海港酒家

營業中

休息中

3個人不太餓又很久沒去這間晚飯， 所以就再去試試，但似乎比前差了許多許多！前菜青瓜雲耳，鹹到食不下😖叫了一份特價乳豬，切得幼幼的有幾小片，皮尚算脆，但下面的肉一至二條完整薄肉片，其餘都是碎濕濕的幾粒肉再叫了上湯龍蝦伊麵加一隻乳鴿， 等了很久， 原來要幾份一起出， 整碟龍蝦只有一件比較彈牙，其餘都霉，調味也不太好👇而乳鴿就偏鹹😔還有一隻大眼晴的大烏蠅🪰飛來飛去🤨茶葉偏少，冲水三次已全冇味道全晚最好的是白飯，真無奈！

打算慶祝母親節一家八口一齊去飲茶，本身都聽聞海港啲野麻麻地，但貪佢地方大，同大集團應該差極有個譜。果日母親節前日（星期六），以為中午會好多人，特登早一個鐘去等位，等左十分鐘就有得入去，都奇怪點解咁少人，原來係有原因架。太耐冇飲茶，唔記得規矩，我就問帶我入枱個紅衫阿姐「茶可唔可以叫兩款架？」佢答我「你要問白衫推車果啲，茶水唔係我負責架」當初冇為意，覺得兩個部門，各自負責唔同野好正常。之後上點心上漏左醬料，咁我求其叫住左個紅衫阿姐同佢講話想要醬。佢態度勁差咁叫我問返白衫果啲職員，又係同一句「呢啲野唔係我負責架」其實好明顯係白衫同紅衫兩條team鬧大交，挽著啲坐係度食野嘅客。仲會冇嗱嗱幫我加單，明明冇點到，但擺左落我枱，問白衫上菜果果又好飲聾人咁唔認人，搵個紅衫嘅又話唔知道。最後唯有自己出去counter問佢拎返張點心紙續個對。最後發現多左兩個點心，不過同枱老人家冇為意，食左兩啖，所以算數啦。仲有好多架：白衫上菜見到空盤唔收走；特登讓個近大路嘅位比佢上菜，佢偏要係另一邊上，仲差啲整親老人家。總之服務真係好差。野食方面，除左雪山叉燒包特別少少之外，其他包類點心味道一般，而且好細舊。乾炒牛河好油

大埔寶湖商場二樓近日新開了集團式經營的「海港酒家」，某天我和我家老闆路過又姑且一試，這酒家經歷無數次轉手，點心越食越差，希望海港會給它一個救贖的機會。大約等候了15分鐘，慶幸能夠安排入茶皇廳嘆靚茶，室內裝修應該翻新了，第一次給我有靚靚的感覺，點心食物質素則是中規中矩，而其中比較「特別」的是炸兩，粉皮內除油烤鬼外亦有蘿蔔絲，老實說我並不喜歡這個口感。今次反而最驚喜的是價錢，原本知道茶皇廳收費會比較高，但這個午餐一盎六件收費才$199，比較附近的大日子酒家算是抵食很多了。

一行八人食晚飯，見到有個八人餐 $1388 ，諗住都唔會好大碟，因為個餐冇湯（所以加咗一個佛跳牆）。 個餐牌寫明乳豬半隻（所以唔影），之後嘅菜式款款都好大碟，基本上係食唔晒，早知唔叫個湯😅😅 。最令人驚喜，係個炸鮑魚，辣辣哋又香口。其他菜式都好一般，不過咁既價錢，算了😅😅。甜品：奶皇包+蓮蓉包 😋😋

今日係平日過嚟飲茶見到好多人排隊，等咗45分鐘先到入到去入面真係好多人，同埋啲位好迫等點心等咗勁耐食物質素係OK嘅份量又夠，味道都幾好價錢都OK唔算太貴只係真係好需要有時間先至好過嚟，

八人餐長腳蟹，$2680 長腳蟹大大隻，蒸得剛剛好真係好吸引擺上台大家都嘩一聲，好似未見過蟹咁阿拉斯加長腳蟹其他菜式都大大碟好足料，好似呢個菜咁呀綠油油，仲有大量嘅瑤柱，誠意十足龍躉肥美，火候足夠啱啱好然後又有脆皮鴻運奶豬半隻又有成大隻燒鵝王 啲肉都幾結實好味西蘭花有大大分嘅花枝象拔蚌 西蘭花炒得香口所以呢個set係有兩份菜, 好balance炸蟹鉗都好足料，食得出有蝦，唔係差麵粉另外仲有羊肚菌花膠燉海螺呢個餐嘅份量多少少都得

假日帶埋一家大細過嚟嗌小菜食晚飯，眼見都算多食客，餐牌都算幾多選擇蝦米雜菜粉絲煲都算幾足料，勁多蝦米，有啲肉碎、冬菇及椰菜絲，味道香濃，又唔會太鹹，都幾好食炸蝦餅一上枱覺得個賣相麻麻地，估唔到又幾好食，個蝦餅都幾彈牙！入口又唔會好油膩，點少少酸汁，不錯咕嚕肉咕嚕肉個皮都算脆口，每一舊都癡滿晒醬汁，豬肉唔會太肥，都幾淋身；菠蘿都好新鮮，個醬汁送飯一流食物上面都幾好食，但可惜洗手間衛生極差，唔好飲咁多水，食完快啲走

本人於 13/9 訂購 你們乳豬$488 在17/9 1815時外賣自取。亦於今日 17/9 1815時到了你們大埔寶湖花園分店拿取，而你們其中一位男經理，將已分成兩盒之乳豬給我，我發現該乳豬完全冰冷，跟該經理說乳豬係凍既，經理敷衍就話只係個膠外賣盒凍，我除即係佢面前打開接觸盒內食物，該乳豬完全係凍！一點餘溫都冇！！經理態度非常惡劣！！話係咁架喎！！之後我賴死唔走，佢先求其拎入廚房唔知用咩加熱！！等三分鐘後，黑口黑面將兩盒乳豬好似垃圾咁扔入袋！！老實講，係因為本人今日有長輩生日！如果唔係我會即時投訴亦唔會拎走該冰凍既乳豬走！！！而我網上訂購註明1815時拿取外賣，請問點解食物會係完全冰凍既？？咁我拿取揀選既時間又有咩意思呢？？我會將事件繼續投訴亦會係網絡媒體發放！！請你們公司給予一個能讓本人滿意之答覆！！謝！

一個月內已光顧兩次餸菜性比價高臨近中秋節預約，居然還可以預約兩張大枱。職員安排十分順暢，有禮貌。前一天禮貌致電本人溫馨提示令我花時間上來給個好評，就是酒家所有服務員的服務和態度十分值得嘉許。繁忙時間，服務員禮貌落單、細心服務我仲有好多月餅要雪，前台服務員和點餐、上菜叔叔💯埋單之後，有一位女服務員系餐桌附近氹到我屋企人好開心。「酒樓一般都係舉手通常冇人理你、見到你叫會掉頭走、經過會話轉頭幫你然後無左影」今日並吾系新年，無利是派。服務員的禮貌和主動真係令我哋好好享受我哋迎秋團圓飯再次多謝佢地😊疫情下，你們都辛苦了！

約埋朋友食生日飯，就揀咗海港。一嚟就打算食長腳蟹，再叫幾個小菜。隻長腳蟹係自己揀嘅，佢會叫你去魚缸揀，我最後撈咗隻兩斤幾嘅。到上枱嗰陣，啲膏有驚喜，多膏，肉多加嫩，鮮味十足，呢個要俾五粒星。其他例如牛仔骨，鮑魚雞煲，龍躉炒西蘭花，樣樣小菜都算俾面十足，唔算多味精。仲嗌咗個湯，當然一定知道係味精湯，但飲落比想像嘅清，味精少啲，湯渣亦好好味。總結來講，成餐飯都好滿足，埋單千鬆啲性價比都好高，會再去食的！

幾個朋友收工搵個地方坐低傾計食野，我地叫左一份晚餐孖寶，有乳豬，聖子，生炒骨，蟹子茄子，炒素菜，晚餐黎講，價錢唔算太貴，而且地方都坐得舒服，如果幾個朋友傾計食絕絕合適的。

今日同屋企人黎食lunch , 呢間海港唔錯。雪山叉燒包非常鬆軟，又多叉燒，推介。叫咗個孖寶，卡邦尼海鮮烏冬，d蝦勁彈牙，但就略嫌味道唔夠濃。糯米飯鬆軟、香口，亦非常推介。至於腸粉，入面啲蝦同蘿蔔好多好滿，食落滿足。

足秤鮮甜長腳蟹🦀阿拉斯加長腳蟹🦀 （$288/斤）隻長腳蟹好新鮮生猛，嗌咗一隻係五斤十，蒸完出嚟都好飽滿大隻，冇縮水，個蟹蓋爆曬膏，最啱同白飯一齊食🍚，蟹腳超級長，見到圖二係同我隻手掌咁長，蟹肉鮮甜🦀。如果嗌長腳蟹最好就多啲人一齊食，要一隻重秤啲嘅，試過三個人嗌隻三斤幾，即係就比較瘦削冇乜肉食，咁唔係好值啦+套餐 （$880）佢呢度如果嗌套餐就可以免加一同茶介濃湯花膠煲螺頭 個湯就中規中矩，都見到有足夠嘅材料有啲螺頭喺入面上湯焗蝦球伊麵🦐🍜個伊麵硬度適中🍜，唔會煮到淋哂，可以掛得住d汁，蝦球爽口彈牙🦐。原隻鮑魚頭扣花菇🍄呢個菜式都係中規中矩，冇咩特別。酸菜水煮魚龍躉件🌿🐟呢個本身對佢冇咩期望，點知係離奇地出色👍🏻，平衡得唔錯😊，佢個味道應該係調較至香港人嘅口味，唔會太辣，對我呢啲食BB辣嘅人都接受到，但係都會有少少辛辣咁同埋麻辣感覺，食完會好開胃，龍躉見到幾厚身，食落都有魚味🐟，同時都滲到酸菜嘅味道入去👍🏻脆皮醬燒雞（半隻） 🐔脆皮雞都整得唔錯，外皮香脆，有肉汁，肉質嫩滑🐔

蘿蔔糕就有啲啖味啦而且煎得唔夠香呀XO醬呢就唔夠多同埋香至於蒜蓉鮮魷方面…其實都有入味嘅，但係佢個蒜蓉汁就好水「叻叻」咁樣樣，不過由於口感到非常之好，唔會食到你覺得好似個胃好唔舒服銀住銀住咁！

大埔寶湖終開海港，人流不少，疫情下都有不少人買外賣。晚餐的小菜可以買外賣，有次就買了一個套餐外賣，作為家人生日的外賣套餐。龍蝦大大隻，看見友人都吃得大快朵頤，不過目測都覺得龍蝦肉應該有點兒過於煙韌，因此有點兒像橡皮擦一般。🤔外賣那條魚的包裝值得人鬧，因為我拿了落到地下，上了車不足10秒就已經發覺原來已經傾斜了，然之後魚汁亦都倒瀉到褲子上邊，又有魚腥，亦都引致車子有點兒魚汁，又不好意思又忿恨。不過外賣餐那個叉燒味道不錯，雖然看似只有一條叉燒剪開，但叉燒肥瘦均勻，不會太肥太瘦，味道也帶點甜香，有點兒焦香的叉燒，質感是相當好的。大粒蝦丸的份量也相當大粒，蝦肉成份不知有多少，但質感相當不錯，最少不會像新年吃蟹鉗，感覺整件也是魚蛋造成的那麼差。🤔欖角骨的味道最好，欖菜不算太過鹹，帶點香味，😬排骨的肉質有救均勻，吸點味，口感相當好。不過這個欖角骨，之後再來海港的時候，😅發覺套餐已經改變了，暫時沒有這個選擇。另外仲有幾次來買了些點心外賣，點心外賣都非常之周到，利用小型錫紙盤，然之後上邊還寫了要蒸多少時間，燒腩卷雖然我不吃芋頭，但是質地肥瘦均勻，不覺得太過肥膩，還有一小塊豬皮，沒有毛，吃起上來相當之有