海膽屋

營業中

休息中

我岩岩行完街經過呢間壽司鋪，見到門口有個手卷既水牌，又幾餓，價錢又唔貴，就決定入去食下我最愛既刺身。門口唔記得影，有機會可以留意我既食評補番😂咁我好快就叫左我既小食坐低，影下相店內兩張長枱 十個位左右等左兩分鐘左，三文魚手卷好快到左😍唔洗等好耐三文魚卷 飯同魚既比例岩岩好 魚落到個底都有，的確係幾好食，唔會要就咁食壽司飯三文魚無雪味 新鮮既，好好味，溫度岩岩好 唔係岩岩解凍食完我就走左，不過覺得間野既刺身不錯，所以我回頭買左盒三文魚楠試試，香好多店主佢問左我住邊，比左大大舊雪我，話可以保冷8個鐘，個店主都幾善談😂又好人～呢盒刺身我覺得做得好專業，平時外帶鋪買既，講真，會出曬水，不過呢個我山長水遠拎左兩個鐘都無事無出水，番到屋企即食所以整體黎講，係我食過名列前矛既刺身之一～不過我未食過佢其他既食物，有機會可以再試～

今日同Honey bell兩個撐枱腳，食好d!先來一個生蠔併活赤貝再來幾款壽司，個珍寶帶子真係不得了，兩啖都食唔哂！重頭戲爆丼海膽飯，簡直好食到冇朋友！又甜又新鮮！大滿足！

支持小舖：經朋友介紹第一次去上環試食「海膽屋」。睇相點餐時唔知道原來係份量好多，三個人食咗九百幾蚊真係飽到傻，一定會再幫親。刺身多，夠新鮮，好味度，服務好，價錢合理。讚！

呢間係上環壽司/丼小店 我就最鐘意食日本野 特別海膽 見呢間係公司附近 就試下其實個度位唔多 三張長bar 台 但野食種類就幾多 除左壽司 丼 刺身 仲有生蠔 清酒 唔錯叫左2個丼 同一d 壽司壽司叫左中拖羅 白肉豚 劍魚腩 海膽丼就叫左j40 （有加拿大海膽，三文魚同牡丹蝦）同j37（天使蝦-但轉左大蝦，甘蝦，油甘魚）其實overall 食材幾好 想特別一讚d壽司 壽司大件 飯唔多 同埋都幾好食 而丼佢加左d櫻花蝦乾 幾特別如果要搵樣野講下 就係佢d蝦唔夠凍 所以mama地Overall 我都會再黎 但應該會全部叫壽司

係上環黎講，要揀一間日本野堂食既話有好多選擇, 但打工仔有時想買下外賣既話，選擇就唔係好多。不過依間壽司店我覺得唔錯, 尤其係魚生丼黎講性價比都係中上。其實我每一次都係叫外賣, 叫完外賣就反公司食，佢既魚生丼都叫多變化既, 由78蚊都百幾蚊都有。我自己就比較鍾意食三文魚、蝦同埋海膽，所以多數都係揀三文魚丼。今次揀左三文魚虎蝦井, 有四片挪威三文魚, 都係厚切。而且有三文魚味, 唔係普通放題既三文魚咁無咩味又會加D雪做配料，虎蝦都唔錯, 都新鮮。不過，個魚生丼既飯就有D蘑菇，我個人就無咩所謂，但可能有人就覺得麻麻地。至於個餐配埋個面豉湯, 個湯就無咩特別啦。下次試埋佢D海膽先。

如果要數近年人氣最旺的食物，相信不得不提海膽。由街頭巷尾的巨型海膽手卷，到不同料理店的海膽菜式，都得到大家的歡迎，相片更是非常 instagramable。 平有平食，貴有貴食，我最近很喜愛光顧這間「海膽屋」。 小店的格局，不收加一。若單憑海膽來說，可以說是豐儉由人；由最平的韓國馬糞海膽，到中價大塊加拿大海膽，到日本貴價海膽都齊全。 各式豉油及汁醬任君選擇： 又有即開的生蚝及赤貝： 之前來吃手卷，三個地方的海膽都吃過，性價比最高的是加拿大。今天我改吃了丼飯，也不算貴。 「原版馬糞海膽陪阿根廷牡丹蝦丼」$138 韓國的味是較淡清香，用足一版，雖然未及加拿大的柔滑質感，和鹽水海膽回甘味重，以這個價錢吃到一版都相當抵，起碼新鮮沒有出水。 三隻阿根廷牡丹蝦是大得誇張，有我一隻手板這麼長！非常肉厚，我就略嫌它有一丁點腥，若以足料來衡量的話其實是無話可說。 另外點了一個「三文魚子蟹子丼」$98 本來我想要全部都是三文魚子，我的 comfort food ! 可惜不能轉，要另外再買一份，我覺得分量又太多了，就這樣吧！ 一大堆鹹香的三文魚子，好滿足；蟹子一向不是我杯茶，份量卻下得很

9點落堂專登唔搭叮叮而去地鐵站嘅海膽屋買嘢食，店內三張檯得兩張有人，於是我都選擇靠窗位置堂食。要咗加州手卷同加拿大海膽手卷合共76蚊，材料到夜晚依然好新鮮，海膽落得好足及味道鮮甜，但更鐘意加州手卷內嘅牛油果帶出的豐厚口感。下次會再來試下其他嘢～

係海味街估不到有一間壽司刺身店，叫海膽屋，即刻吸引了我。原本去上環飲無味精靚湯，點知見到店內刺身新鮮，生蠔，活貝類等， 有很多日本飲品，簡單佈置，忍不了選了2個手卷，湯就食完壽司再飲吧惡魔出現了！我並不肚餓，所以只點2個手卷，生蠔$48一隻，感覺太貴了， 選了1一個健康的加洲手卷$28 有青瓜絲，牛油果，蟹柳絲，蟹子，甜蛋，最特別多了一種葉子，令到食落有一種香草味，我很喜歡很特別！海膽壽司，這裡有3款，普通海膽，有最靚的韓國馬糞海膽，中價的加洲海膽。選了普通海膽手卷$38有半板很經濟，大大份，顏色都好靚。平宜都很鮮甜沒有腥味，新鮮。見到牆壁餐牌，選擇很多成10個款以上，一個丼飯，都係$78 很吸引，另外多款刺身拼盤$88 一份，不要忘記這裡是中上環區，鋪租不便宜，以這個價錢食新鮮刺身，壽司，定食，卷物，真的是不錯選擇。喜歡它明碼實價，自助舒適。大量日式飲品……

上環地鐵站旁邊有間魚生店成日人頭擁擁。放工落到黎搵嘢食呢，就試試佢囉。店舖細細，樓面嗰位女士呢，相信都係老闆娘嚟架啦。一入去都幾好笑容招呼你架。不過感覺都有啲cool cool地。所以費事係人哋個鋪入邊周圍影啦。係咪好壯觀呢？叫咗咁多野先至三百幾蚊咋。因為有名你叫海膽屋，咁梗係要叫下海膽試下啦。咁我老公話：一係唔試、一試試最貴最好嗰個啦。加拿大海膽手卷係＄59一個。佢話有半版海膽。的確係足料嘅！而且啲海膽係好新鮮，唔會有一陣噏味。係咁甘甜甜而且係好多汁。真係超正！推介俾你哋！跟手就食佢個前菜螺肉仔啦。新鮮彈牙，個汁都好好味。定比起你去迴轉壽司食嘅新鮮，唔會雪到啲汁杰撻撻。鍾意食蔬菜嘅我梗係要整返個芒果沙律啦。佢呢個沙律嘅份量非常之大，兩公婆食都夠啊。芒果呢又好新鮮，而且佢比好多蟹子係面。所以＄48係合理。呢個八爪魚sushimi呢不得之了!好驚喜係呢個八爪魚肉係好彈牙煙韌！一啲都唔係食緊擦子膠、香口膠嘅感覺！喺出邊從來唔鍾意食八爪魚sushi, 係因為未食過好食嘅。呢次食完真係令我改觀，原來新鮮嘅八爪魚係咁好食呢個大蝦，都係非常之咁新鮮。食完呢個唔會再想食超市嗰啲。因為佢蝦肉好靚，而且

小女第一次寫食評就獻給這一家高質的日本壽司刺身小店平常下班後都會到上環做gym, 有時經過這家食店都會給他們店外超大張的海膽照片吸引, 今天終於有機會一試了! 我和男朋友點了13款壽司其中包括有赤貝,北寄貝,玉子, 白肉豚, 三文魚腩, 劍魚腩, 芥末八爪魚軍艦, 馬刀貝 - 味道不錯, 跟其他連鎖壽司店差不多, 但價錢又相對便宜而我個人極推介北海道帶子 - 大粒又新鮮 ($16/pc) 重點來了! 海膽! 這裡有三款海膽, 分別是普通的韓國海膽, 加拿大海膽 和 日本馬糞海謄 我們分別點了海膽軍艦($28/pc), 日本馬糞海謄軍艦($68/pc), 加拿大海膽手卷($56/pc)店員貼心提醒我們要先吃日本馬糞海謄軍艦 然後再吃韓國海膽味道馬上高下立見 - 日本馬糞海謄十分鮮甜令人回味無窮~有見及此我們馬上再點加拿大海膽手卷試試雖然沒有日本馬糞海謄好, 但又在韓國海膽之上值得一吃總括而言, 在香港以這樣的價錢能夠吃到這個質素的海膽和壽司真的很正值得再來~ 溫馨提示: 這家店應該是主打外賣, 所以他們只有少量座位

上環新開的一間日式主打外賣/海膽，午膳突然想吃點壽司刺身，不用走到上環尾/ifc。海膽屋當然主打海膽，現場所見有多款海量海膽。現成一盒的壽司款式不算多，但客人可以單點。各款丼飯也一目了然在牆上供選擇。還有新鮮的生蠔。老實說選擇可謂十分多，午晚餐都可以。也有數個座位供堂食。是日午餐選了個$78元的丼飯，先試虛實。此丼包括了三文魚、原只甘蝦、虎蝦各三件。飯加入了碎碎的菇，老實說不是我喜歡的口味。三文魚比較乾了點點，吃起來好像不太夠油份。而付送的味噌湯也比較淡。丼飯的膠盒貼心地加上了方形紙套，令到吃飯時碗不會走來走去。吃完此丼，心中難免會與上環街市附近的「創壽司」作比較，因價為相同。論丼的話我會選擇走遠一點到創壽司。當然海膽屋的主打是海膽，只評論丼飯也不能決定整體的性價比。所以在不久的將來，會再嘗嘗他的海膽。

呢間壽司店本身開係紅磡既之後搬走左😟😟好彩 之前有set低外賣電話📱而又見到佢重新開翻 就特登黎試啦搬左過黎上環之後質素不跌反升👍🏻同男朋友黎食左幾次架喇第一次打既食評就比左佢🍣因為真係大大件 又新鮮! 💕💕當日原本想試下呢度既拖羅既可惜老闆娘話 朝早來貨唔新鮮無要到少少失望 但絕對欣賞呢種態度! 👍🏻揀幾樣黎講下啦🍣三文魚 😊呢度分幾隻既 有普通三文魚同珍寶三文魚一分錢一分貨 但普通既都唔會差💕吞拿魚 😟係有失望既 吞拿魚係真係0油脂 下次會想試下拖羅😟松葉蟹膏軍艦😍呢個十級正 蟹膏超濃味 hi少少落個口度味道已經可以last到好耐 最推介係呢個! 💕💕阿根廷大蝦壽司👍🏻蝦肉爽口新鮮 每次黎都會食!海膽醬燒三文魚😍😍海膽醬燒同普通灸燒價錢係一樣既 強烈推薦海膽醬燒! 芝士燒都會有一片芝士放係上面架😍

第1次都海膽屋，心思思諗食邊款好，有韓國，加拿大，日本，原本揀2份韓國，多得個女仔介紹，加$80 upgrade一份改為加拿大海膽，高下立見，加拿大好鮮味，韓國就變為無咩味😂 加拿大🖒🖒下次會試埋日本的~地方唔似餐廳，似吧台個隻，食野坐陣都ok，不得不提個女仔好細心，會留意你提你比多個建議你，但唔hard sell，之後仲會同你傾計問下感覺如何，好relax~~ 如果唔係下午食左野仲會要多set試下，期待下次~

之前睇雜誌見到上環喱間海膽丼，已經好想食,難得今日放假終於有機會嚟試試，原本揀好咗要食韓國馬糞一版加阿根廷大蝦三隻既丼$138，但店員介紹我可以加＄80由韓國馬糞海膽升級做加拿大海膽，難得遠到而黎,就膽粗粗決定升級！當我同朋友見到盒飯大家第一個反應就是＂嘩＂，啲蝦大隻到個盒都放唔落，店員亦很細心地提醒我這種蝦個頭都可以食，果然蝦頭有好多膏仲要好甜。到食海膽，我先知原來海膽可以咁好食，其實我未試過食加拿大海膽，一路以來都唔知海膽有咩分別。個飯仲有加入左青瓜有一種好清新嘅感覺加拿大海膽Creamy,仲有種入口即溶嘅感覺。讚讚讚！

第一次嚟此店，老闆娘介紹海膽加阿根廷蝦（J43）加$80升級變加拿大海膽。海膽同蝦新鮮肥美，入口溶化。海膽數過都有10塊以上，入面平均七塊都有一塊綠箭香口膠咁大塊，好抵食！