海皇粥店 (好運中心) (已結業)

天氣淡熱，平時又食左好多熱氣野，今日就同媽咪去食粥，下火啦😂去到沙田行街，見到有海皇，就入去食啦。入到去，先買票再坐底等食。我記得已前去海皇粥店食野，係好似茶餐廳咁，有侍應落單，而家又改進左了。我重發現佢地有好多新既食牲竹提供，吾止係一個食粥既地方了。佢地有快餐既飯類，湯飯，蒸魚餐等等，好多元化，好多野食👍🏻👍🏻我同媽媽就選擇左豬潤鯪魚丸粥，蝦米腸，油炸鬼，陳皮鴨腿湯飯加菜。叫左好多野食，跟住就排隊攞餐。醬料都改成自助區，想要多啲醬都吾駛求服務員😂😂鴨腿湯飯我覺得最特別，啲湯好香陳皮味，鴨腿啖啖肉，真係勁好食。豬潤粥方面，媽媽話豬潤好新鮮，出面好多地方啲豬潤係未熟晒，但佢地真係放入煲煮嫁，所以熟晒，食物安全好重要👍🏻👍🏻米粉同菜就無咩特別，正正常常。不過如果大家都想食到咁多完化既食物，都可以去海皇試下👍🏻👍🏻

海皇粥店 相信大家都唔太陌生真係讀書到依家耐唔時總會入去食返餐今晚咁岩呢頭收工 一行出好運諗緊食咩之際另轉頭就見到海皇 二話不說就入左去依家既海皇原來已經唔單只得粥 仲有幾多選擇店內坐位都幾多 雖然個晚正直繁忙時間 不過搵個位都唔難今晚叫左個艇仔粥非常足料丫 豬皮 魷魚 好多 配合合埋一d 較脆口既配料 花生 油炸鬼非常有口感丫粥底方面都做得唔錯 非常棉兩者配合真係唔錯食粥緊係唔夠 所以叫多左個炸両可以係醬料區調一調自己食慣既味道食炸両最緊要係入面夠脆 夠新鮮今晚阻真係做倒 一個人俾我清哂天口都有d 熱 所以都忍唔住叫多左杯凍豆醬 三者配合 真係冇得輸既今晚呢餐 60幾蚊 價錢合理 可以一食丫

今天同母親大人一起行，行到攰攰哋，就去咗海皇粥店食嘢，入到去非常之人多，我立即叫他找位置，好不容易才找到一個舒服的位置，叫了三碗粥，一碟腸粉一個炸兩，一碟牛肉腸，三杯豆漿; 價錢都只係150蚊,真係非常之抵食,沙田粥海皇粥店食嘢質素都唔錯,而且亦都好新鮮感,以前的普通牛肉粥已經唔同咗,畀我一個好新鮮嘅感覺!

今日收工時天黑黑，怕有大雨，就坐了公司校巴到沙田市中心，順便食左野再打道。天氣咁熱，見八達通有優惠送油炸鬼，就去好運海皇食碗粥。艇仔粥即點即做，店員把配料放入碗，再把滾粥撞入，新鮮粥品就可以食了。粥底的米煲全化成米化，入口綿密又不過重口味。可惜粥料很少，只有少量碎牛肉，2，3幼條水魷和一堆浮皮，再撒上少少炸花生和2片油炸鬼。艇仔粥常有出現的魚片，肉絲蛋絲等則不見蹤影。而鹹肉粽，很扎實，糯米亦煮得淋軟，味道也很足，不額外加豉油也夠味，可惜饀料也只有很少，綠豆很少，只有一片簿簿的五香肥肉，如指頭大少瘦肉和蛋黃各1粒。免費送贈的油炸鬼很大條，外脆內軟，頭尾更是香脆，不過可能是油炸得太耐，所以吃起有點老油味道。海皇的食物，制作是不錯，味道也理想可惜現在用料很一般，影響出品的整體水平。

今晚朋友相約出來交收文件，反正今晚剛OT完仍未吃飯，就相約在附近海皇粥店見面。菜牌顏色好sharp 又有圖片，每項可以附加食費及收費，也清楚列出一目了然。三款新菜式，大大個牌好吸引。竟然有部好少見自動筷子消毒機用個鐡煲放部隊鍋，外形有點怪，不過打開煲蓋，看見材料十足，有火腿丶香腸丶午餐肉丶泡菜及最愛溶芝士。微辣加溶芝士，味道配合得好好。凍豆漿跟餐大大杯。皮蛋肉丸廣島蠔粥配蛋黃䶢肉粽蠔夠大隻，即叫即滾，蠔肉保持嫩滑粥㡳也十分鮮味。䶢肉棕有齊綠豆丶䶢蛋丶豬肉，材料十足。

出開沙田求其搵地方食飯，估唔到呢間海皇粥店仲喺度，話說當年我同同學喺度一齊睇報紙放榜，轉眼間已經1x年，即管來懷緬一下。呢間海皇相當大，有勁多位。自己排隊買票後就去櫃檯攞嘢食，店內有自助水機和自動筷子機，好方便。以前嘅海皇粥店就只有粥品售賣，但我留意到佢舊年開始越來越多新花款，有飯有小菜，連部隊鍋都有！呢個係我幾讚賞佢嘅管理層，肯作出改變來迎合市場需求。今日叫咗肉燥雞扒煎蛋飯（$42 ）配豆漿。肉燥份量多，煎蛋係生熟蛋，很喜歡。另外有番茄牛肉湯飯($38)，啲蕃茄湯好濃郁，仲有好多舊蕃茄，牛肉都唔少而且唔算韌，湯飯好味。另外仲叫咗個「大富蠔粥餐」，係皮蛋肉丸廣島蠔嘅粥，可以揀配炒麵、米粉、油條或者鹹肉糭，我哋揀炒麵，炒麵都好大碟，炒得乾身又夠味。個粥嘅廣島蠔有3隻，好鮮味，連帶個粥都好味，肉丸彈牙。我諗其中佢能夠係度屹立多年既原因，就真係抵食夾大件，所以受到街坊支持，或者黎行完街既人，食番個快餐叉電都係不錯之選！

依家既本土粥舖真係買少見少，所以依家想食粥都多數幫襯大型連鎖粥店，海皇粥店都有唔少分店，之前食過沙田分店覺得質素ok，所以今日又去食下~.居然朋友話今日唔想食粥，反而想試下佢啲炒麵、腸粉同油炸鬼，真係估佢唔到😅🤣.炒麵色澤都算均勻，份量都幾多，最欣賞佢係唔會好碎，味道亦適中👌 腸粉整得算幾薄幾幼滑，不錯的🙂 至於油炸鬼就做得最出色啦，炸得外脆內軟，就算無溝埋粥食，都唔會覺得太油膩，加上粉團本身落左鹽調味，幾好食😋！

今日同朋友喺沙田行緊街佢哋就去咗沙田好運中心嘅海皇粥店食嘢裏面環境都好大所以我同朋友就立即搵咗位坐低!朋友則叫了一個麻辣狀元雜錦粥， 而我則叫了一個黃金帶子笑蝦蝦粥， 牛肉腸粉！ 真的好耐冇去過海皇粥店食嘢，估唔到現在有這麼生款的粥，粥底好棉，好香，好甜，加埋海鮮簡直令到這個粥錦上添花，狀元粥好多料， 真的食極都食唔完， 黃金帶子笑蝦蝦，粥的蝦同畊帶子非常之新鮮，最後值得一讚就是牛肉腸粉咁多年都冇變，keep得好好水準！

相信10個香港10個都食過海皇粥店，沙田哩間就腳方面，喺火車站行過嚟5分鐘都唔洗👍 今晚好肚餓，所以決定叫多啲食豪啲🤣 但其實點豪都只係幾十蚊一個人……-☆ 海龍皇餐 HKD$60套餐包括海皇一品粥、即拉鮮蝦腸、油條及自製豆漿，勁多嘢食，包保你一定超飽🤤 一品粥材料吸引，包羅萬有，有蝦仁、雞肉、鮮魚片、肉丸、薑絲及花生等，口感非常豐富，鮮味十足，所以個粥非常之甜😋😋 油條香脆內裡軟腍，用嚟送粥一流👍 鮮蝦腸外皮軟滑，蝦仁大大粒超爽口👍豆漿大大杯，唔會好甜亦有豆味，熱辣辣用嚟消暑一流。-☆ 大富蠔粥餐配炒麵 HKD$58即叫即製，夠哂新鮮軟綿🤤 大富豪粥即是皮蛋粥配肉丸及廣島蠔，廣島蠔份量十足，大大隻漲卜卜，咬落夠軟腍好香蠔味🤩 超級好食！而炒麵都不錯，麵夠挺身色澤均勻，唔會軟腍腍一pat pat。

好運呢間海皇粥店已經好多年, 一直都屹立不倒, 可以話係沙田市中心數一數二最抵食的食店~店內廚房一樣高透明度, 一眼睇曬成個廚房, 炸油條, 布拉腸粉, 粥, 全部即做~店內座位數量十分多, 人流亦好多, 好多人排隊四野食~依家海皇粥店唔止粥品/油條甘簡單, 仲有飯類及韓式部隊鍋!瘦肉艇仔粥 - 粥底十分綿, 亦好夠味, 條條殺肉仲有大量魷魚/花生/豬皮等等, 魷魚夠爽口, 豬皮吸曬粥底一齊食!牛脷酥 - 超大件, 又夠質, 唔係空心架! 外皮都炸得幾脆, 食完一件牛脷酥真係超飽!炸腸 - 又薄又滑的膠粉包住新鮮炸起的油炸鬼, 外軟內脆, 醬汁可以自己任加, 正呀!雞翼肉燥大碗飯 - 大量肉燥 + 2隻大雞翼, 肉燥比較多洋蔥, 味道都唔差, 雞翼好入味又大隻, 要食飽唔係難事!部隊鍋 - 即時煮的部隊鍋 - 麵底好好咬口, 夠曬辣夠曬刺激! 部隊鍋內有火腿, 腸仔, 芝士, 午餐肉!套餐仲有大大杯冰凍豆漿, 唔太甜多夠曬凍, 岩曬SUMMER!每人都係幾十蚊, 超抵食!

沙田鋪租一向比較貴，所以想食餐比較便宜的晚餐都唔太容易。今日同朋友行完街血拼完，都係平平地食一餐就最滿足，因為要慳番d麻。行左黎好運中心比較平民化的地段，見到海皇粥店就衝左入去了。餐廳地方都好大，又乾淨又企理。晚市餐牌都多野選擇，所以都諗左好耐饂飯定食粥好。兩個人就少少地點了豬潤蝦米鯪魚球雙併生滾粥（$41）加$10炒麵再點了香茜叉燒腸（$24）。朋友係芫茜控，即使要加$1都照殺。流水式作業，食物好快就準備好。自己又可以添冷熱水，醬汁芝麻任加，而且樽身十分乾淨。好滿意！食物十分大碟，的確好抵食！叉腸豉油分開上，十分啱心水，因為一向唔太喜歡點太多豉油，健康d麻！用料十足，芫茜叉燒簡直絕配，腸粉夠薄十分滑身，而且即叫即制，十分新鮮！炒麵炒得非常靚仔，油水十分充足，條條分明！點上甜醬同芝麻，兒時回憶番哂黎！好好味ar!雖然油左少少，不過炒麵唔夠油炒的確冇咁好食嫁！雙併生滾粥十分大碗，豬潤大大件，十分新鮮爽脆！蝦米鯪魚球充滿陣陣陳皮香，蝦米同魚味都十分特出，入口彈牙，唔會好似食麵粉球的感覺！跟粥會送埋半條油炸鬼，真係好好味ar!海皇粥店性價比高，下次都會再黎幫襯！

見有少少唔舒服想食得清淡啲，想食粥就即刻諗起海皇粥店！真係好耐冇食過啦😂而家出咗好多新嘅菜式例如蕃茄米線，肉燥飯，都係以前未食過嘅！如果唔想食粥都仲有好多其他選擇，不過我都係決定食番次次黎都食嘅皮蛋瘦肉粥😂。特餐包括一個小食，而且加少少錢可以有飲品。抵食又豐富！皮蛋瘦肉粥熱騰騰好新鮮，而且好足料！有好多皮蛋同埋瘦肉！味道方面清清地又有啲肉嘅鮮味，粥亦都夠綿。而且好大碗，食完都好飽。小食方面我選擇油菜，因為想食得比較清淡健康啲。生菜都幾大碟，而且都係熱騰騰嘅，都幾嫩。雖然係普通用水煮嘅，但係有醬油可以點。飲品方面叫咗杯豆漿。少少甜但唔會話好甜，都幾有豆味，加$6來講算OK。一個女仔來講食一個特餐都已經好飽！$47一個午餐而家來講已經係非常抵食！而且係一個健康之選👍🏻海皇粥店話晒都係快餐店，唔會expect超高質環境同服務，呢個價錢呢個質素嘅食物性價比好高！👍🏻

由於剛剛病好，想吃一點粥水清一清腸胃，就去到好耐都冇食嘅海皇粥店，裝修格局依舊一樣。餐牌有多款平民化價錢的食物，而且分開幾個類別，方便客人一目了然揀選，然後到收銀處點餐。另外還設有自助水機，有凍水和熱水供應，非常方便。朋友喜歡吃蒸魚，見到餐牌左手面的鮮味蒸魚餐$62很吸引，套餐包白飯和油菜，還可以選擇三種烹調方式，最後我揀了豉汁清蒸方式。鯇魚即叫即蒸，有我手板咁大件，食一啖落去果然好有鮮味，魚肉鮮嫩滑溜，加埋蒸魚豉油，簡直送飯一流。油菜味道新鮮爽口，最適合清一清腸胃。另外還叫了我最喜歡的油炸鬼及牛脷酥，店員預先切好一件件，非常體貼。來到必定要叫粥品，點了新鮮豬肉丸粥，粥的質感軟綿綿，好入味。還有炸兩和蝦米腸，腸粉皮很薄，外面還有很多醬汁以自助形式拿取及調配。最後飲番杯熱豆漿，豆味很重，為呢一餐豐富的晚餐畫上句號。

讀書年代時（二十年前😜），久不久lunch都會去食下粥，仲記得果陣D粥煲得又軟又綿，配料又足，油器又炸得脆卜卜，腸粉熱辣辣...但今時今日，往事只能回味。首先，個粥一D都唔香，花生又諗曬，不過因為都煲得綿，還可算是普普通通，但我估只係將粥同料倒入碗內，冇用小煲煲下，所以個粥食唔到配料果種香味。油器唔脆又厚身，食得出好足麵粉，但亦因為咁，所以唔脆，再加上涷上，所以真係冇下次。腸粉，厚但唔夠滑，同唔夠熱。全餐飯，除左可以充飢，就真係冇其他詞語可以形容。另外，粥店賣飯，都可以理解，但本業都顧不好，仲賣埋米線、西餐、火鍋...不如賣番好個粥，攪好個招牌才再發展吧。

員工服務態度惡劣 落order嗰陣一時忘記出示學生證想同佢講返畀返學生優惠我結果個收銀不但止唔肯改單 而且態度仲非常之差...其實我都做過收銀 改返張單真係咁難咩?而且啲態度仲要好似唔休做咁...真係非常之失望~之後我去攞嘢食嘅時候 嗰啲員工嘅態度都係非常之差 對客人呼呼喝喝真係令我對呢間餐廳極度失望以後都唔想再去! 其他分店都唔敢 因為唔知管理層點管人以前去過彩雲嘅分店裏面啲員工都唔係咁...起碼有返基本禮貌