海膽屋 (上環)

屋企附近開咗個新嘅壽司店，其實屋企附近都有好多類似呢類型嘅壽司店，但係呢會吸引到我去試，係因為個裝修格局好乾淨，食材又好似好新鮮，比起其他嗰啲好似有規模啲，因為食壽司最緊要係乾淨，所以就夠膽試～星期六見落大雨又有位，所以就堂食；有張咭仔會比你可以入會儲分～可能初初試業就有啲混亂，有啲我地叫唔止一件嘅佢，送過嚟淨係一件，之後就再補返～佢啲三文魚係挪威嚟嘅，叫咗個香霧花之戀＄12都幾抵，親子（即係三文魚子）花之戀就 $36貴啲啲，兩樣都好新鮮好味～自己就特別鍾意芝麻八爪魚軍艦＄8，好明顯啲八爪魚係好新鮮唔咪擺咗好耐，仲係好爽口，＄8其實都好底所以叫咗兩件～另外特別推介香芒吉列蝦反卷＄38，超大舊，唔係平時元氣千兩個size，係大嚿好多，所以一口係咬唔哂的，覺得熱超級新鮮即炸號除，呢個好好味推介！！另外仲有叫北寄貝沙律軍艦$8，蟹子軍艦$12，芝士蟹子軍艦$12，海膽玉子壽司＄8，三文魚腩壽司$12，全部都新鮮，價錢非常抵～呢度賣點係材料新鮮乾淨，價錢都OK，同埋近我屋企；如果要比較，我覺得比元氣好食，但係我自己就鍾意千兩多啲～

屋企附近開咗個新嘅壽司店，其實屋企附近都有好多類似呢類型嘅壽司店，但係呢會吸引到我去試，係因為個裝修格局好乾淨，食材又好似好新鮮，比起其他嗰啲好似有規模啲，因為食壽司最緊要係乾淨，所以就夠膽試～

星期六見落大雨又有位，所以就堂食；有張咭仔會比你可以入會儲分～

可能初初試業就有啲混亂，有啲我地叫唔止一件嘅佢，送過嚟淨係一件，之後就再補返～

佢啲三文魚係挪威嚟嘅，叫咗個香霧花之戀＄12都幾抵，親子（即係三文魚子）花之戀就 $36貴啲啲，兩樣都好新鮮好味～

自己就特別鍾意芝麻八爪魚軍艦＄8，好明顯啲八爪魚係好新鮮唔咪擺咗好耐，仲係好爽口，＄8其實都好底所以叫咗兩件～

另外特別推介香芒吉列蝦反卷＄38，超大舊，唔係平時元氣千兩個size，係大嚿好多，所以一口係咬唔哂的，覺得熱超級新鮮即炸號除，呢個好好味推介！！

另外仲有叫北寄貝沙律軍艦$8，蟹子軍艦$12，芝士蟹子軍艦$12，海膽玉子壽司＄8，三文魚腩壽司$12，全部都新鮮，價錢非常抵～

呢度賣點係材料新鮮乾淨，價錢都OK，同埋近我屋企；如果要比較，我覺得比元氣好食，但係我自己就鍾意千兩多啲～