海港酒家

營業中

休息中

話說個日唔使番工,呀爸就好開心咁帶左我出街食飯知道龍蝦做緊優惠,去到月尾,大家快D去食呀!!!我知道4條友去食飯,理應最多叫5碟棻,但開心又大食既我地叫左7碟,可謂嚇死人, 隔離枱都望住哂,驚人情度爆哂言歸正傳, 所布食物都好好食,唔講有咩食喇我POSE哂相出泥, 你地就知有咩好野食嫁喇不過漏左個最重要既甜品--椰皇燉雪蛤,,,,可惜.....大家不防去試試, 因為商業區, 所以環境較好, 相比起人流多既雜區,這是一個唔錯既選擇

見有時間，陪下老人家來呢度飲茶，順便去金魚街買魚～～～12點幾來，都要等5分鐘左右位～拿佐#入佐細廳，沒人帶，好在自己見到張檯于是坐低，點曬嘢食都唔見阿嬸來Jum茶～d嘢吃都ok，排骨燒賣都過得去，煎釀茄d皮就炸到硬佐d.....吃到差唔多埋單個陣先有下午茶特價點心紙出來，哇，好平，超抵羅～聽講呢度打邊爐正，下次再來試～～

上次去左大埔海港既不快經歷返返黎太子海港宵夜又有返特價既安格斯牛柳粒 真正仲有真真正正既腐皮酥不過有樣野真係NO GOOD叫左個蟹粉丸 但黎左之後發現係蟹籽丸仲有今晚D雲吞味好似怪怪地....不過食28蚊食安格斯牛柳粒就抵返晒啦

平時同屋企人 打邊爐多數都係去旺角雅蘭稻香因為平丫MA宵夜邊爐但之前同一大班親戚黎海港呢邊打宵夜邊爐先發覺呢度係另一個好去處一來唔洗等位 二來食物比較多元化吃得多稻香 過黎呢便食 都幾新奇下結果今日又黎食先講服務先 呢間野既員工唔係幾夠有時想叫佢加下水 拎下火鍋紙都幾麻煩下不過唔怕 D火鍋食物都幾唔錯推介既有 1蚊個大地魚湯底 - 好有料 幾鮮 又有魚頭在內 唔錯安格斯牛柳粒 - 打邊爐食安格斯牛柳粒都幾新奇 宵夜又有特價一個唔記得叫咩名既腐皮穌 - 真係好正 每次食都起馬食兩碟 算係呢度既必食料放落鍋度淥一淥 大約5秒到 正!!!!!!!! 好食過魚皮, 炸支竹 等等香口食物真係好正 黎呢到食完呢個 真係滿足晒 唔係我話誇張架呢度真係宵夜邊爐好去處 三五知己一齊打過邊爐 不知幾過制 哈哈見到下面位人兄話 擺酒所以無邊爐打 我又覺得奇WO有一晚 我去到 個場擺梗滿月酒 但出面都開放比人打邊爐食小菜不過認真的說 海港個場的確幾細下

呢篇唔係食評, 因為我食都冇食到話說我之前來過打邊爐, 大家可refer 番我之前的entry覺得好好味, 所以今日book 左8:30 同兩個朋友來試哈, 8點多來到, 個支客同我講, 酒樓做緊酒席, "霖"檔呀, 介唔介意食小菜我話下? book 果陣唔講o既, 佢話當時唔知道...唉, 一聽到覺得好差囉, 冇晒心情呀!!一怒之下, 走人完了

今日雖然3個風球, 不過都照常同家人飲茶.聽人講呢間下午茶幾抵食(不過等好耐位)就同家人來試下,唔知係咪今日天氣mama既關係..等左一陣(少於30min就有位).3個人叫左9個黠心, 大中小點都係計小黠,所以都係叫大點抵食d, 1叉燒腸幾薄皮,2 上湯鮮竹卷3 賽磅餃4 茄子5付皮卷6 生煎包7 蘿蔔絲8 鮮尢第9 姑姑卷..成日飲茶既我都覺得呢間點心幾好味幾ok.不過d茶味就一般.唔太好好飲.有改善既空間...

首先, 有得book 台真不錯, 開頭擔心佢6:30-8:30唔夠食, 但最後都無理時間lu, 我奇就奇在佢地唔係任食, 點解會限時呢, 下次再問清楚!ok, 入正題, 三個人打邊爐, 讚一讚佢塊電磁爐板, 超正, 唔係用gas, 同埋最大火可以220度, 超正呀, 基本上160度已經不斷滾滾滾, 打得好開心湯底方面:叫左沙爹湯, 好濃夠味!醬汁方面:有得混醬- 生蒜, 炸蒜, 蔥粒, 沙爹醬食物方面(每碟$28):- 鮮枝竹(大大兜, 好抵食)- 日本烏冬(果然係好好味, 係煙un 感覺)- 韮菜餃(新鮮包, 仲有蝦, good)- 肥牛(一碟8塊, 少就少但好味)- 芝心牛丸($38, 唔錯, 勁大碟, 有陳皮味, 但芝士有時漏了出來, 最後有點痴底)- 蝦丸拼墨魚丸(實左d, 可以一試亦可以不叫)- 豬肉青(新鮮, 有菜jin 底)- 安格斯牛柳粒(超正!貴d $68, 但勁大兜,應該有兩塊牛扒切出來咁, 鬆化好味!!)叫左一jar 橙汁(應該係果汁先生, good)最後埋單$420, 我覺得OK, 心郁郁要再去食~~