頁,仲有D唔係間間有既糖水---燉鮮奶,酒釀丸子,杏汁燉雪耳等。就我平時最常食既燉木瓜雪耳黎講,佢只係HK$20.00一碗,平過大圍任何一間糖水鋪!價錢OKAY! 同大隻先生叫左3樣野食,酒釀小丸子,椰汁燉海底椰同沙沙合桃糊先講酒釀小丸子;依樣糖水次次食都係一樣感覺...9死1生...食過咁多次,都係得一兩次係好味....其餘既都係怪...怪...同怪....今次....係...中伏...佢有落桂花同埋D酒釀煮...老實講,佢算整得中規中矩,只係酒釀同糖既比例有所差異....所以會有微酸...但因用即用酒釀關係,所以唔會有酒香...依個就係成個酒釀丸

夜晚打完邊爐仲想有下場，一大班就決定去食糖水，懶得行太遠就決定試下未食過嘅海記。店鋪環境只係好一般，座位都比較殘舊，不過Menu睇落就唔錯，睇落有幾多特色少見嘅甜品。冰花燉蛋 $22 ，睇落好滑好正咁，係就係好滑，不過就完全唔正，成係燉蛋唔甜不特止，蛋味亦無乜，基本上就係無味。蕃薯糖水+湯丸 $27 ，原本以為蕃薯糖水會落薑，點知原來無，蕃薯味亦唔太夠，整體甜度不足。湯丸係芝麻餡，都係一般貨色。芝麻糊+湯丸 $27，原本以為會係花生湯丸，點知都係芝麻湯丸，喊出嚟變咗雙重芝麻糊，味道都係好一般。開心果糊 $26 ，味道最足嘅一款，淡淡係濃濃唒開心果香，感覺好足料，而且真係未見過呢味甜品，感覺好新鮮。

是日Meow同Piggy連同3位友人去食甜品.好好彩9點幾10點食都唔洗等位.Meow叫左最愛既 - 椰皇燉鮮奶 $31上枱時係由保鮮紙包住哂, 要自己撕開.佢D椰子肉係燉到可以"拔"出黎食, 唔似某D甜品店明顯係分開煮好先倒返落個椰皇殼到.Piggy既 - 唔記得乜叉叉仙子 $26上面白色飄飄下係丸子, 下面係紫糯米.友人1號既 - 沙沙合桃糊 $25Meow試左, 真係幾好味.下次黎D間就大件事, 選擇困難症好大機會發作.友人2號既 - 椰皇燉海底椰 $31同椰皇燉鮮奶一樣,上枱時都係比保鮮紙包到實,D椰子肉都係可以"拔"出黎食.友人3號既 - 唔記得左個名 $31面有球士多啤梨雪糕, 下面係啫喱.