更多
2020-03-04
478 瀏覽
冬天最啱就係食碗暖笠笠嘅廣東粥🥴。最近都陪屋企人食過幾次,估唔到每次都有新menu!.黃金帶子笑哈哈粥 拼炒米粉 $62冇諗過係原個砂煲上,份量超級多。粥底好鮮甜,海鮮略略滾過,仲保持到口感。米粉有少少蔬菜,食落好清新。呢個餐其實夠晒兩個人食。.豬扒餐肉飯 連飲品 $42豬扒好大塊,醃得好入味。個咖哩汁送飯一流。.XO醬煎蘿蔔糕 $24蘿蔔糕充滿蘿蔔甜味,而且煎得香,最緊要有香濃惹味嘅XO醬。.西生菜 $18健康之選。我最愛將佢浸喺粥度食。.熱豆漿 $11香濃大豆味道。鐘意佢地唔會預先落糖,可以自己調味。
張貼